Connect with Us

“Elvis Naçi ble “News 24” për të bërë propagandë fetare”/ Reagon ashpër Artan Kristo: Paraja po hedh tuç gazetarinë

Sociale

“Elvis Naçi ble “News 24” për të bërë propagandë fetare”/ Reagon ashpër Artan Kristo: Paraja po hedh tuç gazetarinë

Publikuar

-

Mbrëmjen e kaluar emisioni “Shqiptarët për shqiptarët” ka nisur puntatën e parë për këtë sezon, por ajo që u vu re ishte mungesa e moderators Ola Bruko, ndërkohë që emisioni u drejtua vetëm nga Elvis Naçi dhe Sidrit Bejleri.

Vetë moderatoja reagoi përmes një statusi në rrjetet sociale ku shpjegonte dhe arsyet e mungesës së saj “Për ata por edhe për të tjerët që pyesin veten “çfarë po ndodh?”.. Une nuk do të jem më moderatorja e programit tuaj të dashur, por vetem pjesë e ekipit të tij. Ky nuk ishte një vendim i imi!”

Ndërkohë që gazetari Artan Kristo ka treguar se Elvis Naçi ka blerë kohën televizive në “News 24” dhe se i vendos vetë rregullat për emisionin.

“Arsyeja është fare e thjeshtë. Sipas të dhënave jozyrtare, (të verifikuara sigurisht) Elvis Naçi ka blerë kohën televizive dhe, “meqë topin e kishte ai, penalltinë do e gjuante ai”.

Ola nuk duhej të drejtonte më emisionin. Nuk kishte rëndësi që nuk është gazetar, nuk kishte rëndësi që di, apo nuk di të drejtojë emisione, por e rëndësishme është që ai jep paratë dhe ai duhet te bëjë ligjin.

Ai dhe jo gazetari duhet te caktojë kush drejton emisionin, kush është i ftuar, kujt duhet t’i bëhet reklamë, si duhet të vishet drejtuesja, e mbuluar, apo pa xhihab, etj etj.

Sepse ai paguan dhe ai është gjthëçka. I talentuari , gazetari, profesionisti është një hiç, një njeri që hiqet nga ekrani me një të kërcitur gishti…”, shprehet ai.

Reagimi i plotë:

