Connect with Us

Kundër ngritjes së HEC-it/ Banorët ‘shpërthejnë’ në protestë

Sociale

Kundër ngritjes së HEC-it/ Banorët ‘shpërthejnë’ në protestë

Publikuar

-

Vijojnë protestat e banorëve të fshatit Lami i Madh kundër HEC-eve në lumin Zall Gjocaj. Sipas banorëve punimet për ndërtimin e HEC-it po sjellin shterimin e burimeve ujore si dhe ndotjen e ujit të pijëshëm.

Banorët të irrituar edhe nga rrëzimi i kërkesës për pezullimin e punimeve nga gjykata, kanë protestuar mbrëmjen e sotme përballë ambjenteve tek Ministria e Infrastrukturës dhe Energjitikës, ku pretenduan se do të priteshin nga ministrja Belinda Balluku, për të shpalosur problemin e tyre, por që një gjë e tillë nuk ndodhi.

Duke thënë se rreth 10 mijë banorë rrezikojnë të mbeten pa ujë të pijëshëm, për FaxNews, banorët u shprehën se do të vijojnë protestat.

“Kur ishte në proces për tu shpallur, si e nënshkurajnë firmën, pa u marrë mendimin tonë. Po na mashtrojnë, po na marrin ujin. Kjo është shkelje flgrante e ligjit. Ne jemi 5 kryetarë fshatrave të komunës Derjan. Preken 13 fshatra. Mbi 10 mijë banorë mbeten pa uje, preken edhe kafshët. Ujin nuk na sjellë, por pse na e merr?!  Ne atë ujë do ta mbrojmë dhe me gjak. Le t’i ngreh policia çadrat  se ne nuk lëvizim nga aty.

Të gjithë këto që thanë le të vijnë askush dhe ministrat nuk na pritën. Kësaj rradhe nuk na priti njeri. I kemi përdorur të gjitha mjetet demokratike. I kemi njoftuar për këtë padrejtësi të madhe që po bëhet. Dëgjimi me komunitetin nuk është kryer fare. Nuk është bërë me banorët e kësaj zone. Pa ujë ska jetë. Është për tu habitur ne 40 protestues aty 150 policë. Ato ndërrojnë hajdutët dhe i kundërvihen popullit.”- u shprehën banorët./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Sociale

Euro i rikthehet rënies/ Me sa u këmbye sot

Publikuar

-

Nga

Gjatë kësaj jave monedha e përbashkët europiane ka vijuar që të humbasë pikë përkundrejtë lekut vendas. Sipas kursit zyrtar të Bankës së Shqipërisë një euro është këmbyer sot mesatarisht me 122,83 lekë, duke vazhduar kështu që të nënçmohet për të tretën ditë radhazi. Që prej fillimit të muajit nëntor euro ka humbur thuajse gjysmë pike në rapor me monedhën vendase.

Sipas ekspertëve të kursit të këmbimit kjo situatë lidhet me nivelin e ulët të këmbimeve dhe të vëllimeve. Ata shpjegojnë se aktualisht tregtimet janë tepër të ulëta dhe priten të jenë të tilla të paktën deri për festat e 28-29 nëntorit dhe festat e fundvitit, ku vihet re se rigjallërohet tregu. Megjithatë sipas tyre konsumi është në minimum dhe individët po kursejnë edhe gjatë festave.

Euro ka vijuar sërish rënien pas forcimit në muajin e kaluar, pas përfundimeve të efekteve nga transaksionet e bankave tregtare dhe transferimi i fitimeve të kompanive me kapital të huaj, të cilët përfituan nga ulja e taksës nga 15% në 8% për dividendin.

