Connect with Us

Denoncimi i “Fiks Fare”/ Mamografia në ambulancën qendrore, prej 2 javësh jashtë funksionit

Denoncim

Denoncimi i “Fiks Fare”/ Mamografia në ambulancën qendrore, prej 2 javësh jashtë funksionit

Publikuar

-

Emisioni “Fiks Fare”, mbrëmjen e sotme, trajtoi problematikën e shumë grave dhe nënave të cilat u ankuan pranë redaksisë se nuk kishin mundur të bënin mamografinë në poliklinikën e Specialiteteve në Tiranë.

Thirrjes së ministres Manastirliu më datë 1 tetor ku ftonte të gjitha gratë të kryenin mamografinë, iu përgjigjen dhjetëra, por që nuk mund ta bënin ekzaminimin për shkak se pajisja nuk punonte.

Bashkëpunëtorët e “Fiksit” verifikuan ankesat , duke shkuar në ambientet e poliklinikës për të bërë një mamografi. Mjeku i tha bashkëpunëtores së “Fiksit” se pajisja ka dhënë difekt, dhe se mund të shkonte në spitalin Onkologjik për ta bërë.

Edhe në informacionin e poliklinikës “Fiksi” mori të njëjtën përgjigje, se pajisja nuk punonte.

Bashkëpunëtorët u kthyen përsëri në poliklinikë, në datën 16 tetor , ku gra në radhë , pohuan se prej dy javësh mamografia nuk ka punuar dhe se shpresonin të mbaronin punë, pasi prej ditësh vinin në poliklinikë.

Gazetarja e “Fiksit” iu drejtua Drejtoreshës së Poliklinikës për të marrë një përgjigje zyrtare nëse pajisja e mamografisë funksiononte dhe prej ta kohësh ky shërbim nuk ishte ofruar.

Fillimisht Drejtoresha pohoi se vetëm 4 ditë, përfshirë edhe të dielën mamografia nuk punonte, por që ishte zgjidhur. Gazetarët i kërkojnë të shohin regjistrin e pacientëve që kanë bërë mamografi nga data 1 tetor deri sot. Në regjistër nuk figuron asnjë pacient i regjistruar deri në datën 13. Laboranti shpesh herë shmanget duke thënë se ekziston një tjetër regjistër, por që asnjë regjistër tjetër nuk tregojnë.

LEXO EDHE:  Denoncimi në "Fiks Fare"/ 11 vjeçarin e zë porta e shkollës poshtë, shkolla e mohon si nxënës

Duke qenë se drejtoresha këmbënguli se tek radiologu regjistri është më i saktë, gazetarët e shoqëruan edhe në dhomën e radiologut, por që edhe në këtë regjistër, u gjetën vetëm 1 pacient në datë 1 dhe 1 në datë 2 pastaj të tjerët nisnin nga data 14. Pra Fiksi vërtetoi ankesën e grave të cilat nuk kishin mundur që prej 2 javësh të merrnin shërbimin e mamografisë edhe pse personeli i kësaj klinike u mundua ta fsheh një gjë të tillë.

Mamografia është ekzaminimi i gjirit që bëjnë gratë , për të diagnostikuar në kohë rastet ku rezultojnë me kancer. Kontrolli mjekësor mundëson parandalim e kurim në kohë. Në muajin tetor, si muaji i luftës ndaj kancerit të gjirit , mesazhet sensibilizuese në media por edhe nga vetë Ministria e Shëndetësisë Ogerta Manastirliu janë të shumta, për të rritur ndërgjegjësimin te gratë, për kontrolle të vazhdueshme.

Por pikërisht në këtë muaj sensibilizime mamografia e një prej klinikave më të mëdha në Tiranë nuk e ofronte këtë shërbim./TCH/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Dëshmia shokuese e nxënëses në Fier/ “Bego ‘i bëri’ shoqen time Vasilit, mua më prekte në pjesët intime”

Publikuar

-

Nga

Të tjera dëshmi tronditëse kanë dalë në dritë për abuzimet e mësuesit “zhigolo” të shkollës së mesme artistike të shkollës në Fier.

