Connect with Us

Pabarazia gjinore/ Shqipëria ndër vendet me diferencë të ulët në paga

Sociale

Pabarazia gjinore/ Shqipëria ndër vendet me diferencë të ulët në paga

Publikuar

-

Gjatë vitit 2018, treguesi i hendekut gjinor i pagave në Shqipëri tregonte një diferencë prej 10.7%, çka nënkupton se gratë paguhen mesatarisht 10.7% më pak sesa burrat.

Shqipëria renditet e shtata krahasuar me vendet anëtare të BE-së për sa i përket këtij treguesi.

Megjithatë në 2014-n, viti më i hershëm që INSTAT ka publikuar të dhëna në lidhje me këtë tregues, hendeku midis pagës së një gruaja dhe një burri ishte 10%. Që do të thotë për çdo 100 lekë që fitonte nga paga një burrë, një grua merrte 90 lekë. Pabarazia u thellua përgjatë 2015-s dhe 2016-s, ku treguesi shënonte përkatësisht 11.47% dhe 11.44.

Hendeku gjinor i pagave tregon diferencën midis pagës bruto që merr një burrë dhe asaj që merr një grua. Sipas një vlerësimi të Eurostat gratë punojnë falas dy muaj çdo vit, në krahasim me një mashkull. Me fjalë të tjera në BE gratë paguhen 84 cent për çdo 1 euro që paguhet një burrë.
Eurostat ka vlerësuar se ka qenë një progres tepër i ulët në zbutjen e këtij hendeku në vitet e fundit.

LEXO EDHE:  Studimi i EuroStat/ Pse Shqipëria ka pagat më të ulta në rajon?

Sipas të dhënave të Eurostat, hendeku gjinor më i ulët te pagat është shënuar në Rumani me 3.5%. E ndjekur nga Luksemburgu dhe Italia me 5%, pasuar nga Belgjika me 6%, Polonia me 7.2% dhe Sllovenia me 8%.

Në Bashkimin Europian, sipas Eurostat, vlerësohet se hendeku mesatar gjinor i pagave është 16%.

Nga ana tjetër, Estonia është vendi me hendekun më të lartë të pagave. Kështu diferenca midis pagës së një burri dhe një gruaje atje është 25.6%. Po ashtu edhe në Mbretërinë e Bashkuar, në Gjermani dhe në Çeki, hendeku gjinor i pagave vlerësohet më e lartë se 20%.

Hendeku gjinor i pagave është një tregues i pabarazisë së përgjithshme të punës midis grave dhe burrave. Në vendet ku niveli i punësimit është i ulët, hendeku i pagave duhet të jetë më i ulët se mesatarja. Hendeku i lartë i pagave është zakonisht karakteristikë për një treg pune në të cilin gratë janë të përqendruara në disa sektorë / ose profesioneve, ose në të cilat një pjesë e konsiderueshme e grave punojnë me kohë të pjesshme./Monitor

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Ndodh sërish në stadiumin “Air Albania”/ Tifozët e Tiranës thirrje “Rama ik”

Publikuar

-

Nga

Edhe në ndeshjen e sotme në stadiumin e ri “Air Albania” nuk kanë munguar thirrjet kundër kryeministrit Edi Rama.

Gjatë derbit Tirana-Partizani, një grup tifozësh të Tiranës kanë veshur bluza të bardha me shkronja blu, ku formojnë fjalën “Rama ik”.

Tifozët kanë dhënë një mesazh të qartë kundër kryeministrit, ashtu siç ndodhi edhe në ndeshjen e kaluar.

LEXO EDHE:  Gratë shkëlqejnë në drejtim/ Profesionet ku paguhen më shumë se meshkujt

LEXO EDHE:  Rroga minimale 400 euro/ Edvin Kulluri ironizon keq Bashën

Kujtojmë se në ndeshjen e Shqipërisë kundër Francës në 17 nëntor, stadiumi oshëtoi nga thirrjet “Rama ik” në kor, ndërkohë që vetë Kreu i Shtetit ishte i pranishëm.

Nga ana tjetër, ndeshja e sotme përfundoi 2-1 në favor të Tiranës./ CNA.al

LEXO TE PLOTE

Sociale

Historitë shokuese të krimeve seksuale në Shqipëri/ 61 % kanë viktimë fëmijën

Publikuar

-

Nga

Për herë të parë në Shqipëri, u prezantua sot raporti 10-vjeçar mbi krimet seksuale kundër fëmijeve dhe grave. CRCA/ECPAT Shqipëri, së bashku me Qendrën për Mbrojtjen e Fëmijëve dhe të Rinjve nga Dhuna  Seksuale në Shqipëri, sollën shifrat e krimeve seksuale që kryhen ndaj fëmijëve dhe grave, prej vitit 2008 e deri në vitin 2018. Ky Raport përfshin gjithashtu një krahasuese analizë të të dhënave statistikore për krimet seksuale të raportuara ndaj fëmijëve dhe grave. Të dhënat janë mbledhur falë bashkëpunimit me Policinë e Shtetit, Prokurorinë e Përgjithshme dhe Ministrinë e Drejtësisë.

