Connect with Us

Suksesi në Grupin Balfin, 4 punonjëse rrëfejnë arritjet e tyre

Sociale

Suksesi në Grupin Balfin, 4 punonjëse rrëfejnë arritjet e tyre

Publikuar

-

Punësimi është një etapë e rëndësishme në jetën profesionale për secilin prej nesh dhe përbën një mundësi të vazhdueshme për t’u përmirësuar dhe për të ecur përpara.

Njerëzit kalojnë një pjesë të mirë të ditës së tyre në vendin e punës, ku komunikojnë me kolegët, eprorët, marrin detyra dhe duhet t’i zbatojnë ato. Lidhur me mënyrën se si ata ndërveprojnë në këtë mjedis varet edhe e ardhmja e tyre profesionale.

Në Grupin Balfin punonjësve, përveç një punësimi të qëndrueshëm por edhe me perspektivë, u jepen mundësi të vazhdueshme që të ngrihen në karrierë. Kjo nuk është dika sporadike, por një proces i koordinuar dhe i udhëhequr me kujdes nga departamentet përkatëse të Burimeve Njerëzore, të cilat vlerësojnë në mënyrë të vazhdueshme progreset e bëra nga punonjësit dhe ballafaqojnë aftësitë e tyre të përmirësuara me pozicionet ekzistuese vakante, për t’i plotësuar këto të fundit me punonjës sa më të kualifikuar.

Grupi Balfin ka një portofol të diversifikuar të investimeve, që nga sektori i shitjes së organizuar të mallrave me pakicë, menaxhimi i pasurive të paluajtshme dhe i qendrave tregtare, turizmi, sektori minerar dhe ai bankar.

Kjo i jep mundësinë punonjësve që të kenë një karrierë të gjatë dhe të konsoliduar në shoqëritë e Grupit, duke i specializuar ata në profilet përkatëse.

Edhe pse në disa raste kapërcimi nga njëri sektor në tjetrin mbart sfida dhe vështirësi, Grupi Balfin ua jep gjithsesi mundësinë punonjësve ambiciozë dhe me etje për të marrë njohuri shtesë dhe për ta pasuruar gamën e aftësive të tyre profesionale, për të bërë lëvizje paralele nga një sektor në tjetrin.

Kuptohet që ky është një avantazh që ta jep vetëm të qenit pjesë e një Grupi me një larmi aktivitetesh ekonomike.

Në fakt, në Shqipëri nuk është se janë të shumta Grupet që do t’i mundësonin një punonjësi që të specializohet dhe të marrë njohuri dhe ekspertizë në një gamë kaq të gjerë sipërmarrjesh.

Më poshtë janë 4 histori suksesi të Grupit Balfin, që dëshmojnë se aftësitë profesionale vlerësohen dhe marrin vëmendjen e duhur në një Grup të madh biznesesh, i cili po merr përmasa gjithnjë e më rajonale, pasi në Shqipëri ka kohë që është një grup lider biznesesh.

Klaudja Sulaj, Koordinatore e Shitjeve me Shumicë dhe Franchise në Neptun

Klaudja e nisi fillimisht përvojën e saj si praktikante pranë Departamentit të Burimeve Njerëzore të kompanisë Neptun në muajin shkurt të 2018, ku u dallua menjëherë për aftësi shume të mira komunikuese, organizuese si dhe për korrektesën në zbatimin e detyrave.

Pas periudhës së praktikës, në Nëntor 2018 asaj iu dha pozicioni i Specialistes së Suportit të Brendshëm në Departamentin Komercial të Neptun, kompanisë që ka 25 vite që operon në Shqipëri dhe që është e vetmja kompani shqiptare  e shitjes me pakicë me një prezencë ndërkombëtare, pra jashtë kufijve shqiptarë.

Në korrik 2019 ajo u promovua si Koordinatore e Shitjeve me Shumice dhe Franchise, pozicion në të cilin vazhdon të jetë aktualisht.

Shumë prej nesh mendojnë se ekzistojnë disa sekrete për të patur sukses, apo se ai vjen nga të qenit me fat. Nuk ka sekrete, është rezultat i një përgatitje, pune të palodhur dhe dëshire të madhe për atë çka bën. Korrektësia, përgjegjshmëria dhe mënyra e të punuarit në Neptun njësoj sikur të isha e punësuar dhe jo në internship ishin elementët kyç të cilët më ndihmuan të arrija qëllimin final. Për të gjithë ata të rinj që sapo kane dalë nga bankat e shkollës dhe u duket e pamundur të gjejnë një punë në profesion dhe të fitojnë punësimin mesazhi më i mirë që do të kisha për ta është: ‘Punoni fort, jepni gjithmonë më të mirën nga vetja dhe do të shpërbleheni në fund’, ashtu siç ndodhi me mua”, rrëfehet Klaudja mbi përvojën e praktikës së saj të suksesshme në Neptun.