Emisioni “Stop” transmeton me zë dhe figurë rrëfime ekskluzive të ish-nxënësve të kësaj shkolle, që implikojnë profesorin e kantos Agron Bego, por edhe disa kolegë të tij, të së njëjtës shkollë.

Dëshmia e dytë vjen nga vajzë e cila është ngacmuar nga pedagogu në fjalë. Po ashtu, ajo tregon edhe rastin e një tjetër nxënëseje në klasën e saj, që Bego është bërë “shkesë” për lidhjen intime të saj me një kolegun e tij.

Dëshmia e vajzës:

Nxënësja-Unë kam qenë studente e shkollës “Jakov Xoxa”. Kam bërë 9-vjeçaren dhe shkollën e mesme atje. Në 9-vjeçare kam qenë për xxxx dhe nuk kam patur asnjë lidhje me profesor Agronin. Ka qenë profesori i parë, në fakt, që kam takuar atje  ditën që jam regjistruar në klasë të 6-të dhe më ka thënë që ka qenë një privilegj për atë që të më kishte mua nxënësen e tij. Në vit të parë ishte dëshira ime të kaloja për Kanto dhe profesor Agron Bego ishte pedagogu i kësaj dege.

Saimiri-Kantos atje në lice?

Nxënësja-Po! Edhe që në ditët dhe në javët e para të shkollës, profesori na pyeste me pyetje të çuditshme, nëse kishim të dashur, nëse kishim kryer ndonjëherë marrëdhënie  seksuale.

Saimiri-Domethënë siç doli në rastin e transmetimit?

Nxënësja-Po! Nga mesi i vitit, arriti situata deri aty sa edhe na prekte, duke qenë se ne merreshim me Kanto, duhet të kishim të zhvilluar diafragmën, që ndodhet në bark. Mendonte se na kontrollonte diafragmën dhe na prekte në zonat intime.

Saimiri-Domethënë që të jemi të qartë… profesori ju prekte…

Nxënësja-Po! Po, edhe më sipër.

Saimiri-Me ju e ka bërë?

Nxënësja-Po!

LEXO EDHE:  “Fiks Fare”, sekuestroja e regjistrit të minierës lë pa pension 68-vjeçarin

LEXO EDHE:  Skandali i Fiks-Fare/ Shkolla 9-vjeçare në Grykë Çajë rrezikon shembjen

Saimiri-Si reaguat?

Nxënësja-Nuk pata mundësi të bëja ndonjë reagim, sepse isha vetëm me profesorin në klasë dhe… kisha frikë. Por, që pas asaj dite dhe 2 vite të tjera të shkollës, nuk shkova në mësim. Vitin e parë dhe vitin e dytë bëra shumë mungesa në orën e Kantos. Kur shkoja, shkoja e shoqëruar, por profesori na thoshte gjithmonë të shkonim vetëm, se gjoja shoqet nuk na linin të përqendroheshim në orën e mësimit.

Saimiri-Ju merrte secilën vetëm me idenë që të mos shpërqendroheshit?

Nxënësja-Në vit të tretë pastaj vendosa që të vazhdoja shkollën e lartë në Akademinë e Arteve dhe u lidha me një profesore në Tiranë dhe shumë rrallë e takoja profesor Agronin. Por, edhe kur e takoja, ai përsëri na bënte pyetje të çuditshme nëse kishim gjetur ndonjë të dashur.

Saimiri-Ju e njihnit atë? Kishit, familja ose… njiheshit apo jo?

Nxënësja-Po, familja ime njihej me profesorin.

Saimiri-Këtë dëshmi që sapo dhe, je e gatshme ta japësh para organeve të tjera?

Nxënësja-Po! Jam e gatshme!

Saimiri-Ka qenë vetëm profesor Agroni?

Nxënësja-Ka edhe profesorë të tjerë.

Saimiri-Mendon që janë të lidhur? Rakordojnë veprimet me njëri-tjetrin, apo secili….?

Nxënësja– Po, sepse në fakt kam patur një shoqen time, që profesor Agroni e kishte lidhur me një profesor tjetër.

Saimiri-E kishte lidhur profesor Agroni me një tjetër?

