Connect with Us

Nisma 17+1, ministrat e Evropës Qendrore e Lindore dhe Kinës/ Manastirliu: Shqipëria potencial për turizmin mjekësor

Sociale

Nisma 17+1, ministrat e Evropës Qendrore e Lindore dhe Kinës/ Manastirliu: Shqipëria potencial për turizmin mjekësor

Publikuar

-

Forumi i katërt i ministrave të shëndetësisë të Evropës Qendrore e Lindore dhe Kinës ka zhvilluar punimet sot në Sofie të Bullgarisë, në kuadër të nismës 17+1, me pjesëmarrjen e ministrave të Shqipërisë, Bosnje dhe Hercegovinës, Bullgarisë, Kroacisë, Serbisë, Polonisë, Mali të Zi, Hungarisë, Çekisë dhe Kinës, për forcimin e bashkëpunimit mes vendeve, për të krijuar një platformë të përbashkët të shëndetësisë ndërmjet vendeve, për rritjen e sigurisë shëndetësore.

Gjatë fjalës së saj ministrja Manastirliu theksoi rëndësinë e bashkëpunimit mes vendeve pjesëmarrëse në Forum, si një mënyrë për krijimin e platformave të komunikimit mes ekspertëve, për zhvillimin e qëndrueshëm në fushën e Shëndetësisë.

“E çmoj të rëndësishëm këtë Forum për shkënbimin mes vendeve tona për çështje të një rëndësie parësore, siç janë parandalimi i sëmundjeve infektive, masat për antibiotiko-rezistencën. Mund të mësojmë nga njëri-tjetri më shumë përmes shkëmbimit të eksperiencave mes profesionistëve të shëndetit, forcimit të ndërveprimit për emergjencat shëndetësore dhe masat konkrete për t’i bërë ballë një kërcënimi serioz për shëndetin publik, siç është rezistenca ndaj vaksinimit”, tha Manastirliu.
Duke theksuar përmirësimet e bëra në pesë vitet e fundit në shërbimet e kujdesit bazë, Manastirliu tha se Shqiperia ka potencial zhvillimi të lartë për turizmin mjekësor.

“Shqipëria gëzon sot potencial zhvillimi të lartë për turizmin mjekësor, si një ndër vendet që zotëron profesionistë të kualifikuar dhe shërbime të teknologjisë së përparuar, duke siguruar një mjedis të mirë për vendet e Evropës Juglindore e më gjerë”, tha Manastirliu.

Ministrat e Shëndetësisë të vendeve pjesëmarrësë në Forumin e organizuar në Sofie të Bullgarisë firmosën një deklaratë të përbashkët, me të cilën angazhohen për ndërmarrjen e masave konkrete për forcimin e  bashkëpunimit në fushën e shëndetësisë, duke marrë në konsideratë politikat shëndetësore, sigurinë e shëndetit publik, menaxhimin spitalor apo inovacionin e digjitalizimin mjekësor.

LEXO EDHE:  Portali “Mjekë për Shqipërinë”/ Manastirliu: Punësohen 58 mjekë në sistemin shëndetësor publik

Deklarata e nënshkruar nga ministrat e shëndetësisë shpreh vullnetin e vendeve për shkëmbimin e informacioneve për politikat dhe strategjitë shëndetësore. Një tjetër pikë e deklaratës thekson rëndësinë e thellimit të bashkëpunimit për parandalimin e sëmundjeve dhe kontrollin e sëmundshmërisë. Promovimi i zhillimit të qëndrueshëm të rrjetit aktual të ngritur përfshirë ato në mjekësinë tradicionale por duke inkurajuar dhe aleanca të reja është një tjetër pikë e deklaratës së përbashkët. Ndër pikat më të rëndësishme të deklaratës së firmosur mes Ministrave të vendeve të 17+1 është mbështetja për inovacionin teknologjik dhe kërkimin shkencor në fushën e shëndetësisë.

