Hetuesit në Treviso të Italisë kanë ngritur akuzën e tentativës së vrasjes, ndaj 23-vjeçarit senegalez, Sileymane Pam, i cili shtriu përtokë dhe goditi me shqelm shqiptarin Erikson Kotarja të enjtën e kaluar.

Në fotot e dala nga mediat italiane, afrikani godet me grusht shqiptarin duke e rrëzuar në tokë, pastaj e godet fuqishëm me shqelm, duke i shkaktuar dëmtime serioze.

Në momentin e sherrit, afrikani dhe shqiptari ishin rrethuar nga një grup të rinjsh, të cilët u larguan menjëherë sapo erdhi policia. Falë dëshmitarëve në vendngjarje dhe kamerave të sigurisë, hetuesin zbuluan autorin e sulmit ndaj shqiptarit dhe bashkëpunëtorëve të tij, ndaj të cilëve nuk është marrë edne asnjë masë sigurie.

Karabinierët e gjetën shqiptarin në shtrirë në tokë dhe nga veshi e goja i ridhte gjak. përpara se të humbte ndjenjat, ai arriti që të shqiptonte emrin e agresorit. Sipas mediave italiane, përpara konfrontimit fizik, dy të rinjtë kishin shkëmbyer ofendime.  Erikson Kotarja punonte në një firmë në Conegliano dhe jetonte me familjen në Spresiano. Aktualisht ai ndodhet në spitalin e Coneglianos, duke luftuar për jetën. /CNA.al

Gazetari i njohur investigativ Artan Hoxha ka reagua lidhur me ngjarjen që tronditi pasditen e sotme Elbasanin ku Emiljano Ramazani, 39 vjeç, u ekzekutua me armë zjarri në makinën e tij.

Ngjarja ndodhi në lagjen “28 nëntori” të qytetit ku persona të paidentifikuar janë afruar në mjetin ku po qëndronte Ramazani, që njihet ndryshe si “Rramami”, dhe e kanë qëlluar atë me breshëri, nga një tjetër mjet në ecje.

39-vjeçari që u ekzekutua ishte person me precedent penal.

Përveç arrestimin në vitin 2017, ku ishte kapur me 10 doza kokainë dhe 50 mijë Lekë të rinj, Ramazani është arrestuar dhe në 2011 për “Prodhimit dhe shitjes së narkotikëve”, i kryer në bashkëpunim, parashikuar nga neni 283/2 i K.Penal, por në datën 16 korrik 2012 ai është lënë i lirë.

Lidhur me ngjarjen Hoxha shkruan “Lufta për kontroll të territorit dhe tregun e “të bardhës”, po korr me sukses, viktimat e veta.

“Si ka qene ajo loja, qe luanim kur ishim te vegjel?!
Agoj, loje filloj, 5 minuta sa te fshihem…
“Leviz, leviz, ky qerrata qytet.
Ere xhepane bie, kudo qe te shkosh”- thane pleqte e Ibrahim Kovaçit, te “I teti ne bronz”…
Me ne fund, pasI moren disa goditje te forta rresht, nga “djemte e Dubait”, mbase “ata” te “Tarzanit”, u bene te gjalle…
Lufta per kontroll te territorit dhe tregun e “te bardhes”, po korr me sukses, viktimat e veta.
Ekspertet e policise, vazhdojne te mbledhin gezhojat ne vendin e ngjarjes.
Ndersa sherbimi zjarrefikes, mbetet ne gatishmeri te plote per te shuar zjarrin e makines se autoreve te atentatit…
“Reforma per drejtesi”, ne boten e krimit, eshte ne vijim e siper.
Aty nuk ka veting falls me lista partie!!!
Aty ka AK-47, pa te drejte apelimi…
Kampionati vazhdon…“/CNA.al

Një atentat me armë zjarri ndodhi pasditen e së hënës në orën 16:30 pranë “Rrethrrotullimit të Lules” në Elbasan, ku si pasojë mbeti i vdekur pasi u qëllua me pesë plumba 39-vjeçari Emiljano Ramazani, siç raportoi edhe CNA.al.

I riu njihej ndryshe edhe me emrin “Rramani” apo “Rrahman Zeqa” dhe njihej si person me precedentë të mëparshëm penalë kryesisht në fushën e narkotikëve.

Gjatë vitit 2017 Emiljano Ramazani, “Rramani” së bashku me shtetasin Marenglen Kamami u arrestuan nga policia e Elbasanit pasi u kapën në flagrancë me 10 doza kokaine. Gjithashtu policia gjatë kapjes i sekuestroi në makinë edhe 14 aparate celularë dhe 50.000 lekë.