Connect with Us

Shqetësimi i Olldashit gjashtë vite më parë/ Shifrat zyrtare në vite, aksidentet këmbanë alarmi

Politikë

Shqetësimi i Olldashit gjashtë vite më parë/ Shifrat zyrtare në vite, aksidentet këmbanë alarmi

Publikuar

-

Gjashtë vite më parë, në 28 tetor të vitit 2013, ish-ministri i ndjerë i Transportit, Sokol Olldashi nëpërmjet një postimi në rrjetet sociale ngrinte shqetësimin për aksidentet rrugore, të cilat vijonë të marrin jetë dhe të përgjakin rrugët.

Vetëm pak javë para se një aksident fatal t’i merrte jetën edhe Olldashit, ky i fundit shkruante se edhe pse nuk fajësonte qeverinë për çdo gjë, ajo minimum duhet të kërkojë falje.

“Pashe pak lajmet. Makina perplas dy femije ne Tirane, Makina del nga rruga ne Shkoder, etj.etj.

Personalisht nuk jam i prirur te fajesoj qeverine per cdo aksident, por duke u rikthyer vetem pak jave prapa ne kujtese, mendoj se qeveria e sotme na detyrohet nje ndjese.

Nuk kishte dite te mos dilte Saimir Tahiri te fajesonte qeverine dhe Ministrine e Brendshme per cdo aksident qe ndodhte. Ku eshte tani?! A e mendon njesoj se fajtore per cdo aksident eshte qeveria???!!!”-shkruante në profilin e tij në rrjetet sociale, Olldashi gjashtë vite më parë.

Ndërkohë, CNA.al sjell më poshtë disa statistika zyrtare të aksidenteve të ndodhura në të njëtën periudhë në vitin 2012, kur qeveriste PD, në 2013 kur sapo kishte ardhur Rilindja në pushtet.

Në tetor të vitit 2012, janë shkaktuar 173 aksidente, nga të cilat 34 persona kanë mbetur të vdekur, 43 janë plagosur rëndë ndërsa 159 të tjerë kanë marrë plagë të lehta.

Për periudhën tetor 2013 janë shkaktuar 179 aksidente, nga të cilat kanë mbetur të vdekur 26 persona, 40 të plagosur rëndë dhe 172 kanë marrë plagë të lehta.

LEXO EDHE:  Foto ekskluzive/ Aksidentet përgjakin rrugët

Ndërkohë në shtator 2012 kanë ndodhur 174 aksidente, ku kanë mbetur të vrarë 33 persona, 45 plagosur rëndë, ndërsa 154 kanë marrë plagë të lehta.

Shtator 2013, kanë ndodhur 166 aksidente, ku 30 persona kanë humbur jetën, 38 janë plagosur rëndë dhe 172 kanë marrë plagë të lehta.

Por, fatkeqësisht edhe pse kanë kaluar gjashtë vite, aksidentet rrugore vijojnë të përgjakin rrugët e Shqipërisë duke shënuar balance të rënda e duke marrë jetë njerëzisht.

Më poshtë do të sjellim shifrat e aksidenteve të ndodhura në vendin tonë nga janari deri në shtator 2013, si dhe për të njëjtën periudhë në vitin në të cilin ndodhemi. Pra nga janari deri në shtator 2019.

Sipas shifrave zyrtare vetëm nga janari deri në shtator 2013 janë regjistruar në total 1520 aksidente. 1050 prej tyre kanë shkaktuar plagosje të lehta, 275 kanë shkaktuar plagosje të rënda, ndërkohë që numri i aksidenteve me pasoja fatale është 195.

Ndërkohë, në nëntëmujorin 2019, numri i të vdekurve nga aksidentet rrugore është 157 persona.

Pra, edhe pse kanë kaluar gjashtë vite numri i personave të cilët kanë mbetur viktima të aksidenteve rrugore, vijon të jetë në shifra të larta dhe një kambanë alarmi për vendin tonë./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Njohja e patentave shqiptare/ Ambasada gjermane del me njoftimin e rëndësishëm

Publikuar

-

Nga

Një delegacion gjerman ndodhet në Tiranë, ku po vëzhgon nga afër procedurat mbi dhënien e patentave nga shteti ynë.

Pala gjermane ka konstatuar se janë bërë përparime në rrugën e njohjes së patentave shqiptare, por shton se  për këtë do të duhet të japin aprovimin e tyre për ndryshimin e duhur ligjor të 16 landet federale.

Sipas tyre, pavarësisht përpjekjeve për të sjellë procedurën e lëshimit të patentave në stadin më modern teknik dhe shkencor, është e rëndësishme marrja e të tjerave masa për të përmirësuar sigurinë rrugore në vendin tonë.

“Përparime në rrugën e procesit të njohjes së patentave shqiptare në Gjermani

Në një vizitë informative në Tiranë, Drejtuesi i Departamentit për Qarkullimin Rrugor në Ministrinë Federale për Qarkullimin dhe Infrastrukturën Digjitale, zoti Guido Zilke si dhe Drejtuesja e Referatit përgjegjës, zonja Renate Bartelt-Lehrfeld, u informuan para pak ditësh mbi zhvillimet aktuale në Shqipëri në sektorët e sigurisë rrugore dhe provimeve për patentat.

