Connect with Us

Parlamenti britanik rrёzon planin e Johnson pёr Brexit

Bota

Parlamenti britanik rrёzon planin e Johnson pёr Brexit

Publikuar

-

Parlamenti britanik votoi kundёr planit kohor tё kryeministrit Boris Johnson pёr Brexitin. Vendimi konsideorhet si goditje e rёndё pёr qёllimin e Johnsonit pёr daljen nga BE-ja mё 31 tetor.

Pas njё dёshtimi tё rёndё nё votimin e parlmentit britanik kryeministri Boris Johnson e pezulloi legjislacionin e tij pёr marrёveshjen e Brexit-it. Ai do tё negociojё me BE-nё pёr njё shtyrje tjetёr tё afatit. Por njёkohёsisht ai duhet tё avancojё edhe pёrpgatitjet pёr njё dalje pa marrёveshje nga BE-ja, tha Johnson tё martёn (22.10) nё mbrёmje nё parlament.

“Pasiguri edhe mё e madhe”

Kryeministri njёkohёsisht u shpreh i zhgёnjyer, qё dhoma e ulёt e parlamentit sёrish kёrkoi shtyrjen. „Ne po pёrballemi me pasiguri edhe mё tё mёdha tani”, tha Johnson. “BE duhet tё vendosё tani, se si do tё reagojё ndaj kёrkesёs sё parlamentit pёr njё shtyrje tё re. Qeveria duhet tё ndjekё drejtimin mё tё pёrgjegjshёm dhe tё pёrshpejtojё pёrgattjet pёr njё rezultat No-Deal.” Deputetёt mё parё nё votim e rrёzuan planin e ngjeshur kohor tё Johnson-it pёr Brexit-in. Gjithsej ishin 322 deputetё kundёr Johnsonit, dhe 308 pro planit tё tij.

LEXO EDHE:  Hapja e negociatave/ Ditmir Bushati mesazh BE-së

Johnson pati kёrcёnuar, se shtegu pёr njё Brexit No-Deal hapet, nёse plani i tij dёshton dhe dalja mё 31 tetor ёshtё e pamundur. Pushteti pёr ecurinё e mёtejshme duhet tё jetё nё Britaninё e Madhe dhe jo nё Bruksel.

Pёrmbajtja e marrёveshjes me BE-nё prej 110 faqesh pёr Brexit-in iu bё e ditur deputetёve tё hёnёn (21.10) nё mbrёmje. Shumё parlamentarё kёrkuan mё shumё kohё pёr t’u njohur me dokumentin. Ka nevojё pёr diskutime lidhur me qendrimin mbi tё drejtat e punёmarrёsve, normave pёr mjedisin dhe nё radhё tё parё mbi ҁёshtjen e unionit doganor qё lidhet me problemin e Irlandёs sё Veriut.

Dokumenti i Johnson-it parashikon, qё Britania e Madhe tё dalё nё fakt si e tёrё nga unioni doganor me BE-nё. Por de facto Irlanda e Veriut nё njё pjesё tё madhe do tё mbetet e lidhur me rregullat e tregtisё tё BE-sё. Nё parim marrёveshja e zhvendos kufirin nё jug tё ishullit irlandez. Kjo has nё rezistencёn e partisё protestante irlandezo-veriore, DUP./ DW

KLIKO PER TE KOMENTUAR

Komentoni

Your email address will not be published. Required fields are marked *

Bota

Përmbytjet gjunjëzojnë Venecian

Publikuar

-

Nga

Kryetari i bashkisë së Venecias fajësoi të mërkurën ndryshimet klimatike lidhur me përmbytjet që kanë prekur qytetin historik duke shënuar një nga nivelet më të larta të regjistruara ndonjëherë.

Të martën lartësia e ujit arriti në 187 centimetra, çka nënkupton se më shumë se 85 për qind e qytetit është përmbytur. Niveli më i lartë i ujit i regjistruar ndonjëherë llogaritet 194 centimetra dhe u shënua gjatë përmbytjes famëkeqe të vitit 1966.

