Connect with Us

Imami: Opozita nuk është në vendin e duhur

Politikë

Imami: Opozita nuk është në vendin e duhur

Publikuar

-

Ish ministri dhe themeluesi i Partisë Demokratike, Arben Imami ka folur për situatën politike në vend  dhe  çeljen e negociatave për Shqipërinë.

I ftuar në studion e “Mbrëmja në ABC”, Imami u shpreh se megjithëse jemi në një situatë presioni dhe nevoje për të na patur brenda bllokut, Shqipëria nuk e merr dot.

“Dështimi i Shqipërisë për të marrë negociatat, është dështim i Partisë Socialiste dhe kryetarit të saj për të disatën herë.

Sivjet ka një shans, jo për shkak të Shqipërisë, por sepse SHBA janë shumë të intesuara që të ketë një stabilitet në rajon, dhe kjo e bën të domosdoshme futjen e Shqipërisë.

Megjithatë ende ka vende skeptike, jo ndaj Evropës së Madhe por ndaj Shqipërisë. Nuk realizohet sepse deficensat e brendshme këtu janë aq të mëdha.

Jemi në këtë situatë që me gjithë presioni edhe nevojën për të na pasur, Shqiperia nuk e merr dot për shkak të tre-katër vendeve.”

LEXO EDHE:  HEC-i në Holtë i mikut të Ballës?/ Deputeti socialist i përgjigjet opozitës

I pyetur nëse opozita ka ndonjë përgjegjësi, për shkak të djegies së madateve, çka solli dhe këtë situatë politike në vend, Imami u shpreh se opozita nuk ka ndikuar, sepse nuk mund të ndikojë nga pozicioni që vullnetarisht ka marrë.

“Opozita nuk ka asnjë lidhje me këtë çështje sepse nuk është në vendin ku duhet të ishte opozita. Pra nuk është parlamentare dhe nuk mund të ndikojë nga pozicioni që vullnetarisht ka marrë. Opozita duhet të ishte kontroll.”, theksoi Imami/ CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Gjici kallëzon në SPAK ish-kryetarin e Bashkisë/ Harxhoi 600 mijë dollarë naftë për autobuzët me militantë

Publikuar

-

Nga

Bashkia Kukës kallëzon në SPAK ish-kryetarin e Bashkisë, Z. Bashkim Shehu. Mësohet se Shehu është kallëzuar për shpërdorim detyre.

Shifra marramendëse kanë dalë pas një auditimi të bashkisë Kukës, nga kreu pasardhës Safet Gjici, me një raport që kap periudhën korrik 2017 deri në qershor 2019.

Njoftimi:

Ne vijim po ju parashtrojmë si me poshtë ne mënyrë te përmbledhur shkeljet e konstatuara nga auditi i brendshëm i bashkisë , Kukës, auditimi i jashtëm i ministrisë se Financave dhe ai i KLSH.

1- Shkeljet dhe mosrespektimet e ligjit në fushën e prokurimit publik dhe të fushës së menaxhimit financiar publik te kryera ne periudhën 2017-2018, konstatuar nga Drejtoria e Inspektimit Financiar, pranë Ministrisë se Financave ne muajin Prill 2020.​Nga ana e bashkise Kukes, gjate vitit 2017-2018 dhe konkretisht nga ish-Kryetari i Bashkise dhe Drejtori i Financës, te cilët me dashje dhe me qellim, kane shpërdoruar (pa dokumentacion justifikues ose ne disa raste justifikuar me dokumentacion fiktiv), rreth 600,000 USD për blerje nafte. Ka dyshime te arsyeshme se ky karburant është përdorur kryesisht nga ish Kryetari i Bashkise z. Shehu, ne shkelje te plote te ligjit pasi përdorimi i tij është bere me qellim furnizimin e mjeteve te transportit ne interes dhe ne mbështetje te fushatës elektorale te Partisë Demokratike. Drejtoria e Financës, ne dijeni, me kërkese, për interes dhe ne mbështetje te plote nga ish Kryetari z. Shehu ka shpërdoruar fondet publike dhe konkretisht nafte për nevoja personale, elektorale te subjektit politik (si p.sh. Transportimi i militanteve me autobus për ne drejtim te Tiranes ku edhe zhvilloheshin mitingjet politike, transporti për llogari te zgjedhjeve etj) dhe jo për nevojat e institucionit.