Gazetaria po vdes…
Nuk besoj të ketë asnjë shikues që të mendojë se emisioni “Shqiptarët për shqiptarët” profesionalisht sot ishte më i mirë, sesa kur e drejtonte Ola Bruko bashke me hoxhën Elvis Naçi dhe këngëtarin Sidrit Bejleri. Po kështu, nuk mendoj se asnjë gazetar, apo asnjë nga shefat e Neës 24 të mendojnë që sonte emisioni që më i mirë dhe te ishin dakord me këtë ndryshim. Por pse ndodhi kështu?
Arsyeja është fare e thjeshtë. Sipas të dhënave jozyrtare, (të verifikuara sigurisht) Elvis Naçi ka blerë kohën televizive dhe, “meqë topin e kishte ai, penalltinë do e gjuante ai”. Ola nuk duhej të drejtonte më emsionin. Nuk kishte rëndësi që nuk është gazetar, nuk kishte rëndësi që di, apo nuk di të drejtojë emisone, por e rëndësishme është që ai jep parate dhe ai duhet te bëjë ligjiin. Ai dhe jo gazetari duhet te caktojë kush drejton emisionin, kush është i ftuar, kujt duhet t’i bëhet reklamë, si duhet të vishet drejtuesja, e mbuluar, apo pa xhihab, etj etj. Sepse ai paguan dhe ai është gjthshka. I talentuari , gazetari, profesionisti është një hiç, një njeri që hiqet nga ekrani me një të kërcitur gishti…
Nuk do merresha me këtë sikur të ishte rasti i vetëm që gazetaria “është hedhur në tuç nga paraja”. Shikoni portalet. Jane të mbushura me shkrime me porosi, me pagesë , ku i patalentuari që nuk di të këndojë shpallet si këngëtari i madh që po bën bujë, ku shkrimtari që nuk di të shkruajë një fjali pa gabime sintaksore e ortografike shpallet si më i madhi i kohës etj etj.
Por të ishin vetëm artistët që bëjnë këtë është gjysma e së keqes. Faqet e portaleve e gazetave jane mbushur edhe me biznesmene e politikane që blejnë me para ose “me ndere” faqet e gazetave dhe brenda pak muajsh shkëlqejne si politikaë apo opinioniste, kur nuk kanë as dy gram tru e nuk dijnë të shkruajnë dy rrjeshta apo të lidhin dy fjalë. Dhe pastaj ankohen se “u dhëmb syri kur lexojnë në Parlament fjalimet që u bëjnë gazetarët…
Dhe e bukura është që për këto ka edhe tarifa fikse zyrtare që shkojnë deri në një mijë apo dy mijë euro për publikim. Botuesit justifikohen se është normale që reklama paguahet, se kështu bën edhe bota, por “harrojnë” që këtyre shkrimeve t’u vënë sipër mbititullin ”Reklamë”, apo “Artikull i porositur”.
Por para paguahen, jo vetëm për të botuar, por edhe për të mos botuar. E keni vënë re se shume shkrime kritike botohen disa sekonda ne ëeb e zhduken menjeherë?! Jo sepse nuk ishin të saktë, por sepse ai që kritikohet paguan për heqjen apo mosbotimin e shkrimit dhe puna e gazetarit që mund të ketë vënë edhe kokën ne rrezik hidhet në kosh, sepse ai që ka para paguan qindra e ndofta mijëra euro për të hequr shkrimin nga ëebi, apo për të mos e botuar në gazetë. Më vjen ndoht të flas këtu për rastet e “gjobave”, kur shefat dërgojnë gazetarët për të bërë shkrime apo kronika kritike për X apo Y dhe para botimit “u kërkojnë takim për të biseduar”…
E dini se një nga mjetet e fitimit për pronarët e portaleve është edhe pagesa që bëjnë njerëzit e inkriminuar për të hequr emrat e tyre nga njoftimet e kronikës së zezë të publikuar nga policia?! Dhe për këtë ka edhe tarifa fikse që pronarët e portaleve ua thonë të interesuarve edhe nëpërmjet telefonit. E , pra, kjo nuk është gazetari, por biznes i pastër. Dhe disa prej tyre ndërkohë mbahen edhe si yjet e gazetarisë shqiptarë, të kësaj gazetarie që paraja dhe politika e ka hedhur në tuç dhe po e vdes dalë nga dalë.
PS. Edhe unë vetë jam një gazetar, që me keqardhje kam dhënë dorëheqjen nga gazetaria, por herë pas here revoltohem e nuk më rrihet pa shkruar…/CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Të shkarkohet urgjent ministrja Shahini/ Shkollat të kthyera në grabitqarë seksualë

Publikuar

-

Nga

Pas denoncimit të skandalit të aferave seksuale në shkollë, mbrëmjen e djeshme nga emsioni Sotp, ka ardhur reagimi i Altin Hazizaj, Drejtor Ekzekutiv CRCA/ECPAT Shqipëri.

Në një letër publike,  Altin Hazizaj kërkonshkarkimin e Ministres së Arsimit, Besa Shahini.

Letra i drejtohet kryeministrit, kryetarit të Kuvendit, kryetares së Komisionit Parlamentar për Edukimin dhe Mjetet e Informimit Publik, kryetares së n/komisionit Parlamentar për të Drejtat e Njeriut, kryetares së n/komisionit Parlamentar për Dhunën në Familje dhe të Miturit dhe zv.Kryetares së Aleancës së Grave Deputete.

“Ju drejtohem të gjithëve ju, me këtë letër të hapur publike, për të kërkuar shkarkimin urgjent nga detyra e Ministres së Arsimit, Sportit dhe Rinisë si përgjegjësen kryesore të dhunës dhe shfrytëzimit seksual të fëmijëve ne shkollat publike në vend!

Emisioni investigativ STOP, prej disa ditësh po përcjell ngjarje tepër të rënda, të cilat po skicojnë tablonë e institucioneve arsimore publike të kthyera në streha të grabitqarëve seksualë dhe të pedofilëve.