Si pasojë e përmbytjeve të ditëve të fundit një 70 vjeçar ka humbur jetën.

Ujërat përmbytën bazilikën e famshme të Shën Markut dhe kanë ngritur shqetësime për dëmtimin e mozaikëve dhe veprave të tjera të artit.

Sipas zyrtarëve të mërkurën u shënua një tjetër nivel tejet i lartë i ujit, prej 160 centimetrash, por ai u ul shpejt.

LEXO EDHE:  Hapja e negociatave/ Ditmir Bushati mesazh BE-së

LEXO EDHE:  E drejta e azilit në BE/ Faktet më të rëndësishme

Venecia është në gjunjë”, shkruante në twitter kryetari i bashkisë Luigi Brugnaro.

Bazilika e Shën Markut ka pësuar dëme serioze po kështu i gjithë qyteti dhe ishujt e tij”, shkruante më tej ai.

Zoti Brugnaro fajësoi ndryshimet klimatike lidhur me atë që e cilësoi situatë dramatike dhe bëri thirrje për përfundimin sa më parë të një projekti të zvarritur për kohësh për të ndërtuar barriera në det të hapur.

Përtej detin Adriatik, stuhitë e mëdha dhe erërat e rrëmbyeshme kanë shkaktuar gjithashtu përmbytjeve të disa qyteteve në Kroaci dhe Slloveni./VOA

LEXO TE PLOTE

Blog

Brexit i ashpër me dredhi?

Publikuar

-

Nga

Disa nga rebelët e Brexit janë rikthyer në Partinë Konservatore. Të tjerë zgjedhin të qëndrojnë si liberalë ose të pavarur, siç është ish-Ministri i Drejtësisë, David Gauke.

“Mos i jepni Boris Johnson shansin e një Brexit-i të ashpër,” paralajmëron David Gauke, një nga kundërshtarët më të njohur të Brexit-it nga legjislatura e mëparshme. Ai mbahej si drejtues i të ashtuquajturës “Gaukeward Squad”, një lojë fjalësh kjo për “trupën e rebelëve” nga radhët e 21 deputetëve konservatorë, që në shtator dolën hapur kundër kryeministrit dhe planeve të tij për Brexit-in. Tani Gauke kandidon si i pavarur në zonën e tij me një politikë që është kundër partisë së tij, sikurse edhe rebeli tjetër, ish-Prokurori i Përgjithshëm, Dominic Grieve. Dy konservatorë të tjerë nga ky grup kanë kaluar në krahun e liberalëve.

Brexit-i i ashpër nga dera e pasme?

Nuk do të ishte keq, thotë David Gauke, sikur votuesit e vjetër të konservatorëve në këto zgjedhje të votonin ndryshe, pra, për liberalët  Ai vetë është për një referendum të dytë, sepse mendon, se nuk ka më asnjë shans për ta bashkuar vendin me një Brexit të butë.

Gauke dyshon, se Boris Johnson tani po përpiqet ta arrijë Brexitin e ashpër nga dera e pasme. Duke përjashtuar çdo zgjatje të fazës kalimtare vitin e ardhshëm, në fund të vitit 2020, Britania e Madhe do të përfundojë detyrimisht në Brexitin e ashpër. Kjo gjë u shmang në shtator, falë rebelëve në radhët e konservatorëve.

“Unë besoj se kryeministri nuk do të jetë në gjendje politikisht ta zgjasë periudhën e tranzicionit. Të djathtët në partinë konservatore nuk do ta lejojnë të bëjë një gjë të tillë,” thotë Gauke në një intervistë për “The Times”. Kjo do të thotë që brenda 13 muajsh, Britania e Madhe, vetëm në bazë të rregullave të OBT-së do të përballej faktikisht me Brexit-in e ashpër. Sikurse edhe diplomatët në Bruksel, ai mendon se brenda një gjysmë viti nuk mund të arrihet një marrëveshje e re tregtare me BE-në.

