Connect with Us

Video-Sekuestrohet drogë, telefona, para dhe automjete/ Arrestohen tre persona

Kronika

Video-Sekuestrohet drogë, telefona, para dhe automjete/ Arrestohen tre persona

Publikuar

-

Një tjetër operacion antidrogë është finalizuar nga policia e Fierit, në kuadër të operacionit të koduar “Kreshpan”.

Mësohet se gjatë këtij operacioni është sekuestruar 13 kg kanabis, 2 automjete, 7 aparate celulare dhe një sasi parash, si dhe janë vënë në pranga tre persona.

Burimet bëjnë të ditur se në pranga kanë rënë shtetasit: E. Y., 35 vjeç, banues në Kreshpan, Fier; S. T., 38 vjeç, banues në Kreshpan, Fier dhe E. S., 27 vjeç, banues në Tiranë;

Si rezultat i operacionit, në aksin rrugor Levan-Tepelenë, shërbimet e Policisë kapën në flagrancë shtetasit E. Y., S. T. dhe E. S. duke shkëmbyer një sasi lënde narkotike kanabis.

LEXO EDHE:  E rëndë në Fier/ Makina shpërthen në flakë në mes të rrugës

Gjatë kontrollit të ushtruar në automjetin tip Audi në pronësi të shtetasit E. S., u gjet një sasi prej 5 kg lëndë narkotike kanabis, e cila dyshohet të jetë blerë te shtetasit E. Y dhe S. T.

Gjatë kontrollit fizik, shtetasit E. Y. iu gjetën dhe sekuestruan 1 550 euro dhe 90 000 lekë, të cilat dyshohet se janë përfituar nga shitja e lëndës narkotike.

Gjithashtu, nga kontrolli i banesës së shtetasit E. Y., u gjet dhe sekuestrua në cilësinë e provës materiale rreth 8 kg lëndë narkotike kanabis.

Materialet procedurale i kaluan Prokurorisë pranë Gjykatës së Shkallës së Parë Fier, për veprën penale “Prodhimi dhe shitja e lëndëve narkotike” kryer në bashkëpunim./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Kryebashkiaku me kokainë/ Priten hetimet dhe çfarë mund të ndodhë

Publikuar

-

Nga

Gazetari investigativ, Artan Hoxha ka publikuar sot disa foto të një kryebashkiaku, duke konsumuar kokainë.

Publikimi i fotove është bërë mëngjesin e sotëm në studion e ABC News, dhe ndërkohë gazetari Hoxha ka paralajmëruar publikimin edhe të një video, në lidhje me çështjen në fjalë.

Ndërkohë, CNA.al ka mësuar se të gjitha dyshimet janë se bëhet fjalë për kryebashkiakun e Bulqizës, Lefter Alla.

Por, pas këtij publikimi, burime zyrtare nga Policia e Shtetit thanë ekskluzivisht për CNA.al se ashtu siç ka vepruar në të gjitha rastet e publikimit të këtyre videove dhe në raste të tilla të ngjashme, uniformat blu në zbatim të ligjit fillojnë hetimet menjëherë në bashkëpunim me prokurorinë, për të zbuluar se kur është bërë video, kush është personi, kur është filmuar , kur ka ndodhur ngjarja e të tjera. Dhe më pas fillojnë me hapat e mëtejshëm në zbatim të ligjit.

LEXO EDHE:  Kontrolli i policisë “fundos” biznesmenin në Korçë/ Ja çfarë iu gjet në lokal dhe makinë  

LEXO EDHE:  Fier/ Makina përplas 3 vjeçarin

Ndërkohë një tjetër burim nga prokuroria i tha CNA.al se konsumimi i lëndëve narkotike nuk është vepër penale.

Pra, kjo çështje më shumë do të jetë një boom politik që do sjellë debate mes opozitës dhe mazhorancës socialiste, të cilës dyshohet se i përket kryebashkiaku në fjalë.

Më pas do të ketë një qasje tjetër të situatës, dhe do të duhet të dalin hetimet e plota për të parë se kur ka ndodhur dhe çfarë ka ndodhur realisht, por burimi ritheksoi se përdorimi personal i lëndëve narkotike nuk është vepër penale.

