Connect with Us

Skandali në “Fiks Fare”/ Fëmijë, emigrantë, të vdekur dhe të burgosur firmosin pro ndërtimit të HEC-it!

Denoncim

Skandali në “Fiks Fare”/ Fëmijë, emigrantë, të vdekur dhe të burgosur firmosin pro ndërtimit të HEC-it!

Publikuar

-

Fiks Fare denoncoi mbrëmjen e së mërkurës një skandal në Tepelenë. Një firmë, e cila duhej të merrte mendimin e banorëve për ndërtimin e një HEC-i ka falsifikuar firmat e tyre. Në listat e firmës kanë emra apo kanë firmosur fëmijë, emigrantë, persona që kanë ndërruar jetë, madje edhe një i burgosur.

Në redaksinë e emisionit Fiks Fare u ankuan dhjetëra banorë të fshatit Hormovë në Tepelenë, të cilët thanë se firma “Hidro Termo”, u ka përdorur emrin dhe listën ia ka dërguar edhe ministrisë së Infrastrukturës. Ata thanë se disa emra në listë janë fiktivë, kanë ikur prej kohësh nga Hormova, por për çudi emrat e tyre janë pikërisht në listën e firmës.

Gazetarët e “Fiks Fare” verifikuan disa nga emrat e pretenduar, ku rezultoi se në një dokument të datës 30 janar 2019, firma që po ndërton HEC-in i ka çuar Bashkisë Tepelenë një listë me emra që kanë qenë pro ndërtimit. Nga verifikimi rezultoi se kanë firmosur të gjithë pjesëtarët e familjes Fatia, madje edhe dy fëmijët e mitur. Ndërkohë, në listë janë edhe pjesëtarët e familjes Rrapi, të cilët janë prej kohësh në Tiranë. Në listë është edhe emri i z.Çelo Çela, firma e të cilit, sipas banorëve është e falsifikuar.

Ndërkohë, edhe emrat e Rudjan Dhromit dhe Qazim Elmazit janë në këtë listë, madje kanë firmosur. Por, sipas banorëve, këta nuk kanë qenë dakort, madje kanë firmosur edhe te peticioni i banorëve që janë kundër këtij HEC-i. Në listë ishte edhe emri i z.Kelian Gjinushit, madhe edhe firma e tij. Keliani tha për gazetarët e Fiks Fare se nuk ka firmosur në këtë listë. “Më dënoni me burgim të përjetshëm nëse është firma ime kjo në listë” tha ai. Sipas tij, në listë është edhe emri i nënës së tij, Festimes, por i kanë falsifikuar firmën. Gazetarët verifikuan se edhe firma e z.Igli Miha është false, apo edhe e Kajtaz Rulit. Në listë janë edhe dy të mitur E. Groshi dhe O.Groshi.

Sipas kryeplakut Irfan Çela, në listë janë edhe emrat e dy personave që kanë ndërruar jetë. Përkatësisht e Asllan Gjinushit dhe Xhixho Groshit. Gazetarët e Fiks Fare shkuan në varrezat e fshatit Hormovë dhe konstatuan se këta dy persona kishin ndërruar jetë. Në listë ishte edhe emri i z.Baki Kuça.

“Nuk jam dakort për ndërtimin. Nuk e di kush e ka vendosur emrin tim. Unë jam liruar pak ditë më parë. Kam qenë 8 vite në burg, askush nuk më ka pyetur jam pro apo kundër. Nuk e di kush e ka vënë emrin tim. Në listë është emri i bashkëshortes time si dhe i dy fëmijëve të mi, që janë në Greqi dhe Angli” thotë ai, ndërsa thotë se është totalisht kundër.

LEXO EDHE:  Denoncimi në Fiks Fare/ Interpoli deklaroi se nuk është e vjedhur, makina hetohet për 2 vjet

Banorët e fshatit Hormovë i janë drejtuar me një peticion ministrisë së Infrastrukturës dhe Energjisë, duke i kërkuar ministres Belinda Balluku anulimin e lejes së dhënë. Në datën 25 tetor, ministria i ka kthyer përgjigje banorëve dhe i informon se ka pasur një letërkëmbim me firmën “Hidro Termo”, ku kjo e fundit i ka dërguar edhe një dokument të datës 17 shtator 2019. Në këtë dokument, ndër të tjera, firma i thotë ministrisë se “jemi konform të gjitha rregullave dhe ligjeve, në firmat që ne kemi është edhe firma e kryetarit të fshatit, ajo e kryetarit të Njësisë Administrative dhe e kryetarit të Bashkisë Tepelenë”.