Nxënësja-Po!

Saimiri-Pra ishte bërë “shkesi”?

Nxënësja-Po!

Saimiri-E vërtetë kjo?

Nxënësja-Po!

Saimiri-E kishe në klasë këtë vajzën?

Nxënësja-Po!

Saimiri-Kundrejt çfarë, domethënë çfarë i ofruan vajzës, apo e gjetën të dobët dhe…

Nxënësja-Nuk e di! Unë nuk  mendoj se ajo ishte e dobët, se ajo ishte shumë e mirë në degën e Kantos.

Saimiri-Mund të ma thuash emrin e pedagogut tjetër?

Nxënësja-Vasil! /Tv Klan

LEXO TE PLOTE

Denoncim

“STOP” sjell skandalin e drejtueses së Përmbarimit Lushnjë/ Shkarkohet Luiza Gjergjova

Publikuar

-

Nga

Pak ditë më parë emisioni “Stop” transmetoi një problem pronësie mes dy vëllezërve në Lushnje. Pëllumb dhe Seit Zele ishin konflikuar për pronën dhe situata u rëndua, kur përmbaruesja shtetërore, Luiza Gjergjova, ditën e ekzekutimit të ndarjes së pasurisë, e ka bërë pa praninë e ekspertes, në shkelje të hapur të ligjit.

Gazetari i “Stop” e pyeti përmbaruesen Gjergjova, se pse ekzekuton vendimin pa ekspert, por ajo ofendoi gazetarin. Akti i ulët i përmbarueses Gjergjova u mor në mbrojtje nga kreu i përmbarimit shtetëror Piro Lutaj. Vetë Gjergjova u përball në gjyq me redaksinë e emisionit “Stop” dhe gjykata e Lushnjes i dha të drejtë emisionit “Stop”.

Ministrja e Drejtësisë Etilda Gjonaj u shpreh, se do të ngrejë grup pune e do të marrë masa për rastin në fjalë. E në fakt ka mbërritur reagimi i Ministrisë dhe Përmbarimit shtetëror, që konfirmon shkarkimin nga detyra të drejtueses së përmbarimit të Lushnjes Luiza Gjergjova. Për më shumë ndiqni videon e mëposhtëme:

LEXO EDHE:  Skandali i Fiks-Fare/ Shkolla 9-vjeçare në Grykë Çajë rrezikon shembjen

LEXO EDHE:  Fiks Fare/ Banka e gjakut jep alarmin: Nuk kemi gjak per talasemiket

LEXO TE PLOTE

Denoncim

Denoncimi i “Fiks Fare”/ Qendra “Don Bosko” përfiton 300 m2 truall me legalizim, pa asnjë dokument

Publikuar

-

Nga

Banorët nxirren në rrugë , banesat legalizohen si objekte të ndërtuara nga qendra para viteve ’90, pa asnjë lloj dokumentacioni.

Qendra Sociale “Don Bosko” i legalizon objektet në emër të saj dhe i lë banorët në qiell të hapur, në mes të dimrit. Qendra i kërkon Entit të Banesave Durrës, të nxjerrë një Urdhër Ekzekutimi duke pretenduar se janë të shpronësuar, ndërkohë që pronën e kanë përfituar me legalizim. Përmbaruesi nxjerr me forcë banorët, jo vetëm nga prona e “Don Boskos”, por edhe nga shtesat që vetë banorët kishin bërë pa leje ndër vite, dhe që nuk ishin objekt i ekzekutimit. Përmbaruesi thotë :”Nuk jam topograf, mban përgjegjësi avokati i qendrës nëse gënjen”. Ndërkohë që banorët pretendojnë se janë mashtruar pasi nuk kanë firmosur asnjë dokument për të pranuar që legalizimi të bëhet në emër të Qendrës sociale “Don Bosko”.

