Connect with Us

Kosovës i mungon një marrëveshje e normalizimit me Serbinë

Kosova & Rajoni

Kosovës i mungon një marrëveshje e normalizimit me Serbinë

Publikuar

-

Zëvendësndihmësi i Sekretarit amerikan të Shtetit Matthew Palmer tha në Prishtinë, se SHBA e inkurajon Kosovën që t’i qaset seriozisht dialogut për një marrëveshje gjithpërfshirëse me Serbinë.

Zëvendësndihmësi i Sekretarit amerikan të Shtetit që njëherësh është edhe i ngarkuar për Ballkanin Perëndimor, Matthew Palmer, tha në Prishtinë, se SHBA presin që qeveria e re e Kosovës t’i vazhdojë negociatat me Serbinë, duke bërë të ditur se ky është edhe prioritet strategjik i SHBA-së. Këtë deklaratë Palmer e bëri gjatë një vizite që po realizon në Kosovë, ku takoi Presidentin e Kosovës dhe përfaqësuesit e partive politike dhe shoqërinë civile.

“Normalizimi i marrëdhënieve me Serbinë ofron mundësi më të mëdha ekonomike, sepse në këtë situatë që jeni bizneset ngurrojnë të investojnë këtu, sepse ekziston një perceptim se këtu është vend i rrezikshëm dhe ka një konflikt. Kur bizneset mund të lëvizin lirshëm në atë vend, atëherë ka prosperitet”, tha Mathew Palmer, duke aluduar në heqjen e taksës ndaj produketeve serbe, por, njëkohësisht duke ritheksuar, se edhe Serbia nga ana e saj, duhet të ndalojë siç tha “stimulimet për bllokimin e Kosovës në anëtarësimin në organizata”.

Palmer: Zgjedhjet treguan demokracinë në Kosovë

“Nganjëherë ka pasur mungesë të transparencës në dialog. Shqetësimi dhe dëshira e disave është që SHBA-të të përpiqen të ofrojnë një zgjidhje ndërmjet Kosovës dhe Serbisë. Serbia duhet të ndalojë stimulimet për bllokimin e Kosovës në anëtarësimin në organizata ndërkombëtare dhe nxitjen e serbëve të Kosovës. Jemi të gatshëm për të punuar me udhëheqësit e të dy vendeve”, tha Mathew Palmer.

Kosovo l stellvertretender US-Außenminister Palmer trifft Präsident Thaci (Office of the President of Kosovo)

Zëvendësndihmësi i Sekretarit amerikan të Shtetit, që njëherësh është edhe i ngarkuar për Ballkanin Perëndimor, Matthew Palmer, gjatë një bashkëbisedimi me studentë dhe pjesëtarë të shoqërisë civile, foli edhe për zgjedhjet e 6 tetorit që nxorrën fituese dy partitë më të mëdha opozitare, lëvizjen Vetëvendosja dhe Lidhjen Demokratike të Kosovës LDK. Palmer tha se zgjedhjet e 6 tetorit treguan demokracinë në Kosovë.

“Opinioni publik votoi për ndryshim dhe edhe SHBA-të e përqafojnë këtë. Sytë e botës do të shikojnë se çfarë mund të bëjë qeveria e re e Kosovës. Kosovës i duhet një koalicion që përfaqëson popullin e Kosovës. SHBA-të kanë qenë të qarta, shpresojmë që do të shohim adresim të çështjeve të rëndësishme. Qeveria e re kur të formohet mundet dhe duhet të ngjallë negociatat. Nuk mund të ketë asnjë integrim, nëse nuk ka dialog me Serbinë”, tha amerikani Mathew Palmer, duke siguruar qytetarët se “shtetësia e Kosovës është e pakthyeshme”.