Nisma për bashkëpunim 17 + 1 ose Bashkëpunimi Kinë-Evropë Qendrore dhe Lindore është iniciativë e Qeverisë së Kinës që synon intensifikimin dhe zgjerimin e bashkëpunimit me 17 vende të Evropës Qendrore dhe Lindore prej të cilave 12 janë shtete anëtare të BE-së dhe 5 vende të Ballkanit. Nisma mori jetë në forumin e Varshavës 2012 dhe synon forcimin e bashkëpunimit në fushat e shëndetësisë, ekonomisë, bujqësisë, arsimit, etj mes vendeve të Evropës Qendrore e Lindore dhe Kinës.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Lufta kundër Covid/ Gjermania ndihmon Shqipërinë

Publikuar

-

Nga

OBSh-ja sjell 1000 oksimetra të dhuruara nga Gjermania për pacientët COVID-19 në Shqipëri

Në vijim të përpjekjeve të vazhdueshme për mbështetjen e përgjigjes ndaj pandemisë COVID-19 dhe për mbrojtjen e atyre që përballen me një rrezik të lartë prej ndërlikimeve të rënda nga koronavirusi, Gjermania dhuroi 1000 pajisje oksimetra të pulsit për Shqipërinë, sjellja e të cilave u realizua nga Zyra e OBSh-së në Shqipëri. Pacientët e diagnostikuar me COVID-19 me rrezikshmëri të lartë do të mund ta përdorin këtë pajisje për të monitoruar më mirë veten e tyre teksa luftojnë virusin.

Oksimetrat i’u dorëzuan autoriteteve shëndetësore shqiptare në një ceremoni të organizuar me praninën e Ogerta Manastirliu, Ministre e Shëndetësisë dhe Mbrojtjes Sociale ( Ministria e Shëndetësisë dhe Mbrojtjes Sociale), Z. Peter Zingraf, Ambasador i Republikës Federale të Gjermanisë në Shqipëri (Ambasada Gjermane Tiranë ), dhe Dr. Bettina Menne, Përfaqësuese e OBSh-së dhe Drejtuese e Zyrës së OBSh-së në Shqipëri./CNA.al

LEXO TE PLOTE

Sociale

Udhëtimet drejt SHBA/ Ambasada amerikane njoftim të rëndësishëm

Publikuar

-

Nga

Ambasada amerikane ka dhënë një njoftim të rëndësishëm për të gjithë shqiptarët që udhetojnë ndrejt SHBA.

Në njoftimin e bërë nga ambasada thuhet se duke filluar nga 26 janari, nëse udhëtoni me avion nga një vend tjetër drejt Shteteve të Bashkuara të Amerikës, duhet të paraqisni një rezultat negativ testi COVID-19 ose prova që e keni kaluar COVID-19.

“Duke filluar nga 26 janari, nëse udhëtoni me avion nga një vend tjetër drejt Shteteve të Bashkuara të Amerikës, ju duhet të paraqisni një rezultat negativ testi COVID-19 ose prova që e keni kaluar COVID-19 përpara se të udhëtoni. Mësoni më shumë mbi kërkesat për udhëtim duke klikuar këtu  ttps://bit.ly/3srOFLA”, thuhet në njoftimin e ambasadës./CNA.al

LEXO TE PLOTE

Sociale

Temperatura të ulëta dhe reshje bore/ Parashikimi i motit për fundjavën

Publikuar

-

Nga

Vendi ynë është nën ndikimin e masave ajrore të ftohta, të cilat do të mbeten prezente edhe në ditët në vijim duke sjellë temperatura të ulëta dhe reshje bore.

Dita e sotme do të ketë mot me alternime kthjelliemsh dhe vranësira të cilat në zonat malore do të pasohen nga reshje bore. Ne juglindje reshjet e borë parashikohen të kenë intensitet deri mesatar.

Dita e diel do të ketë mot kryesisht të kthejllët e vranësira kalimtare. Reshjet e borës do të jenë me intensitet të ulët të karakterit lokal vetëm në zonat malore në veri të vendit.

LEXO EDHE:  100 pacientë do të trajtohen falas në Turqi/ Manastirliu e Koca firmosin marrëveshjen e bashkëpunimit

LEXO EDHE:  Edhe 190 shtretër të lirë/ Manastirliu tregon strategjinë nëse shkohet në kolaps

Dita e hënë do të ketë mot të kthjellët por shumë të ftohtë./CNA.al

LEXO TE PLOTE