Connect with Us

Kriza e kapitalizmit?/ A po e ‘kryqëzojnë’ protestat demokracinë?

Bota

Kriza e kapitalizmit?/ A po e ‘kryqëzojnë’ protestat demokracinë?

Publikuar

-

Protestat kundër gjendjes ekzistuese që po shfaqen në shumë vende të botës mund të kenë shtysa të ndryshme, por pakënaqësia ka të njëjtën shkak kudo, thotë Alexander Görlach, studiues në Universitetin e Cambridge-it në Institutin për Fenë dhe Studime Ndërkombëtare.

Globalizimi njeh shumë fitues, por njeh edhe humbës. Dhe këta po demonstrojnë në të gjithë botën këto ditë: Hong Kong, Liban, Francë, Kili dhe Ekuador. Shkaqet e protestave janë të ngjashme: Në Liban një taksë për rrjetet sociale, në Hong Kong shtrenjtimi i qirave, në Kili rritja e çmimit të biletave të autobusëve, në Francë rritja e çmimit të benzinës. Për përfituesit e globalizimit në tre dekadat e fundit, është e pakuptueshme që shtrenjtimi prej disa centësh i një bilete autobusi të shqetësojë një milion njerëz. Jo se nuk kanë empati, por sepse bota e tyre është shumë larg nga bota e protestuesve. Këtë e dëshmon më së miri edhe polarizimi politik që vihet re në të gjithë botën. Votimi për Brexit-in, si edhe zgjedhja e Donald Trump-it kuptohen gjerësisht si protesta të atyre që ndjehen të izoluar nga zhvillimet shoqërore,

Neoliberalizmi si shkaku i së keqes?

Francis Fukuyama e ka përshkruar këtë në librin e tij të ri “Identiteti” si një ndjenjë “indinjate”. Dhe me të vërtetë, si mund ta ndiesh ndryshe, kur nuk ia del as të blesh biletën për të shkuar në punë, e prapë duhet ta blesh, sepse në qytet banesat janë tepër të shtrenjta. Na është bërë refleks që shkakun ta shohim te neoliberalizmi. Kjo mund të mos jetë plotësisht e gabuar, por është vetëm gjysma e së vërtetës.

Prof Alexander Görlach, Global Media Forum, Deutsche Welle

Në epokën tonë të globalizuar, kur burimet e Tokës po marrin fund, asnjë ekonomi globale e bazuar në rritje nuk mund ta ketë të gjatë. Kjo nuk ka të bëjë aspak me privatizimet, që janë një nga shtyllat e neoliberalizimit. Por me faktin se aty ku nuk ka rritje, nuk ka interesa. Prandaj, edhe në vendet e pasura si Gjermania planet e kursimeve të pensionit që mbështeten në të ardhura nga depozitat me interesa nuk funksionojnë më. Fondet e pensionit dhe sigurimet investojnë në të vetmen gjë që është akoma e sigurt: beton.Dhe kështu, kërkesa për pasuri të paluajtshme po rritet në të gjithë botën, gjë që çon në rritje të çmimeve. Disa vëzhgues e shohin këtë si një nxitës kryesor të protestave në Hong Kong.

LEXO EDHE:  Pse Luli i bën gjërat së prapthi?!

Prandaj ka shumë zëra që thërrasin për një rishtetëzim të ekonomisë edhe në SHBA, një vend dikur shpresëdhënës, i orientuar kah e ardhmja. Në vendin që pretendon të ketë mundësi të pafundme, ka zona të tëra të shkretuara dhe ku një pjesë e popullsisë jeton në varfëri. Aty ku njerëzit për një vend pune dikur ishin të gatshëm të shkonin nga Alaska në Florida, sot shkojnë për të banuar te të afërmit për të mos përfunduar të pastrehë.

