Connect with Us

Ulje e aksidenteve me 12.8% dhe një shtator i përgjakshëm/ INSTAT publikon raportin

Kronika

Ulje e aksidenteve me 12.8% dhe një shtator i përgjakshëm/ INSTAT publikon raportin

Publikuar

-

“12,8 % më pak aksidente rrugore në nëntëmujorin e 2019-tës, se sa një vit më parë”, kështu është shprehur në një raport të saj Instituti i Statistikave (INSTAT).

Sipas Istitutit në nëntëmujorin 2019, numërohen 1.136 aksidente rrugore nga 1.303 aksidente të ndodhura në nëntëmujorin e 2018, ku vetëm në muajin shtator 2019 numërohen 122 aksidente rrugore nga 156 aksidente të ndodhura në muajin shtator 2018, duke u ulur numrin e të aksidentuarve, përfshirë këtu të vrarët dhe të plagosurit, nga 218 në shtator 2018 në 152 në shtator 2019 ose 30,3 %.

Sipas INSTAT në nëntëmujorin 2019, në krahasim me nëntëmujorin e 2018, numri i të vdekurve nga aksidentet rrugore është 157 persona nga 152 persona. Ndërsa vetëm në muajin Shtator të këtij viti numri i të vdekurve nga aksidentet rrugore është 20 persona nga 9 persona të vdekur në Shtator 2018.

Numri i të aksidentuarve në nëntëmujorin e vitit 2019, rezulton 1.570 persona nga 1.765 persona, duke u ulur me 11,0 %, krahasuar me të njëjtën periudhë të vitit 2018.

Në muajin Shtator 2019, aksidentet rrugore, në 86,1 % të rasteve, kanë ndodhur si pasojë e sjelljes së drejtuesit të mjetit. Numri më i lartë i aksidenteve në këtë periudhë është kryer nga grup-mosha 25 –35 vjeç, duke zënë 32,0 % të numrit të aksidenteve gjithsej.

Aksidentet në këtë grup-moshë janë ulur me 13,3 %, krahasuar me të njëjtën periudhë të një viti më parë. Në nëntëmujorin 2019, aksidentet rrugore në 14,2 % të rasteve, kanë ndodhur si pasojë e sjelljes së këmbësorit. Gjatë kësaj periudhe, numri i aksidenteve sipas sjelljes së këmbësorit është ulur 38,3 %, krahasuar me një vit më parë./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Kronika

Gjendet i pajetë një 68-vjeçar në Dibër/ Ja dyshimet e para

Publikuar

-

Një 68-vjeçar është gjetur i pajetë në banesë në fshatin Shumbat të Dibrës.

Viktima është identidikuar si shtetasi Xheladin Mandri, 68 vjeç.

Sipas informacioneve të para, viktima dyshohet të jetë vetëvrarë pas një gjendje të rënduar psikologjike.

Mësohet se, 68 vjeçari jetonte i vetëm, ndërsa nuk ka ende një njoftim zyrtar nga Policia e Dibrës mbi ngjarjen./CNA.al 

LEXO TE PLOTE

Kronika

Policia shton masa për rritjen e sigurisë rrugore në fundjavë

Publikuar

-

Policia Rrugore ka shtuar masat për rritjen e parametrave të sigurisë rrugore në fundjavë.

Kështu vetëm përgjatë orëve të para të mëngjesit janë pezulluar 24 Leje drejtimi, nga këto 13 për drejtim mjeti nën efektin e alkoolit dhe 11 për shpejtësi tej normave të lejuara.

“Arrestohet në flagrancë në Krujë një 39 vjeçar, pasi duke drejtuar mjetin në gjendje të dehur  dhe me leje Drejtimi të pezulluar, nuk i është bindur urdhrit të punonjësve të policisë për të ndalur, por ka kundërshtuar e kanosur ata.

Arrestohet në Durrës edhe një 28 vjeçar  për  drejtim mjeti pa Leje Drejtimi

Gjatë natës dhe orëve të para të mëngjesit janë pezulluar 24 Leje drejtimi, nga këto 13 për drejtim mjeti nën efektin e alkoolit dhe 11 për shpejtësi tej normave të lejuara.

Policia Rrugore e Durrës në zbatim të planit të masave për parandalimin e aksidenteve rrugore si dhe për marrjen e masave shtesë në fundjave, me qëllim rritjen e parametrave të sigurisë rrugore, ka shtuar shërbimet në të gjithë territorin e qarkut Durrës.

Në këtë kuadër  në Fushë  Krujë në orët e mbrëmjes  së djeshme është  arrestuar në flagrancë shtetasi E.K, 39 vjeç, banues në Fushë Krujë,  i dënuar me parë për vepra të ndryshme penale  .

LEXO EDHE:  “Shqipëria vritet, Xhafaj krihet”/ Bilanc i frikshëm vdekjesh

Ky shtetas duke drejtuar mjetin  B.M.Ë.në qytetin e Fushë Krujës, nuk i është bindur  Policisë për të ndaluar kur i është dhënë shenja e ndalimit  por ka vijuar lëvizjen. Patrulla e Policisë i është vënë në ndjekje  duke bërë bllokimin e mjetit së bashku me drejtuesin shtetasin E.K, të cilin e ka shoqëruar në Stacionin e Policisë Fushë Krujë.
Gjatë shoqërimit  shtetasi E.K, ka kanosur e fyer punonjësit e policisë. Policia Rrugore i ka bërë testin e alkoolit , ku rezultoi se drejtonte mjetin në gjendje të dehur në masën   0.80 mg/litër.

Njëkohësisht nga verifikimi i dokumentacionit të mjetit  rezultoi  se Patenta  i ishte  pezulluar më parë  për shpejtësi mbi normat e lejuara.

Materialet i kaluan Prokurorisë së Rrethit Gjyqësor Durrës për veprat penale “Drejtim mjeti në mënyrë të pa rregullt” “Kanosje” dhe “Mosbindje e urdhrit të policisë”.

Gjithashtu po në vijim të kontrolleve, në orët e vona të mbrëmjes së djeshme, Policia Rrugore e Durrësit ka arrestuar në flagrancë shtetasin  E.K., 28 vjeç, banues në lagjen Nr. 13, Durrës, pasi u kap duke drejtuar pa leje drejtimi mjetin tip “ Suzuki”. Materialet i kaluan Prokurorisë së Rrethit Gjyqësor Durrës”, njofton policia./CNA.al

LEXO TE PLOTE

Kronika

Aksident i rëndë në Kamëz/ Mjeti përplas këmbësoren

Publikuar

-

Nga

Një aksident i rëndë ka ndodhur mbrëmjen e sotme në Kamëz, ku një mjet ka përplasur një këmbësore.
Nuk dihen ende rrethanat e plota të ngjarjes, ndërkaq Ora News raporton se, si pasojë e aksidentit dyshohet të ketë humbur jetën një femër.

Policia ka shkuar në vendin e ngjarjes, për zbulimin e shkaqeve të aksidentit./ CNA.al

LEXO TE PLOTE