Përpjekjet intensive të Shqipërisë në vitet e fundit për të sjellë procedurën e lëshimit të patentave në stadin më modern teknik dhe shkencor, përshëndeten shprehimisht nga Gjermania. Gjermania njeh përparimet e dukshme në këtë fushë.

Njëkohësisht vlen të mbahet parasysh se për njohjen e mundshme të patentave shqiptare do të duhet të japin aprovimin e tyre për ndryshimin e duhur ligjor të 16 landet federale. Me veprimtaritë pozitive të vlerësuara të Drejtorisë së Përgjithshme të Transportit Rrugor, nga këndvështrimi gjerman, është bërë një hap tjetër i rëndësishëm.

Sidoqoftë, duhet të ndiqen edhe masa të mëtejshme për të përmirësuar sigurinë rrugore në Shqipëri. Gjermania do të mbështesë intensivisht Shqipërinë në përpjekjet e saj për të ulur numrin e aksidenteve. Delegacioni ka njoftuar se së shpejti do të dërgojë një ekspert të sigurisë rrugore në Tiranë.”, thuhet në njoftimin e plotë të ambasadës./CNA.al

LEXO TE PLOTE

Politikë

“Hiqet si hero se mori kredi të buta!”/ Teliti tallet keq me Ramën

Publikuar

-

Nga

Drejtorit i kabinetit në PD, Dorian Teliti, ka komentuar situatën pas Konferencës së Donatorëve, zhvilluar dje në Bruksel.

I ftuar në Syri tv, Teliti u shpreh se rreth 70% e 1,15 miliardë eurove janë borxh dhe jo dhuratë.

“Vlera prej 1,15 miliardë nuk është dhuratë. Mbi 70% e saj është borxh.  Çdo dhuratë është e mirëpritur. Kur mund të disbursohen këto grante, që nuk bëhet as për një javë e as për një muaj. Duhen projekte konkrete. Ka procedura tejet të komplikuara dhe zgjasin me muaj dhe vite. Në rastin më të mirë zgjasin 1 deri 2 vite. Paratë nuk kanë ardhur ende dhe nga kalimi nga fjalët te puna është në mes një lum i madh.

Këto janë kredi të buta dhe Rama e shpalli si fitore. Kredinë e butë nuk e ka shpikur as Rama, as Berisha dhe as Basha. Ka 30 vite që Shqipëria ka mundësi të marrë kredi të buta. Të prezantohesh para publikut shqiptar si hero mundësinë që të japin ndërkombëtarët për të marrë kredi me interes të ulët, është nonsens dhe e pakuptueshme. Paratë nuk vijnë për kryeministrat, por për ata që janë të prekur nga tërmeti. Kjo ka ndodhur edhe me Italinë, edhe me Francën, edhe me Turqinë, që janë shtete më të fuqishme se ne. Nuk është risi kjo që ka ndodhur. Ajo që duhet bërë tani është puna për njerëzit. Qytetarët shqiptarë nuk do ti shohin as për një javë, as për një muaj këto para. Në rastin më të mirë në vitin 2021, ose edhe në vitin 2022. Pjesën dërrmuese të dëmeve të tërmetit do ti paguajmë ne”, theksoi Teliti./CNA.al

LEXO TE PLOTE

Politikë

Lejet e ndërtimit në Tiranë/ Zhupa i nxjerr “bojën” Veliajt

Publikuar

-

Nga

Zëdhënësja e PD, Ina Zhupa thotë se kryebashkiaku Erion Veliaj gënjeiu publikisht kur deklaroi dje në emision me Sokol Ballën se gjysma e lejeve të ndërtimit janë punë publike.

Sipas ZHupës, e vërteta është që 80% e lejeve të ndërtimit të Veliajt janë për ndërtesa mbi 13 kate që nuk kanë lidhje me punët publike!

“Po ashtu bumi i lejeve të ndërtimit është në vitet 2018 dhe 2019, ndërsa lejet e punëve publike të mëdha të Tiranës nuk janë dhënë në këto vite! Punët publike që përmendi Veliaj skanë lidhje me vitet e bumit e lejeve. Konkretisht për Bulevardin e Ri, leja e ndërtimit është dhënë nga Bashkia e Tiranës është në vitin 2013, koha e Lulzim Bashës! Leja për pazarin e ri në 2015 dhe leja për Sheshin Skënderbej në 2016!
Veliaj mendon se qytetarët e Tiranës janë të verbër edhe nuk i shikojnë pallatet edhe kullat që ndërtohen çdo ditë, duke ju zënë rrugët, trotuaret, sipërfaqen edhe duke ju ndotur tmerrsisht ajrin. Por Veliajt nuk i interesojne qytetaret e Tiranes por oligarkët e ndërtimit”, shkruan Zhupa./CNA.al

LEXO TE PLOTE