Drilona Maloku, Country Manager e Jumbo në Malin e Zi

Drilona i hodhi hapat e saj të parë te Jumbo në Kosovë, ku ajo i kaloi të gjitha hallkat profesionale që nga sistemuese, merchandiser, menaxhere dyqani dhe menaxhere rajonale.

Në shtator 2019 ajo u promovuar si menaxhere shteti, në Malin e Zi, ku Jumbo është zgjeruar së fundmi me një market të ri në qytetin e Podgoricës. Jumbo është kompania lider në Shqipëri dhe më gjerë në tregtimin e lodrave për fëmijë dhe artikujt sportivë, e deri tek ato të kopshtarisë, veshmbathjet, tekstile dhe dekor, aksesorë pastrimi dhe për kuzhinë, aksesorë kurimi, produkte për bebe, aksesorë makinash, zyre dhe shkollash, si dhe materiale për party dhe kafshë shtëpiake.

Duke marrë parasysh eksperiencën time në kompani, kjo më ka ndihmuar të shoh dhe prek nga afër shumicën e pozicioneve në të, gjë të cilën e konsideroj shumë të rëndësishme dhe të domosdoshme për të pasur dhe mbajtur me sukses një pozicion menaxherial për një dyqan dhe jo vetëm. Së fundmi kam menaxhuar 6 dyqane në Kosovë dhe kjo më ka ndihmuar dhe forcuar edhe më shumë në aspektin menaxherial. Prandaj duke u bazuar në këto pika, konsideroj që nuk është shumë e vështirë të menaxhosh të njëjtën kompani në në një vend të huaj, meqenëse të njëjtën punë dhe eksperiencë të fituar në vite e ndan me njerëzit këtu; duke i shtuar kësaj edhe respektimin dhe aplikimin e rregullave të biznesit, të cilat e lehtësojnë dukshëm punën. Sfidat janë të shumta por më ndihmojnë edhe mua në forcimin tim të karrierës si dhe më ndihmojnë në avancimin e punës në mënyrë që çdo ditë të rezultojë më e mirë për të dyja palët – si për biznesin, ashtu edhe për njerëzit këtu, dhe gjithashtu edhe për mua personalisht,” – u shpreh Drilona.

Erjola Durmishi, Asistente e Shitjeve pranë Stella Mare

Erjola Durmishin është pjesë e kompanisë Stella Mare, e cila operon në fushën e logjistikës dhe transportit, një sipërmarrje e përbashkët e themeluar nga Milsped dhe Grupi Balfin. Ajo iu bashkua Stella Mare në Prill të 2017 dhe ndihmoi në kryerjen e një vëllimi shumë të lartë të eksportit duke e ofruar si një shërbim të cilësisë së lartë. Për shkak të kësaj, eksporti është shërbimi më i mirë që Stella Mare mund t’u ofrojë klientëve. Falë aftësive të saj në komunikim, ajo u promovua në pozicionin “Asistente e Shitjeve” dhe është kontakti i parë i Stella Mare-s sot. Stella Mare ofron shërbime për konsumatorët në Shqipëri dhe Kosovë, dhe të vazhdojë zgjerimin e pranisë së Maersk në rajon.

Industria e transportit dhe logjistikes, është jo vetëm e vështirë, por një ‘rrugë jo tradicionale’ për femrat, jo vetëm në Shqipëri, por edhe në rang botëror. Ka një sërë faktorësh që ndikojnë në krijimin e këtij stereotipi dhe në Shqipëri këto faktorë shumëfishohen, por me punë, profesionalizëm dhe korrektësi arrin të ndryshohet ky lloj imazhi gradualisht. Do akoma shumë punë për të bërë nga ne femrat, pa u shndërruar ne versione mashkullore të vetvetes. Edhe pse me statistika, përqindja e grave në këtë lloj industrie është e vogël, gjithashtu është fakt që në këtë segment të ekonomisë ka femra të cilat kanë bërë karrierë, janë shumë të zonja dhe të cilat mua me frymëzojnë” – shprehet Erjola për eksperiencën e saj.