“Qytetarët e Kosovës meritojnë më shumë se partneritet me SHBA-të, ju e meritoni botën, BE-në dhe OKB-në. Jo të qëndroni prapa SHBA-së, por krahë për krah dhe kjo mund të arrihet me dialog. Serbët e Kosovës prej vitit 2013 kanë marrë pjesë në zgjedhjet e Kosovës me ligje të po këtij vendi”, tha Mathew Palmer.

LEXO EDHE:  Zyrtari i lartë amerikan vijon vizitën në Tiranë/ Ja me kë do takohet sot

Zëvendësndihmësi i Sekretarit amerikan të Shtetit, Matthew Palmer, në Prishtinë erdhi pas një vizite që kishte në Maqedoninë e Veriut. Në Prishtinë ai takoi të gjithë udhëheqëisit e partive politike parlamentare dhe Presidentin e Kosovës, Hashim Thaçi. Ky i fundit, pas takimit tha se “Kosova nuk mund të mbetet e izoluar”.

Sfida e parë: Përballja me dialogun

“Kosova mbetet e përkushtuar për vazhdimin e reformave për rend dhe ligj, për forcimin e të ardhmes euroatlantike, për reformat demokratike dhe do të angazhohet maksimalisht për arritjen e një marrëveshjeje gjithëpërfshirëse me Serbinë, e cila forcon paqen jo vetëm brenda dy vendeve, por në tërë Ballkanin Perëndimor”, tha Presidenti Hashim Thaçi.

Dialogu Kosovë-Serbi u ndërpre në nëntorin e vitit të shkuar, kur qeveria e Kosovës vendosi taksën 100% ndaj produkteve serbe si shenjë pakënaqësie ndaj fushatës agresive diplomatike të Serbisë kundër njohjeve të Kosovës. Kosova në këtë fazë ndodhet para krijimit të instucioneve të reja që do ta dalin nga rezultatet e zgjedhjeve të 6 tetorit.

Sfida e parë që e pret qeverinë e re të Kosovës është përballja në dialog me Serbinë që me ngulm po kërkohet nga faktori ndërkombëtar, në mënyrë të veçantë nga SHBA. Albin Kurti, që pritet të jetë kryeministër i Kosovës, gjatë fushatës parazgjedhore vazhdimisht ka deklaruar se ai si kryeministër,  do ta udhëheqë dialogun me Serbinë dhe jo Presidenti i Kosovës, dhe ka paralajmëruar rishikimin e të gjitha marrëveshjeve të arritura deri tash në dialogun Kosovë-Serbi./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Dhunoi lypsarin/ Avokati nuk pendohet: Më përmendi nënën

Publikuar

-

Nga

Videoja e avokatit të njohur Tomë Gashi duke përbuzur një lypës në sheshin “Nënë Tereza” në Prishtinë, bëri xhiron e rrjetit pak ditë më parë.

Avokati shihej i irrituar dhe vihej re që ai i gjuajti me shqelm parave që lypësi kishte mbledhur nga qytetarët, ndërsa të pranishmit thanë se Gashi e ka poshtëruar atë me fjalë të ndyra.

Pas kësaj ka ardhur edhe reagimi i avokatit, i cili nuk shpreh aspak pendesë për veprimin që bëri, pasi pretendon se i ka përmendur nënën.

“Këta janë punëtorë të njerëzve me Mercedesa dhe për këtë situatë nuk ka ndërmarrë askush asgjë. Të kisha goditur unë lypsarin ai nuk do të kishte qëndruar aty fare. Ju nuk e dini se çfarë ka thënë ai person. Po ta përmendë ty nënën, si të duket?”, tha Gashi për Klan Kosovën.

“Nuk e shoh të arsyeshme të kërkoj falje për goditje të plastikës, kjo më duket budallallëk. Ata janë një grup i organizuar prej kriminelëve. Me qindra herë janë thirrur organet kompetente. Atë ditë kam qenë duke ardhur në emisionin Info Magazine dhe gjatë rrugës unë i kam kërkuar lypsarit që të largohet nga aty.  Ato çfarë ai (lypsari) ka folur ndaj meje, mos të kishte qenë kontrolli im, ai do të kishte përfunduar shumë ndryshe”, shtoi ai.