“Fiks Fare” trajtoi problemin e dy familjeve të vendosura në banesa sociale, qysh në vitet ’60-’70 nga ish Ndërmarrja Komunale Banesave. Këto banesa, 58 m2, ndodhen në lagjen “Nr 3” Durrës, pas bashkisë së qytetit. Banorëve në fund të muajit janar u erdhi një shkresë nga përmbarimi ku i kërkonin që të dilnin nga banesat e tyre. Kërkesa ishte bërë nga pronari i ri i tyre, i cili i kishte përfituar këto prona nëpërmjet legalizimit. Pronari i ri ishte Qendra Sociale “Don Bosko”. Banorët ankohen se janë në moshë të thyer, invalidë dhe me probleme shëndetësore dhe të shëndetit mendor. Nuk kanë vend tjetër ku të fusin kokën. Ata pretendojnë se këto banesa, janë ngritur nga shteti dhe aty kanë jetuar që prej viteve ’70. Kanë paguar, drita ujë e detyrime.

Si i përvetësoi Qendra “Don Bosko” 300 m2 truall dhe 58 m2 ndërtesë

Në fillim të vitit 2019 Arqipeshkvia Metropolitane Tiranë -Durrës, me përfaqësues Dom Martin Thomson pretendon se është pronare e një objekti të ndërtuar para vitit 1990, prej 58 m2, dhe ben kërkesë pranë Aluiznit për ta legalizuar. Vetdeklarimi firmoset dhe vuloset nga vet Dom Martini. Çuditërisht në mes të procesit të legalizimit, kisha, heq dorë nga prona dhe kërkon që procesi i legalizimit të vijojë në emër të Qendrës Sociale Don Bosko.Në Prill të 2019 ky objekt u legalizua dhe bashkë me të edhe 300 m2 truall si pjesë funksionale e objektit. Në bazë të dokumentacionit të siguruar nga Agjencia Shtetërore e Kadastrës e gjithë kjo procedurë, është bërë në bazë të një vetdeklarate që Kisha ka bërë pranë Aluizn-it. Duke mos paraqitur asnjë dokumentacion që të vërtetojë se këto objekte kanë qenë pronë, apo ndërtuar prej saj para viteve ’90.

“Fiksi” u interesua nëse këto objekte kanë qenë në pronësi të Kishës apo jo. Sipas përgjigjes së Agjencisë Shtetërore të Kadastrës Durrës, nuk rezulton që kjo pronë të jetë në pronësi të ndonjë Enti Publik, Institucioni Shtetëror si dhe pronari apo bashkëpronari privat.

Gjithashtu sipas verifikimit që ata kanë bërë pranë Agjencisë së Trajtimit të Pronave, nuk rezulton të ketë një vendim për kthim të kësaj prone.

Ndërkohë, “Fiksi” i kërkoi Qendrës Sociale “Don Bosko”, në bazë të ligjit për informimin, t’i vinte në dispozicion qoftë edhe një dokument, ku të vërtetonte se këto banesa, kanë qenë pronë e saj, të cilën e ka ndërtuar para viteve ’90. Pavarësisht kërkesës zyrtare, pretendimeve të avokatit përfaqësues, dhe kontaktit dhe intervistave që gazetarët patën me Av Gjergj Sokolin, nuk u dha asnjëherë përgjigje.

Urdhëri i nxjerrë nga Enti i Banesave Durrës, për lirimin e banesave nga banorët.

Enti Banesave Durrës, pretendon se ka nisur procedurën për nxjerrjen e Titullit Ekzekutiv për lirimin e banesave nga banorët që janë në shtëpi ish pronarësh, në bazë të Aktit Normativ nr 3 i vitit 2012. Ky vendim ka për objekt “Për lirimin e banesave, pronarëve të ligjshëm, nga qytetarët e pastrehë, banues në banesat ish pronë e subjekteve të shpronësura.

Në rastin konkret, Kisha apo Qendra Sociale “Don Bosko”, këtë pronë e kanë përfituar nëpërmjet legalizimit dhe nuk kanë paraqitur asnjë dokumentacion që vërteton se janë ish pronarë, të shpronësuar.
Sipas Entit Kombëtar të Banesave përsa i përket çështjes së pronësisë së banesës së pronarit, nëse është apo jo ish-pronë e një subjekti të shpronësuar, EKB sipas legjislacionit në fuqi nuk mund të verifikojë origjinën se si e ka përfituar këtë pronë pronari pasi vepron me mirëbesim sipas Aktit Normativ me fuqinë e ligjit. Në rast deklarimi të dhënash të rrem, subjekt i nënshkrimit sipas ligjit, do të jetë autori i tyre/kërkuesi që ka nënshkruar kërkesën.

