Connect with Us

Shtohet presioni ndërkombëtar kundër Turqisë

Bota

Shtohet presioni ndërkombëtar kundër Turqisë

Publikuar

-

Për shkak të ofensivës në Veri të Sirisë, Ankaraja po përballet me kritika të shumta ndërkombëtare. Në shumë qytete evropiane janë zhvilluar protesta dhe është treguar solidaritet me kurdët.

Liga Arabe e ka dënuar në një seancë urgjente ndërhyrjen e trupave turke në zonat e kontrolluara nga kurdët në Siri. Aksionin e ka quajtur si “agresion”. Turqisë i bëhet thirrje për “përfundimin e menjëhershëm të aksioneve dhe tërheqjen pa kushte”. Liga ka paralajmëruar mundësinë e ndërmarrjes së aksioneve diplomatike dhe ekonomike, si dhe mundësinë e “bashkëpunimit ushtarak”.

Edhe Evropa e ka kritikuar ofensivën ushtarake. Kancelarja gjermane Angela Merkel, në një telefonatë me Erdoganin, ka kërkuar nga Turqia “përfundimin e menjëhershëm të ofensivës ushtarake”. Qeveria gjermane ka paralajmëruar se nuk do të lejojë më asnjë eksport të armëve në Turqi. Më parë shumë vende evropiane, ndër to edhe Holanda dhe Norvegjia, kanë bërë të ditur se do të ndalojnë eksportin e armëve në Turqi. Edhe Franca do të kufizojë eksportet e armëve në Turqi.

Ägypten Kairo | Außerordentliche Tagung der arabischen Außenminister (Reuters/M. A. El Ghany)

Janë përmendur edhe sanksionet ekonomike të Bashkimit Evropian. Në një takim të presidentëve dhe kryeministrave të vendeve të BE, të enjten dhe të premten është trajtuar edhe kjo temë. Turqia me veprimet e saj nuk po u përmbahet rregullave ndërkombëtare ligjore, theksoi komisioneri Günther Oettinger, për Deutschlandfunk. Sjellja e Turqisë është tërësisht e gabuar dhe nuk mund të justifikohet. Por Oettinger mendon se BE duhet t’i përmbahet Marrëveshjes për Refugjatët me Turqinë. Një përmbajtje të këtillë kërkon edhe nga Erdogani.

SHBA ka kërcënuar partnerin në NATO me masat ndëshkuese dhe kanë kërkuar nga Turqia që të veprojë drejt çtensionimit të konfliktit. Tendosjet në raportet Uashington-Ankara janë shtuar edhe më shumë për shkak të incidentit në afërsi të qytetit kufitar Kobane. SHBA fajëson Turqinë se të premten ka shtënë në drejtim të ushtarëve amerikanë atje. Pentagoni ka kërkuar nga Turqia që të evitojë akione të këtilla, sepse kjo do të çonte deri tek “masat e menjëhershme mbrojtëse”. Ankaraja ka hedhur poshtë fajësimet.

LEXO EDHE:  Departamenti i Drejtësisë padit shtetin e Xhorxhias për ligjin e ri të zgjedhjeve

Kundërshtimet e ofensivës

Frankreich Proteste in Paris gegen der türkischen Militäroffensive in Nordsyrien (picture-alliance/AP Photo/F. Mori)

Në shumë qytete evropiane në fundjavë janë mbajtur protesta të mijëra njerëzve, kundër ofensivës turke në veri të Sirisë. Në Gjermani ka pasur protesta në Frankfurt, Këln, Hamburg dhe Berlin. Në Paris janë mbledhur rreth 20.000 demonstrues kundër ndërhyrjes. Edhe në Suedi, Belgjikë, Qipro dhe vende të tjera ka pasur protesta.