Gjatë ditës së sotme leku vendas është shfaqur më i dobët përkundrejt monedhave të tjera. Dollari amerikan është këmbyer me 111,5 lekë, rreth 0,04 pikë më shumë se një ditë më parë. Edhe paundi britanik ka fituar pikë gjatë ditës së sotme ku sipas kursit zyrtar është këmbyer me 143,29 lekë apo rreth 0,26 pikë më shumë se një ditë më parë. Pikë ka fituar edhe franga zvicerane e cila është këmbyer me 112,6 lekë apo rreth 0,6 pikë më shumë se dje./Monitor

LEXO TE PLOTE

Sociale

Kishte dhimbje koke dhe barku/ Spitali i Korçës jep informacion mbi vdekjen e 58 vjeçarit

Publikuar

-

Nga

Spitali i Korçës ka konfirmuar se 58-vjeçari Telha Kelo i cili ndërroi jetë mëgjesin e sotëm vuante nga guri në tëmth.
Nëpërmjet një njoftimi zyrtar, Spitali Rajonal i Korçës sqaron se i 58 vjecari u trajtua në reanimacion për dy orë dhe i është dhënë gjithë ndihma e mundshme.

Ai kishte mbërritur dy ditë më parë në spital me dhimbje barku dhe koke.
Ndërkohë familjarët e Telha Kelos akuzojnë mjekët se i kanë dhënë mjekim të gabuar dhe nuk kanë pranuar që i ndjeri të dërgohet për trajtim të specializuar në Tiranë./CNA.al

Njoftimi i spitalit:

Drejtoria e Shërbimit të Spitalit Rajonal Korçë u shpreh ngushëllimet familjarëve të T.K duke sqaruar opinionin publik si më poshtë:

Pacienti T.K është paraqitur përpara dy ditësh në spital me ankesë dhimbje të kokës, menjëherë është kryer ekzaminimi i plotë duke përfshirë analiza laboratorike, EKG, eko abdominale, CT koke me contrast etj. Pas kryerjes së ekzaminimeve pacienti ka rezultuar me Kolecistit Kalkuloz.

Pas kësaj pacienti është shtruar në kirurgji. Gjendja e tij është rënduar mëngjesin e sotëm dhe pacienti është dërguar menjëherë në reanimacion ku për rreth dy orë është trajtuar nga reanimatori.

Spitali Rajonal Korçë, sqaron se bazuar në protokollet e mjekimit pacientit i është dhënë ndihma maksimale nga personeli i spitalit. Jemi në pritje të autopsisë. Drejtoria e Shërbimit të Spitalit Rajonal Korçë

LEXO TE PLOTE

Sociale

Ndërroi jetë në spitalin e Korçës/ Flet vëllai i 58 vjeçarit: I dhimbte koka, doktori i bënte vetëm serume

Publikuar

-

Nga

Mbetet enigmë vdekja e 58 vjeçarit Telha Kelo nga fshati Pojan i Korçës.
Babai i dy fëmijëve ka ndërruar jetë në spitalin e Korçës ku ndodhej prej dy ditësh.

Vëllai i viktimës bën me dije se e kishin çuar në spital me dhimbje koke dhe prej dy ditësh bënte serume. Ai pretendon se i kanë kërkuar mjekëve ta transportojnë në Tiranë por ata nuk kanë pranuar dhe nuk kanë dhënë asnjë diagnozë.

“I dhimbte koka. E solli byrazeri me makinën e tij pardje, sot në mëngjes mbaroi.
Fjalët e mjekut janë, nga dhimbja e kokës vdes njeri. Nuk ka vuajtur nga ndonjë sëmundje më parë. Nuk e dimë me çfarë e kanë mjekuar, serume i bënin. Do bëhet më mirë na thanë mjekët. I kemi kërkuar që ta çonim në Tiranë, na thanë që nuk e kemi nxjerrë ende diagnozën që ta dërgojmë në Tiranë. Sot kur erdhëm në orën 8:00 e morëm vesh.
Nuk e di çfarë diagnoze do i vërë doktori që të shpëtojnë. E tërë nga doktori ka ardhur se po të kishte nxjerrë doktori diagnozën do ishin marrë masat”, deklaroi vëllai i viktimës për News 24./CNA.al

LEXO TE PLOTE