Connect with Us

AKK propozon krijimin e një zone të sigurisë në veri të Sirisë

Bota

AKK propozon krijimin e një zone të sigurisë në veri të Sirisë

Publikuar

-

Ministrja gjermane e Mbrojtjes ka kërkuar krijimin e një zone të sigurisë në veri të Sirisë, që do të kontrollohej nga forcat ndërkombëtare. Propozimi është dakorduar me kancelaren dhe është dërguar tek partnerët.

Ajo do ta prezantojë idenë e saj për një zonë të sigurisë në veri të Sirisë në kornizat e takimi të NATO-s, të enjten dhe të premten, në Bruksel. Ministrja e Mbrojtjes (njëkohësisht kryetare e partisë CDU) Annegret Kramp-Karrenbauer deklaroi për Deutschen Wellen se duhet të trajtohet edhe mundësia e pjesëmarrjes apo jo të ushtarëve gjermanë në sigurimin e kësaj zone. Qëllimi është krijimi i mundësive për një program civil të rindërtimit.

Situata e sigurisë në veri të Sirisë ngarkon në mënyrë masive edhe sigurinë në Evropë dhe Gjermani, theksoi liderja e CDU. Në këtë situatë, Gjermania dhe evropianët nuk mund të jenë pasivë si deri tani. Ndaj “kërkohet një impuls politik nga Gjermania për një iniciativë të mirëfilltë brenda NATO-s”, tha Kramp-Karrenbauer. “Çështja se si mund do të duket një zgjidhje konkrete dhe si mund të arrihet një zonë ndërkombëtare e sigurisë duhet të trajtohet edhe me Rusinë dhe Turqinë, me qëllim që gjendja të qetësohet atje. Qëllimi është që të vazhdohet lufta kundër milicëve terroristë të ‘Shtetit Islamik'”, theksoi ministrja.

CDU e mbështeti idenë, por jo edhe ministri i Jashtëm Maas

Berlin Kabinett beschließt Klimaschutzpaket (AFP/A. Schmidt)

Pak para paraqitjes së kësaj ideje, politikani ekspert për çështjet e jashtme i CDU, Roderich Kiesewetter është angazhuar për krijimin e një zone humanitare, e cila do të mund të sigurohej nga 30.000 – 40.000 ushtarë të vendeve të Bashkimit Evropian. Në mesin e tyre “natyrisht që do të ishin edhe ushtarët e Bundeswehrit gjerman”, theksoi Kiesewetter.

LEXO EDHE:  Hyn në fuqi armëpushimi në Lindjen e Mesme

Pak më konkret por me tone të ngjashme u shpreh kryetari i Komisionit të Bundestagut për Politikë të Jashtme, politikani i CDU-së Norbert Röttgen. Ai tha se kontrolli i kësaj zone nuk duhet të jetë në duart e Turqisë por në duart e bashkësisë ndërkombëtare. Britania e Madhe, Franca dhe Gjermania e kanë fjalën.

Minsitri i Jashtëm Heiko Maas (SPD) tha se për mendime të tilla “është tepër heret”. Tani duhet së pari të kujdesemi që armëpushimi të vazhdojë dhe të përpiqemi të gjejmë një marrëveshje politike.”

Evropianët tepër të përmbajtur

Frankfurter Buchmesse 2019 | Eröffnung | Heiko Maas, Außenminister (picture-alliance/dpa/F. Rumpenhorst)

Turqia ka nisur ofensivën ushtarake me 9 tetor në veri të Sirisë, në zonën e kontrolluar nga kurdët. Ankaraja i trajton milicët kurdë të YPG si organizatë terroriste. Turqia i ka justifikuar aksionet ushtarake me të drejtën për vetëmbrojtje.