2- Drejtoria e Auditimit të Brendshëm pranë Bashkisë Kukës, në zbatim të programit të angazhimit të auditimit me nr. 393 prot, datë 08.08.2019, si dhe programit shtesë nr.521/1 prot, datë 06.09.2019, ka përfunduar auditimin në Bashkinë Kukës, për veprimtarinë e institucionit nga data 01.07.2017 deri më 30.06.2019, ku ka konkluduar nder te tjera se:
Bashkia Kukës, nuk ka marr masa për miratimin nga Thesari përpara fillimit të procedurave të prokurimit, dhe mos raportimin e saktë dhe në kohë të angazhimeve dhe shpenzimeve buxhetore. Gjithashtu strukturat përgjegjëse të Bashkisë Kukës (ish-Titullarit/Kryetarit të Bashkisë), megjithëse në dijeni të shkeljeve nga Autoriteti Kontraktor, si në rastet e shkeljeve të afateve të regjistrimit të angazhimeve dhe shpenzimeve, nuk ka marrë asnjë masë administrative konkrete për të disiplinuar procesin, në përputhje me aktet ligjore në fuqi. Ndërkohë këto struktura kanë kontribuar në krijimin e mundësive për kapërcimin e kontrolleve si në rastin e mos regjistrimit të planit buxhetor sipas Programi Buxhetor Afatmesëm (PBA), lejimit të regjistrimeve të fragmentarizuar të urdhër- prokurimeve, kontratave, dhe faturave në Sistemi Informatik Financiar i Qeverisë (SIFQ), për shkak të mungesës së fondeve buxhetore disponibël. Po ashtu është hartuar dhe miratuar shtesë regjistri “Regjistri i Parashikimit të Prokurimeve Publike”, edhe keto shtesa rezultojnë te pakonfirmuara nga dega e thesarit.
Si pasoje vetëm nga bashkia , Kukës per këtë periudhe kohore eshte akumuluar nje borxh rreth 20 000 000 $. Nje shume kjo teper e konsiderushme per nje bashki te vogël e cila ka nje buxhet modest si dhe referuar faktit se me këto para thuajse nuk është bere asgjë për komunitetin ne këtë bashki.

LEXO EDHE:  Ligji për Magjistraturën/ Hahn “i tërheq” veshin Bashës dhe Kryemadhit

LEXO EDHE:  Nga Mero Baze/ “Pazari” që nuk bëhet pa opozitën parlamentare

Po ashtu gjatë auditimit u konstatuan shkelje dhe parregullsi të dispozitave ligjore në fushën e prokurimit publik, dhe të fushës së menaxhimit financiar publik, kryesisht në:
– Përzgjedhjen e procedurës së prokurimit.
– Administrimit të dokumentacionit fizik.
– Mungesën për të marrë vulën e konfirmimit të fondeve disponibël në Degën e Thesarit përpara se të fillojë procesin e tenderimit.
– Kualifikikim dhe shpalljen fitues pa të drejtë të operatorëve ekonomik të cilët nuk plotësojnë kriteret e vendosura në DST, duke mos garantuar kryerjen me cilësi e sukses të kontratës, me pasojë përdorim të fondeve publike për investime, pa ekonomicitet, efiçencë dhe efektivitet në vlerën totale 1,645,591,090 lekë, në kundërshtim me kërkesat ligjore si dhe në shkelje të parimit të barazisë para ligjit.

