Connect with Us

Ish-zv.ministrja bën thirrjen urgjente/ Partitë politike kanë humbur identitetin, zgjidhja e vetme është reformimi

Politikë

Ish-zv.ministrja bën thirrjen urgjente/ Partitë politike kanë humbur identitetin, zgjidhja e vetme është reformimi

Publikuar

-

Zgjidhja e vetme për problemet e sotme politike, sipas ish.zv.ministres së Jashtme, Edith Harxhi është reformimi i partive politike.

Në një intervistë për CNA.al, Harxhi vuri theksin tek Reforma Zgjedhore dhe ajo në Drejtësi, ndërsa u shpreh se “Nëse do të vinim tek ajo se ku e shoh unë zgjidhjen. Unë e shoh tek Reforma Zgjedhore, e cila është një nga dy reformat më të rëndësishme në vend.”.

Po ashtu ajo tha se beson tek Reforma në Drejtësi, pikërisht për shkak të investimit dhe mbështetjes nga partnerët ndërkombëtarë, dhe veçanërisht nga SHBA.

“Unë besoj tek Reforma në Drejtësi, natyrisht jo tek drejtësia e kapur, jo në institucionet e kapura nga qeveria aktuale, por as në drejtësinë e minuar nga faktori politik në Shqipëri. Unë besoj në një drejtësi të pavarur e cila do të mund të krijojë ato institucione, të cilat do ta bëjnë qytetarin shqiptar të barabartë para ligjit.

Për këtë kam shumë shpresë që partnerët tanë ndërkombëtarë, veçanërisht SHBA, të cilët kanë qënë mjaft të përkushtuar për Reformën në Drejtësi, me gjithë vonesat e shkaktuara do të arrijnë, do të krijojnë shpejt Gjykatën Kushtetuese por në të njëjtën kohë edhe SPAK-un dhe Byronë Kombëtare të Hetimit, si tre institucione të rëndësishme të cilat do të bëjnë të mundur rrëzimin një herë e përgjithmonë të një kaste politike e cila e ka mbajutr vendin pezull ndër këto vite, sidomos në gjashtë vitet e fundit dhe do të vënë para drejtësisë ata faktorë të korruptuar që i kanë marrë shpresën dhe aspiratat shqiptarëve.”-tha Edith Hrxhi.

Më tej, ajo theksoi se një nga reformat e tjera shumë të rëndësishme, është edhe Reforma Zgjedhore.

“Mbështes fort jo vetëm ndryshimin e sistemit zgjedhor në Shqipëri dhe listat e hapura, por në radhë të parë mendoj se duhet që të fillojë me reformimin e ligjit të funksionimit të partive politike në vend. Demokratizimi i tyre duhet të jetë kusht parësor sa i takon Reformës Zgjedhore, ashtu siç duhet të jenë listat e hapura, zhvillimi i primareve, si dhe zgjedhjet e lira dhe të ndershme brenda partive politike. Dhe këtë e them edhe për partinë time, për PD-në e cila urgjentisht duhet të zgjohet dhe të nisë një proces të denjë elektoral nga baza dhe deri lart, të hapur.

LEXO EDHE:  Basha zgjedh përfaqësuesin e “Viktoria Invest” në Këshillin Kombëtar të PD-së

Përvec demokratizimit do të theksoja edhe financimin e partive dhe sidomos sanksionet e forta për finacimet e dyshimta. Financime nga krimi, nga grupe që lidhen me korrupsionin, me grupe okulte apo grupe të tjera të dyshimta nga jashtë vendit.

Të gjitha këto do të bënin të mundur që së bashku me ligjin e dekriminalizimit, të bëhej një reformë e mirëfilltë e sistemit politik shqiptar.”-tha Edith Harxhi pëe CNA.al.

Më tej, Harxhi theksoi se “sistemi politik në mënyrë që të reformohet dhe të largojë këtë klasë politike e cila ka ndaluar frymëmarrjen e këtij vendi është e lidhur me funskionimin e Reformës në Drejtësi, krijimin e SPAK, Byrosë Kombëtare të Hetimit dhe Gjykatës Kushtetuese sa më shpejt si dhe vënien para drejtësisë të politikanëve të korruptuar dhe e dyta do të ishte reforma Zgjedhore me lista të hapura, duke amenduar dhe duke ribërë edhe një herë ligjin për funksionimin e partive politike.”

Sipas ish-zv.ministres Harxhi, këto do të bënin të mundur reformimin e sistemit dhe krijimin e një klase të re politike.

