Connect with Us

Babai i Alvin Berishës letër publike shtetit shqiptar/ Më ndihmoni, djali është i plagosur

Lajme

Babai i Alvin Berishës letër publike shtetit shqiptar/ Më ndihmoni, djali është i plagosur

Publikuar

-

Afrim Berisha, babai i 11-vjeçarit Alvin Berisha i cili ndodhet në kampet e ISIS në Siri, i ka drejtuar një letër publike shtetit shqiptar.

Në letrën e tij, Afrim Berisha shkruan se 11-vjeçari ka nevojë për ndihmë mjekësore, pasi është i plagosur dhe ndodhet i vetëm në një kamp të ISIS.

11-vjeçari ndodhet në Siri, në pritje që shteti shqiptar ta kthejë pranë familjes.

Përmes një letre të bërë publike dje, babai i vogëlushit, historia e të cilit preku zemrat e shqiptarëve pas transmetimit të historisë në emisionin investigativ italian ‘Le Iene’, shprehet se koha po kalon.

“Sot lutemi e kërkojmë ndihmë. Nesër, larg qoftë i ndodh diçka Alvinit, do kërkojmë llogari”, thuhet në letrën e babait të Alvit.

Letra e Afrim Berishës:

Alvin Berisha është një fëmijë shqiptar i cili aktualisht ndodhet në Siri pranë kampit Al Haël.

Në vitin 2014, kur ishte vetëm 5 vjeç, Alvini është çuar në Siri nga e ëma, pa dijeninë e babait. I ati, Afrim Berisha, nuk ka kaluar ditë pa e kërkuar. As lufta, as frika, as largësia, as pengesa ekonomike e as ISIS nuk e kanë ndaluar, me bindjen e me dashurinë që vetëm një baba mund të ketë. Pas pesë vitesh, në 25 shtator 2019, e ka gjetur Alvinin në kamp, e ka përqafuar fort dhe i ka premtuar që tani nuk do ndaheshin më. Por forcat kurde që ruajnë kampin nuk e kanë lejuar që ta marrë me vete, sepse për këtë duhet që aprovimi të kërkohet dhe të merret nga Shteti shqiptar. Alvini është vetëm 11 vjeç, Alvini është i plagosur e ka nevojë për mjekim urgjent, Alvini është i vetmuar, Alvini është i trembur, Alvini duhet të largohet sa më shpejt nga Siria.

Institucionet kompetente shqiptare janë në dijeni të kësaj situate dhe po punojnë për të mundësuar kthimin e tij në Shqipëri. Kemi besim të plotë tek puna që po bëjnë si për Alvinin, si për të gjithë qytetarët e tjerë shqiptarë që ndodhen aktualisht në Siri. Kemi besim dhe shpresë që nëse të gjithë bëjnë punën e tyre, Alvini do kthehet së shpejti. Por jemi edhe të shqetësuar, sepse lufta në Siri po ashpërsohet dhe koha nuk premton. Në Al Haël ndodhen plot 73.000 veta që jetojnë në një situatë të tmerrshme, e kjo na tremb. Nëse sot e bëjmë dhimbjen tonë publike, e bëjmë këtë vetëm për t’ju lutur kujtdo mund të na ndihmojë, që të na ndihmojë: duke punuar më shpejt, duke na dhënë informacione mbi gjendjen e Alvinit, duke na mbështetur qoftë edhe me një fjalë të mirë.
Sot lutemi e kërkojmë ndihmë. Nesër, larg qoftë i ndodh diçka Alvinit, do kërkojmë llogari.

Me respekt
Afrim Berisha

Avv. Darien Levani
Celulari shqiptar: 00355 06933447510
Celulari italian: 0039 3295327386
Mail: [email protected]

KLIKO PER TE KOMENTUAR

Komentoni

Your email address will not be published. Required fields are marked *

Lajme

“Për 10 ditë hëngri gjethe dhe bar”/ Gazetari i Le Iene rrëfen detaje tronditëse nga jetesa e Alvinit në kamp

Publikuar

-

Nga

Gazetari shqiptar bashkëpunëtor i Le Iene Taulant Koplikuka zbuluar detaje të tmerrshme nga jetesa e Alvin Berishës në kampin e Al Hol në Siri.