Më shumë do të ngelet një çështje politike dhe një reagim i pritshëm politik nga zyrtarët e mazhorancës./ CNA.al

Zbulohet kryebashkiaku i videos me kokainë

LEXO TE PLOTE

Kronika

Zbulohet kryebashkiaku i videos me kokainë

Publikuar

-

Nga

Një video skandaloze ku një prej kryebashkiakëve të Shqipërisë merr lëndë narkotike, është paralajmëruar të publikohet sot nga gazetari investigativ, Artan Hoxha.

Sot në mëngjes nga ekrani i televizionit ABC News ai ka publikuar fotot e kryebashkiakut, por jo videon.

Burime jo zyrtare i thanë CNA.al (City News Albania) se personi që dyshohet se është filmuar duke marrë lëndë narkotike është një nga kryebashkiakët e qarkut të Dibrës.

LEXO EDHE:  VIDEO – Arrestohet shoferi i dehur/ Lëvizte kundravajtje

LEXO EDHE:  Kontrolli i policisë “fundos” biznesmenin në Korçë/ Ja çfarë iu gjet në lokal dhe makinë  

Po të njëjtat burime theksuan se të gjitha dyshimet janë për kryebashkiakun e Bulqizës.

Mësohet se po bëhen verifikimet përfundimtare dhe më pas do të ketë edhe qëndrim zyrtar nga institucionet qeveritare si dhe pitet të ketë reagime të forta edhe nga opozita./ CNA.al

Artan Hoxha publikon fotot e kryebashkiakut duke pirë kokainë

LEXO TE PLOTE

Kronika

U maskua si “profesor” pikture/ Kush janë politikanët që ndihmuan të arratisej Aldo Baren

Publikuar

-

Nga

Gjatë verës, dhe vjeshtës së vitit 1999, Policia e Shtetit nis një aksion të gjerë për goditjen e bandave në të gjithë vendin. Para operacionit, ministri i Rendit të asaj kohe Spartak Poçi zhvillon një vizitë në komisariatin e Lushnjes.

“Prej aty shkova, bëra vizitë në Karavasta, në Lagunën e famshme. Gjatë kohës që goditnim bandat e tjera hapësirat e saj avash avash i ngushtuam shumë”, thotë Spartak Poçi, ish – Ministër i Rendit.

Banda e Aldo Bares, përflitej për lidhje në nivele të larta brenda mazhorancës së kohës. Për goditjen e saj, u zgjodh pikërisht data 11 tetor e vitit 1999, që përkonte me një moment të rëndësishëm në Partinë Socialiste. Atë ditë, në Tiranë zhvillohej Kongresi ku kandidonin për kryetar Pandeli Majko dhe Fatos Nano.

“Edhe pse i identifikonin me mbështetje majtas, kanë pasur lidhje edhe në krahun tjetër”, tregon gazetari Hoxha.
“Në një konferencë shtypi që bëra disa ditë përpara, nuk e shpalla si datë por një gazetare vajzë më bëri pyetje dhe tha i keni mbaruar të gjitha, po këtë pse se keni prekur? Unë i thashë që do goditet edhe ajo, e aty në vend improvizova datën që më erdhi në mend ishte kongresi partisë, ne ishim përgatitur ta bënim dhe të nesërmen, por e lamë me grupin atë ditë”, tregon Spartak Poçi, ish – Ministër i Rendit.

Në Lushnje u arrestuan pjesa më e madhe e anëtarëve të bandës veç më të rëndësishmit, kreut të saj Aldo Bare. Atë ditë ai ndodhej në Tiranë, madje është parë pranë Pallatit të Kongreseve ku zhvillohej aktiviteti i Partisë Socialiste.
Sipas informacioneve nga drejtues të lartë të policisë për kohën, Aldo Bare është ndihmuar të fshihet nga një deputet. Banesa ku fshihej ka qenë e rrethuar për dy ditë. Aldo Bare është larguar pikërisht me mjetin e një deputeti të Kuvendit. Thuhet se në atë kohë, ka pasur edhe një kërkesë nga policia për marrjen e një autorizimi për kontroll, por leja nuk u dha kurrë.