Ndër të tjera, ajo deklaroi se partitë politike kanë humbur identitetin e tyre, si PD ashtu edhe PS.

“Kjo nuk do të thotë të ndryshojmë identitetin e partive politike. Që në fakt është pikërisht kjo që ka ndodhur në Shqipëri. PD nuk është më Partia Demokratike, por edhe PS nuk është më Partia Socialiste, por është një Rilindje postmoderniste, e cila në thelbin e saj është një rilindje si një sekt. Po të njëjtë më duken disa elementë edhe të PD-së dhe mënyrës së funksionimit të saj dhe drejtimit të saj.”-deklaroi ish-zv.ministrja e Jashtme, njëkohësisht ish-anëtare e Këshillit Kombëtar të PD-së, Edith Harxhi, për CNA.al.

Ish-anëtarja e Këshillit Kombëtar “masakron” Bashën/ Ja  rruga e vetme për rrëzimin e Ramës

Edith Harxhi “shuplakë” qeverisë/ Dështimi i negociatave, jo për faj të BE-së  

“Nuk bëri asnjë konsultë”/ Edith Harxhi zbulon dy vendimet e Bashës që fundosen PD-në

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Manjani zbulon “lojën” e Ramës/ Mesazhi i fortë për Metën, Berishën, Bashën e Kryemadhin

Publikuar

-

Nga

Ish-ministri i Drejtësisë në qeverinë “Rama 1”, Ylli Manjani ndërsa komenton situatën politike në vend, shkruan se pa asnjë dyshim kryeministri Edi Rama ka hyrë tashmë në fushatë elektorale.

Më tej, Manjani thekson se “loja” e Ramës është se ai thotë “nuk ka më të mirë se unë”, me idenë që të thithë në këtë vorbull propagande Bashën dhe të tjerët të provojnë veten nëse janë më të mirë apo jo.

Sipas Manjanit, kjo është një grackë në të cilën ka rënë edhe opozita.

“Në fushatën e re elektorale që Edi Rama ka hyrë tashmë, nuk ka asnjë element surprizë.

Ai thotë “nuk ka më të mirë se unë”, me idenë që të thithë në këtë vorbull propagande Bashën dhe të tjerët të provojnë veten nëse janë më të mirë apo jo.

Në këtë grackë ka rënë disi edhe opozita, e cila ngjan si aleancë “kështjellash” në distancë e jo si njësi e organizuar e bashkrenduar dhe mbi të gjitha e vendosur për një betejë finale.

Pa dyshim në këtë konfiguracion Edi Rama luan mjeshtërisht. Jep gjithmonë idenë se “e ka rregulluar” muhabetin me kështjellën ngjitur. Qëllimi është demoralizimi i aleancës, pra përçarja.

PËRÇARJA e opozitës pra është qëllimi. Ky është ÇELËSI i suksesit politik të Edi Ramës.”-shkruan Manjani.

Më tej, ish-ministri i jep një leksion opozitës, ndërsa thekson se “Në këto kushte, nuk ka shumë shpikje për të bërë. Opozita duhet të dalë nga “kështjellat” dhe të mbushë rrugët se mllefi i njerëzve me qeverinë më të keqe të 30 viteve po ju kthehen në dëm, kur duhet të ishte avantazh.

Kjo është kohë bashkimi jo aleancë kështjellash! Duhet një bashkim i madh jo vetëm me miqtë, por edhe me “armiqtë” dmth kundërshtarët apo opozitarët e opozitës. Me të gjithë, të mërzitur, të larguar apo të përzënë. Me personalitete jo politike dhe bisnesmenë.

LEXO EDHE:  “Lëvizja për shpëtimin e PD-së”/ Elezi: Pse nuk i kemi kërkuar ndihmë Berishës

LEXO EDHE:  Bashës i bie edhe lista e Shkodrës/Tërhiqet deputeti në listë fituese

Me të gjithë ata që e rrefuzojnë këtë qeveri.

E përsëris jo vetëm me parti e miq, por edhe me individë, partie grupime “armiqsh”. Nuk përjashtohen nga kjo llogjikë as ato që morën mandatet e opozitës. Edhe ata duhen ftuar, jo për tu kërkuar ndjesë, por kontribut.

Të gjithë ata që kanë në mendjen e tyre nevojën për të shpëtuar sistemin demokratik, duhet të jenë në këtë front të madh.