LEXO EDHE:  Dokumenti/ Elvis Naçi blen 350 mijë € një spital privat dhe fsheh transparencën me qytetarët

LEXO EDHE:  “Një damkë që do ta ndjekë gjithë jetën”/ Moderatorja bën për ‘ujë të ftohtë’ Alketa Vejsiun

Ne të tretin program televiziv, tashmë janë vetë nxënësit, që sjellin përpara kamerave një situatë skandaloze, në të cilën fëmijët shfrytëzohen seksualisht nga mësuesit e tyre. Fëmijët deklarojnë se nuk ishte vetëm një mësues që abuzonte seksualisht me nxënëset, por një grup i tërë mësuesish. Kjo situatë e dhunës seksuale ndodhte edhe ndërmjet vetë stafit pedagogjik në prani të nxënësve.”-thuhet ndër të tjera në letrën e CRCA/ECPAT Shqipëri./ CNA.al

Dëshmia shokuese e nxënëses në Fier/ “Bego ‘i bëri’ shoqen time Vasilit, mua më prekte në pjesët intime”

LEXO TE PLOTE

Sociale

Ndryshon moti/ Bëhuni gati për reshje dhe shtrëngata

Publikuar

-

Nga

Moti me diell po na shoqëron në mëngjesin e sotëm, por duke nisur nga orët e mesditës vranësirat do të pësojnë shtim deri dhe të dendura.

Sipas SHMU, prej orëve të pasdites, reshjet e shiut në intensitet të ulët do të prekin pjesën bregdetare. Në mbrëmje, reshjet me intensitet të ulët do të përfshijnë pjesën më të madhe të territorit, ndërsa në bregdet do të marrin karakter shtrëngatash.

Era, do të fryjë me drejtim juglindje – veriperëndim e lehtë e mesatare në brigjet detare, duke u shoqëruar me valëzim të ulët.

LEXO EDHE:  Dokumenti/ Elvis Naçi blen 350 mijë € një spital privat dhe fsheh transparencën me qytetarët

LEXO EDHE:  "Sot dhurova 10 mijë euro nga të ardhurat e mia"/ Naçi solidarizohet me kauzën, thirrje qytetarëve

Temperaturat parashikohen në:
zonat malore 0ºC deri në 12ºC
zonat e ulëta 2ºC deri në 18ºC
zonat bregdetare 3ºC deri në 17ºC

LEXO TE PLOTE

Sociale

Horoskopi i ditës, 19 shkurt 2020

Publikuar

-

Nga

DASHI 21. mars – 20. prill

Përfitoni nga ambienti i qete qe mbizotëron ne jetën tuaj sot për te kërkuar diçka e për te realizuar disa plane. Bashkëpunimi me partnerin do jete shume i forte. Beqaret do kenë shume sukses ne dashuri. Pa u munduar ata kane për te gjetur personin e ëndrrave. Ne planin financiar do keni me tepër vështirësi se dje, por me pak përkushtim mund te arrini ta stabilizoni situatën.

DEMI 21. prill – 21. maj

Do jeni shume te sinqerte me partnerin tuaj sot dhe do dashuroheni pa dorashka me te. Çdo moment do jete i bukur dhe emocionues. Beqaret duhet te shohin vetëm persona te lire, jo ata qe kane tashme dike pranë. Mos prishni folezën e ndërtuar e aq mund nga te tjerët. Për sa iu përket financave, gjendja do mbetet e kënaqshme sepse do pranoni te hiqni dore nga investime e palogjikuara.

BINJAKET 22. maj – 21. qershor

Nëse doni qe marrëdhënia juaj ne çift te jete sa me e bukur, sot duhet te provoni gjera te reja, te bëni durim dhe te ndërmerrni iniciativa. Partneri do jete gati për gjithçka. Beqaret nuk duhet te nxitohen sepse koha nuk është ende e përshtatshme për te hedhur hapa. Ne planin financiar do jete Venusi ai qe do iu ndihmoje te dilni nga problemet ku jeni futur. Deri ne mbrëmje gjendja do jete stabilizuar paksa.

GAFORRJA 22. qershor – 22. korrik

Jeta juaj ne çift nuk do jete shume e mire sot. Do keni goxha konflikte me partnerin dhe nuk do gjeni paqe asnjë çast. Kjo situate do iu prishe pune ne çdo sektor. Beqaret gjithashtu do ndikohen negativisht nga Neptuni qe do i shtyje te hedhin hapa te gabuara. As financat nuk do jene te mira. Mendojini me kujdes gjerat dhe merrni masa pa mbetur me xhepat bosh.