Taulant Kopliku rrëfen për ‘News24’ se për ditë me radhë në Siri vogëlushi është ushqyer vetëm me fije bari.

Këtë detaj ia ka treguar babait të Alvinit, një grua kosovare e cila kishte marrë 11-vjeçarin pas bombardimit ku humbi jetën nëna e tij.

“Ato 10 ditë kanë qenë ditë të tmerrshme për atë fëmijë, pasi ishte i plagosur. Kishte rrjedhje gjaku. Janë transportuar në disa zona ku ka pasur stane bagëtish. Janë ushqyer me gjethe dhe bar për 10 ditë me radhë. Gjëja që i ka thënë ajo grua ishte se; ‘ky fëmijë nuk është ankuar kurrë’. Ai ishte i vendosur që të vazhdojnë rrugën me ta”, tha Taulant Kopliku.

Gazetari Kopliku thotë se kurdet janë të gatshëm për t’i larguar nga kampi gratë dhe fëmijët, por shteti shqiptar nuk ka shprehur interesim.

LEXO EDHE:  Irani, i gatshëm të bisedojë për Sirinë me këdo

“Problemi është që të gjendet gjuha me autoritet kurdë. Shoh që ka një vullnet të varfër nga autoritetet shqiptare për të kontaktuar me kurdët. Arsyeja është gjeopolitikë e pastër. Nëse nga një aleat politk siç është Turqia, ato konsiderohen terroristë, në një farë mënyre janë terroristë dhe për shoqërinë shqiptare”, tha Kopliku.
Shtetasit shqiptare që janë në kamp mund të shndërrohen edhe në rrezik nëse kthehen në vendin e origjinës, por Kopliku sugjeron qe shteti shqiptar ashtu siç ka bërë Belgjika mund të krijojë një strukturë të posaçme për trajtimin e tyre.

“Shqipëria sikurse kanë bërë dhe vende si Belgjika, duhet të krijojë një strukturë. Në Belgjikë kjo quhet strukturë e derekalizimit. Ka bashkëpunime me komunën e atjeshme ku është vendosur që t’i kthejnë në shoqëri”, pohoi gazetari.

LEXO TE PLOTE

Lajme

Nis transmetimin Euronews Albania/ Media më e re informative për shqiptarët në Ballkan

Publikuar

-

Nga

Tiranë, 21 nëntor 2019. Euronews Albania dhe Euronews Group njoftuan nisjen e transmetimit të kanalit Euronews Albania nga kryeqyteti i Shqipërisë, për audiencën e Shqipërisë, Kosovës, Maqedonisë së Veriut dhe të Malit të Zi. Platforma mediatike do të shërbejë si një “studio e madhe” lajmesh për të gjitha territoret shqipfolëse në rajon e në diasporë. Ngjarja cilësohet si një arritje për Euronews Group, sepse Euronews Albania është i pari franchaise në historinë e grupit. Euronews është kanali numër një ndërkombëtar i lajmeve në Europë. Euronews Albania përfaqëson një model mediatik, që përpiqet të mishërojë të njëjtat standarde dhe vlera profesionale të degës prestigjioze europiane, Euronews.

Në përputhje me sloganin e tij, “Të gjitha këndvështrimet, të gjithë zërat, të gjithë të mirëpritur”, Euronews Albania do të garantojë raportim të paanshëm dhe të pavarur. Transmetimet në gjuhën shqipe, në televizion dhe në platformat digjitale, do t’u bashkëngjiten 12 gjuhëve të tjera të Euronews Group dhe do të mundësojnë dialogun midis Europës dhe shqiptarëve në rajon.