“Fiks Fare” pyeti të tre këta persona. Irfan Çela, kryetar i fshatit Hormovë, tha se nuk ka firmosur. Ndërkohë, Leonidha Shumeli, kreu i Njësisë Administrative Qendër Tepelenë, tha se “nuk ka firmosur askund”. Sipas tij, emrin e tij e ka përdorur firma.

Gazetarët e Fiks Fare pyetën edhe kreun e Bashkisë Tepelenë, Tërmet Peçi. I pyetur nëse ka firmosur apo jo për ndërtimin e HEC-it, ai tha se jo, madje për këtë akuzë do të ndërmarrë edhe veprimet e mëtejshme. Sipas Peçit, janë 17 emra që janë edhe në peticionin e banorëve dhe në listën e firmës. I pyetur se disa thanë se i janë falsifikuar firmat, kryetari tha se “ta verifikojnë institucionet përgjegjëse”. Në fund, ai tha se është me banorët, ndërkohë pohoi se pa konsultimin e firmës me banorët, firma nuk duhet të veprojë./Tch

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

“Stop” nga Gjirokastra/ Policia e Shtetit në shërbim privat të biznesmenit që grabiti vëllain

Publikuar

-

Nga

Pak kohë më parë emisioni “Stop” transmetoi rastin e grabitjes së 30 milionë dhrahmive të të ndjerit Hajro Buzheri nga vëllai i tij, Islam Buzheri. Ky i fundit pranoi, që i kishte marrë këto para dhe me paratë e grabitura hapi një biznes privat në Kardhiq të Gjirokastrës të quajtur GJIBU dhe një tjetër në emër të gruas, të quajtur Kovi Al, përmes të cilit bënte kalimin e parave.

LEXO EDHE:  Dita botërore kundër dhunës ndaj fëmijëve/ Manastirliu: Të gjithë bashkë për t’i mbrojtur

LEXO EDHE:  “Stop” denoncon skandalin/ Si mund të sigurosh një pasaportë falso në Shqipëri

Mbrëmjen e sotme “STOP” raportoi se Islam Buzheri përdor edhe policinë e Gjirokastrës, për të mbrojtur biznesin e ngritur me paratë e nipërve. Ai udhëton me makinën e policisë, me të cilën shoqëron edhe nipërit në rajon.

Emisioni “STOP”ka ndjekuR nga afër momentin kur policia shkon per t’i shoqëruar në komisariat. Për më shumë ndiqni videon e mëposhtëme:

LEXO TE PLOTE

Denoncim

Denoncimi në “Fiks Fare”/ Bulevardi i Ri, nga një anë ndërtohet, nga ana tjetër vidhet

Publikuar

-

Nga

Një nga investimet më të mëdha të Bashkisë Tiranë është edhe Bulevardi i Ri i Tiranës. Ky bulevard është menduar të realizohet në tre segmente, ku segmenti i parë është përfunduar dhe marrë në dorëzim nga bashkia Tiranë, ndërsa segmentet e tjera janë në punime e sipër nga kontraktuesi.

Por “Fiks Fare” ka arritur të dokumentojë vjedhjen që po i bëhet disa konstruksioneve metalik që përdoren për të ndarë rrugët e këmbësoreve me lulishtet që ka ky bulevard në segmentet ende në punim e sipër që nuk i janë dorëzuar ende bashkisë.

Ky konstruksion futet në tokë dhe shërben për të krijuar kufirin midis rrugës dhe lulishtes. Gjatësia e një konstruksioni të tillë shkon rreth tre metra gjatësi dhe peshë afro 13 kg. Këto konstruksione pas vjedhjes shiten për skrap.

“Fiks Fare” paraqiti me pamje se një pjesë e mirë e bulevardit të ri është zhveshur nga këto konstruksione metalike. Madje në disa pjesë ato janë gjysmë të hequra gati për t’u marrë e çuar për shitje. Me anë të kamerave të fshehura emisioni zbuloi mënyrën se si prona publike prishet, vidhet e më pas shitet në treg të zi për skrap.

Bashkëpunëtori i “Fiks Fare” bisedon me dy fëmijë të moshave 13 dhe 15 vjeçare banues të zonës të cilët frekuentojnë bulevardin, por edhe e vjedhin atë. Konstruksionet e shkëputura që u kapën nga vëzhgimi i “Fiks Fare”, merren nga këta dy adoleshentë dhe çohen në një pikë grumbullimi në rrugën “Jordan Misja” ku shiten për skrap. Kamerat e fshehta realizuar nga bashkëpunëtorët e “Fiks”-it tregojnë qartë pamjen e dy grabitësve minoren me konstruksionet metalike në krah dhe pa u shqetësuar nga askush në mes të ditës, prishin pronën publike e më pas i shesin për hiç gjë.

