Connect with Us

Ngjarja që tronditi Kavajën/ Klodiana Lala zbardh detaje te reja, ja kush e siguroi kokainën

Kronika

Ngjarja që tronditi Kavajën/ Klodiana Lala zbardh detaje te reja, ja kush e siguroi kokainën

Publikuar

-

Gazetarja Klodiana Lala ka zbardhur detaje nga dosja e prokurorisë për ngjarjen e rëndë të ndodhur dy ditë më parë në Kavajë, ku një person mbeti i vrarë me armë zjarri ndërsa u plagos një punonjës i policisë.

Nga studio e News 24, Lala tha se Matilda Qatja i kërkoi ndihmë mikut të saj, Bledar Toçi, shef i sigurisë së brendshme në  burgun e Durrësit, që të ndërhynte për t’i zgjidhur një problem që kishte me ish-të dashurin e saj, Dritan Haxholli.

Toçi i ka premtuar asaj se do ta ndihmonte dhe kanë lënë të takohen në shtëpinë e gruas.

Zyrtari i burgjeve ka mbërritur në shtëpinë e Marsida Qatjas rreth orës 20:30 të mbrëmjes, bashkë me dy miqtë e tij Xhulio Biturku dhe Ermir Çela.

Këta dy të fundit kanë qëndruar në shtëpinë e Qatjas, ndërsa Toçi ka dalë dhe është kthyer pas 30 minutash me disa doza kokainë, të cilat nga hetimet paraprake rezulton t’i ketë marrë nga i vëllai Benardi.

Po ashtu, prokuroria ka dalë në konkluzionin paraprak se Bledar Toçi nuk e vrau Haxhollin për vetëmbrojtje, ndaj për këtë shkak ndaj zyrtarit të burgjeve është ngritur akuza e vrasjes me dashje.

“Në mbrëmje- theksohet në dosje,- Marsida Qatja, Bledar Toçi dhe dy të tjerët kanë konsumuar alkool dhe kokainë. Pak minuta pas mesnate, tek shtëpia e gruas ka shkuar Dritan Haxholli, i cili ishte në kërkim nga policia për dy akuza. Ai ka goditur dritaren e katit të parë me qytën e automatikut që kishte fshehur poshtë xhaketës’, dhe siç thuhet në dosje, “nëna e tre fëmijëve e ka ftuar të hyjë në shtëpi”.-raporton BW.

LEXO EDHE:  I shoqëruar pas vrasjes së Ravik Gurrës/ Lala zbulon të shkuarën e të penduarit

Në dosje po ashtu thuhet se fillimisht Dritan Haxholli i ka drejtuar armën Xhulio Biturkut, duke i thënë se “me ty kam punë pastaj”. Ndërsa Bledar Toçit i është drejtuar me fjalët “pse ma bën ti këtë” dhe menjëherë ka qëlluar me automatik në drejtim të tij, duke e plagosur lehtë në qafë. Zyrtari i burgut të Durrësit i është kundërpërgjigjur dhe me armën e shërbimit ka derdhur plot 17 plumba mbi Dritan Haxhollin.

Me urgjencë, Toçi  ka dalë nga ‘dupleksi’ dhe me makinën e tij ka shkuar në spitalin e Kavajës për ndihmë, ndërsa Qatja ka njoftuar policinë. Nisur nga provat e siguruara në vendngjarje dhe dëshmitë e personazheve të përfshirë, prokuroria ka dalë në konkluzionin paraprak se Bledar Toçi nuk e vrau Haxhollin për vetëmbrojtje, ndaj për këtë shkak ndaj zyrtarit të burgjeve është ngritur akuza e vrasjes me dashje.

Gjithashtu mbi supet e zyrtarit të burgjeve dhe vëllait të tij Bernard Toçi është ngritur edhe akuza e mbajtjes së lëndëve narkotike. Për të dy vëllezërit nga prokuroria është kërkuar masa e arrestit me burg. Masa për ta do të zhvillohet të dielën në gjykatën e Kavajës.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Detaje nga sekuestrimi i 1.3 tonëve kokainë/ Kamioni bëri dy ndalesa në Shqipëri, ndiqej me GPS

Publikuar

-

Nga

Dalin detaje nga aksioni në Maqedoninë e Veriut, në bashkëpunim me DEA-n amerikane, Guardia di Finanzan dhe policinë shqiptare, ku u kapën 1.3 ton kokainë

Mësohet se deri më tani janë shoqëruar 5 persona. Bëhet fjalë për dy vëllezërit që porositën kontenierët me banana nga Amerika Latine Sejdullah Hebibi dhe Enver Hebibi, shoferin e kontejnerëve Jovan Kosovic nga Mali i Zi, shoqëruesin e shoferit Jetmir Hebibin dhe shqiptaro-maqedonasin Rauf Ismani, i cili shoqëronte kamionin me një furgon.

Kompania e bananeve që transportoi drogën dhe që kishte si destinacion Koperin e Sllovenisë, është “Baniks LTD”.