Marrëveshje me partinë Brexit?

“Ne nuk e dimë saktësisht se çfarë do Johnson,” thotë Anand Menon, një profesor në Kings College të Londrës dhe një specialist i Brexit-it në institutin “UK in a changing Europe”. “Kjo e bën situatën edhe më të rrezikshme dhe të paparashikueshme se më parë”. Me Johnson-in nuk ka kurrë siguri se a do t’i përmbushë zotimet, thotë ai.

E paqartë është për vëzhguesit edhe marrëveshja që ka arritur ai me Partinë Brexit të Nigel Farage-it, i cili në fundjavë u tërhoq nga të gjitha qarqet zgjedhore, ku kandidojnë konservatorët. Farage tha se “nuk dëshironte të përçante bllokun pro-Brexit”. Por çfarë mori ai si shpërblim për këtë tërheqje? Mos vallë premtimin e një Brexit-i të ashpër?

“Ne nuk e dimë, se çfarë marrëveshje është bërë aty”, thotë Anand Menon, por, natyrisht, njerëz nga Partia Konservatore kanë pasur bisedime me njerëz nga partia Brexit. Një kryeministër ka shumë shpërblime për të dhuruar, dhe ne do ta shohim se çfarë e motivon Nigel Farage-in më shumë: paraja apo fama. Por ndoshta ai e ka bërë edhe nga halli, sepse nuk kishte aq kandidatë për të 600 zonat zgjedhore.

Gjithsesi, kjo bëri që konservatorët të ngjiteshin menjëherë në sondazhe dhe aktualisht të kenë 10 pikë më shumë se Partia Laburiste. “Kjo nuk do të thotë se tani ka mbaruar gjithçka”, thotë Prof. Menon. Shumë britanikë janë ende të pavendosur dhe Brexit-i po i bën zgjedhjet më të paparashikueshme se kurrë.

Nigel Farage

LEXO EDHE:  Hapja e negociatave/ Ditmir Bushati mesazh BE-së

LEXO EDHE:  Hapja e negociatave/ Ditmir Bushati mesazh BE-së

Marrëveshje tregtare në kohë rekord?

Boris Johnson premton një marrëveshje të tregtisë së lirë “Kanada ++” pas Brexit-it, pa pasur nevojë që Britania t’u përmbahet rregullave të BE-së, dhe kjo mund të bëhet pa probleme brenda një periudhe gjysmëvjeçare.

Twitter / 9KB6QxZK0

Por sa realiste është kjo? Për marrëveshjen me Kanadanë u nevojitën shtatë vjet, por nga ana tjetër, John Springford nga “Centre for European Reform” mendon, se ajo që mund të arrihet së paku është një marrëveshje shumë e reduktuar ku të rregullohen vetëm qarkullimi i mallrave dhe doganat, por edhe kjo nuk mund të realizohet brenda 11 muajve. Sepse negociatat me Britaninë e Madhe mund të fillojnë vetëm pas Brexit-it, më 31 janar 2020. Pastaj BE-ja duhet t’i japë negociatorit të saj, Michael Barnier një mandat të dytë dhe vendet anëtare të dorëzojnë udhëzimet e tyre. Dhe për këtë ata duhet të njohin synimet e britanikëve dhe se çfarë efekti do të kenë ata për ta. Kjo do ta vonojë edhe më tej fillimin e vërtetë të bisedimeve.

Kreu laburist, Jeremy Corbyn

Dhe së fundi, ka edhe pengesa përmbajtësore: Kancelarja Angela Merkel kishte paralajmëruar qysh në tetor për një Britani si konkurrente, e cila nuk u përmbahet më rregullave dhe standardeve evropiane. BE-ja nuk dëshiron të ketë një “Singapor mbi Thames” te pragu i saj. Pra, çështja e “level playing field”, përafrimi i rregullave për ndihma shtetërore, për mjedisin dhe kushtet e punës, do të luajë një rol qendror. “Këtu, BE-ja do të kërkojë çmimin e saj,” thotë Springford, çka mund të bëjë që bisedimet shumë shpejt të dështojnë për arsye politike.