Gazetarët e “Fiks”-it nuk e lanë me kaq por shkuan edhe në pikën e grumbullimit të skrapit pikërisht aty ku u shiten konstruksionet metalike të hequra padrejtësisht nga Bulevardi i Ri.

LEXO EDHE:  Dita botërore kundër dhunës ndaj fëmijëve/ Manastirliu: Të gjithë bashkë për t’i mbrojtur

LEXO EDHE:  Fiks- Fare publikon skandalin/ Në Spitalin Ushtarak mungojnë protezat

Bashkëpunëtorët shohin në pikën e grumbullimit duke u hequr se kërkojnë të blejnë disa pllaka inoksi për t’i përdorur si fasheta. Dhe në pikën e grumbullimit blejnë pikërisht konstruksionet metalike të hequra nga bulevardi me një çmim prej 6 mijë lekësh të dyja konstruksionet e inoksit pasi bëhet peshimi i tyre.

Gazetarët u interesuan edhe në Bashkinë e Tiranës për problematikën e hasur, ku Drejtoresha e Investimeve znj. Ilda Qazimllari shprehet se ky është një problem serioz por jo i vetmi.

” Edhe në segmentin e parë që kemi marrë në dorëzim , para disa kohësh janë vjedhur mbi 100 spote ndriçuese që ndodhen nën pemë” shprehet Qazimllari.

Ajo pohon gjithashtu se dëmtime në këtë rrugë janë shkaktuar edhe nga përdoruesit e mjeteve për të cilët kanë gjetur një zgjidhje, kurse në vjedhje e spoteve bashkia ka kërkuar ndihmë policisë. Vjedhjet e konstruksioneve që po bëhen në segmentet në pronësi të firmës ndërtuese, janë kosto për Bashkinë e Tiranës e cila e ka bërë njëherë investimin. Megjithëse sipas znj. Qazimllari nga ana e bashkisë po merren masa si instalimi i kamerave të sigurisë për të frenuar këtë fenomen. Në fund drejtoresha e investimeve pranë Bashkisë Tiranë bën një apel qytetarëve për ta mbrojtur pronën publike.

Rreth 27 milion euro është shuma e vënë në dispozicion për ndërtimin e bulevardit të ri të Tiranës, prej të cilave 6 milionë euro janë kostot e parkingut nëntokësor. Bashkia e Tiranës ka bërë të mundur financimin e këtij projekti përmes një kredie të fondit Abu Dhabi. Ky projekt konsiston në ndërtimin e një bulevardi me gjatësi 1.8 kilometra dhe gjerësi 70 metra, që fillon nga ish stacioni i Trenit deri tek Lumi i Tiranës./ Top Channel

LEXO TE PLOTE

Denoncim

Fëmijet nuk kanë kopësht në Tiranë/ Veliaj hedh valle

Publikuar

-

Nga

Ish-kryeministri Sali Berisha ka denoncuar rastin e kopështit 41 në Tiranë, i cili nuk hapet që prej datës 26 nëntor, dhe ndërkohë nga Bashkia nuk ka asnjë përgjigje se çfarë do të bëhet me qindra fëmijë që frekuentonin këtë kopësht.

Në një postim në rrjetet sociale, publikon denoncimin e një qytetari, sipas të cilit për kopështin në fjalë një herë thuhet se është në rregull, një herë thuhet se ka dëmtime, dhe asnjë përgjigje nuk jepet nëse do hapet apo çfarë do bëhet me fëmijët.

Berisha akuzon kryebashkiakun Veliaj se hedh “valle” në media, ndërsa që fëmijët në Tiranë nuk kanë kopësht.

“Duke parë që po na bien ne vesh të shurdhët kerkesat tona si banore , qe me daten 26 nentor 2019 femijet na kane ngelur pa kopesht sepse kopshti numer 41 ne Tirane njehere e bejne te rregullt nje here e bejne te prishur nga termeti askush nuk na jep pergjigje se cfare do te behet me fatin e 360- 400 femijeve.Ju lutem publikoje pasi vetem nese reagon ti mos behet ndonje gje sepse askush nuk na jep informacion se ca do behet. Kopeshti eshte i mbyllur”-shkruan denoncuesi.

Skandal-Veliaj hedh fëmijët në rrugë/ Zbardhen gënjeshtrat e kryebashkiakut

Erion Veliaj përfshihet sërish në skandal/ Pazare dhe afera korruptive në Bashkinë e Tiranës?

LEXO TE PLOTE