Opozita zyrtare duhet të tejkalojë veten dhe të ftojë e t’i afrojë të gjithë në një front jo ideologjik, por historik.”.

Ndërkohë, Manjani ka edhe një mesazh të fortë për Bashën, Kryemadhi, por edhe për Berishën dhe Metën, për të cilët thotë se duhet ta kuptojnë nevojën ulëritëse për demokraci.

Po ashtu Manjani thekson se të gjithë duhet të jenë në një front kundër kësaj qeverie, duke përfshirë këtu edhe të ashtuquajturit “armiq”.

“Luli e Monika, por edhe Berisha e Meta duhet të kuptojnë se janë vetëm emra kalimtarë dhe se karrierat e tyre politike nuk kanë asnjë rëndësi përpara nevojës uleritëse për DEMOKRACI, SHTET jo politik dhe LIRI EKONOMIKE.

Asnjëri nga këto emra nuk e do më shumë demokracinë se fjala vjen Jozefina Topalli, Genc Ruli, Astrit Patozi etj. Asnjëri nga të gjithë këto emra nuk e do demokracinë më shumë se Fatos Lubonja apo djemtë e Thurjes, e të tjerë pa fund që nuk janë anëtarë të partive të opozitës për rrefuzojnë autokratin arrogant.

Fjala është në ndalet rregjimi më autokrakik i kohës, jo kush do jetë kryeministri i radhës.

Një mandat tjetër i panatyrshëm i Edi Ramës do të thotë edhe formalisht diktaturë. Asnjë shanc për sistem demokratik më!

Bashkimi bën fuqinë!”-përfundon postimin e tij Ylli Manjani./ CNA.al

LEXO TE PLOTE

Politikë

Berisha i del krah Metës/ Dakord me Presidentin kur flet për “grusht shteti”

Publikuar

-

Nga

Ish kryeministri Sali Berisha i ka dalë në krah Metës kur flet për grusht shteti.

I ftuar në “Tempora” Berisha tha se Rama mund të largohet me një lëvizje të fuqishme popullore, si në Bolivi dhe Armeni.

E vërteta është se ekonomia është në rrokullisje. Shqiptarët duhet ta dinë se rrogat e administratës publike nuk po paguhen me të ardhurat që mblidhen por me një mekanizëm jashtëzakonsiht të rrezikshëm bankar.

Ky borxh 82% që shkon dhe këtu nuk janë llogaritur 600 milion euro të prapambetura, është 14 miliard borxhi, nuk ka investitorë të huaj që të vjen. Mungesa e gjykatava është baras mungesë shteti ligjor dhe bashkë me borxhin e bën situatën dramatike. Zgjidhja është largimi i shkaktarit. Edi Rama largohet me një lëvizje të fuqishme popullore, si në Bolivi dhe Armeni, pa lëshuar sheshin. Edi Rama e ka gjetur dhe ikën, ai le të ikë por më nuk kthehet dot në zyrë, nuk mund të rrijë kryeministër në tunelet e Skraparit dhe Mokrës. Jam dakord me Presidentin kur flet për grusht shteti”./CNA.al

LEXO TE PLOTE

Politikë

Ironizoi Metën për shpërndarjen e Parlamentit/ Presidenca “dhëmbë për dhëmbë” me Ramën

Publikuar

-

Nga

Kryeministri Edi Rama ironizoi pak më parë presidentin Ilir Meta për deklaratën e këtij të fundit se populli do të shpërndajë Parlamentin.

Kreu i qeverisë tha se nuk surprizohet nga Meta, ndërsa theksoi se nuk shikon fall, sikurse pretendon për Kreun e Shtetit.

Pas kësaj ka ardhur menjëherë reagimi i Presidencës, konkretisht nga zëdhënësi i Metës Tedi Blushi.

Blushi i kujton me një fjali të vetme Ramës akuzat për lobimin e këtij të fundit, për të bërë një foto me ish-presidentin e SHBA Barack Obama, që pretendohet se është bërë me anë të biznesmenit shqiptaro-amerikan, Bilal Shehu.

LEXO EDHE:  “Shpenzime luksi jashtë vendit”/ Mazniku i përgjigjet PD: Do mbani përgjegjësi

LEXO EDHE:  “Lëvizja për shpëtimin e PD-së”/ Elezi: Pse nuk i kemi kërkuar ndihmë Berishës

“Gruaja e Bilalit do takohet shumë shpejt me popullin!”, thekson zëdhënësi i Kreut të Shtetit./ CNA.al

LEXO TE PLOTE