Connect with Us

Manastirliu dhe Gjonaj në burgun e grave/ Mamografi falas për gratë që vuajnë dënimin

Lajme

Manastirliu dhe Gjonaj në burgun e grave/ Mamografi falas për gratë që vuajnë dënimin

Publikuar

-

Ministrja e Shëndetësisë dhe Mbrojtjes Sociale Ogerta Manastirliu së bashku me Ministren e Drejtësisë Etilda Gjonaj kanë vizituar këtë fundjavë institucionin e vuajtjes së dënimit, ku është ofruar shërbimin e mamografisë falas për gratë e dënuara.

Ministrja Manastirliu tha se, pas ofrimit të kontrollit mjekësor bazë falas tani po ofrojmë edhe mamografinë falas për gratë që vuajnë dënimin, pasi e drejta për shëndet është për të gjithë njëlloj.

“Jemi këtu për të siguruar që çdo grua kudo ku ajo ndodhet të kryejë mamografinë falas si e vetmja mënyrë për të diagnostikuar në kohë kancerin e gjirit. Ashtu siç kryen kontrollin mjekësor bazë, edhe shërbimi i mamografisë do të ofrohet në të gjithë institucionet e vuajtjes së dënimit”, deklaroi Manastirliu.

Ministrja e Drejtësisë Etilda Gjonaj duke falenderuar Ministren Manastirliu për mbështetjen, tha se ky është një program që do të vijojë në bashkëpunim me Ministrinë e Shëndetësisë.

“Ministria e Drejtësisë i është bashkuar fushatës që Ministrja e Shëndetësisë dhe Mbrojtjes Sociale ka nisur për të kryer mamografinë falas në të gjithë vendin kudo ku ndodhen të dënuara ose jo. Janë 30 gra të dënuara dhe të paraburgosura që do t’i nënshtrohen kontrollit të gjirit”, tha Gjonaj.

LEXO EDHE:  Ndërtimi i laboratorëve modernë/ Manastirliu: Më shumë siguri për kontrollin e barnave

Në kuadër të muajit të ndërgjegjësimit të luftës kundër kancerit të gjirit, Ministria e Shëndetësisë dhe Mbrojtjes Sociale për gjatë muajit Tetor ka ndërmarrë një fushatë sensibilizimi për t’u dhënë mundësinë të gjitha grave të kryejnë kontrollin falas për kancerin e gjirit.

Në të gjithë njësitë ku ofrohet shërbimi i mamografisë gjatë muajit Tetor gratë mund ta kryejnë mamografinë edhe në oraret e pasdites, deri në orën 18:00, dhe të shtunën deri në orën 14:00.

Përveç 12 mamografëve në spitale, shërbimi ofrohet falas përmes mamografëve të lëvizshëm edhe në zonat e thella.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

I shkoi në emision/ Alketa Vejsiu fton live për tu larguar nga Euronews Ilva Taren

Publikuar

-

Nga

Moderatorja Alketa Vejsiu i ka bërë një propozim të papritur moderatores Ilva Tare, teksa kjo e fundit po e intervistonte në Euronews.

Alketa po fliste për përfitimet që i jepte puna e saj, ndërsa i propozoi Ilvës që t’i bashkohej skuadrës së punës së saj.

Ilva Tare nuk ka preferuar që t’i japë asnjë përgjigje dhe e vënë në siklet i drejtoi një tjetër pyetje të përgatitur për intervistën.

Vejsiu: Shumë herë programe si ky japin bonuse kështu që e kthyer në profesion.

LEXO EDHE:  Shqiptarët festojnë ditëlindjen në burg/ Fotoja alarmon italianët

LEXO EDHE:  I dënuari tenton vetëvrasjen në qeli

Tare: Po më kompromenton tani?

Vejsiu: Po të kërkoj që ti atashohesh skuadrës time se mund ta kalosh me shumë pak kosto dhe mund ta bësh të mundur ëndrrën tënde nëse e ke ëndërr dhe objektiv./ CNA.al

LEXO TE PLOTE

Lajme

“Patëm diskutime”/ Alketa Vejsiu flet për raportin me Vera Grabockën pas Sanremos

Publikuar

-

Nga

Pas prezantimit të Sanremos u duk sikur marrëdhëniet mes moderatores Alketa Vejsiu dhe regjisores Vera Grabocka u krisën.

Për këtë ka folur sot moderatorja e cila tregoi në studion e “Euro News” se mes tyre ka patur diskutime, por jo krisje të marrëdhënieve.

“Kjo është një pyetje që i bëhen dy njerëzve që duhen. Raportet ridimensionohen, do jetojnë me ne sa të jemi në këtë jetë. Krisje jo, nuk ka pasur, pati diskutime se mendimet e Verës dhe të miat kanë ndonjëherë përplasje. Vera ishte në sallë, ishin dy persona të rëndësishëm që njerëzit nuk i dinë, ishte bashkëshorti im dhe mentorja ime Vera”, theksoi Alketa./ CNA.al

LEXO TE PLOTE

Lajme

Rrëfimi i pazakontë/ Kapa gruan me shokun tim, vajzës tonë i tha se unë kam vdekur

Publikuar

-

Nga

Një rrëfim i pazakontë ka ardhur sot në emisionin “Me zemër të hapur” në News24 nga një 30-vjeçar, babai i një vajze të cilën për fat të keq nuk mundet ta takojë dhe ndërkohë ajo nuk e di ekzistencën e tij.

Ishte muaji korrik i vitit 2011 kur erdhi në jetë vajza e A. Ç.. Ajo ka jetuar nën kujdestarinë e të dy prindërve deri në moshën 3-vjeçare. Pas një zënke dhe debateve midis çiftit, ata u ndanë.

