Connect with Us

Ideja e bashkimit të Doganës dhe Administratës Tatimore, drejt dështimit

Kosova & Rajoni

Ideja e bashkimit të Doganës dhe Administratës Tatimore, drejt dështimit

Publikuar

-

Projeksionet për bashkimin e Administratës Tatimore dhe Doganës në Agjencinë e të Hyrave të Kosovës po shkojnë drejt dështimit.

Autoritetet qeveritare në Kosovë në vitin 2016, kishin miratuar bashkimin formal të Administratës Tatimore të Kosovës (ATK) dhe Doganës së Kosovës (DK) në një agjenci të përbashkët, duke e quajtur atë si Agjencia e të Hyrave të Kosovës.

Për këtë qëllim para tri vitesh ishte harmonizuar edhe projektligji përkatës, por i cili nuk është miratuar.

Zyrtarë të qeverisë në largim thonë se një unifikim i sistemit të mbledhjes së të ardhurave nuk është i nevojshëm.

Luzim Rafuna, këshilltar i ministrit në largim të Financave Bedri Hamza, në një prononcim për Radion Evropa e Lirë, thotë se situata politike dhe ekonomike nuk është në favor të jetësimit të këtij unifikimi.

Rafuna thotë se është shumë e nevojshme që Dogana të qëndrojë në statusin aktual.

“Dogana paraqet kufirin shtetëror, paraqet identitet të shtetit dhe doganierët janë në të gjitha pikë kalimet kufitare duke përfshirë edhe Serbinë. Për këtë arsye, në situatën politike që ndodhemi sot, Dogana është shumë e nevojshme të qëndrojë me statusin që e ka”.

“Elementi i dytë, sipas raportit të organizatave ndërkombëtare, është se niveli i zhvillimit të Doganës dhe ATK- nuk është i njëjtë. Administrata Doganore është shumë më e zhvilluar se sa Administrata Tatimore. Dhe së treti, është stafi doganor nuk është staf civil, është staf i uniformuar dhe ka komplet kushte dhe paga tjera nga administrata”, tha Rafuna.

Edhe Drejtori i Përgjithshëm i Doganës së Kosovës Bahri Berisha, thotë se misioni i Doganës në disa fusha është më ndryshe sesa ai i Administratës dhe për këtë arsye, ai thotë se jo në të gjithë sektorët nevojitet bashkimi.

Përveç mbledhjes së taksave doganore, tatimi mbi vlerën e shtuar, akcizën për buxhetin, kontrollimin e importit dhe eksportit, Berisha thotë se Dogana kontribuon edhe për sigurinë, si në luftimin e aktiviteteve ilegale, rritjen e sigurisë përmes prezencës në pikat kufitare, siç janë luftimi i krimit kufitar, luftimi i trafikut të drogës, parandalimi i kontrabandimit dhe armëve.

Sipas tij, në këtë proces mund të integrohen vetëm disa njësi të këtyre dy institucioneve.

LEXO EDHE:  Kampistet e  Monës në Jalë, studentët dhe një këshillë për Besa Shahinin

“Ne vlerësojmë se jo gjithëçka duhet të bashkohet, sepse Dogana parasheh sovranitetin shtetëror të një vendi. Kështu që mendojmë se në disa funksione duhet të ruhet pavarësia e saj sepse është me rëndësi qoftë në aspektin e sigurisë, qoftë në aspektin e luftës kundër krimit transkufitar dhe në fushat tjera që ka përgjegjësi Dogana”, shprehet Berisha për Radion Evropa e Lirë.

Berisha thotë po ashtu se pavarësia e Doganës duhet të ruhet sa i përket prezencës kufitare.

Megjithatë ai shprehet, se nëse një vendim i tillë kërkohet nga Qeveria, Dogana do të punojnë në këtë drejtim.

“Sa i përket rolit të Doganës në prezencën kufitare, praktikat në shumë vende të botës janë se Dogana ruan atë autonomi”, thekson Berisha, duke kërkuar që Dogana të krijojë kapacitete për të parandaluar edhe lloje të ndryshme të krimeve, nisur nga ato kibernetike dhe krimeve tjera.

Kurse Lulëzim Rafuna, thotë se disa nga vendet e Bashkimit Evropian, që më herët kishin përfunduar këtë proces, prapë i kanë ndarë këto agjenci në mënyrë që të funksionojnë në mënyrë të veçantë.

“Unë rekomandoj që mos të bëhet bashkimi qoftë për arsye politike, qoftë për nivelin e zhvillimit të të dy administratave. Por, duhet të shikohet mundësia që të avancohet Administrata Tatimore ndërsa të gjenden mundësitë për krijimin e një etniteti të veçantë i cili do të menaxhojë dhe administrojë Tatimin Mbi Vlerën e Shtuar”, tha Rafuna.