Qeveria gjermane e konsideron këtë ndërhyrje si shkelje të rregullave ndërkombëtare. Ajo ka vendosur edhe sanksione në eksportimin e armëve në Turqi. Kramp-Karrenbauer të shtunën e ka kritikuar qëndrimin tepër të përmbajtur të Gjermanisë dhe Evropës në çështjet që kanë të bëjnë me politikën e jashtme./ DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Parlamenti i Malit të Zi, shkarkon ministrin që mohoi gjenocidin në Srebrenicë

Publikuar

-

Nga

Parlamenti i Malit të Zi, shkarkon ministrin që mohoi gjenocidin në Srebrenicë

Parlamenti i Malit të Zi, të enjten mbrëma shkarkoi ministrin e Drejtësisë dhe të Drejtave të Njeriut dhe Pakicave, Vladimir Leposaviç, për shkak të qëndrimit të tij mohues ndaj gjenocidit në Srebrenicë.

Shkarkimi i tij u bë me propozimin e kryeministrit malazez, Zdravko Krivokapiç. Për shkarkimin e tij votuan 43 nga 81 deputetet e parlamentit malazez, ndërsa 27 ishin kundër. Propozimi u mbështet edhe nga Partia Demokratike Socialiste e presidentit Milo Gjukanoviç, që është në opozitë.

Kryeministri Zdravko Krivokapiç, propozoi shkarkimin e ministrit Leposaviç, pasi që në një seancë parlamentare më 26 mars të këtij viti, ai tha se është i gatshëm të pranojë se në Srebrenicë ka ndodhur gjenocid “kur një gjë e tillë të vërtetohet përtej çdo dyshimi”.

Deklarata e tij shkaktoi reagime të ashpra në opinionin vendas e ndërkombëtar. Kritikët thanë se ministri Leposaviç sfidoi edhe legjitimitetin e Gjykatës së Hagës për krime lufte në ish-Jugosllavi, që ka konstatuar se në Srebrenicë ka ndodhur gjenocid.

Kryeministri Krivokapiç tha se Vladimir Leposaviç, si ministër ka qenë i detyruar që t’i përgjigjej pyetjes parlamentare rreth Srebrenicës në frymën e politikës së qeverisë, e jo në frymën e debatit akademik.

LEXO EDHE:  Kosova, qasje te lehte ne kredi, norma interesi me te uleta ne rajon

LEXO EDHE:  Kosova, qasje te lehte ne kredi, norma interesi me te uleta ne rajon

“I kam kërkuar dorëheqjen sepse është më mirë që me një akt personal, të tregojmë përgjegjësi”, tha kryeministri Krivokapiç.

Megjithatë, ministri Leposaviç nuk pranoi të ofrojë dorëheqje, pasi u mbështet edhe nga një shumicë e deputetëve proserb pjesë e partive në pushtet. Partia pro-ruse në Mal të Zi, Fronti Demokratik, e mbështeti ministrin duke vlerësuar se “Leposaviç nuk tha asgjë që nuk është pozicioni i çdo serbi në Mal të Zi”.

Pjesëtarët e kësaj partie paralajmëruan se shkarkimi i tij mund të çojë në rënien e qeverisë malazeze ditëve në vijim.

Parlamenti malazez po ashtu miratoi një rezolutë me të cilën ndalohet mohimi i gjenocidit ne Srebrenicë. Në mbështetje të rezolutës votuan 55 deputetë, 19 ishin kundër dhe 7 veta abstenuan.

Në korrik të vitit 1995, forcat e serbëve të Bosnjës pushtuan Srebrenicën, një qytetit që ishte shpallur zonë e sigurt nga Kombet e Bashkuara. Më shumë se 8 mijë burra e djem boshnjakë u ekzekutuan dhe trupat e tyre u hodhën në varreza masive në zonë. Ajo ishte ngjarja më e rëndë në Evropë pas Luftës së Dytë Botërore dhe u shpall si gjenocid nga gjykatat e Kombeve të Bashkuara./ VOA

LEXO TE PLOTE

Kosova & Rajoni

Goditet nga rrufeja/ Humb jetën 51-vjeçari

Publikuar

-

Nga

Goditet nga rrufeja/ Humb jetën 51-vjeçari

Një 51-vjeçar  ka humbur jetën pasditen e sotme në Kosovë, pasi që është goditur nga rrufeja.