Gruaja merr një urdhër mbrojtje me qëllim që babai i vajzës mos të mund t’i afrohej kurrë. Pas kësaj ndarje babai biologjik ka tentuar të takojë vajzën e tij, por për arsye të urdhër mbrojtjes nuk mundej.

Gjatë kësaj kohe gruaja, nëna biologjike e vajzës i dha asaj atësinë e ish-burrit të saj të martesës së parë, që edhe në kohën e bashkëjetesës me A. nuk i kishte dhënë fund ligjërisht.

Kur vajza mbushi 6 vjeç, A.Ç. kërkoi ta regjistronte me prindërit biologjik të saj, por aty kuptoi se vajza nuk e di se ka një baba që jeton, pasi nëna e saj biologjike i ka pohuar se babai i saj ka ndërruar jetë gjatë një aksidenti automobilistik.

Pas dhënies së atësisë nga gjykata dhe provës së ADN, vërtetohet se është babai biologjik i saj. Ai kërkon që vajza e tij të marri vesh të vërtetën, pasi nëna  biologjike nuk ia lejon.

Ajo vazhdon ta gënjejë dhe vajza e mitur jeton me mungesën e babait, me motra dhe vëllezër nga dy martesa të tjera të nënës së saj. A.Ç kërkon të përmbushë të gjitha detyrimet ligjore ndaj vajzës së tij, pasi nuk ia lejojnë këtë gjë.

“Zonja ishte 5 vite më e madhe nga unë, kishte një fëmijë, më thoshte se nuk shkonte mirë me burrin do ndahej. Filluam bashkëjetesën, unë punoja ajo vetëm kujdesej për fëmijën. Prisnim që ajo të bënte ndarjen, pas 2 viteve bashkë erdhi vajza në jetë. Nuk kalonte dot fëmija në atësinë time sepse kishte afate ligjore që duhej të plotësonim.

Unë punoja çdo ditë, ajo filloi të xhelozohej. Filluan zënkat në familje, unë s’i kam dhënë shkas asnjëherë, djalin e saj e mbaja shumë afër. Djali i saj dhe tani kur më takon rri afër me mua. Shumë pak më binte të rrija më vajzën, por mbaja mend fjalët e saj kur më thoshte babi. Divorci erdhi vetëm nga xhelozitë dhe zënkat e saj. Ajo ka marrë urdhër mbrojtje, por nuk është dhunuar asnjëherë”, tregoi 30-vjeçari.

LEXO EDHE:  Hapen 6 qendra për përcaktimin e aftësisë për punë/ Manastirliu: Transparencë në vlerësimin e KEMP-it

LEXO EDHE:  Ndërtimi i laboratorëve modernë/ Manastirliu: Më shumë siguri për kontrollin e barnave

Ai tha se partnerja e tradhtoi me shokun e ngushtë, me të cilin jeton edhe sot.

“Kur unë e kapa me shokun tim të ngushtë u zura me të, ajo nuk shkoi atëherë në polici. Për shkakun e saj hoqa dorë nga puna, fillova në ndërtim. Njoha këtë djalin në punë ai si duket mori numrin e saj nga telefoni im, janë bashkë akoma dhe sot uroj të jetë me të, ajo ka jetën e saj tani, s’kam më asgjë me të”.

Ishte ora 2 e natës kur zonja kishte dalë me të, jam kthyer nga Saranda atë ditë, në telefon thoshte se ishte në shtëpi me fëmijët. Ajo vetë ishte në lokal jam afruar të shkoj për t’u sqaruar, zotëria iku.

Pas këtij momenti lajmërova vëllain e saj, ai më tha bëni ç’të doni s’merrem fare me këtë punë. U largova nga shtëpia, u takova me nënën e vajzës disa herë dhe i kam dhënë lekë në të zezë për atë fëmijë. Nuk jam takuar më me vajzën. Shkova në gjykatë pastaj bëra njohjen e atësisë. Ajo nuk erdhi në gjyq fare kur isha unë nuk vinte ajo. U largova jashtë sepse nuk mund të jetoja dot këtu, e dija për 5 vite që vajza ishte 2 km larg meje dhe se takoja dot. Zonja më ka thënë se vajzës i ka thënë se unë kisha vdekur në aksident automobilistik. I thashë që ke bërë gabimin më të madh dhe e vërteta do dali një ditë”, tregoi babai i ri, raporton Ballkan web.

30-vjeçari tha se është martuar dhe se gruaja e tij e di gjithë të vërtetën dhe e ka mbështetur por se akoma nuk mund të takojë vajzën.
“Vajzën që kam sot nuse ma ka prezantuar dikush. I kam treguar të vërtetën nga fillimi deri në fund dhe më ka pranuar e mbështetur shumë.
Kemi ardhur në Shqipëri para vitit të ri dhe shkuam bashkë tek shkolla të takonim fëmijën, por unë s’kam akoma të drejtën e takimit se jemi ne gjyq dhe aty s’e takuam dot. Për herë të parë e kam parë vajzën në foto dhe s’u përmbajta dot”, tregoi ai.

Ndërkohë në një lidhje telefonike, partneri i ish-gruas e akuzoi 30-vjeçarin për dhunë duke i kërkuar të qëndrojë larg familjes së tij. “Unë po e ushqej atë fëmijën e atij, ai s’ka punë më me familjen time fare, ai aty nuk është shoku im i ngushtë ai është një dhunues”, deklaroi partneri i ish-gruas.

 

LEXO TE PLOTE