LEXO EDHE:  Gazetari zbulon me fakte skandalin që po ndodh në Drimadhë/Mirë po na e bojnë…Foto

LEXO EDHE:  Ultimatumi i Grenell/ Kosova të heqë menjëherë tarifat ndaj mallrave serbe!

Më tej, avokati thekson se punonjësit e policisë i kanë thënë se nuk kanë çfarë t’i bëjnë./ CNA.al

Video – Avokati dhunon lypësin në mes të qytetit

LEXO TE PLOTE

Kosova & Rajoni

Pompeo: Sovraniteti dhe pavarësia e Kosovës, thelbësore për Ballkanin Perëndimor

Publikuar

-

Nga

Sekretari amerikan i Shtetit, Mike Pompeo, në urimin e tij me rastin e përvjetorit të pavarësisë së Kosovës tha se sovraniteti dhe pavarësia e saj mbeten thelbësore për sigurinë dhe qëndrueshmërinë e Ballkanit Perëndimor.

Në urimin e tij ai shkruan se “për më shumë se një dekadë të dy vendet tona kanë gëzuar një partneritet të fortë mbështetur në vlera të përbashkëta. Sovraniteti dhe pavarësia e Kosovës mbeten thelbësore për sigurinë dhe qëndrueshmërinë e Ballkanit Perëndimor. Shtetet e Bashkuara mbështesin Kosovën në udhëtimin tuaj drejt integrimit në institucionet transatlantike dhe do të vazhdojnë të punojnë për të forcuar sundimin e ligjit, për të çrrënjosur korrupsionin dhe për të nxitur përparimin ekonomik për të gjithë qytetarët e Kosovës”,raporton radioja amerikane “VOA”.

Sekretari Pompeo shkruan se pas zgjedhjeve të fundit dhe formimit të qeverisë, Kosova ka një mundësi të ripërtërirë për të realizuar mundësitë e saj të plotë si për qytetarët ashtu edhe për marrëdhëniet me vendet fqinje.

LEXO EDHE:  Qeveria Kurti – Mustafa/ Dështojnë sërish bisedimet për marrëveshje

LEXO EDHE:  Gazetari zbulon me fakte skandalin që po ndodh në Drimadhë/Mirë po na e bojnë…Foto

“Jemi inkurajuar nga ngjarjet e fundit që sinjalizojnë një lëvizje drejt lehtësimit të investimeve, turizmit, dhe lidhjeve tregtare dhe të njerëzve me Serbinë, të cilat paraqesin themelet për përparim të mëtejshëm në normalizimin gjithëpërfshirës të marrëdhënieve në të ardhmen e afërt”, shkroi sekretari Pompeo në urimin e tij për përvjetorin e 12-të të pavarësisë së Kosovës.

LEXO TE PLOTE

Kosova & Rajoni

Shpërndahet Kuvendi/ Maqedonia e Veriut shkon në zgjedhje të parakohshme

Publikuar

-

Nga

Sot u shpërnda Kuvendi i Maqedonisë dhe vendi do të shkojë në zgjedhje të parakohshme parlamentare që do të zhvillohen më 12 prill.

Sipas “INA”, për shpërndarjen e parlamentit pro votuan 108 deputetë, asnjë kundër dhe asnjë abstenim.
Me këtë vendim, Maqedonia e Veriut edhe zyrtarisht shkon në zgjedhje të reja parlamentare të parakohshme që do të jenë më 12 prill.

Zgjedhjet do të organizohen nga Qeveria teknike me mandat 100 ditësh. Përbërja e deritanishme parlamentare e përbërë nga 120 deputetë, ishte e dominuar nga LSDM, VMRO-DPMNE, por edhe nga partitë shqiptare BDI, ASH, Lëvizja BESA, Alternativa, PDSH, etj.

LEXO TE PLOTE