Connect with Us

Pasuroni bibliotekën tuaj me oferta deri në -60% me lirë

Politikë

Pasuroni bibliotekën tuaj me oferta deri në -60% me lirë

Publikuar

-

Pazari i librit zhvillohet më 18-28 tetor 2019 në qendrën tregtare TEG. Ja të gjitha uljet e çmimeve për
librat e rinj, bestseller-at, botimet në seri dhe aktivitetet që do të zhvillohen përgjatë tetorit të librit.
Pas suksesit të jashtëzakonshëm që pati “Pazari i librit” në TEG në edicionin e tetorit të vitit të kaluar,
vjen sërish, edhe këtë tetor, – para lexuesve shqiptarë, me plot oferta dhe supriza të reja. Edicioni i këtij
viti synon të themelojë një traditë të munguar në tregun e librit shqip, – ku të gjithë ata që duan të
krijojnë bibliotekat e tyre, kanë mundësi të shumta zgjedhjeje, me çmime fantastike.
Edhe kësaj radhe, ofertat arrijnë deri në -60%, dhe për këtë arsye, organizatorët i janë tej mase
mirënjohës të gjithë atyre botuesve që iu bashkuan kësaj nisme dhe po u krijojnë këtë mundësi për
lexuesit. Kësaj radhe janë shtuar edhe botuesit nga Kosova, librat e të cilëve do ti gjeni në stendat e
eventit që zhvillohet më 18 – 28 tetor 2019 në TEG.
Autorët shqiptarë si Ismail Kadare, Dritëro Agolli, Fatos Kongoli apo Ben Blushi, do të jenë në fokus të
promovimit në stenda, si një mundësi për t’i dhënë mbështetje letërsisë shqipe. Po ashtu, librat e
autorëve ndërkombëtar më të shitur në Shqipëri, si Paulo Coelho, Gabriel Garcia Marquez, Erich Maria
Remarque, Khaled Hosseini, Rhonda Byrne do të jenë në ofertë edhe kësaj radhe për të pasionuarit pas
tyre.
Një tjetër risi e këtij eventi janë edhe librat që sapo janë hedhur në qarkullim nga shtëpitë botuese:
Stendat me librat e rinj janë të ndara veçmas për lexuesit e vegjël dhe ata të rriturit.
Ky event sjell para lexuesit edhe titujt bestseller-a botëror të momentit si “Homo Deus”, “21 leksione
për shekullin e XXI” të Yuval Noah Hararit apo “Të bëhesh” të Mishel Obamës.
Përderisa jemi në muajin tetor, ky event ka krijuar këndin e nobelistëve që janë përkthyer në gjuhën
shqipe, ku, – mes tyre padyshim, – do të gjeni edhe nobelisten e saposhpallur, Olga Tokarczuk, me librin
“Sonatë për shumë tamburë”.
Gjithashtu do të gjeni edhe romanet në seri, si rekomandime më vete, ku spikasin “Saga Napoletane” e
Elena Ferrantes, saga Tatiana dhe Aleksandri, seria e “Shtatë motrat”, etj.
Shqiptarët janë të pasionuar pas romaneve, prandaj janë përzgjedhur mes zhanreve më të njohura, një
listë titujsh të kuruar me kujdes, për kategoritë “Romancë & pasion”, “Sagë & Histori” apo “Mister &
Thriller”.
Për lexuesit që duan librat e sipërmarrjes, motivimit apo zhvillimit personal, do të kenë ishullin e tyre me
librat më të mirë dhe me çmime fantastike. Biznesi kërkon ide dhe mjete të reja prandaj, ky event vjen
me një listë të kuruar rekomandimesh. Tani është koha për të krijuar këndin e librave të biznesit në
kompaninë tuaj!
Edhe klasikët kanë këndin e tyre, ku edhe kësaj radhe do të ketë ulje të konsiderueshme.
Ofertat 50-60% kësaj radhe iu janë dedikuar kryesisht letërsisë për fëmijë; librave me përralla,
enciklopedive, botimeve speciale për moshat 1-5 vjeç.

