Connect with Us

Përpunonin dhe shisnin drogë në lokal/ Në pranga dy persona

Politikë

Përpunonin dhe shisnin drogë në lokal/ Në pranga dy persona

Publikuar

-

Policia e Elbasanit ka arrestuar dy persona për posedim, përpunim dhe tregtim të lëndës narkotike.
Në pranga janë vënë shtetasit me iniciale J. H., 38 vjeç dhe K. Z., 24 vjeç, të dy banues në Karakullak, Bradashesh, Elbasan.

Bazuar në informacionet e marra në rrugë operative “Shqiponjat” zhvilluan dhe finalizuan operacionin policor të koduar “Përpunimi”. Ata ushtruan kontroll në lokalin e marrë me qera nga shtetasi K. Z., në rrugën dytësore Elbasan-Bradashesh dhe kapën në flagrance dy të rinjtë ndërsa po përpunonin në bashkëpunim me njëri-tjetrin lëndë narkotike të llojit kokainë, gati për shitje në treg.

Njoftimi i policisë:
Finalizohet operacioni “Përpunimi”
Operacioni për goditjen e veprimtarisë kriminale në fushën e shpërndarjes në doza të vogla të drogave të forta. Operacioni nga Seksioni për Hetimin e Narkotikëve dhe Trafiqeve të Paligjshme, në Drejtorinë Vendore të Policisë Elbasan, në bashkëpunim me Forcën e Posaçme Operacionale “Shqiponja”. Sekuestrohet kokainë dhe disa peshore elektronike. Në pranga dy persona që posedonin, përpunonin dhe do tregtonin lëndën narkotike.
Në vijim të operacioneve të njëpasnjëshme për goditjen e veprimtarisë kriminale në fushën e narkotikëve, bazuar në informacionet e marra në rrugë operative se në një lokal, në aksin rrugor Elbasan-Bradashesh përpunohej një sasi lënde narkotike kokainë për t’u hedhur në treg, Seksioni për Hetimin e Narkotikëve dhe Trafiqeve të Paligjshme, në bashkëpunim me Forcën e Posaçme Operacionale “Shqiponja” zhvilloi dhe finalizoi operacionin policor të koduar “Përpunimi”, si rezultat i të cilit u kapën dhe arrestuan në flagrancë shtetasit:
J.H., 38 vjeç dhe K. Z., 24 vjeç, të dy banues në Karakullak, Bradashesh, Elbasan.
Shtetasit e sipërpërmendur, në fshatin Karakullak, në lokalin e marrë me qera nga shtetasi K. Z., në rrugën dytësore Elbasan-Bradashesh janë kapur në flagrancë ndërsa po përpunonin në bashkëpunim me njëri-tjetrin lëndë narkotike të llojit kokainë, gati për shitje në treg.
Në kuadër të këtij operacioni policor u sekuestrua në cilësinë e provës materiale sasia prej 30 gr lëndë narkotike e dyshuar kokainë dhe 3 peshore elektronike, të cilat shërbenin për peshimin dhe ndarjen e dozave të kokainës. Vijon puna për identifikimin dhe arrestimin e personave të tjerë të përfshirë në këtë veprimtari kriminale. Materialet hetimore i kaluan Prokurorisë Pranë Gjykatës së Shkallës Parë Elbasan, për veprën penale “Prodhimi dhe shitja e narkotikeve“, e kryer në bashkëpunim./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

KPA e shkarkoi/ Meta fton në presidencë Besnik Muçin

Publikuar

-

Nga

Presidenti Ilir Meta pritet të zhvillojë një takim me Besnik Muçin.

Mësohet se Meta ka ftuar Muçin pas shkarkimit të tij nga Komisioni i Posaçëm i Apelimit.

Në fokus të diskutimeve do të jetë situata  e krijuar për ngritjen e Gjykatës Kushtetuese.

Ndërkohë pritet një sqarim zyrtar për mediat nga Presidenca./CNA.al

LEXO TE PLOTE

Politikë

Kallëzimi i Metës ndaj Dvoranit/ Krimet e Rënda “lajnë duart”, ia kalojnë Prokurorisë së Tiranës

Publikuar

-

Nga

Prokuroria e Krimeve të Rënda ka shpallur moskompetencën për hetimin e akuzave të ngritura nga  Presidenti Ilir Meta në drejtim të kreut të Këshillit të Emërimeve në Drejtësi, Ardian Dvorani.

Sipas News 24, Prokurorja e Përgjithshme Arta Marku e ka shqyrtuar padinë e Presidentit Meta dhe ia ka kaluar Prokurorisë së Tiranës për të vendosur nëse do të nisë apo jo hetimet.

LEXO EDHE:  I vë thikën në fyt bashkëshortes/ Arrestohet 39-vjeçari

Mësohet se Prokuroria e Krimeve të Rënda ka dorëzuar kallëzimin penal pranë Prokurorisë së Tiranës, e cila sipas Krimeve të Rënda, është kompetente për hetimin e dy veprave penale për të cilat Dvorani është akuzuar dhe kallëzuar nga Meta.

LEXO TE PLOTE

Politikë

Gara për Kryeprokuror/ KLP njofton Kuvendin për renditjen e kandidatëve

Publikuar

-

Nga

Këshilli i Lartë i Prokurorisë i ka nisur sot Kuvendit të Shqipërisë, listën me renditjen e kandidatëve për  Prokuror    të Përgjithshëm.

Në garën për Kryeprokuror, KLP të parin ka renditur Olsian Çelën, e dyta Arta Marku dhe e treta Fatjona Memçj.

Në letrën drejtuar Kuvendit, KLP bën të ditur se asnjë nga tre kandidatët në garën për Kryeprokuror nuk ka paraqitur ankimin, për renditjen.

“Në mbështetje të nenit 148/a pika 2 të Kushtetutës së Republikës së Shqipërisë, ligjit nr.115/2016 “Për organet e qeverisjes në sistemin e drejtësisë”, ligjit nr .97/2016 “Për organizimin dhe funksionimin e Prokurorisë në Republikën e Shqipërisë”; Këshilli i Lartë i Prokurorisë, në mbledhjen e tij të datës 14.11.2019 ka miratuar vendimin nr.236 “Për renditjen e kandidatëve për Prokuror të Përgjithshëm”. Me mbarimin e afatit të ankimimit më datë 21.11.2019, rezultoi se asnjë nga kandidatët në këtë proces nuk ka ushtruar të drejtën e ankimit.

LEXO EDHE:  Rrezikuan të mbyten në grykëderdhjen e Vilunit/ Shpëtohen nga policia 14 pushues

Për sa më sipër në bazë të nenit 34 dhe 35, të ligjit nr. 97/2016, “Për organizimin dhe funksionimin e Prokurorisë në Republikën e Shqipërisë”, si dhe tё nenit 21 pika 6 të Rregullores “Për kriteret dhe procedurën e përzgjedhjes së kandidatëve për Prokuror të Përgjithshëm të Republikës së Shqipërisë”; bashkëlidhur Ju përcjellim vendimin nr.236 datë 14.11.2019 të Këshillit të Lartë të Prokurorisë dhe relacionin shpjegues, si pjesë përbërëse të tij.”-thuhet ndër të tjera në njoftimin e KLP-së.

LEXO TE PLOTE