Ai gjithashtu beson, se Boris Johnson në këtë çështje do ta ndryshojë edhe njëherë mendjen dhe do të kërkojë sërish zgjatjen e Brexit-it. “Boris Johnson bën atë që e mban atë në pushtet, thotë eksperti për çështje tregtare. Dhe nëse ai ka një shumicë të konsiderueshme në parlament, ai madje mund t’ia lejojë vetes edhe të sakrifikojë disa simpatizantë të “Brexit”- të ashpër.

Sidoqoftë, për Kryeministrin do të ishte më mirë të hynte në një marrëveshje tjetër të thjeshtë të tregtisë së lirë me një fazë tjetër kalimtare sesa të konfrontohej me kaosin dhe problemet e një Brexit-i të shtyrë. Se a do të dalë fjala e paralajmëruesve që thonë, se Kryeministri Britanik synon që të realizojë fshehurazi një Brexit të ashpër ose e vëzhguesve që e mbajnë atë për pragmatik, kjo do të shihet vitin e ardhshëm.

Sido që të jetë, në këtë fushatë zgjedhore lufta verbale është shumë e ashpër dhe Brexit-i mbetet një temë mbizotëruese sado që konservatorët  dhe labouristët përpiqen të flasin për tema të tjera si sistemin shëndetësor, ose mungesën e hapësirës së banimit. Në këto tema, të dyja palët kanë bërë aq shumë premtime të mëdha, saqë ndoshta askush nuk u zë besë. / DW

LEXO TE PLOTE

Kosova & Rajoni

Shengeni Ballkanik / Besa Osmani zbulon pse Kosova është kundër   

Publikuar

-

Nga

Kandidatja për postin e kryeministres së Kosovës, nëse zgjedhjet fitoheshin nga LDK, ka qenë e ftuar e vetme e emisionit “Opinion” të mbrëmjes së sotme ku “Shengeni ballkanik” ka qenë temë e diskutimit. E pyetur nga moderatori i emisionit lidhur me vlerësimin që LDK ka ndaj kësaj iniciative të përkrahur nga tre kryeministra, Edi Rama, i Shqipërisë, Zoran Zaev, i Maqedonisë së Veriut dhe Aleksandër Vuçiç, i Serbisë, Osmani është shprehur:

 Ne si LDK jemi deklaruar se nuk përkrahim një qëndrim të tillë. Unë jam deklaruar kundër dhe ditën që është mbajtur takimi në Novi Sad,. Për mua nuk ka qenë e kuptueshme pse është mbajtur ai takim, ose pse ka filluar ajo iniciativë me Serbinë pa u marrë dhe pjatimin e shteteve të tjera dhe në veçanti të Kosovës. Kosova sa është udhëhequr nga LDK ka refuzuar ide të ngjashme”, ka vlerësuar znj.Osmani.

LEXO EDHE:  Hapja e negociatave/ Ditmir Bushati mesazh BE-së

LEXO EDHE:  Gazetarja: BE do të ndërhyjë për marrëveshje mes Ramës dhe Bashës

E pyetur rreth pasojave që mund të sjellë një “Shengen ballkanik” sipas modelit BE për Kosovës dhe Rajonin, Osmani është shprehur:

Janë të shumta, si në aspektin ekonomik dhe në aspektin e vendosjes së masës së reciprocitetit. Ne nuk mund të lidhim marrëveshje të tillë me Serbinë e cila e përdor për të dërguar zyrtarët e lartë shtetëror të cilët provokojnë incidente në Kosovës”.

LEXO TE PLOTE