LEXO EDHE:  Del për shëtitje me bashkëshorten/ Zbulohet vendodhja e kryeministrit Rama

Në Pazarin e librit të këtij viti nuk mund të mungojnë edhe seritë fantastike për lexuesit e vegjël si
Nikolasi i vogël, Ditaret e Peshkopes, Ditari i Gregut, Ditaret e Alisës, Kapiten Brekushi, etj. Një surprizë
fantastike do të jetë në këtë event “Vendi i rrëfenjave”, streha fantastike ku vogëlushët mund të
përjetojnë magjinë e përrallave.
Librat e kuzhinës, biografitë e njerëzve të shquar vijnë të përzgjedhura me kujdes nga organizatorët e
panairit.
Po ashtu, ata që janë të pasionuar pas librit si mënyrë jetese, tek online zone mund të gjejnë objekte të
stampuara, si bluza, filxhane,  gota, etj., me thënie librash dhe për leximin.
Për të gjithë ato libra që nuk gjenden nëpër stenda, sigurisht, ofrohen porosi online të cilat mund ti bëni
pranë Pazarit të librit në Teg.
Pazari I librit vjen I organizuar nga Bukinist.al dhe Teg. TEG menaxhohet nga Acrem, që është pjesë e
Grupit Balfin, grupi më i madh dhe inovator i investimeve në Shqipëri dhe një ndër më të mëdhenjtë në
rajon, i njohur për investimet në qendrat e tjera tregtare sic është dhe QTU, zhvillimet e zonave
rezidenciale dhe tregtare, në turizëm me projekte të tjera si Vala Mar Residences dhe Green Coast
resort, në industrinë e fashion-it dhe atë minerare me Albchrome dhe Newco Ferronikeli, ne sistemin
bankar me Tirana Bank dhe në aktivitetet e shitjeve me pakicë me rrjetin e dyqaneve Neptun, SPAR,
Jumbo etj./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Ish-zv.ministri i Financave emërohet në krye të AMF

Publikuar

-

Nga

Ervin Mete, që më herët mbante postin e zëvendësministrit të Financave është emëruar në krye të Autoritetit të Mbikëqyrjes Financiare. Vendimi në fjalë është marrë sot në mbledhjen e Këshillit të Ministrave.-raporton BW.

Mete është liruar nga detyra e zëvendësministrit të Financave në 22 maj të 2017-ës, ndërsa në shtator të vitit që lamë pas ishte në krye të Bordit të AMF-së.

Tashmë Ervin Mete do të drejtojë AMF-në, duke i zënë vendin Ervin Koçit, të cilit i mbaroi mandati. Ervin Koçi, u emërua në këtë post më 6 prill 2017, pas shkarkimit të drejtueses së këtij institucioni Enkelejda Shehi.

LEXO EDHE:  Del për shëtitje me bashkëshorten/ Zbulohet vendodhja e kryeministrit Rama

LEXO EDHE:  Kompania shqiptare që po çan tregjet e rajonit dhe jo vetëm/ Drejtuesi i Jumbo shpjegon rrugëtimin drejt suksesit

Përpara se të emërohej si kreu i AMF-së, Koçi ka qenë deputet i Partisë Socialiste.

LEXO TE PLOTE

Politikë

Meta paralajmëron protestë/ Mesazh të koduar Ramës: Të bëjnë gati poture të gjera

Publikuar

-

Nga

Presidenti Ilir Meta ka paralajmëruar se çdo ditë do të ketë detaje të reja për grushtin e shtetit.
Gjatë fjalës së tij në një konferencë për mediat, Meta paralajmëroi një protestë në datën 2 mars, në Bulevardin dëshmorët e Kombit për shpartallimin e grushtit të shtetit.