3- Po ashtu edhe KLSH ne kontrollin e kryer ne vitin 2017, ka konstatuar shkelje flagrante te trajtuara me hollësisht ne kallëzim.
Duke i konsideruar çështjet/veprimet e përmendura më sipër dhe shkeljet e tjera, si veprime me pasoja të rënda për interesat e ligjshme të shtetit dhe të dënueshme sipas Ligjit nr. 7895, datë 27.01.1995 “Kodi Penal i Republikës së Shqipërisë” me ndryshimet përkatëse, bazuar në nenin 281 të Kodit të Procedurës Penale, Bashkia Kukës ka kryer pranë Prokurorisë e Posaçme Kundër Korrupsionit dhe Krimit të Organizuar, Tiranë , sot me datë 04.11.2020, kallëzim penal ndaj shtetasit B.SH. me detyrë ish-Kryetar i Bashkisë Kukës në cilësinë e titullarit të Autoritetit Kontraktor, për konsumimin e elementëve të veprave penale “Shperdorim i detyres” ne bashkepunim, “Shkelje e barazise se pjesemarresve ne tender apo ankande publike” ne bashkepunim, “Pastrim te produkteve te vepres penale, ose veprimtarise kriminale” parashikuar nga nenet 248 , 258, 287 dhe 25, te Kodit Penal.

LEXO TE PLOTE

Politikë

Basha dënon ngjarjen me futbollistin kandidat në Kavajë/ S’do lejojmë që Shqipëria të kthehet në diktaturë

Publikuar

-

Nga

Raporti i OBSH/ Basha-Ramës: Gënjeve për shëndetësinë falas, humbi kontrollin mbi pandeminë

Kreu i Partisë Demokratike, Lulzim Basha ka reaguar lidhur me ngjarjen e ndodhur në Kavajë me futbollistin e kombëtares, Andi Lila.

Basha shkruan në rjetet sociale se policia i kërkoi Lilës të largohej nga futbollit ndërkohë që jepte një intervistë për media.

Sipas Bashës ky veprim ka ndodhur vetëm për faktin se Lila është një nga kandidatët për deputetë propozuar nga PD Kavajë.

Kreu i opozitës bën thirrje se kjo gjë duhet të marrë fund pasi në demokraci çdo kush ka të drejtë të thotë çfarë të dojë dhe se askush nuk do ua mbyllë gojën.

“Kjo është e turpshme dhe kriminale!

Sapo përfundova një telefonatë me Andi Lilën, një nga yjet e futbollit shqiptar, të cilit policia i kërkoi të largohej nga fusha e futbollit në qytetin e tij të lindjes në Kavajë, ndërkohë që jepte një intervistë për media. Kjo vetëm për faktin se Lila është një nga kandidatët për deputetë propozuar nga PD Kavajë!

Kjo duhet të marrë fund! Askush nuk do të na mbyllë gojën! Në demokraci çdokush ka të drejtë të thotë çfarë të dojë. Ne do ta mbrojmë me forcë këtë të drejtë të fituar me sakrifica dhe nuk do lejojmë që Shqipëria të kthehet sërish në diktaturë”, shkruan Basha në Facebook./CNA.al

LEXO TE PLOTE

Politikë

Skandali/ Lulzim Basha emëron kandidatin për deputet dhe të deleguarin pa mbledhur kryesinë

Publikuar

-

Nga

Skandali/ Lulzim Basha emëron kandidatin për deputet dhe të deleguarin pa mbledhur kryesinë

Në vitin 2017, kryetari i Partisë Demokratike Lulzim Basha, pas shpalljes së listës së deputetëve, pati jo pak përplasje të cilat çuan dhe në një përçarje edhe humbje fatale të Partisë Demokratike në ato zgjedhje.

Në një fjalim të tij ai tha se ishte hera e fundit që Basha vetë apo kryetari i Partisë përgatiste një listë për deputet, pasi do të ishin forumet dhe demokratët që do t’i zgjidhnin kandidatët dhe drejtuesit politikë të qarqeve, pra kryesuesit e listës së deputetëve. Por mesa duket kjo ka qenë një gënjeshtër e cila është një nga ato të shumtat e Lulzim Bashës që tashmë janë bërë rrugë.

Në videon që shikoni më poshtë në Vlorë, dy ditë më parë është prezantuar si kryetar i grupit të punës apo drejtues politik i qarkut, Bujar Leskaj.