Lajmin për IndeksOnline e ka konfirmuar, Driton Rugova, zëdhënës i Policisë së Kosovë për Rajonin e Pejës.

“Sot, rreth 19:25 një person është sjellë në Spitalin Rajonal në Pejë, i cili sipas ekipit mjekësor, është goditur nga rrufeja dhe nuk ka arritur të mbijetojë. Vdekjen e viktimës e ka konfirmuar ekipi mjekësor”, tha Rugova./CNA.al

LEXO TE PLOTE

Bota

Dhoma e Përfaqësuesve voton për t’i dhënë fund autorizimit për luftën në Irak

Publikuar

-

Nga

Dhoma e Përfaqësuesve voton për t'i dhënë fund autorizimit për luftën në Irak

Dhoma e Përfaqësuesve të Shteteve të Bashkuara miratoi të enjten një projekt-ligj që do të shfuqizonte autorizimin e përdorimit të forcës ushtarake në Irak që ka qenë në fuqi që nga viti 2002.

Mbështetësit e kësaj mase thonë se shfuqizimi është i nevojshëm për të kufizuar kompetencat presidenciale për luftë.

Votimi 268-161 në Dhomën e Përfaqësuesve erdhi një ditë pasi udhëheqësi i shumicës në Senat, Chuck Schumer njoftoi mbështetjen e tij për këtë legjislacion, duke thënë se do të parandalonte veprimet e “aventurizmit ushtarak”, si autorizimi i Presidentit Donald Trump për një sulm ajror në vitin 2020 në një aeroport të Bagdadit.

Komandanti iranian Qasem Soleimani u vra gjatë këtij sulmi.

“Lufta në Irak ka mbaruar prej gati një dekade”, tha Senatori Schumer. “Autorizimi i miratuar në vitin 2002 nuk është më i nevojshëm në vitin 2021”.

Zoti Schumer tha se ai ka planifikuar një votim të Senatit mbi masën e shfuqizimit më vonë këtë vit, ndërsa në Senat Komisioni i Marrëdhënieve me Jashtë tha se do ta shqyrtonte atë në një takim javën e ardhshme.

Shtëpia e Bardhë u shpreh në një deklaratë të hënën se mbështeste legjislacionin dhe theksoi se operacionet aktuale ushtarake nuk mbështeten në autorizimin e vitit 2002.

LEXO EDHE:  Pavarësia e Kosovës: Nishani dekoron ish-luftëtarët e Kosovës

LEXO EDHE:  Kosova, qasje te lehte ne kredi, norma interesi me te uleta ne rajon

Ligjvënësi republikan Michael McCaul sinjalizoi se ai do ta kundërshtonte projekt-ligjin e Dhomës së Përfaqësuesve. Republikanët kryesorë në Komisionin e Punëve të Jashtme të Dhomës së Përfaqësuesve ranë dakord se reforma “është e nevojshme”, por shtuan se një përpjekje serioze do të përfshinte bisedime me udhëheqësit e sigurisë kombëtare dhe një strategji të re për të trajtuar luftën në zhvillim ndaj terrorizmit.

Kushtetuta amerikane i jep Kongresit autoritetin për të deklaruar luftë. Kjo fuqi është zhvendosur megjithatë drejt presidentit, pasi Kongresi ka miratuar të ashtuquajturat autorizime për “luftë të përhershme” (Autorizimi për Përdorimin e Forcës Ushtarake), të cilat nuk kanë skaduar.

Shembujt përfshijnë luftën në Irak të vitit 2002 dhe luftën kundër al-Kaidës dhe mbështetësve të saj pas sulmeve terroriste në Shtetet e Bashkuara më 11 shtator 2001.

Disa ligjvënës thonë se edhe rezoluta e vitit 2001 për të luftuar terrorizmin që u miratua pas sulmeve të 11 shtatorit, gjithashtu duhet të rishikohet./voa

LEXO TE PLOTE