Në media u tha se kokaina ka kaluar në Maqedoninë e Veriut përmes pikës kufitare të Hanit të Hotit në Shkodër dhe më pas ka dalë nga pika kufitare e Qafë Thanës, ndërkohë që autoritetet shqiptare kanë qenë në dijeni dhe kanë ndjekur kamionin në çdo lëvizje.

LEXO EDHE:  I biri iu vra në apartamentin e Marsida Qatjas/ 30 vjeçarja mesazh nënës së Dritan Haxhollit

LEXO EDHE:  I stërvitur me Talebanët/ Zbulohet një prej grabitësve në pistën e aeroportit

Raportohet se shoferi i kamionit ka bërë vetëm dy ndalesa në Shqipëri, një për t’u furnizuar me karburant dhe një tjetër për të konsumuar një kafe.

Ndërkohë autoritetet italiane kishin zëvendësuar pjesën e madhe të kokainës dhe kishin vënë GPS në njërën prej pakove, deri në mbërritjen e destinacionit final./ CNA.al

LEXO TE PLOTE

Kronika

“U shit si meritë”/ Artan Hoxha i përvishet policisë për kokainën: E pritët me “nderime” dhe e përcollët me “respekte”

Publikuar

-

Nga

Gazetari Artan Hoxha ka reaguar pas aksionit të sotëm në Maqedoninë e Veriut, në bashkëpunim me DEA-n amerikane, Guardia di Finanzan dhe policinë shqiptare, ku u kapën 1.3 ton kokainë.

Në media u tha se kokaina ka kaluar në Maqedoninë e Veriut përmes pikës kufitare të Hanit të Hotit në Shkodër dhe më pas ka dalë nga pika kufitare e Qafë Thanës, ndërkohë që autoritetet shqiptare kanë qenë në dijeni dhe kanë ndjekur kamionin në çdo lëvizje.

Droga u transportua me një kamion bananesh nga Amerika dhe u sekuestrua në një magazinë frutash, ku u arrestuan dy shoferë dhe një magazinier.

Hoxha thotë se ky aksion nuk duhet shitur si meritë e policisë shqiptare, pasi thekson se ngjason shumë me kapjen e kokainës te kontenierët e bananeve në Durrës.

“Pavarësisht tentativës për t’i veshur merita policisë sonë për pjesemarrjen e saj në një operacion ndërkombëtar kundër narkotrafikut, (të organizuar kryesisht nga agjensitë antidrogë të SHBA dhe Italisë), e vetmja gjë që të mbetet në mendje është fakti se:

LEXO EDHE:  VIDEO/ Artan Hoxha debat me Klodiana Lalën për Haki Çakon

LEXO EDHE:  I biri iu vra në apartamentin e Marsida Qatjas/ 30 vjeçarja mesazh nënës së Dritan Haxhollit

Kamioni me 1.3 tonë kokainë, u prit me “nderime” në doganën e Hanit të Hotit në Shkodër, dhe u përcoll me “respekte” në doganën e Qafë Thanës në Pogradec, për tu arrestuar pastaj dy shoferë dhe një magazinier në një fshat të Maqedonisë së Veriut!!!

A nuk ngjan pak si historia e kontenierit me 613 kg kokainë të kapur në Maminas, ku u arrestuan vetëm dy shofera dhe një hamall magazine bananesh???!!!!”, shtron pyetjen gazetari investigativ./ CNA.al

Superaksion në Maqedoninë e Veriut/ Sekuestrohet 1.3 ton kokainë

Aksioni për kapjen e kokainës në bashkëpunim me DEA-n/ Klodiana Lala: Në MV kaloi përmes Shqipërisë

LEXO TE PLOTE

Kronika

Shpërthen bombola e gazit/ Lëndohen nënë e bir në Fier

Publikuar

-

Nga

Një shpërthim ka ndodhur rreth orës 17:30 të mbrëmjes së sotme në fshatin Libofshë të Fierit.

Nga informacionet paraprake mësohet se ka shpërthyer një bombol gazi në banesë dhe të lënduar kanë mbetur nënë e bir.

Policia bën me dije se shtetasi me inicialet M.Z. dhe nëna e tij kanë marrë lëndime të lehta në trup, ndërkohë janë transportuar në spital, për të marë mjekimin e duhur.

LEXO EDHE:  Vangjeli përplaset me Klodiana Lalën për Xhafajn: Pusho moj pusho

LEXO EDHE:  I shoqëruar pas vrasjes së Ravik Gurrës/ Lala zbulon të shkuarën e të penduarit

Forcat zjarrfikëse kanë mbërritur në vendngjarje dhe kanë neutralizuar flakët, të cilat kanë shkaktuar disa dëme materiale në banesë. Sakaq, policia ka hapur hetimet për zbardhjen e  shkaqeve të rënies së zjarrit./ CNA.al

LEXO TE PLOTE