Connect with Us

A janë të gjithë “qelbësira” deputetët e opozitës parlamentare?!

Politikë

A janë të gjithë “qelbësira” deputetët e opozitës parlamentare?!

Publikuar

-

Një grup deputetësh të opozitës, përfaqësues në lista dhe të pabindur, vendosën të mos zbatojnë urdhërin e Lulzim Bashës dhe Monika Kryemadhit për të djegur mandatet e deputetëve. Ata zgjodhën të jenë pjesë ë listave, të pranojnë mandatin dhe të shkojnë në parlament e të bëjnë betimin.

Por, kjo bëri që ata të akuzohen dhe sulmohen në mënyra nga më të ndryshmet. Kryetarja e LSI-së, Monika Kryemadhi, pak ditë më parë, i quajti qelbësira. Ndërsa Lulzim Basha shpesh i ka quajtur kufoma politike, vegla të Edi Ramës, e kështu me radhë.

Por, a janë të gjithë “qelbësira” deputetët e opozitës parlamentare?!

Sepse me një analizë të thjeshtë, që të fitonte Partia Demokratike në vitin 2017, një pjesë të këtyre “qelbësirave”, që thotë Mona apo veglave të Edi Ramës, apo shtojcave të mazhorancës, Luli i kishte në listat fituese. Disa prej tyre ishin në listat pritëse. Pra, në pragun e asaj që pretendohet si vija e fitores në zgjedhje dhe janë po të gjithë këta që do t’i duheshin Bashës në 2017 të fitonte. Pra me 45 mandate që mori, do t’i duheshin edhe 26 të tjera, nga këta që ka sot në parlament, për të bërë 71 mandate, për të qeverisur vendin.

Pra, do na qeveriste Lulzim Basha me këta “qelbësira” që kishte mbushur listat? Me këta “vegla” të Edi Ramës?

Po, pse kryetari i Partisë Demokratike dhe opozitës mbush listat e deputetëve me “qelbësira”, njerëz të korruptuar dhe të pabesë, të cilët ikin nga fryn era?

Po, Mona e cila bashkë me Liken dhe Titin në 2017 na premtuan se do të qeverisin të vetëm, do të fitonin?

Në fakt u rritën, shkuan në 240 mijë vota.

Por, si ka mundësi që njerëzit kryesorë të Ilir Metës, që janë në parlament të quheshin qelbësira?

LEXO EDHE:  Zbulohet ekipi i ri i Ilir Metës/ 4 propozimet për strukturat e reja drejtuese të LSI

Apo bashkëpunëtorët e saj më të ngushtë, Mona t’i quajë qelbësira, kur shumica e tyre do të ishin ata që mund të bënin qeverinë me Monën nesër dhe do të jenë në listat e LSI-së dhe të PD-së pasnesër, pa asnjë diskutim, sepse shumë shpejt do t’iu kërkojnë pazar. Do të jenë të detyruar, pavarësisht se përpiqen ti anatemojnë dhe ti mohojnë.

Parlamenti, ashtu sikurse e tha edhe Ilir Meta, ka të paktën 83 mandate të ligjshme. Shqipëria qeveriset me 71 mandate. Edhe presidenti në raundin e katërt zgjidhet me 71 mandate. Dhe këto ndryshime kushtetuese i ka bërë PD-ja me PS-në, në kurriz të LSI-së.

Por, a mund të quash ti një pjesë të deputetëve që janë me mandate të parregullta, sepse parlamenti ndoqi një procedurë të përshpejtuar për të djegur mandatet e atyre që ishin më parë. Kjo ka pak rëndësi.

Ajo që duhet të gjejë përgjigje është. A janë të gjithë “qelbësira” deputetët e opozitës parlamentare?

A është “qelbësirë” Myslim Murrizi, Ralf Gjoni, Korab Lita, Alban Zeneli, Rudina Hajdari, Halit Valteri, e dhjetëra e dhjetëra të tjerë?

Aleatët e Partisë Demokratike, pesë prej tyre ndodhen në parlament. Janë aleatë tradicionalë, si Balli Kombëtar.