“Do ta marrim me qetësi çmonitmin e plotë të grushtitë të shtetit. Nëse ky institucion është sot një kështjellë e vetëm por e pamposhtur dhe e paetur e mbrojtes së Kushtetutës, nga data 2 mars ku do të firmoset dekreti i parë për shpartallim të plotë të grushtit të shtetit, në Bulevardin Dëshmorët e Kombit do bëj thirrje për të shpartalluar grushtin e shtetit. Ju presim pasdite në Bulevard se do jap fjalën se shumë shpejt falë popullit nuk do të ketë vetëm një institucion që është vetëm presidenti por të gjitha institucionet që janë në bulevardin Dëshmorët e Kombit do t’i kthehen popullit”, tha Meta.

Ai e ka mbyllur fjalën e tij me një mesazh i cili duket se i drejtohet kryeministrit Edi Rama: “Ata që kërkojnë popullin e presidentit të Whatsapp të porosisin poturet e gjera”./CNA.al

LEXO TE PLOTE

Politikë

Meta zbulon faktet e rënda/ “Gjysmë-parlamenti” dhunoi Kushtetutën, ideatori është Rama

Publikuar

-

Nga

Presidenti Ilir Meta ka dalë sërish sot në një deklaratë të jashtëzakonshme për mediat, ku ka vijuar të hedhë akuza në drejtim të mazhorancës, për të cilën thotë se po përgatit grusht shteti.

Meta akuzoi drejtpërdrejt kryeministrin Edi Rama, të cilin e cilësoi si ideator dhe ekzekutor të grushtit të shtetit.

“Edi Rama është ideatori dhe ekzkekutoi i këtij grusht shteti. Do jetë ai që do të mbajë përgjegjësi dhe do të përgjigjet para drejtësisë së re, pas bllokimit të këtij grusht shteti”-tha Meta.

Më tej, ai ironizoi edhe Kuvendin e  Shqipërisë, të cilin e cilësoi si “gjysmë-parlamenti”.

Sa i takon miratimit të ligjit që shmang presidentin për betimin e anëtarëve të Gjykatës Kushtetuese, Meta tregoi disa fakte, që sipas tij tregojnë se Kuvendi ka gënjyer.

“Gjysmë-Kuvendi, i cili njihet për gënjeshtra, thotë se për të bërë betimin e gjyqtarëve nëpër kafene, ose tek Lana, thotë se ka marrë miratimin edhe nga KED, nga Komitetit Shqiptar të Helsinkit, nga Shkolla e Magjistraturës etj.

LEXO EDHE:  Kush është qendra tregtare me elitare në Shqipëri?

LEXO EDHE:  Pranga "Babagjysheve" grabites

Këto përgënjeshtrohen nga vetë Dvorani, i cili thotë se nuk ka marrë asnjë kërkesë për të dhënë opinion për këtë çështje. Këtu e duartrokas.

Këtu ka një tjetër gënjeshtër, të deputetëve që dhunojnë kushtetutën dhe popullin shqiptar, ku thotë se Shkolla e Magjistraturës nuk ka dhënë opinion për këtë çështje.

Po ashtu edhe Komiteti Shqiptar i Helsinkit, një pjesë e deklaratës thuhet: Duke patur në konsideratë aktin se këto nisma prekin dy ligjë të rëndësishme, Komiteti Shqiptar i Helsinkit sugjeron që këto projekte ti nënshtrohen një konsultimi të gjërë me Presidentin, ILD, shoqatat e gjykatësve, etj

Lidhur me këtë propozim , KSHH vlerëson se ceremonia e betimit nuk mund të realizohet në formën e shtruar, pasi betimi kërkon prezencën fizike të personit që betohet se do zbatojë ligjin dhe Kushtetutën, atributet që Kushtetuta i ka caktuar një organi, nuk mund ti jepen një tjetër organi”-tha ndër të tjera Meta./ CNA.al

LEXO TE PLOTE