“Natyrisht ai ka qenë në Tiranë atë ditë, ne nuk e dinim, kur u vumë në lëvizje ta arrestonim është fshehur, është ndihmuar për tu fshehur, pastaj ka lëvizur derisa iu bë e pamundur qëndrimi këtu pasi nuk ndaluam përpjekjet për ta vënë në pranga”, thotë Spartak Poçi, ish – Ministër i Rendit.

Pas këtij episodi, në drejtim të ministrit të kohës, zotit Poçi ka pasur mjaft presione nga kolegë të tij.
“Elementë të veçantë, kanë ngritur shqetësime, mua më kanë thërritur edhe në grup parlamentar e kanë kërkuar shpjegim për këtë por kam dhënë përgjigjen”, thotë Spartak Poçi, ish – Ministër i Rendit.

Top Story ka zbuluar nga arkivat edhe këtë dokument që mban datën 19 tetor e vitit 1999, e firmosur nga ish-ministri Spartak Poçi. Ai, informon kryeministrin Pandeli Majko se kryetari i Partisë Socialiste në Lushnje Kujtim Rusho dhe deputeti i zonës Dalip Pero, kanë ngritur shqetësim për arrestimin e anëtarëve të bandës. Ata kanë takuar shefin e komisariatit dhe i kanë thënë se janë arrestuar njerëz që kanë shoqëruar gjithë udhëheqjen.

LEXO EDHE:  Fier/ Makina përplas 3 vjeçarin

LEXO EDHE:  E rëndë në Fier/ Makina shpërthen në flakë në mes të rrugës

“Ata i kam thërritur para se ti bëja letër Kryeministrit, në zyrë dhe njëri prej tyre ka qarë, kështu ka qenë, është fakt..Por, absolutisht kjo nuk duhej, opozitës së kohës i interesonte ta përgjithësonte çështjen”, thotë Spartak Poçi, ish – Ministër i Rendit.

Skandaloz është fakti se Aldo Bare u arratis në Itali duke u bërë pjesë e një delegacioni zyrtar të Lidhjes së Shkrimtarëve në fund të vitit 1999.

Ai ishte regjistruar si piktor. “Profesori”, kishte siguruar një pasaportë false me emrin Mikel Kodra, e cila mbante pikërisht këtë foto që shihni.

“Ne e morëm vesh, u njoftuam nga homologët italianë pas 2 ditësh”, thotë Spartak Poçi, ish – Ministër i Rendit.
Pas aksionit banda filloi hakmarrjen. Më 25 Shkurt të vitit 2000, në periferi të qytetit i është bërë atentat shefit të komisariatit Lushnje Sinan Meta. Fatmirësisht ai shpëtoi pa lëndime. Ndaj tij organizohet një atentat i dytë, këtë herë me përmasa terroriste. Në 25 Mars, pranë stadiumit të Lushnjes, në vendin ku parkonte mjetin zakonisht Meta, vendosen 5 kilogramë tritol.

Maksim Çela, Dritan Vila, Enver Dondollaku dhe Leonard Prifti vendosën lëndën plasëse. Personi që e aktivizoi ishte Riza Balla, një xhenier i ushtrisë. Plani dështoi. Riza Balla, e çaktivizoi lëndën plasëse dhe njoftoi policinë, duke shmangur kështu një tragjedi.

Alfred Shkurti nuk u ndal me kaq. Ai jep urdhër për eliminimin e një punonjësi policie që po u hapte shumë punë. Bëhej fjalë për Klenti Banon. Në 14 prill të vitit 2000, Bano po i drejtohej banesës në lagjen “Xhevdet Nepravishta”. Leonard Prifti, Dritan Vila, Maksim Çela, Gentjan Kulla dhe Enver Dondollaku i bëjnë pritë. Personi që qëlloi ishte Leonard Prifti, i njohur me nofkën “Çibiku”. Bano, ndërron jetë në vend./ TCH

LEXO TE PLOTE