Ka përfunduar mbledhja e e grupit të Partisë Socialiste, teksa në orën 17:00 pritet të nisë sesioni i ri parlamentar për vitin 2020.

Në mbledhje, mësohet se Grupi Parlamentar i PS do t’i propozojë Kuvendit Milva Ikonomin për kryetare të Komisionit Parlamentar të Ekonomisë.

Arben Ahmetaj që drejtonte këtë komision, u emërua Ministër Shteti për Rindërtimin./CNA.al

Ministria e Brendshme i ka dhënë një tender me vlerë 50 milion lekë te vjetra, për mirëmbajtjen e lulishteve në QSUT, bashkëshortes së ish-kryebashkiakut të Vorës Agim Kajmaku, Merita Kajmakut.

Pas publikimit të këtij lajmi, ka reaguar Partia Demokratike, e përfaqësuar nga sekrestari i përgjithshëm Gazment Bardhi.

Bardhi thotë se Agim Kajmaku është rasti më flagrant i plaçkitjes së buxhetit nën mbrojtjen e Edi Ramës.

“Faktet janë të pakundërshtueshme:

1.  PD publikoi në Gusht 2019 dokumenta se Agim Kajmaku i Vorës rezulton i dënuar në Greqi, por Edi Rama e mbrojti.

2. Denoncimi i Partisë Demokratike u faktua i vërtetë, por Edi Rama nuk e shkarkoi.

3. Drejtësia kërkoi arrestimin, por Agim Kajmaku u lajmërua më parë dhe u lejua të arratiset.

4. Agim Kajmaku u arratis në nëntor2019, por Edi Rama i dha në janar 2020 tender 57 milionë lekë”, deklaron demokrati.

Bardhi kërkon anullimin e këtij tenderi, të cilin e quan kriminal, pasi thekson se paratë e shqiptarëve nuk mund t’i marrë një i arratisur që e ka vendin në burg./ CNA.al

Kryetari i Partisë Agrare Ambientaliste Agron Duka ka shprehur gatishmërinë për të hyrë në zgjedhje edhe me kryeministrin Edi Rama.

Duka deklaron se dëshiron që kjo situatë anormale të marrë fund, teksa po fliste për uljen e opozitës në tryezën zgjedhore me mazhorancën. Politikani tha se pret që kjo tryezë të nxjerrë një produkt, që është Reforma Zgjedhore.

“Një nga kushtet e Bundestagut, i pari fare ishte reforma zgjedhore dhe mendoj se arritja e uljes në tryezë e maxhorancës dhe opozitës është pikërisht një kusht i diktuar nga Bundestagu. Ka pasur një farë rezistence me sa duket nga maxhoranca por më së fundi u bindën që ata nuk mund të bëjnë të vetëm reformën zgjedhore. Duke qenë të diktuar nga ky kusht ky parlament monist dhe kjo maxhorancë këtë reformë do ta bëjnë patjetër me opozitën reale siç është opozita jashtëparlamentare”, u shpreh Duka në rubrikën “Opinion” në News 24.

Për sistemin e Reformës Zgjedhore, Duka deklaroi se e kanë lënë të diskutohet për një tjetër moment, pasi pretendon se prioritare është të shmanget kriza.

“Ne jemi dakordësuar jo sepse mendojmë të gjithë ashtu por në fund të fundit duke menduar se është në mirë të të gjithëve për të shmangur krizën që po kalon Shqipëria dhe për të gjetur ekuilibrat politikë, disa prej nesh e kanë lënë diskutimin për sistemin zgjedhor në një moment të dytë.

Aleatët kanë qenë për një sistem proporcional me lista të hapura me korrektim kombëtar. E rëndësishme është që të kemi një sistem maxhoritar ku njerëzit të mos emërohen nga kryetari. Basha dhe PD ka deklaruar se është i hapur për një sistem zgjedhor të dakordësuar me masën e gjerë të njerëzve. Ai ka shprehur preferencën e tij për një sistem plotësisht maxhoritar por është thënë nga ne për t’u diskutuar në një moment të dytë. Mund të hyhet në zgjedhje edhe me këtë lloj sistemi.
Pavarësisht se sistemi ka efektin e vet në drejtësi, do të thotë që nuk është e drejtë që njerëzit votojnë një parti dhe nuk e dinë kush është brenda listës së kësaj partie”, tha ai./ CNA.al