Nën moton “Jo luftës në Veri dhe Lindje të Sirisë!”, të shtunën janë mbajtur protesta edhe në Cyrih të Zvicrës. Demonstruesit brohorisnin “stop terrorit”. Në Vjenë janë mbledhur rreth 3000 njerëz në rrugë dhe kanë kundërshtuar ofensivën turke. “Kurdët na kanë ndihmuar në luftën kundër “Shtetit Islamik” dhe i kemi trajtuar si heronj. Ndërsa tani po i lëmë të vetëm. Kjo është një shkurtpamësi ekstreme”, thotë ish-eurodeputeti Michel Reimon.

Turqia ka nisur aksionet e paralajmëruara kaherë, pas tërheqjes së trupave amerikane. SHBA dhe vendet tjera perëndimore i kanë kritikuar këto aksione prej fillimit, sepse YPG është parë si një partner i rëndësishëm në luftën kundër IS. Ato kanë frikë se tani mund të riforcohet IS.

Të dhënat kontradiktore

Trupat turke dhe aleatët e tyre sirianë janë nisur, sipas disa burimeve, të shtunën në drejtim të qytetit Ras al-Ain. Lufta për këtë qytet po vazhdon, thotë një përfaqësues i Forcave Demokratike Siriane. Ai kundërshton në këtë mënyrë pohimet e Ankarasë se ky rajon i rëndësishëm është nën kontroll të ushtrisë turke.

Prej fillimit të ofensivës janë vrarë më shumë se 70 luftëtarë kurdë dhe 40 civilë. Por të dhënat nuk mund të konfirmohen nga burime të pavarura. Pala turke pohon se janë vrarë 18 civilë dhe katër ushtarë turq. Burimet e OKB pohojnë se ndërkohë kanë ikur nga shtëpitë e tyre më shumë se 100.000 njerëz./ DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Nuk pranuan të vaksinohen/ Pezullohen nga puna rreth 3000 mjekë e infermierë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Rreth 3,000 punonjës shëndetësorë në Francë u pezulluan nga puna, pasi nuk ishin të vaksinuar kundër koronavirusit.

Rregulli i ri, i cili hyri në fuqi të mërkurën, e bën vaksinimin të detyrueshëm për të 2.7 milionë punëtorët e kujdesit shëndetësor, të shtëpive të pleqve dhe të shërbimit të zjarrfikësve.

Ministri i Shëndetësisë i Francës, Olivier Veran, tha të enjten se “shumica e pezullimeve janë vetëm të përkohshme”.

Shumë prej tyre tani janë dakord të vaksinohen, sepse “e shohin se vaksinimi i detyrueshëm është realitet”, tha ai.

Rregulli vlen për të gjithë mjekët, infermierët, stafin e zyrave dhe vullnetarët.

LEXO EDHE:  Habit Alfred Cako/ Kryeministri jonë nuk është Edi Rama, por një klon

LEXO EDHE:  Departamenti i Drejtësisë padit shtetin e Xhorxhias për ligjin e ri të zgjedhjeve



Vendet në Evropë do të nisin me doza përforcuese të vaksinave

Presidenti i Francës, Emmanuel Macron, i ka paralajmëruar punonjësit për ndryshim të rregullit qysh më 12 korrik, duke u thënë se duhet të marrin së paku një dozë të vaksinës deri më 15 shtator ose të japin dorëheqje nga puna e tyre.

Muajin e kaluar, disa punonjës të kujdesit shëndetësor dhe zjarrfikës në Francë kanë protestuar kundër këtij rregulli.

Franca ka konfirmuar mbi 113,000 viktima nga koronavirusi.

Autoritetet thonë se shumica e të shtruarve në spital javëve të fundit, janë pacientë të pavaksinuar./rel

LEXO TE PLOTE

Kosova & Rajoni

Osmani në Berlin/ Investohuni për ne, e jo për stabilokraci

Publikuar

-

Nga

Presidentja e Kosovës, Vjosa Osmani, ka kërkuar në Berlin mbështetje më të fortë për Kosovën. Në ditën e dytë të takimeve të saj të mërkurën, ajo pati edhe një prezantim për publikun me ambasadorin, Wolfgang Ischinger.

