Connect with Us

Studimi/ Aktiviteti i tepërt fizik, është i dëmshëm për zemrën

Politikë

Studimi/ Aktiviteti i tepërt fizik, është i dëmshëm për zemrën

Publikuar

-

Një studim i ri, ka arritur në përfundimin se aktiviteti e tepërt fizik, mund të jetë e dëmshme për zemrën tuaj. Rezultatet janë befasuese, duke pasur parasysh që deri më sot pasiviteti është lidhur me rreziqe shëndetësore si obeziteti, sëmundjet e zemrës, diabeti i Tipit 2, dhe një mori sëmundjesh të tjera kronike.

Studimet e mëparshme mbi ndikimin e stërvitjes fizike, ishin përqendruar vetëm mbi sa pak ose sa shumë aktivitet duhet, për të pasur një shëndet optimal. Tani shkencëtarët po hulumtojnë të kundërtën. Ata janë duke eksploruar ndikimin afatgjatë në trupin tonë të stërvitjes intensive.

Rezultatet sugjerojnë, se mund të ketë një nivel optimal ushtrimi fizik midis pasivitetit dhe aktivitetit intensiv, të shoqëruar me më pak ose më shumë rreziqe të ndryshme shëndetësore.

Studiuesit në SHBA, kryen një studim gjatë një periudhe 25 vjeçare, që shqyrtoi zhvillimin e sëmundjes së arterieve koronare (CAC), në raport me intensitetit të aktivitetit fizik.

Rezultatet treguan se ata që kishin marrë pjesë në aktivitete fizik, që ishte dukshëm më intensive se Udhëzimet Kombëtare të Aktivitetit Fizik, kishin një rrezik të shtuar të zhvillimit të CAC kur mbërrinin në moshën e mesme. Studimi vëzhgoi 3.200 njerëz gjatë 25 viteve, duke e nisur testimin në kohën kur ata ishin të rinj të rritur.

Përmes skanerit, studiuesit matën pllakat që përmbajnë kalcium, të cilat vepronin si një parashikues i CAC. Pjesëmarrësit u ndanë në tre grupe, sipas nivelit të aktivitetit të tyre fizik, dhe u egzaminua rreziku i CAC në lidhje me këto grupe.

Rezultatet treguan se njerëzit që merren me aktivitet fizik, që e tejkalon me të paktën 3 herë sasinë e rekomanduar, kishin një rrezik të shtuar të zhvillimit të sëmundjes së arterieve koronare.

Kjo ndodhte kur sasia e stërvitjes intensive fizike, ishte 3 herë me e madhe se 150 minutat e rekomanduara të veprimtarisë javore me intensitet mesatar, ose 75 minuta aktivitet javor me intensitet të fuqishëm.

LEXO EDHE:  Topolev, çfarë ndodhi me rivalin spektakolar sovjetik të Konkordit anglo-francez?

Studimi zbuloi gjithashtu, se rreziqet që lidhen me stërvitjen fizike ekstreme, ishin më të spikatura tek pjesëmarrësit e bardhë. Ata kishin një rrezik 80 për qind më të madh të zhvillimit të CAC. Efektet ishin gjithashtu më të mëdha tek burrat e bardhë, se sa gratë e bardha.

As ata që ushtroheshin fizikisht më pak, nuk ishin të sigurtë nga rreziqet shëndetësore. Ky grup kishte një rrezik të rritur të zhvillimit të presionit të lartë të gjakut dhe diabetit të Tipit 2 në moshën e mesme, duke dëshmuar se stërvitja e tepërt dhe stërvitja e pakët ashtu edhe ajo e tepruar ka rreziqet e veta për shëndetin.

Kjo sugjeron, se optimale është një nivel i moderuar i ushtrimit fizik. Në një studim tjetër, studiuesit në Paris, vëzhguan 10.000 njerëz gjatë një periudhe 10 vjeçare. Ata shqyrtuan ndikimin e aktivitetit fizik tek shëndeti i tyre. Dhe zbuluan, se aktiviteti fizik sportiv me intensitet të lartë, shoqërohej me përfitime shëndetësore. Dhe ndërkohë ishte aktiviteti fizik në punë, ai që paraqiste një kërcënim për shëndetin një periudhë afatgjatë.

Njerëzit, punët e të cilëve kërkonin një ushtrim të rregullt fizik, si ngritja e peshave të rënda, ishin më të rrezikuar të prekeshin nga barorefleksi nervor anormal, si dhe nga një ngushtim i arteries, dy faktorë që kanë një ndikim negativ në shëndetin kardiovaskular.

Ata sugjerojnë që një aktiviteti fizik kronik i madh në punë, mund të përbëjë një kërcënim për shëndetin. Ndikimi i përfshirjes në një aktivitet fizik intensiv dhe të rregullt me kalimin e kohës, nuk është kuptuar ende plotësisht, pasi kërkimet në këtë fushë janë ende të kufizuara.

Gjithsesi, treguesit e hershëm sugjerojnë që ushtrimi i tepërt (3-fishi i sasisë së rekomanduar), është i lidhur me një rrezik të shtuar të zhvillimit të sëmundjeve të arterieve koronare./ News-medical-Përshtatur nga CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Berisha non-grata nga SHBA/ Ish-ministri i PD lëshon “bombën”: Letrat ia ka bërë Basha

Publikuar

-

Nga

Berisha non-grata nga SHBA/ Ish-ministri i PD lëshon “bombën”: Letrat ia ka bërë Basha

Arben Imami, ish-ministër i PD-së, njëkohësisht dhe anëtar i grupimit ‘Për PD-në’, ka akuzuar kryetarin e Partisë Demokratike Lulzim Bashën, si përgjegjës lidhur me vendimin e DASH , i cili shpalli non grata ish-kryeministrin Sali Berisha dhe familjen e tij.