LEXO EDHE:  Veliaj braktis banorët e prekur nga tërmeti/ Qindra qytetarë në mëshirë të fatit, fotot që nxjerrin zbuluar kryebashkiakun

LEXO EDHE:  Skandali i Fiks-Fare/ Shkolla 9-vjeçare në Grykë Çajë rrezikon shembjen

Banorët nxirren jashtë në rrugë me kërkesë të Qendrës “Don Bosko”

Me një urdhër ekzekutimi, përmbaruesi dhe avokati përfaqësues i Qendrës “Don Bosko”, nxorën banorët me forcë nga banesat. Gjatë ekzekutimit pati shumë paqartësi për disa objekte të ndërtuara pa leje nga banorët ndër vite, të cilat nuk ishin objekt i këtij vendimi. Avokati Gjergj Sokoli nuk pranon të përgjigjet për Fiks Fare duke thënë se dokumentacionet do u a vërë në dispozicion një ditë tjetër gazetarëve. Ai bie në kundërshtim me veten ku njëherë pohon që objektet janë të kishës, dhe një herë e mohon para kameras së Fiksit. Përmbaruesi thotë :”Nuk jam topograf për ta përcaktuar se cilat janë objekt i urdhërit, nëse avokati gënjen ai mban përgjegjësi ligjore”.

Debati mes banorëve, përmbaruesit, dhe avokatit të Qendrës “Don Bosko” është i ashpër. Si përfundim avokati i qendrës, thyen më forcë dyert e banesave dhe po me forcë nxjerrin edhe banorët jashtë në rrugë.

Edhe pse urdhëri i Entit të Banesave Durrës ishte titull ekzekutiv, Enti Kombëtar i kishte kërkuar zyrtarisht Qendrës Sociale “Don Bosko” dhe Bashkisë Durrës të mos i nxirrnin banorët nga banesat e tyre në mes të dimrit, deri sa të gjendej një zgjidhje për ta. Por kjo kërkesë u injorua totalisht dhe Qendra Sociale “Don Bosko”, e cila jo vetëm i nxori jashtë, por dy ditë më vonë, i shembi objektet duke përvetësuar kështu 300 m2 truall.

Një nga banorët, Idriz Spaneshi, erdhi pranë zyrave të Fiksit ku njoftoi se banesat ishin shembur gjatë natës dhe se ai kishte njoftuar IMT-në. Kjo e fundit pasi e kishte gjetur në shkelje avokatin përfaqësues Gjergj Sokoli, kishte mbajtur procesverbal dhe vendosur një gjobë prej 500 mijë lekësh të reja.

Njëra nga familjet sot është larguar drejt Italisë, ndërsa e moshuara me probleme të shëndetit mendor fle rrugëve të Durrësit.Në adresën e redaksisë së Fiksit mbërriti një video e zonës që fle natën jashtë, në këto temperatura të ulëta. I biri thotë se kujdeset sa mundet për ta larë dhe ushqyer, por nuk ka një banesë ku ta strehojë.

Deklaratat e heqjes dorë nga prona, të cilat banorët pretendojnë se nuk i kanë firmosur

Pranë Aluzn-it figurojnë edhe dy deklarata, të firmosura nga banorët, ku thuhet se ata nuk kanë pretendime për pronën dhe se Kisha mund të proçedojë me legalizimin. Sipas avokatit të njërit prej familjarëve, dhe vet Idriz Spaneshit, që rezulton të ketë firmosur edhe për nënën e tij, ajo nuk është firma e tij dhe nuk e kanë firmosur asnjëherë një deklaratë të tillë. Sipas tij ata janë mashtruar nga kisha, pasi në deklaratën që pretendojnë se kanë firmosur u është thënë që do t’u jepet banesë./ Top Channel

LEXO TE PLOTE