Ekonomia e tregut dhe kapitalizmi në qorrsokak

Ekonomia e tregut dhe kapitalizmi, funksionimi i të cilave – të paktën në demokracitë kushtetuese – janë liritë personale që supozohet të çojnë drejt mëvetësimit dhe arsimimit e drejt prosperitetit, kanë përfunduar kësisoj në rrugë qorre. Kjo është arsyeja pse demokracia është në rrezik kudo, sepse pjesëmarrja politike nuk çon më në prosperitet dhe siguri financiare, siç premtonte demokracia e deritanishme. Për sa kohë që problemi nuk kapet nga rrënjët, në të ardhmen do të shohim më shumë dhe jo më pak protesta dhe trazira./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Protestat e dhunshme në Bejrut, reagon SHBA

Publikuar

-

Nga

Protestat e dhunshme në Bejrut, reagon SHBA

Në kryeqytetin e Libanit, policia përdori gaz lotsjellës ndaj demonstruesve që u përpoqën të kalojnë një barrierë për të arritur në ndërtesën e parlamentit, ndërkohë që numri i të vdekurve nga shpërthimi së martës në portin e Bejrutit arriti në 158.

Rreth 10,000 njerëz dolën në rrugë për të protestuar kundër mënyrës se si qeveria po e trajton shpërthimin shkatërrimtar. Gjatë protestës u dëgjuan të shtëna.

Një polic u vra në përleshje me demonstruesit, njoftoi një zëdhënës i policisë.

Kryqi i Kuq tha se kishte trajtuar 117 persona të lënduar në vendin e ngjarjes, ndërsa 55 të tjerë u dërguan në spital. Në Sheshin e Dëshmorëve në qendër të qytetit shpërtheu një zjarr.

Një demostrues shkel mbi portretin e presidentit Michel Aoun

Dhjetra protestues u futën në ministrinë e jashtme, ku dogjën një portret të Presidentit Michel Aoun, të cilin shumë libanezë e shohin si përfaqësues të një klase politike që qeveris Libanin prej dekadash dhe që ata thonë se është fajtor për krizat e thella politike dhe ekonomike.

“Ne do të qëndrojmë këtu. I bëjmë thirrje popullit libanez që të pushtojë të gjitha ministritë”, tha një demonstrues përmes megafonit.

Njerëzit u mblodhën në Sheshin e Dëshmorëve në qendër të Bejrutit, disa prej tyre duke hedhur gurë. Policia u përgjigj me gaz lotsjellës, kur disa protestues u përpoqën të kalojnë barrierën në një rrugë që të çonte drejt parlamentit.

Protestuesit thërrisnin “Populli kërkon rënien e regjimit,” dhe mbanin pankarta me fjalët “Ikni, jeni të gjithë vrasës”.

“Duam një të ardhme me dinjitet, nuk duam që gjaku i viktimave të shpërthimit të shkojë kot”, tha protestuesja Rose Sirour.​

REAGON AMBASADA E SHBA



Shtetet e Bashkuara thanë se mbështesin të drejtën e demonstruesve libanezë për protesta paqësore dhe u bënë thirrje të gjitha palëve të përfshira që të përmbahen nga dhuna.

LEXO EDHE:  Protesta/Basha lë selinë blu

LEXO EDHE:  Apeli i mbesës së At Zef Pllumit: Dua të shoh veten time të përfaqësuar nga njerëz me vlera

Në një deklaratë, ambasada e SHBA në Bejrut tha se populli libanez ka vuajtur shumë dhe meriton udhëheqës që “ndryshojnë kurs, për t’iu përgjigjur kërkesave popullore për transparencë dhe përgjegjshmëri”.

Pamje e pjesshme nga porti i shkatërruar i Bejrutit

Shpërthimi i së martës, më i madhi në historinë e Bejrutit, solli shkatërrime të mëdha në qytet. Qeveria ka premtuar se do të gjejë shkaktarët dhe do t’i verë përpara përgjegjësisë.

Disa banorë, që përpiqeshin të vinin rregull në apartamentet e dëmtuara rëndë nga shpërthimi, denoncuan qeverinë, të cilën e shohin si të korruptuar, duke thënë se ajo përsëri i la në baltë.

“Nuk kemi besim te qeveria jonë,” tha studentja Celine Dibo teksa pastronte gjak nga muret e apartamentit të saj. “Uroj që Kombet e Bashkuara ta marrin nën administrim Libanin.”

Disa njerëz thanë se nuk ishin aspak të befasuar që Presidenti francez Emmanuel Macron vizitoi këtë javë lagjet e tyre, ndërsa udhëheqësit libanezë nuk e bënë këtë.

“Ne po jetojmë në nivelin zero. Shpresoj se një vend tjetër do të donte të na merrte nën administrim. Udhëheqësit tanë janë një bandë njerëzish të korruptuar,” tha psikologia Maryse Hayek, shtëpia e prindërve të së cilës ishte shkatërruar nga shpërthimi.