Studimet shkencore prej vitesh tregojnë se në Shqipëri 1 në 10 fëmijë është viktimë e dhunës seksuale.

Ndërsa Vrojtimi më i fundit Kombëtar i UNDP dhe INSTAT “Dhuna ndaj grave dhe vajzave në Shqipëri”, zbuloi se rreth 8.6% e vajzave dhe grave kanë përjetuar dhunë seksuale të paktën një herë në jetën e tyre.

Raporti “Krimet Seksuale kundër Fëmijëve dhe Grave në Shqipëri”, evidenton se 61% e viktimave të krimeve seksuale janë fëmijë ndërsa 39% janë të rritur. Mbi 83% e viktimave të krimeve seksuale në Shqipëri janë vajza nën moshën 18 vjeç.

“Sot është dita kur të gjithë së bashku duhet të kërkojmë një qasje tërësisht të re ndaj dhunës dhe krimeve seksuale. Të gjitha institucionet së bashku me shoqërinë civile, kemi nevojë të ulemi dhe të zbatojmë masa konkrete të mbrojtjes, trajtimit dhe rehabilitimit të viktimave të dhunës seksuale. Nuk duhet të ndodhë më që viktimat të lihen në harresë, siç na tregojnë të dhënat e Raportit”-tha Altin Hazizaj, Drejtor Ekzekutiv i CRCA/ECPAT Shqipëri.

Të dhënat mbi 10-vjeçare tregojnë një realitet tepër të hidhur për viktimat. Nga 559 fëmijë viktima të krimeve seksuale që janë paraqitur pranë Policisë, vetëm 88 prej tyre kanë patur mbështetjen e Prokurorisë për tíu ndjekur çështjen. Shifrat janë tepër shqetësuese edhe përsa i përket gjykimeve të autorëve të krimeve seksuale. Nga 917 autorë të ndjekur nga Policia e Shtetit, Prokuroria ka ndjekur penalisht vetëm 71% të tyre, ndërsa Gjykatat kanë dënuar vetëm 44% të autorëve të akuzuar. Këto shifra janë tepër larg mesatares së ndjekjes dhe dënimit të krimeve seksuale në Europë.

Ndër rekomandimet kryesore të propozuara gjatë takimit ishin:

Krijimi i një njësie të posatçme dhe të përbashkët ndërmjet porkurorisë dhe policies, për hetimin dhe ndjekjne penale të krimeve seskuale;

Krijimi i Regjistrit Kombëtar të Krimeve Seksuale në Shqipëri;

Informimi i fëmijëve në sistemin arsimor mbi integritetin trupor, dhunën dhe ngacmimin seksual, si dhe ku mund të bëhet denoncimi i tyre.

Prezantimi i Raportit mbi Krimet Seksuale kundër Fëmijëve dhe Grave në Shqipëri, vjen edhe si kontribut i CRCA/ECPAT Shqipëri në 16 ditët e aktivizmit kundër dhunës me bazë gjinore.

Ndërkohë po në të njëjtën ditë u prezantua hapja e Fushatës Kombëtare Online “1-10 fëmijë viktimë e dhunës seksuale! Denonco!”, një fushatë kjo që realizohet në Facebook, Instagram dhe Tëitter.

LEXO EDHE:  Studimi i EuroStat/ Pse Shqipëria ka pagat më të ulta në rajon?

LEXO EDHE:  Ligji për pagën e deputetëve/ Nxehet situata në Kuvendin e Maqedonisë

Historitë që publikohen më poshtë sjellë në pikënisje, janë histori personale të dy vajzave të ngacmuara, shfrytëzuara dhe dhunuara seksualisht përgjatë viteve të fundit. Në 10 vitet e fundit në vendin tonë, krimet seksuale kundër fëmijëve janë kthyer në një prej problemeve kryesore për shoqërinë shqiptare.

Ana është një vajzë e vogël që jeton me familjen e saj në një qytet të largët të Shqipërisë.

Ajo çdo ditë për moshën që ka dëshiron vetëm të qeshë, luajë, dëgjojë përralla dhe të kërkojnë mbrojtjen e përqafimin prindëror.

Dita –ditës, Ana frikohet kur qëndron pranë babait të saj dhe shfaqet e trembur prej tij.