Irta Xhahysa, Menaxhere e QTU

 Irta është pjesë e Acrem, kompania menaxhuese e qendrave tregtare TEG dhe QTU, lider në fushën e menaxhimit dhe dhënies me qira të pasurive të paluajtshme. Acrem mirëmban dhe menaxhon edhe zona të rëndësishme rezidenciale si “Rolling Hills”, “Ambasador 3”, “Val Mar” dhe “Green Coast”.

Irta ka patur një historik promovimesh dhe suksesesh dhe e ka rritur ndjeshëm profilin e saj profesional,  brenda një periudhe relativisht të shkurtër. Në maj 2015 ajo e nisi në pozicionin “Asistente e Menaxheres së QTU për t’u promovuar në mars 2017 në pozicionin  Menaxheres së Rolling Hills Residences. Një vit më pas u promovua në pozicionin Menaxhere e Qendrës Tregtare Viva në qytetin e Fierit, për t’u promovuar sërish në tetor 2019, në pozicionin Menaxhere e QTU, një prej qendrave më të mëdha tregtare në vend.

Nuk ka një formulë apo çelës specifik për suksesin, secili e bën këtë duke përdorur anët e tij më forta.

Mendoj se mua me ka ndihmuar vullneti i fortë, qëndrueshmëria përballë vështirësive dhe dëshira e madhe për t’ia arritur dhe për tu përballur e kaluar të gjitha sfidat dhe më pas për ti kthyer ato në mundësi për tu rritur profesionalisht.

Të bëhesha pjesë e kompanisë Acrem për mua ka qenë guri themelor në karrierën time profesionale. Të gjithë kemi nevojë të vazhdueshme për frymëzim apo nxitje drejt atij që quhet sukses. Jam e lumtur që kam ndjekur dhe jam pjesë e një modeli biznesi siç është ai i Balfin Group, që investon te punonjësit, i trajnon, i zhvillon, duke i dhënë mundësi për të avancuar në karrierën e tyre” – thotë Irta mbi eksperiencën e saj./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Sociale

Nuk ndalen azilantët nga Shqipëria/ 21% më shumë aplikime në janar-shtator

Publikuar

-

Nga

Ndonëse kanë normën më të lartë të refuzimit të kërkesave dhe jetojnë në një vend që nuk ka luftë apo konflikte etnike, asgjë nuk i ndal shqiptarët që të përplasen dyerve të Europës si azilantë. Edhe në muajin shtator aplikimet për azil për herë të parë nga shqiptarët në një nga vendet e Bashkimit Europian kanë njohur rritje sipas të dhënave të publikuara nga Zyra e Mbrojtjes Europiane për Azilantët. Gjatë periudhës janar-shtator numri i tyre u rrit me 21% në krahasim me një vit më parë. Në total për 9 muajt e parë të këtij viti kanë aplikuar për herë të parë edhe 15,469 shqiptarë të tjerë, ndërkohë që për të njëjtën periudhë të një viti më parë numri i aplikimeve ishte 12,835. Vetëm muaji shtator ka pasur 1,734 aplikime të reja, duke shënuar një rritje prej 14% në raport me muajin e kaluar.

Shqipëria renditet në 10 vendet kryesore të origjinës së azilkërkuesve në Europë, së bashku me vende si Pakistani, Turqia, Iraku, Kolumbia, Irani dhe Nigeria, por vendi i vetëm europian.

Edhe pse refuzohen, kërkesat rriten

Vetëm gjatë muajit shtator numri i përgjigjeve negative nga ana e autoriteteve ishte 1321, ndërsa vetëm 57 kërkesave iu dha statusi i refugjatit. Autoritetet përkatëse në BE vlerësuan në shtator se vetëm 47 prej kërkesave duhet të përfitojnë azil. Kjo tregon normën e ulët të pranimeve të kërkesave nga shqiptarët. Aplikantët gjeorgjianë dhe shqiptarë kishin nivelin më të ulët të njohjes (përkatësisht 3% dhe 6%) midis 10 vendeve kryesore të origjinës, shkruhet në raportin mujor. Megjithatë, ka ndryshime në vendet e ndryshme të  Bashkimit Europian, në lidhje me nivelin e njohjes për të njëjtin vend origjine.

LEXO EDHE:  Spar Albania dhuron një apartament në shorteun e fundvitit

Në mesin e 10 vendeve të origjinës me numrin më të lartë të aplikimeve në janar-shtator 2019,  aplikimet e paraqitura nga sirianët kishin nivelin më të lartë të pranimit dhe njohjes së kërkesës (86%), të ndjekur nga aplikantët turq (53%) dhe aplikantët afganë (48%).