Administrata Tatimore e Kosovës është një agjenci ekzekutive në kuadër të Ministrisë së Financave . Kjo agjenci mbledh tatimet dhe kontributet për të mbështetur zhvillimin ekonomik dhe mirëqenien e qytetarëve të Kosovës.

Kurse Dogana e Kosovës, përveç detyrimeve doganore për mbledhjen Tatimit Mbi Vlerën e Shtuar(TVSH), taksën, akcizën nëpër kufij, mbron shoqërinë edhe nga kontrabandimi i drogës, mallrave tjera të ndaluara me efekt të dëmshëm të krimit ekonomik si dhe evazionit në të hyra./ REL

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Nëntë viktima dhe 98 të infektuar në Maqedoninë e Veriut/ Shkupi nën tension nga koronavirusi

Publikuar

-

Nga

Koronavirusi në Greqi/ 6 viktima dhe mbi 250 raste të reja në 24 orë

Instituti i Shëndetit Publik bën me dije se gjatë 24 orëve të fundit në Maqedoninë e Veriut janë regjistruar 98 persona të infektuar.

Mësohet se që nga dita e djeshme janë bërë 1404 testime, ndërsa kanë humbur jetën 9 pacientë.

Raportohet se mes personave që kanë humbur jetën janë edhe dy të rinj të moshave 29 dhe 23 vjeç.



Shqetësues është fakti që nga rastet e konfirmuara positive, 50 të infektuar janë vetëm në qytetin e Shkupit.

LEXO EDHE:  Intervistë ekskluzive/ Agron Duka “hap letrat” për Lulzim Bashën, polin e tretë dhe Edi Ramën

LEXO EDHE:  Nga Andi Bejtja/Dilema triptike

Ndërkohë, shifrat e tjera janë në Kumanovë 6 raste, në Shtip 4, në Prilep 5, në Tetovë 7, në Strugë 3, në Veles 1, në Manastir 4, në Ohër 2, në Gostivar 1, në Strumicë 9, në Kriva Pallankë 1, në Koçanë 1, në Berovë 1, në Dellçevë 2 dhe Kërçovë 1./ CNA.al

LEXO TE PLOTE

Kosova & Rajoni

Ulen shifrat në Kosovë/ Një viktimë dhe 70 të infektuar në 24 orë

Publikuar

-

Nga

Ulen shifrat në Kosovë/ Një viktimë dhe 70 të infektuar në 24 orë

Gjatë 24 orëvetë fundit në Kosovë janë regjistruar 71 raste të reja me koronavirus, pas marrjes së 608 mostrave.
Instituti Kombëtar i Shëndetit Publik (IKSHPK) ka njoftuar se brenda 24 orëve është regjistruar një viktimë, duke e çuar numrin total të jetëvetë humbura nga Covid, në 601.

Sipas të dhënave të këtij Instituti të martën janë regjistruar edhe 199 raste që kanë mposhtur virusin, ndërsa raste aktive aktualisht janë 2,378.



Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 14,763 të prekur nga sëmundja Covid-19./CNA.al

LEXO TE PLOTE

Kosova & Rajoni

Marrëveshja në Uashington/ Trump: Hoti dhe Vuçiç e bënë Ballkanin dhe botën më të sigurt

Publikuar

-

Nga

Marrëveshja në Uashington/ Trump: Hoti dhe Vuçiç e bënë Ballkanin dhe botën më të sigurt

Hoti dhe Vuçiç kanë nënshkruar marrëveshjen për normalizimin e marrëdhënieve ekonomike më 4 shtator në Shtëpinë e Bardhë, në praninë e presidentit Trump.

Presidenti i Shteteve të Bashkuara, Donald Trump deklaroi se marrëveshja ekonomike midis këtyre dy vendeve do ta bëj si edhe Ballkanin dhe botën, më të sigurta.

“Duke e bërë këtë, ata i kanë bërë vendet e tyre, Ballkanin dhe botën më të sigurt”, tha Trump.



“Guximi i jashtëzakonshëm i presidentit të Serbisë, Aleksandar Vuçiç, dhe i kryeministrit të Kosovës, Avdullah Hoti, ka qenë i nevojshëm për t’i nisur këto bisedime dhe për të ardhur në Uashington, për t’i finalizuar detyrimet”, nënvizoi Trump.

LEXO EDHE:  Kampistet e  Monës në Jalë, studentët dhe një këshillë për Besa Shahinin

LEXO EDHE:  Projektbuxheti për 2019-ën/ Ahmetaj jep lajmin e mirë

 

LEXO TE PLOTE