Një natë, pas një temperature të lartë, Ana nis të thërrasë: “Babi mos, të lutem, mos mi hiq të mbathurat”, “Babi jo, babi jo”.

Nga këto fjalë, nëna e vajzës, nis ta pyesë se pse Ana, kërkonte të largohej nga babai dhe kish frikë prej tij?!

“Babi, nuk është i keq, por gjithmonë kur më puth e më prek me gisht këtu, mua më dhemb shumë”- shprehte vajza e vogël.

Nëna e Anës, sot jeton në një qytet tjetër dhe është ndarë nga bashkëshorti, ndërsa vajza është në moshën e shkollës.

Kjo histori është tërësisht e vërtetë. Faktet janë marrë nga deponimet e nënës së vajzës.

Bora, është një vajzë adoleshente që sapo mbushi 15 vjeç, vendosi si gjithë bashkëmoshataret e saj të hapë një profil në facobook. Çdo ditë ajo postonte foto të saj dhe të shoqeve kudo, në shkollë, rrugë, shtëpi apo edhe lokal.

Ndjehej mirë me të gjitha komplimentat që merrte dhe mundohej të kishte sa më shume ndjekës në adresën e saj. Pranon si miq edhe një djalë të huaj për të dhe çdo ditë ndjehej e kënaqur, pasi ai vlerësontë e kërkonte çdo ditë foto të saj.

Pas disa kohësh, djali nuk përgjigjet më në adresën e tij, ndërsa Bora njoftohet se ishte kthyer tashmë në imazhin e një prej adresave pornografike të internetit. Nis makthi i përditshëm, jo vetëm i fyerjeve që ajo përjeton, por edhe përbuzjes dhe pafuqisë për të ndryshuar profilin e saj.

Shqetësimi u kthye në makth, kur dita-ditës, i vinin mesazhe nga faqja pornografike dhe në të shfaqej imazhi i vajzes së mitur.

E trembur, por edhe e pasigurtë se si mund të zgjidhte këtë situatë, ajo i drejothet së bashku me prindërit, Platformës ISIGURT.AL, ekspertët e së cilës, në bashkëpunim me Youtube, arritën të fshijnë gjithçka dhe të mbyllin llogarinë e hapur në emër të Borës.

Sot vajza, është larguar nga qyteti ku jetonte.

Kjo histori është e vërtetë.

Emri i vajzës është ndryshuar.

 

LEXO TE PLOTE

Sociale

Po dergjej e sëmurë në çadrën e ftohtë/ Vjen lajmi i mirë për vogëlushen 4-vjeçare

Publikuar

-

Nga

Ish-deputeti i PD-së, Agron Shehaj një ditë më parë publikoi në rrjetet sociale disa foto, në lidhje me situatën e rëndë të banorëve në çadra, në fshatin Bubq.

Në foto ishte edhe një vogëlushe 4-vjeçare, e cila sipas tij edhe pse e sëmurë me temperature të lartë, dhe dergjej në një çadër të ftohtë, ngritur mbi truall balte, pa asnjë përkujdesje shëndetësore.

Por sot ka ardhur një lajm i mirë përvogëlushn.

Në një tjetër postim, ish-deputeti Shehaj shkruan se Rosalinda, vogëlushja e sëmurë 4 vjeçare, nuk do të flejë më në çadrën e ftohtë.

Ish-deputeti bën të ditur se për familjen e Rosalinden dhe familjen e saj është siguruar një kontenier, por ai thekson se në Bubq, ka dhjetëra familje të tjera me fëmijë dhe të moshuar të sëmurë që nuk mund të qëndrojnë dot më në çadra

LEXO EDHE:  Rriten pagat për punonjësit e Ministrisë së Shëndetësisë, Spitalit Ushtarak, Institutit të Shëndetit Publik dhe laborantët

LEXO EDHE:  Qeveria konfuzion me pagën minimale, lajmëron sërish rritje

“Në Bubq, ka dhjetëra familje të tjera me fëmijë dhe të moshuar të sëmurë që nuk mund të qëndrojnë dot më në çadra. Një kontenier i tillë, për qendrim të përkohshëm, kushton rreth 1500 euro. Kushdo që mund të ndihmojë, si fillim, familjen e Qamil Korrikut me katër fëmijë të mitur apo familjen e Shefqet Xhaferrit me dy fëmijë të mitur, le të më shkruajë mua, Aulon Bej Kalaja ose Titi Seranaj.”-shkruan Agron Shehaj./ CNA.al

“4 vjeçarja dergjet e sëmurë në çadër”/ Shehaj ngre alarmin: Jemi prag të katastrofës njerëzore

LEXO TE PLOTE