Themeluesi i Euronews Albania, zoti Theodhori Cami, u shpreh: “Qëkurse krijuam këtë partneritet me Euronews-in një vit më parë, kemi punuar në mënyrë intensive për të sjellë në jetë një investim njerëzor dhe teknologjik në tregun mediatik shqiptar. Sot, në ditën e materializimit të një ëndrre të madhe, të një projekti që do të jetë një forum për opinionet e shqiptarëve nëpër botë, ndihem veçanërisht krenar. Misioni ynë është të raportojmë në mënyrë të paanshme, duke paraqitur të gjitha pikëpamjet. Përmes angazhimit tonë për të verifikuar faktet si dhe për të raportuar në nivele sa më të larta, kam besim se Euronews Albania do të revolucionarizojë tregun e lajmeve në rajon”.

LEXO EDHE:  Kerry/Në fund, do na duhet të negociojmë edhe me Assad

Zoti Michael Peters, CEO i Euronews, deklaroi: “Jam shumë krenar që Euronews Albania, franchaise ynë i parë, po nis transmetimet. Kjo është një ditë e madhe për Euronews-in. Emri i këtij kanali është i njohur në të gjithë Europën dhe përtej, si përçues i lajmeve të paanshme dhe i gazetarisë së pavarur. Kam besim se ky stacion i ri do t’i ofrojë të njëjtat vlera audiencës shqipfolëse, sikurse jam i bindur se do të spikatë menjëherë për cilësinë e ndikimin në mënyrën se si bëhet gazetari. Duke u bazuar këto vlera, Euronews Albania do të sjellë në treg një zë tejet të nevojshëm. Megjithëkëtë, puna jonë shkon përtej kësaj. Ne po ndërtojmë një urë dhe, si gjithnjë, kur ndërtohet një urë, krijohen dy rrugë. Nëse përmes këtij projekti po sjellim pakëz Europë në Shqipëri, gjithaq e vërtetë është edhe e kundërta: ky projekt do të përhapë pak Shqipëri në Europë.

Sot, Euronews Albania përbëhet nga një ekip prej 150 profesionistësh të trajnuar në mënyrë të vazhdueshme nga drejtues të Euronews Group për mënyrat më të fundit të prodhimit të lajmit dhe për teknikat e raportimit, si: MoJo (Mobile Journalism), edicionet informative dhe digital media-n. Gjatë 24 orëve të transmetimit, Euronews Albania do të mbulojë ngjarjet kryesore vendore dhe ndërkombëtare përmes korrespondentëve nga Kosova, Maqedonia e Veriut dhe Brukseli, krahas korrespondentëve të tjerë të Euronews Group në mbarë botën.

Euronews është kanali informativ numër një në Europë, me mbi 400 milionë shikues anembanë globit dhe me 142 milionë shikues në muaj, sipas të dhënave të Global Web Index.

Euronews Albania

Rr. Rezervatet e Shtetit,

Lunder 1

Tiranë, Shqipëri

LEXO TE PLOTE

Lajme

Kajmaku fut në telashe policët/ SHÇBA nis hetimet për disa efektivë

Publikuar

-

Nga

SHÇBA ka nisur hetimet për disa policë, të cilët dyshohet se kanë dekonspiruar operacionin për ish-kryebashkiakun e Vorës Agim Kajmakun.

Prej 10 ditësh, autoritetet kanë kryer kontrolle në banesën e Kajmakut dhe në banesat e të afërmve të tij por nuk kanë mundur të gjejnë.

Ndërkohë dyshohet ish kryebashkiaku, është ndihmuar nga disa punonjës të policisë për të mos rënë në pranga.

LEXO EDHE:  Burra, gra dhe fëmijë, mësoni sa kosovarë kanë shkuar në Siri e sa janë kthyer

Kajmaku është shpallur në kërkim nga policia për akuzat e ”shpërdorimit të detyrës”, ”shkelje të ligjit të dekriminalizimit” dhe ”ushtrim të detyrës në përfundim të mandatit”. Sipas sistemit TIMS-s, ish-kreu i bashkisë së Vorës rezulton të jetë brenda territorit të Republikës së Shqipërisë./CNA.al

LEXO TE PLOTE