Partia Kataeb e Libanit, një grup i krishterë që kundërshton qeverinë e mbështetur nga Hezbollahu i lidhur me Iranin, njoftoi të shtunën dorëheqjen e tre ligjvënësve të saj nga parlamenti.

“I ftoj të gjithë ligjvënësit të japin dorëheqjen në mënyrë që njerëzit të mund të vendosin se kush do t’i qeverisë, pa iasnjë imponim,” tha kreu i partisë Samy Gemayel, duke e njoftuar vendimin gjatë funeralit të një anëtari drejtues të partisë, i cili vdiq në shpërthim. /VOA

LEXO TE PLOTE

Bota

Përhapin virusin!/ Australia nxjerr nga qarkullimi 286 lloje maskash

Publikuar

-

Nga

Përhapin virusin!/ Australia nxjerr nga qarkullimi 286 lloje maskash

Qindra lloje të ndryshme të maskave të fytyrës janë hequr nga dyqanet në Australi pasi autoritetet ngritën shqetësimin se disa prej tyre nuk mund të parandalojnë infeksionin.

Maskat kirurgjikale ose ekzaminimi, të destinuara për të zvogëluar ose parandaluar transmetimin e sëmundjes, konsiderohen pajisje mjekësore, kontrollohen nga Administrata e Mallrave Terapeutike dhe duhet të përfshihen në regjistrin e mallrave terapeutikë përpara se të dalin në shitje.



LEXO EDHE:  Foto Fakt-Duke ngrënë e duke pirë për të rrëzuar Ramën/ Pas Kamzës, mobilizohet Fieri

Që nga e enjtja, 286 lloje të maskave, mes të cilave edhe ato kirurgjikale ishin hequr nga regjistri, si pjesë e një shqyrtimi pas tregut të shkaktuar nga shqetësimet se shumë maska ​​nuk plotësojnë standardet rregullatore dhe nëse përdoren në mjediset mjekësore, mund të nxisin përhapjen e sëmundjes. /CNA.al

LEXO TE PLOTE

Bota

Protesta të dhunshme në Liban/ Digjet Ministria e Jashtme, kërkohet dorëheqja e Qeverisë

Publikuar

-

Nga

Protesta të dhunshme në Liban/ Digjet Ministria e Jashtme, kërkohet dorëheqja e Qeverisë

Nuk kanë të ndalur protestat e dhunshme në Liban. Pas shpërthimit apokaliptik në portin e Bejrutit 4 ditë më parë, qytetarët kërkojnë largimin e qeverisë fill. Mediat vendase raportojnë përleshje masive mes protestuesve dhe policisë, ndërsa është djegur edhe Ministria e Jashtme

Mediat ndërkombëtare raportojnë se mijëra protestues janë mbledhur në “Sheshin e Martirëve” duke kërkuar dorëheqjen e qeverisë duke  cilësuar përgjegjëse për atë që ndodhi në vend. Sipas protestuesve, qeveria e dinte që në port ndodheshin sasi të mëdha të nitratit të amonit duke mos bërë asgjë për largimin e këtij rreziku.



Madje, ata kanë kërkuar që të qeverisen nga shtete të huaja më mirë, për shembull nga Franca, në vend të klasës së korruptuar politike të vend.

LEXO EDHE:  Protesta te Liqeni/ Anika Dokle: Shkel të shkelim, shkon kjo punë…

LEXO EDHE:  A ndani të njëjtin mendim me opozitën për protestën?/ Surprizues rezultati i sondazhit

Policia ndërhyri për të shpërndarë turmën e protestueve duke hedhur ndaj tyre edhe gazlotsjellës, ndërsa një numër i madh prej tyre kanë arritur të futen brenda Ministrisë së Jashtme.

Ndërkohë, disa prej protestuesve i janë përgjigjur policisë me bomba molotov duke i vënë zjarrin gjithashtu edhe disa makinave. Pak ditë më parë, një sasi prej 2 750 ton nitrat amoni shpërtheu në portin e Beirutit duke shkaktuar 138 të vdekur deri më tani, 6 000 të plagosur dhe dëme kolosale materiale.

Raportohet se të paktën 21 persona janë ende të humbur dhe dyshohet se janë nën rrënojat e godinave të shkatërruara nga shpërthimi. CNA.al

LEXO TE PLOTE