I ftuar në emisionin e Alban Dudushit, Imami deklaroi se letrat për non-grata i ka bërë Lulzim Basha dhe kryeministri Edi Rama.

Pjesë nga biseda:

Arben Imami: Po të kishte një problem serioz për qeverisjen e Berishës, kjo procedurë do të kishte filluar në 2015-ën. Kjo procedurë ka filluar në 2018-ën dhe ka filluar për shkak të këtij. I është thënë qartë ‘vendime të korruptuara që minojnë demokracinë’. Cilat janë vendimet e korruptuara? Megjithëse, me të drejtë Berisha ka thënë se nuk është përgjegjës, por ama, publikisht, Berisha e ka mbështetur Bashën. Dhe për mua, ky ka qenë gabimi i fundit fatal i Berishës, që nuk do t’ja kisha dëshiruar as atij, as PD-së, as vendit.

LEXO EDHE:  Papa Joani, e vetmja Papë grua, gjinia e së cilës u zbulua kur lindi në mesin e një procesioni kishtar
LEXO EDHE:  Si lindi teoria e pllakave tektonike, që shpjegon ndodhjen e tërmeteve

Sot, Berisha mund të jetë 200-400%, sepse e di më mirë se unë që ky është një ndër njerëzit që i ka bërë letrat, leje se ç’thotë Edi Rama ai, por i kanë bërë të dy bashkë.

Alban Dudushi: Ky dhe Edi Rama?

Arben Imami: Po, mbase më shumë ky se ai. Dhe e di mirë këtë unë. Dhe koha do ta tregojë këtë gjë.

Alban Dudushi: Po thoni se Lulzim Basha ka shitur Sali Berishën.

Arben Imami: Absolutisht po, sepse duke e ngarkuar Berishën me këto ngarkesa politike, mospjesmarrja në zgjedhje, largimi nga Parlamenti, duke thënë gjithandej, ambasadë më ambasadë që ‘nuk më lë Sali Berisha të bëj politikë’. Kjo është arsyeja e vërtetë, e rëndësishme dhe e madhe.

LEXO TE PLOTE

Politikë

“Ore ka shtet këtu”/ Ish-ministri i Ramës ironizon SPAK, pas arrestimit të prokurorit

Publikuar

-

Nga

Ish-ministri i Drejtësisë në qeverinë “Rama 1”, Ylli Manjani ka reaguar pas lajmit për arrestimin e prokurorit të Sarandës, Sali Hasa.

Në një postim në rrjetet sociale, Manjani ironizon SPAK, ndërsa shkruan se më shumë u arrestuan për një penallti të ekipit të futbollit të Përmetit, sesa për 300 kg lëndë narkotike.

Ylli Manjani dhe Edi Rama gjate nje seance plenare

Më shumë u arrestuan për një penallti të ekipit të futbollit të Përmetit, sesa për 300kg kokainë…

Teknika hetimore dhe operacionale paska qenë e zënë me futbollin e kategorisë zh.g.l…

Ore ka shtet këtu!

Veçanërisht te futbolli i nuk toleron fare…!”-shkruan Manjani.

LEXO EDHE:  Topolev, çfarë ndodhi me rivalin spektakolar sovjetik të Konkordit anglo-francez?

LEXO EDHE:  Hipoteza: Koronavirusi ka qarkulluar në Evropë që nga marsi i vitit 2019

Kujtojmë këtu se sipas raportimeve në media, hetimet për prokurorin Sali Hasa, kanë zbuluar edhe rastin e trukimit të ndeshjeve në kategorinë e dytë, konkretisht për ndeshjen Selenica-Përmeti, ku nga përgjimet ka rezultuar se ishte e paracaktuar./CNA.al

LEXO TE PLOTE

Politikë

“Jetësimi i korridorit të VIII”/ Balluku takon Zoran Zaev: Plan të qartë për zbatimin e tij

Publikuar

-

Nga

“Jetësimi i korridorit të VIII”/ Balluku takon Zoran Zaev: Plan të qartë për zbatimin e tij

Ministrja e Energjitikës dhe Infrastrukturës Belinda Balluku, ka zhvilluar një takim me kryeministrin e Maqedonisë së Veiurt, Zoran Zaev, gjatë takimit të Liderëve të Ballkanit Perëndimor.

Balluku thekson se kanë diskutuar nga afër për bashkëpunimin rajonal.

Ministrja shton po ashtu se jetësimi i korridorit të VIII është projekti më ambicioz mes vendeve tona dhe ne kemi një plan të qartë për zbatimin e tij.

LEXO EDHE:  Kamboxhia, si luftohet varfëria ekstreme përmes shitjes së flokëve

LEXO EDHE:  Historiani rus: Lenini vdiq i helmuar nga Stalini

‘Gjatë takimit të Liderëve të Ballkanit Perëndimor, zhvilluar në Vjenë, pata mundësinë për të diskutuar nga afër bashkëpunimin tonë rajonal me Kryeministrin e Maqedonisë së Veriut, Zoran Zaev. Jetësimi i korridorit të VIII është projekti më ambicioz mes vendeve tona dhe ne kemi një plan të qartë për zbatimin e tij.’-shkruan Balluku./CNA.al

LEXO TE PLOTE