12,680 raste në pritje

Zyra Europiane Për Mbështetjen e Azilkërkuesve raporton se në muajin shtator ishin 12,680 raste në pritje për të marrë një përgjigje. Prej 6430 kërkesa janë të paraqitura në më pak se gjashtë muaj, ndërsa pjesa tjetër po pret të shqyrtohet për një periudhë më të gjatë kohore se aq. Ky është niveli më i lartë i kërkesave që mbeten në pritje për një përgjigje që prej muajit shtator të vitit 2017.

Situata e azilkërkuesve në BE

Më shumë se gjysmë milioni aplikime u paraqitën në Bashkimin Europian gjatë nëntë muajve të parë të 2019, me rritje prej 10% krahasuar me një vit më parë. Si më parë, Sirianët, Afganët dhe Venezuelasit kishin numrin e aplikimeve më të lartë, duke përbërë një të katërtën e të gjitha aplikimeve në Bashkimin Europian.

Shumica e vendeve kryesore të origjinës, ku bën pjesë dhe Shqipëria, kanë parashtruar më shumë aplikime në janar-shtator në 2019 në krahasim me të njëjtën periudhë.

Shkalla e njohjes së kërkesës për azil nga Bashkimi Europian ishte e qëndrueshme me rreth 32% në shtator 2019.

Rastet e pezullimit në shkallën e parë mbeten të e konsiderueshme. Përveç kësaj, shumë aplikime mbeten në pritje të vendimit për ankimim apo rishikim, deri në fund të qershorit 2019./ Monitor

 

LEXO TE PLOTE

Sociale

Surprizat e motit/ Ja çfarë parashikojnë sinoptikanët

Publikuar

-

Nga

Territori shqiptar do të jetë me mot të kthjellët dhe vranësira kalimtare gjatë pjesës së parë të ditës.

Por pasditja shton vranësirat në vend, më të dukshme vranësirat do të jenë në zonat Jugore dhe në Veriperëndim të vendit duke sjell shira të izoluar.

Sipas meteoalb, temperaturat e ajrit do të mbeten të pandryshuara në mëngjes dhe në mesditë duke u luhatur nga 2 gradë C deri në 19 gradë C.

LEXO EDHE:  Vala Mar Residences – destinacioni juaj në bregdetin Adriatik!

Era do të fryjë e lehtë në tokë dhe në në det me shpejtësi 30 km/ h nga drejtimi Jugor duke krijuar në det dallgëzim 3 ballë

LEXO TE PLOTE

Sociale

Horoskopi i ditës, 22 nëntor 2019

Publikuar

-

Nga

DASHI 21. mars – 20. prill

Asgjë e keqe nuk ka për te ndodhur sot ne jetën tuaj ne çift megjithatë duhet te tregoheni te matur me ndonjë fjale qe do thoni ne mbrëmje. Duajeni partnerin siç ai ju do. Beqaret duhet t’i marrin me seriozisht ftesat qe do iu bëhen sepse po nuk e bene kane për te humbur mundësi te shkëlqyera. Për financat duhet te këshilloheni me familjaret tuaj sepse vete mund te gaboni.

DEMI 21. prill – 21. maj

Gjate kësaj dite mund te jeni me humor shume te keq dhe kjo gjë do ju shtyje te thoni gjera te pamenduara. Ne disa momente mundet edhe ta lëndoni partnerin. Për beqaret do jete një dite e favorshme, vetëm se ata duhet t’i bëjnë sytë katër ne çdo moment. Financat do fillojnë te stabilizohen disi dhe do ndiheni shume me te qete kur te kryeni shpenzimet e nevojshme.

BINJAKET 22. maj – 21. qershor

Do keqkuptoheni me partnerin tuaj gjate kësaj dite dhe shpesh do debatoni ashpër me te. Ne fakt qëllimet i keni te njëjta, por thjesht nuk po merreni vesh. Beqaret do kenë vështirësi te njëpasnjëshme për te afruar pas vetes personin qe pëlqejnë. Jeta për ta nuk do jete aspak siç e kane ëndërruar. Financat do mundoheni t’i menaxhoni me kujdes dhe gjendja do mbetet e kënaqshme.

GAFORRJA 22. qershor – 22. korrik

Ju çiftet nuk do e përmbani dot veten sot dhe shpesh do bëni skena xhelozie. Marrëdhënia juaj nuk do jete e bukur si me pare dhe mund te humbisni besimin tek njeri-tjetri. Beqaret do jene si ne ajër dhe as qe do e kenë mendjen për te joshur. Për ta nuk ka ardhur ende koha e duhur. Saturni do ju ndihmoje pafundësisht me financat dhe situata ka për te qene e kënaqshme.