Ndërkohë,  ky i fundit ka zhvilluar takime edhe në Vlorë, Delvinë, Sarandë dhe Selenicë me strukturat lokale të PD-së. Në një intervistë të dhënë për mediat lokale, Genc Deromemaj, kreu lokal i PD-së, e mirëpret kandidaturën e Leskajt dhe drejtimin e qarkut nga ai, pasi sipas Deromemajt ishte një djalë Vlore dhe me mjaft eksperiencë.

Këtu nuk ka asgjë të keqe, por sërish Lulzim Basha del gënjeshtar. Ai tha se listën nuk do ta emëronte ai, por do ta zgjidhnin strukturat.

Çfarë ka ndodhur me rastin e Bujar Leskajt?

Një muaj më parë në Vlorë u bë votimi për skkualifikimin e kandidatëve me emrat që propozoheshin nga baza. Në emrat e çuar për votim në degën lokale të PD-së së Vlorës, ishte dhe ai i Bujar Leskajt, i cili mori jo pak por 385 vota kundër, për të cilat ai duhet të ishte skualifikuar nga gara dhe jo më të emërohej drejtues i qarkut të Vlorës.

Çfarë ndodhi? Gaz Bardhi, ashtu si në të gjithë Shqipërinë falsifikoi procesverbalin duke e lënë Leskajn vetëm me 150 vota minus, po nuk janë pak, pasi është një pjesë e mirë e strukturave të seksioneve dhe grupseksioneve që vepruan kundër tij, ç’ka tregon një problematikë në lidhje me degën lokale. Por deri këtu gjithçka ishte mbyllur me falsifikime, gënjeshtra dhe publikime të Gaz Bardhit.

LEXO EDHE:  Thirrje për Bashën/ Hiq dorë nga bërja e opozitës me fishekzjarre

LEXO EDHE:  Topalli “dush të ftohtë” Bashës/ Paralajmëron lëvizje të reja

Tashmë Bujar Leskaj është emëruar nga Lulzim Basha si drejtues politik dhe kryesues i listës në qarkun e Vlorës. Bujar Leskaj ka bërë prezantimin e tij dy ditë më parë, ndërkohë asnjëherë, në asnjë rast nuk është mbledhur kryesia e PD-së që të emërojë Bujar Leskajn në këtë detyrë. As Basha vetë nuk ka bërë një dalje publike që të ketë thënë se ka bërë listën e drejtuesve të qarqeve.

Në fakt, ajo duhet të ishte një listë e konsultuar me kryesinë dhe këshillin kombëtar, me degët lokale, proces ky i fundit që Basha e quan të bërë nga votimet, por të paktën duhet të mbante fjalën, të mos i zgjidhte ai të deleguarit apo kandidatët për deputeë, siç ka bërë me rastin e Bujar Leskajt, i cili është prezantuar si drejtues politik i qarkut të Vlorës dhe kryesues i listës, por në fakt nuk është mnbledhur as kryesia, as vetë Lulzim Basha nuk ka bërë ndonjë dalje publike për ta bërë këtë emërim.

Ndërkohë, për 11 qarqet e tjerta ende ka pavendosmëri dhe Lulzim Basha ka deklaruar se prezantimin e tyre do ta bëjë pas datës 15 dhjetor. Do ta mbledhë sërish kryesinë, apo do ta bëjë shpalljen kështu si në rastin e Bujar Lesakjt, kjo mbetet për t’u parë.

Por një gjë është e sigurt, Lulzim Basha nuk e mbajti fjalën, ai sërish gënjeu demokratët. Premtoi se listën e deputetëve do ta zgjidhnin ata dhe më pas do të kalonte në filtrat e kryesisë, apo komisionit Ruli. Por në këtë rast, edhe pse Basha premtoi se do ta zgjidhnin demokratët, as kryesia nuk është mbledhur, asnjë strukturë tjetër, thjeshtë dhe vetëm Luli e ka emëruar drejtuesin politk të qarkut të Vlorës dhe të parin e listës në këtë qark, i cili do të jetë Bujar Leskaj./CNA.al

LEXO TE PLOTE