Në ditën dytë të vizitës së parë zyrtare në Berlin, Vjosa Osmani u takua me ministrin e jashtëm të Gjermanisë, Heiko Maas. Takimi u zhvillua me dyer të mbyllura, por dy institucionet i bënë të ditura temat e bisedës nëpërmjet rrjeteve sociale.

“Patëm një bisedë të hollësishme për bashkëpunimin rajonal në Ballkanin Perëndimor dhe dialogun me Serbinë. Me rëndësi është që Kosova të vijojë axhendën e reformave, Gjermania e mbështet atë plotësisht”, bëri të ditur në rrjetin Twitter Ministria gjermane e Punëve të Jashtme.

Ndërsa presidentja Osmani e vuri theksin te lidhjet e forta të Kosovës me Gjermaninë:  “Në një shkëmbim dypalësh me ministrin gjerman Maas theksova se Kosova do të mbetet gjithmonë një partnere e besueshme e Gjermanisë, që vlerëson jo vetëm mbështetjen historike, por gjithashtu pret që të hapen kapituj të rinj bashkëpunimi”.

 

Më parë, në drekë, Osmani kishte pasur një prezantim në Këshillin për Marrëdhënie të Jashtme, (DGAP) , moderuar nga eksperti për Ballkanin, Milan  Niç dhe në prani të ambasadorit gjerman, Wolfgang Ischinger

Ballkani i Hapur rrezik për rajonin

Osmani bëri aty një panoramë të situatës aktuale në Kosovë, sfidat me reformat dhe përballjen e pandemisë. Kur erdhi puna te bashkëpunimi rajonal, ajo shfrytëzoi rastin ta kritikonte edhe një herë nismën Ballkani i Hapur: “Nuk  është vetëm e rrezikshme, por ajo po e vonon integrimin në rajon,” tha Osmani. “Ajo kujtoi se tre shtete e kanë refuzuar, dhe se kjo nismë qysh në krye të herës nuk ishte bërë për të përfshirë Kosovën:

“Kjo nismë që është nisur në Novi Sad të Serbisë, nuk ka pasur kurrë ndër mend të përfshijë Kosovën”, tha Osmani. Ajo shtoi rëndësinë e Procesit të Berlinit për integrimin e Kosovës në BE.

Wolfgang Ischinger, Milan Nič dhe Vjosa Osmani ne Këshillin Gjerman per Marrëdhënie me Jashtë.



“Sa i përket dialogut me Serbinë, si unë, ashtu edhe kryeministri i Kosovës kanë thënë se ne kurrë nuk do të pranojmë të negociojmë integritetin territorial të Kosovës e të lejojmë të krijohet një Republika Srpska e dytë në rajon”. Osmani tha, se “ka vetëm një zgjidhje që do të sjellë paqe dhe stabilitet në rajon: Dhe kjo është njohja e Kosovës nga ana e Serbisë”.

Jo Republika Srspka në Kosovë

LEXO EDHE:  “Përgjegjësit e dhunës të shkojnë para ligjit”/ OSBE “shuplakë” opozitës

LEXO EDHE:  Rama rikthehet tek Erdogan

Ajo u shpreh edhe një herë kundër krijimit të një Asociacioni të Komunave Serbe me kompetenca ekzekutive për Kosovën, siç është pjesë e marrëveshjes së negociuar në vitin 2015 në Bruksel, duke kujtuar se kështu ka filluar edhe Republika Srspka në Bosnjë Hercegovinë, dhe se një konstrukt i tillë është jo vetëm kundër kushtetutës së Kosovës, por edhe kundër vlerave demokratike.