Për këto akuza që ka thënë dje Monika, duhet të përgjigjet edhe ajo, edhe Lulzim Basha, sepse ose duhet të pranojnë publikisht se i kanë mbushur listat me qelbësira për interesa të caktuara dhe do të na qeverisnin nëse do të fitonin me qelbësira, ose duhet të kërkojnë publikisht të falur deputetëve në parlament. Pavarësisht atyre që ndodhin, si ajo e djeshmja me grupin parlamentar demokrat që në fakt turpësisht anonte tek ajo që tha Mona./ CNA.al

Për të rejat më të fundit behuni pjesë e grupit tonë në facebook : City News Albania
1 Koment

Komentoni

Your email address will not be published. Required fields are marked *

Politikë

Ndoka zbulon çfarë diskutoi Meta me Bashën/ Porosia për aleatët

Publikuar

-

Nga

Kryetari i PDK-së, Nard Ndoka ka nxjerrë detaje rreth takimit të presidentit Ilir Meta dhe kryetarit të opozitës Lulzim Basha.

Sipas tij, në takimin e Bashës me Metën nuk është diskutuar fare për protestën, por i kishte lënë porosi t’i përcillte informacionet e grushtit të shtetit aleatëve.

Ndoka theksoi se në 2 mars do të dalë në shesh të protestojë si qytetar, pasi mbështet kazën e Presidentit.

“Ka qenë një bisedë konstruktive. Presidenti e ka informuar Bashën me të gjitha etapat për grusht shteti dhe i ka kërkuar që këto informacione të na i përcjellë edhe ne. Basha na ka informuar ne dhe nuk është diksutuar fare për protesta. Unë nuk jam habitur. Ndoshta për datën, por axhendën e tij ai e kishte bërë publike. Tërmeti e zhvendosi në kohë. Pati një ndryshim kursi nga ana e mazhorancës, por provat që ka presidenti i Republikës sollën këtë lëvizje. Presidenti po mbron  Kushtetutën. Unë do shkoj si qytetar. Nuk ka një vendimarrje politike nga ana e opozitës për këtë. Jemi në kuadër të një grushti shteti. Duhet frenuar mazhoranca. Ai po tenton të kapë Gjykatën Kushtetuese. Presidenti i Republikës nuk po bën protestë, por ka thirrur një tubim për besëlidhje”, u shpreh ai në “Repolitix”./ CNA.al

LEXO TE PLOTE

Politikë

“S’kanë bukë të hanë”/ Dashamir Shehi tregon pse ikin të rinjtë nga Shqipëria

Publikuar

-

Nga

kreu i lzhk dashamir shehi ne emision

Kryetari i LZHK-së Dashamir Shehi deklaron se largimi i të rinjve nga Shqipëria nuk është një proces normal, por një fenomen struktural.

Shehi tha se shqiptarët largohen pasi nuk kanë bukë të hanë.

“Tani në fazën e fundit, përveç emigracionit klasik kemi dhe azilkërkuesit. Situatë jo normale në Shqipëri, s’ke bukë, s’ke gjë dhe ikin. Që me liberalizimin e vizave dhe kjo i ka shtyrë më tepër ikjet. Shqipëria po vuan një sërë fenomene negative. Tani në ditët e sotme këtu nuk ka siguri, nëse me vë gjobë një tek biznesi im si mund të rri unë. Mungesa e meritokracisë. Korrupsioni, edhe kjo është një fenomen. Dua të çojnë fëmijët në shkollë, sot 12 përqind mendojnë për këtë që fëmijët të kenë sistem më të mirë. Shërbimi shëndetësor etj”., u shpreh ai në emisionin Opinion.

Lreu i LZHK-së theksoi se punëdhënësit më të mëdhenj vijnë nga shtetet e huaja dhe i paguajnë shqiptarët më pak se në vendin e tyre, duke marrë këtu si shembull call centerat.

LEXO EDHE:  Basha, opozitë apo shantazh me video ?!

