Connect with Us

Dyndja e azilantëve në Europë nga viti 2014

Sociale

Dyndja e azilantëve në Europë nga viti 2014

Publikuar

-

Numri i azilkërkuesve nga Shqipëria ka kapur shifra rekord, duke marrë në konsideratë edhe peshën ndaj popullsisë. Fenomeni është kthyer shqetësues edhe për Bashkimin Europian, ku Franca dha si një nga arsyet kryesore numrin në rritje të azilkërkuesve nga Shqipëria.

Sipas të dhënave të Eurostat, të pasqyruara në grafikun më poshtë, numri i aplikimeve për azil nga Shqipëria ka shënuar rritje të fortë pas vitit 2014, ndërsa në 2015-n Shqipëria do të shënonte rekord historik, ku në vendet anëtare të BE-së aplikuan për azil 67,950 shqiptarë, në të gjithë Bashkimin Europian.

Prej 2009-s aplikuan në total 191,200 shqiptarë.

Mesatarisht 80% e aplikuesve për herë të parë për azil ishin më të rinj se 34 vjeç. Në vitin 2018, sipas Eurostat 79.3% e azilkërkuesve shqiptarë i përkisnin kësaj grupmoshe, 29% e tyre ishin më të rinj se 18 vjeç, ndërsa 50% e aplikuesve i përkisnin grupmoshës 18-34 vjeç. Aplikantët për azil për herë të parë nën 34 vjeç përbënin 1% të popullsisë së asaj grupmoshe.

Numri total i aplikimeve për herë të parë të të rinjve, sipas publikimit të Eurostat është 140,390 nga viti 2009. Sigurisht që edhe për këtë grupmoshë, rekordi i aplikimeve u arrit në vitin 2015, me një numër prej 53,175 aplikimesh. Në tre vitet në vijim, numri i aplikimeve të reja ka ardhur në rënie.

Një ndër shkaqet kryesore pse po bie numri i aplikimeve të reja është shkalla e lartë e refuzimit nga vendet e BE-së. Për të njëjtën periudhë (2014-2018) refuzimet e aplikimeve nga shqiptarët në instancat më të larta përllogariten të jenë sa 62% e totalit të aplikimeve për herë të parë. Në total, numri i refuzimeve në instancat më të larta ishte 96 mijë e 435 refuzime. Në 2018-n, numri i refuzimeve ishte mbi 10 mijë dhe thuajse gjysma e tyre janë shënuar në Francë.

LEXO EDHE:  “Për këdo që s’e ka kuptuar akoma…”/ Meta bën reagimin e fortë

Për sa u përket refuzimeve të aplikimit, ndër vendet raportuese numrin më të lartë e kanë Gjermania dhe Franca, ku në këtë të fundit refuzimet ishin 37,700, ndërsa 14% e tyre ishin për aplikuesit nga Shqipëria./ Monitor

Burimi: Eurostat

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Dy mësues me COVID-19 në Vlorë/ Drejtoresha: Nuk ka problem për shkollën

Publikuar

-

Nga

Dy mësuese të shkollës “Lef Sallata” në Vlorë janë konfirmuar me COVID-19, ndërsa ndodhen në karantinë në banesat e tyre.

Infektimi i tyre ka ndodhur më herët, para nisjes së shkollave ditën e sotme. Drejtoresha ka deklaruar se shkolla është dezinfektuar dhe gati për të pritur nxënësit dhe mësuesit.



Kujtojmë se sot ka nisur viti i ri shkollor por jo si vitete e tjera për shkak të koronavirusit. Nëpër shkolla ncënësve dhe mësuesve u matet temperature para se te futen në klasë. Gjithashtu mbajtja e maskës është e detyrueshme./CNA.al

LEXO TE PLOTE

Sociale

Viti i ri shkollor nis me probleme në Korçë/ Mungojnë termometrat

Publikuar

-

Nga

Ky vit i ri shkollor ka nisur me problematika në qytetin e Korçës.

Mësohet se nëpër shkollat e këtij qyteti ka mungesë termometrash. Ndërkohë sipas protokollit matja e temperaturës si për nxënësit dhe mësuesit është e detyrueshme. Nga ana tjetër kryetari i bashkisë, Sotiraq Filo ka reagur për situatën, teksa thotë se ky problem do të zgjidhet shumë shpejt.



Kujtojmë se ky vit shkollor nuk është i zakonshëm për shkak të koronavirusit. Nxënësit dhe mësuesit duhet të matin temperaturën para se të futen në ambientet e klasës, gjithashtu edhe maska është e detyrueshme për të dyja palët./CNA.al

LEXO TE PLOTE

Sociale

PAA: Kthimi i fëmijëve në shkollë është detyrim, qeveria nuk duhet të kërcënojë!

Publikuar

-

Nga

PAA: Kthimi i fëmijëve në shkollë është detyrim, qeveria nuk duhet të kërcënojë!

Partia Agrare Ambientaliste, përmes një deklarate për mediat, thotë se kthimi i fëmijëve në shkollë është detyrim dhe përgjegjësi.

Sipas PAA, “Qeveria nuk duhet thjesht të kërcënojë se nëse përhapen raste të pandemisë do të ri-mbyllë shkollat. Qeveria duhet të nxisë dhe lehtësojë bashkëpunimin efikas të mësuesve, fëmijëve, nxënësve dhe prindërve në parandalimin e rasteve pas hapjes së shkollave.



PAA vlerëson se qeveria duhet t’i ofrojë fleksibilitet maksimal punonjësve në orët kur i çojnë fëmijët në shkollë dhe në orën e pritjes kur vijnë nga shkolla.

LEXO EDHE:  Kufijtë e Kosovës/ Zbulohen prapaskenat e ndërkombëtarëve

LEXO EDHE:  A mund të bashkëpunojnë me njëra-tjetrën Rusia dhe Perëndimi?

“Këtë fleksibilitet duhet ta ofrojë edhe sektori privat, rikthimi i karantinës godet rëndë edhe bizneset e tyre. Përfshirja e mësuesve, nxënësve dhe prindërve në këtë sfidë sa familjare edhe kombëtare është e vetmja strategji efikase. Kërcënimet e Ramës për ri-mbyllje janë prova të fshehjes së dështimit në menaxhimin e krizës së pandemisë”, thuhet në deklaratën e PAA./CNA.al

LEXO TE PLOTE