LUANI 23. korrik – 22. gusht

Gjate kësaj dite planetët do ju bëjnë me te duruar me partnerin dhe do ju nxitin te tregoheni me te ëmbël me te. Marrëdhënia ne çift ka për te qene e ngrohte. Beqaret duhet t’iu kushtojnë vëmendje gjithë kohës personave qe do ju vërtiten sepse ndonjëri mund te jete i duhuri. Sektori i financave do jete gjithë kohës i mbrojtur dhe nuk do keni asnjë lloj problemi ne këtë fushe.

VIRGJERESHA 23. gusht – 23. shtator

Dite pasionante dhe e mbushur me emocione te fuqishme ka për te qene kjo e sotmja për te dashuruarit. Mes jush dhe partnerit nuk ka për te ndodhur as problemi me i vogël. Beqaret me mire le te presin edhe pak dite pasi mundësi me te mira do ju shfaqen. Financat nuk do jene te këqija, kështu qe me pak menaxhim me te mire mund te arrini te kryeni çdo investim.

PESHORJA 24. shtator – 23. tetor

Jeta juaj ne çift do jete shume e ngrohte dhe e animuar sot. Ne çdo moment do buzëqeshni, do argëtoheni dhe sytë do kenë shkëlqim vezullues. Beqaret duhet t’i marrin gjerat me seriozisht dhe nuk duhet te neglizhojnë ftesat qe do ju bëhen. Yjet do e favorizojnë sektorin e financave kështu qe buxheti do ekuilibrohet edhe me para nga sa mund te kishin imagjinuar.

AKREPI 24. tetor – 22. nëntor

Jeta juaj ne çift do jete shume e trazuar sot. Ne shume momente do keni debate te forta me partnerin dhe nuk do doni te toleroni për asgjë. Beqaret duhet t’i shprehin me tepër ndjenjat e tyre sepse vetëm ashtu mund ta afrojnë pas vetes atë qe pëlqejnë. Buxhetin do ju duhet ta menaxhoni me më shume përkujdes dhe përpikmëri ne mënyrë qe situata te mbetet e kënaqshme.

SHIGJETARI 23. nëntor – 21. dhjetor

Jeta juaj ne çift do pësojë ndryshime shume pozitive sot. Do jeni me te vetëdijshëm për gabimet qe keni bere dhe do gjeni mënyrat e duhura për ta ndryshuar për mire situatën. Beqaret do mund te realizojnë takime shume interesante te cilat mund t’ua ndryshojnë rrjedhën e jetës me shpejt nga sa ata mendojnë. Me financat do keni goxha vështirësi dhe me zor do e kaloni ditën.

BRICJAPI 22. dhjetor – 20. janar

Partneri do ju përkëdhelë gjithë kohës sot ju te dashuruarve dhe do ju beje ta harroni te shkuarën delikate. Buzëqeshja do ju rikthehet dhe zemra do rrahe fort si dikur. Beqaret do jene te gatshëm te bëjnë gjithçka vetëm qe ta ndryshojnë sa me pare statusin e tyre dhe yjet sot do ua plotësojnë dëshirat. Me shpenzimet mos e teproni nëse nuk doni qe gjendja te filloje te tronditet.

UJORI 21. janar – 19. shkurt

Gjate kësaj dite do keni tendence t’i merrni gjerat shtruar dhe kjo ne fakt do ju çojë ne rrugën e duhur. Ne mbrëmje marrëdhënia me partnerin do jete fantastike. Beqaret do ndihen shume te lumtur nga takimet qe do realizojnë dhe jeta do ju ndryshoje rrënjësisht. Ne planin financiar do ju mbështesë fort Jupiteri dhe situata do vendoset nen kontroll me pare nga sa mendonit.

PESHQIT 20. shkurt – 20. mars

Ka rrezik t’iu dalin probleme serioze sot ne jetën tuaj ne çift dhe kjo do ju brengose pafund. Nuk do merreni vesh për asgjë me njeri-tjetrin dhe debatet do jene te njëpasnjëshme. Beqaret duhet te tregohen te duruar qe ta gjejnë personin e duhur pasi po u nxituan do gabojnë. Gjendja e financave do vazhdoje te jete e trazuar, megjithatë me pak menaxhim dhe maturi gjithçka do stabilizohet.

LEXO TE PLOTE