LEXO EDHE:  Gjykata e la në burg/ Basha mban në “shtëpi” bashkëpunëtorin trafikant droge

“Call Centeri spostohet nga Italia se në Romë i kërkojnë 850 euro mesatarisht rrogën dhe nuk u leverdis, prandaj kanë ardhur në Shqipëri. Mirë kanë bërë që kanë ardhur. Këtu rroga mesatare rrotullohet 300-400 euro dhe mbijetojnë ata. Skllavëri është edhe ajo. Fasoneria janë në limit e fundit, atëherë kjo ekonomi duhet të azhurnohet dhe do të mbajë punëtorët e kualifikuar, pjesa tjetër do mbyllen do i nënshtrohet rregullave normale të kapitalizmit. Pastaj këto do të spostohen në vende të tjera në Pakistane”/ CNA.al

LEXO TE PLOTE

Politikë

“Meta synon ti bëjë puç shteti Bashës”/ Spiropali zbulon “qëllimin” e presidentit

Publikuar

-

Nga

Ministrja e Shtetit për Marrëdhëniet me Parlamentin, Elisa Spiropali, nuk është kursyer aspak ndaj presidentit, Ilir Meta, dhe zëdhënësit të këtij të fundit, Tedi Blushit, lidhur me sulmet e tyre.

Spiropali deklaroi se ato nuk mund t’i bëjë asnjë njeri me ndërgjegje dhe që respekton traditën, ndërsa i quajti halabakë Metën dhe Blushin.

“Replikat janë për të qeshur. Patjetër ndaj meje, ndaj ministrit të brendshëm, ndaj kryetarit të Komisionit të Ligjeve. Saga e reagimeve vijon. Unë jam në një moment shumë të lumtur të jetës sime, edhe personalisht, edhe duke parë zhvillimet e fundit për Shqipërinë, për atë Konferencën e Donatorëve, nga fakti që ne kemi marrë jo vetëm një shumë parash por edhe imazhi i Shqipërisë në sy të ndërkombëtarëve, në prag të çeljes së negociatave, në prag të vendimit të KE është fakt që Meta do të goditasë në themel këtë moment të mirë. Janë një tufë halabakësh që kanë marrë peng institucionin e Presidencës. Dhe në të gjitha deklaratat e mia nuk ka asgjë personale, s’kam asgjë me Presidentin Meta, as më ka lidhur as do më lidhë shpresoj. Nuk mund të rri pa reaguar kur Meta zgjedh në kohë të tillë të sulmojë. Për t’u a hequr shqiptarëve për t’u hequr atë pak gëzim. Për të nxjerrë sërish njerëzit në rrugë dhe për të goditur në zemër të saj procesin e çeljes së negociatave”, u shpreh ajo në emisionin “Real Story”.

LEXO EDHE:  Basha, opozitë apo shantazh me video ?!

LEXO EDHE:  Lojërat e fatit/ Braçe “shuplakë” Metës, ja çfarë i kujton

Socialistja tha se nuk habitet nga reagimet e Kreut të Shtetit, për të cilin tha se ka dalë nga binarët tani që po ngrihet SPAK dhe BKH.

“Nuk e dimë arsyen se pse Presidenti përdor këtë gjuhë. Kushtetuta e thotë qartë që ne jemi republikë parlamentare. Republikën parlamentare ne do e mbrojmë me çdo mënyrë. Nuk mund të rri pa reaguar kur Meta zgjedh në kohë të tillë të sulmojë. Për t’u a hequr shqiptarëve për t’u hequr atë pak gëzim. Për të nxjerrë sërish njerëzit në rrugë dhe për të goditur në zemër të saj procesin e çeljes së negociatave. Ka zgjedhur pikërisht 2 marsin për të zgjedhur njerëzit në një protestë të dhunshme”, vijoi më tej ministrja.

Sipas Spiropalit, protesta që Meta ka paralajmëruar në 2 mars, po zhvillohet për t’i bërë puç shteti kreut të opozitës Lulzim Bashës.

“Kjo protestë vjen në një moment kur po goditet krimi. Protesta bëhet në kohën që Shqipëria ka marrë paratë për rindërtim, Meta synon ti bëjë puç shteti Lulzim Bashës, që të jetë kreu opozitar. Ai po merr peng Lulzim Bashën. Këta duan që të anashkalojnë votën. Këta po duan që të vijnë në pushtet me dhunë sic thoshte sot Kreu i Shtetit”, u shpreh Spiropali./ CNA.al

LEXO TE PLOTE