LUANI 23. korrik – 22. gusht

Për ju çiftet, realiteti mund te jete edhe me i bukur se ëndrra nëse tregoheni optimiste dhe shihni anenë mire te gjerave. Mund te kaloni plot momente te lumtura me partnerin. Beqaret mund te realizojnë një takim mjaft interesant me një person sharmant dhe serioz. Nëse nuk doni te keni probleme me financat mundohuni ta kontrolloni mirë rrugën ku do shkelni. Po gabuat do keni pasoja për te ardhmen.

VIRGJERESHA 23. gusht – 23. shtator

Jeta juaj ne çift do jete e qete dhe e ngrohte sot. Te dy palët do jeni te matur dhe do veproni përherë me takt e delikatese. Beqarët do mësojnë se si te joshin dike pa rene ne sy. Sot ata do provojnë fatin dhe mund te gëzohen. Financat do ndikohen me shume nga Merkuri. Ai do iu beje edhe ju me inteligjente për ta menaxhuar me kujdes këtë sektor. Nuk priten aspak probleme.

PESHORJA 24. shtator – 23. tetor

Sot nuk do keni asnjë arsye përse të qaheni. Partneri do ju mbajë në pëllëmbë të dorës dhe do arrije t’ua plotësojë të gjitha dëshirat. Beqarëve do ju shpërblehen të gjitha përpjekjet që kanë bërë dhe do mund të fillojnë një lidhje me të vërtetë emocionuese. Financat do dini si t’i menaxhoni kurdoherë kështu që gjendja do mbetet e kënaqshme. Ndonjë investim i vogël do ju lejohet patjetër.

AKREPI 24. tetor – 22. nëntor

Për shkak te mbështetjes se planetëve, marrëdhënia juaj me partnerin do ketë goxha përmirësime. Si ju ashtu edhe partneri do bëni te pamundurën te rivendosni ekuilibrin dhe ta bëni çdo moment sa me harmonik. Beqaret do pëlqejnë shume dike, por nuk do arrijnë ende te heqin mendjen plotësisht nga ish-i i tyre. Sektori i financave do ndërlikohet paksa.

SHIGJETARI 23. nëntor – 21. dhjetor

Ditë shumë vendimtare ka për të qenë kjo e sotmja për ju të dashuruarit. Nëse keni pasur probleme në çift gjithçka do zgjidhet sa hap e mbyll sytë. Ju beqarët duhet të jeni më të matur dhe nuk duhet të hidhni hapa pa qenë plotësisht të sigurt. Financat do jenë goxha të favorizuara kështu që mund të bëni të gjitha shpenzimet që keni parashikuar prej kohësh.

BRICJAPI 22. dhjetor – 20. janar

Për ju të dashuruarit marrëdhënia me partnerin do ketë goxha përmirësime. Komunikimi dhe toleranca do çojnë atje ku keni dashur. Beqarët ka shumë mundësi t’i kthejnë shpinën dashurisë sot dhe nuk do pranojnë asnjë lloj ftese që do iu bëhet. Shpenzimet nuk duhet t’i kryeni në mënyrë të palogjikshme sepse situata mund t’iu dale jashtë kontrollit në çdo moment.

UJORI 21. janar – 19. shkurt

Sot gjërat kanë për t’iu ecur shumë mirë ju të dashuruarve. Do ndani me partnerin edhe brengat më të mëdha dhe do çliroheni goxha. Beqarët duhet të reflektojnë mirë dhe të kuptojnë njëherë çfarë duan të bëjnë para se të veprojnë. Bëhet fjalë për të ardhmen e tyre. Buxhetin duhet ta menaxhoni me përpikmëri të madhe sepse vetëm ashtu situata do mbahet nën kontroll.

PESHQIT 20. shkurt – 20. mars

Nuk do jeni shumë në humor gjatë kësaj dite dhe mund të keni edhe debate të vogla me partnerin. Nuk do ju pëlqejë shume kokëfortësia e tij për disa gjëra dhe do ja thoni këtë. Beqarët do i bëjnë të gjitha përpjekjet për ta ndryshuar statusin dhe fale edhe mbështetjes së miqve çdo gjë do jetë më e thjeshtë. Buxheti do jetë më i mirë, por jo perfekt për të kryer investime gjigande.

LEXO TE PLOTE