Ajo  i bëri thirrje Gjermanisë dhe BE-së që ta mbështesë më shumë Kosovën::”Mos u investoni vetëm për stabilokraci, siç e keni bërë për 30 vjet, por investohuni për demokraci dhe vlera demokratike”, tha Osmani, duke pasur parasysh sidomos mbështetjen që i bën Gjermania presidentit të Serbisë, Alexandar Vuçiç.

Merkel ia ka bërë të gjatë Alexandar Vuçiçit se nuk mund të hyjë në BE pa njohur Kosovën, thotë ambasadori Ischinger. Angela Merkel, më 13 shtator 2021, në Beograd.

Wolfgang Ischinger, diplomat me një karrierë të gjatë të lidhur me Ballkanin dhe deri para pak kohësh drejtues i Konferencës së Sigurisë në Mynih, kujtoi se në diplomaci shumë shpesh  më të rëndësishme janë faktet se perceptimet. Ai tha se Kosova duhet të jetë më aktive me nisma të veta, e të mos krijojë përshtypjen sikur nuk është e interesuar në një zgjidhje: “Koha është një instrument shumë i rëndësishëm i diplomacisë: Nuk ka në diplomaci asgjë të pamundur dhe çdo gjë është e mundshme”, tha Ischinger, duke kujtuar, se “Serbia ka më shumë kohë se Kosova për të zgjidhur marrëdhëniet me Kosovën dhe se Kosova është në pozitë më të pafavorshme.

Serbia e di që duhet të njohë Kosovën

Ischinger kujtoi edhe një element tjetër të diplomacisë, duke sqaruar kështu politikën gjermane ndaj Serbisë: Mbështetja në publik nga njëra anë dhe kritika dhe kërkesa të qarta nga ana tjetër. Kështu vepron edhe kancelarja gjermane, Angela Merkel, me Alexandar Vucic, tha Ischinger. “Ajo ia ka bërë të qartë atij se pa e zgjidhur konfliktin me Kosovën, pra, pa e njohur Serbinë, nuk do të hyjë në BE”. Ischinger tha se kjo politikë do të mbetet edhe pas zgjedhjeve në Gjermani, më 26 shtator.

Në ditën e tretë të vizitës në Berlin, Vjosa Osmani do të takohet në pasdite me përfaqësues të biznesit gjerman ku do të promovojë për më shumë investime në Kosovë. Të martën presidentja e Kosovës u prit nga homologu i saj gjerman Frank-Walter Steinmeier. /DW

LEXO TE PLOTE

Kosova & Rajoni

Mbetet shqetësuese situata në Kosovë/ Humbin jetën 14 persona

Publikuar

-

Nga

cna lajm aktualitet

Sitiuata e pandemisë së Covid-19 në Kosovë, vijon të mbetet shqetësuese. Sipas Ministrisë së Shëndetësisë së Kosovës, në 24 orët e fundit kanë humbur jetën 14 persona.

Gjithashtu në njoftim thuhet se në 24 orët e fundit, nga 6.882 testime, 368 qytetarë kanë rezultuar pozitiv me virusin Covid-19.

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Në 24 orët e fundit janë dhënë 20.675 doza të vaksinës kundër Covid-19.

Prej fillimit të vaksinimit në të gjitha qytetet e Kosovës janë dhënë 1.110.286 doza të vaksinës.



LEXO EDHE:  Rama rikthehet tek Erdogan

LEXO EDHE:  Habit Alfred Cako/ Kryeministri jonë nuk është Edi Rama, por një klon

Deri më sot 399.341 qytetarë janë vaksinuar me dozën e dytë.

Nga 6.882 testime, 368 qytetarë kanë rezultuar pozitiv me virusin Covid-19.

Gjatë 24 orëve të fundit, janë shënuar 14 raste të vdekjes.

Sot janë shëruar 1.382 qytetarë, derisa numri i përgjithshëm i të shëruarve është 142.064.

Në total numri i rasteve aktive është 13.473.”-thuhet në njoftim./CNA.al

LEXO TE PLOTE