Connect with Us

Basha dhe Kryemadhi, “vrasës” si Enver Hoxha

Politikë

Basha dhe Kryemadhi, “vrasës” si Enver Hoxha

Publikuar

-

Kryetari i PD, Lulzim Basha ka kujtuar sot 72-vjetorin e vrasjes së 5 deputetëve dhe 11 intelektualëve nga diktatura komuniste. 72 vite më parë, më 10 tetor 1947.

Në një postim në rrjetet sociale, Basha shkruan se “72 vite më parë, më 10 tetor 1947, në një akt të pashembullt të eliminimit të elitës së kombit shqiptar, për interesa pushteti diktatura komuniste pushkatoi 16 veta, 5 prej të cilëve deputetë, në një gjyq të montuar që ka hyrë në histori si gjyqi i parë i dënimit të deputetëve. Me vendim të vetë diktatorit dhe me frymëzim bolshevik, në Shqipëri po grisej edhe formalisht veli i opozitës politike”.-shkruan ndër të tjera Lulzim Basha.

Kjo është vërtetë një histori e dhimbshme në Shqipëri dhe një nga krimet më makabre që ka bërë sistemi komunist në Shqipëri.

Por, pas 72 vitesh demokraci në Shqipëri, duket se gjërat nuk kanë ndryshuar shumë në vendin tonë.

Kutjojmë këtu protestën e 16 shkurtit të opozitës, pas së cilës kryetari i PD-së dhe kryetarja e LSI-së, vendosën djegien e mandateve të deputetëve dhe bojkotin e plotë të parlamentit. Por, ndërkohë të tjerë kandidatë nga listat pritëse të PD-së dhe LSI-së pranuan mandatin e deputetit dhe u futën në parlament.

Pas këtij veprimi, ishin pikërisht Lulzim Basha dhe Monika Kryemadhi, të cilët ashtu si Enver Hoxha 72 vite më parë, i shpallën “tradhëtar” dhe “armiq”, deputetët e rinj të Kuvendit të Shqipërisë, vetëm e vetëm sepse nuk iu bindën urdhërit të kryetarit.

Pra, a nuk është vallë ky Lulzim Bashë dhe kjo Monika Kryemadhi, të cilët i “vranë” dhe i “ekzekutuan” deputetët që hynë në parlament?

A nuk janë këta të dy po aq përgjegjës? Sepse kujtojmë këtu sulmin ndaj Ralf Gjonit.

Sot vërtetë ka një ndryshim me atë kohë, sepse sot të “vrasin” në rrjetet sociale, dhe atëherë të vrisnin me plumba.

LEXO EDHE:  Basha mbledh Këshillin e ri Kombëtar

Por, kush mban përgjegjësi për sulmet e pafundme që u bënë ndaj deputetëve që hynë në parlament?

A mbajnë përgjegjësi Lulzim Basha dhe Monika Kryemadhi për call centerat e tyre dhe njerëzit që paguajnë për të sharë deputetët e parlamentit, për t’i intimiduar dhe për t’i trembur, duke i “vrarë”  pak a shumë.

A nuk është ky Lulzim Bashë që sulmoi Rudina Hajdarin?

A nuk është ky Lulzim Bashë që nuk la njeri pa nxjerrë në rrugë për të sharë, kërcënuar dhe intimiduar deputetët që hynë në parlament?

Por, Luli është dy herë “vrasës”. Të paktën ata u vranë një herë dhe morën plumbin, ndërsa këta të sotmit “vriten” disa herë.

A nuk është ky Lulzim Bashë i cili në vitin 2017, pas një marrëveshje natën dhe pas tre orësh në krah të Ramës “vrau” elitën e Partisë Demokratike?

I mori dhe i hodhi jashtë, thjeshtë dhe vetëm se kishte frikën e tij sepse donte të dukej në syrin e qorrave që e rrethojnë.

Dy herë ka “vrarë” Lulzim Basha deputetë, ata në 2017 dhe këta që kanë hyrë sot në parlament, duke mos e respektuar vendimin e tij të turpshëm. Dhe sot derdh lot krokodili, a thua se po i “digjet barku”, Lulit me një prejardhje nga një familje komunistësh, Lulit i cili e ka në shpirt shërbimin ndaj tyre.

Dhe sot bën sikur qan për atë veprimin e 72 viteve më parë, ndërkohë që e ka bërë dy herë vetë. Edhe në 2017 edhe me këta të sotmit që hynë në parlament pas djegies së mandateve në shkurt 2019./ CNA.al

Vrasja e 5 deputetëve dhe 11 intelektualëve/ Basha: 72 vjet më vonë, kemi një parlament monist

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Ndoka zbulon çfarë diskutoi Meta me Bashën/ Porosia për aleatët

Publikuar

-

Nga

Kryetari i PDK-së, Nard Ndoka ka nxjerrë detaje rreth takimit të presidentit Ilir Meta dhe kryetarit të opozitës Lulzim Basha.

Sipas tij, në takimin e Bashës me Metën nuk është diskutuar fare për protestën, por i kishte lënë porosi t’i përcillte informacionet e grushtit të shtetit aleatëve.

Ndoka theksoi se në 2 mars do të dalë në shesh të protestojë si qytetar, pasi mbështet kazën e Presidentit.

“Ka qenë një bisedë konstruktive. Presidenti e ka informuar Bashën me të gjitha etapat për grusht shteti dhe i ka kërkuar që këto informacione të na i përcjellë edhe ne. Basha na ka informuar ne dhe nuk është diksutuar fare për protesta. Unë nuk jam habitur. Ndoshta për datën, por axhendën e tij ai e kishte bërë publike. Tërmeti e zhvendosi në kohë. Pati një ndryshim kursi nga ana e mazhorancës, por provat që ka presidenti i Republikës sollën këtë lëvizje. Presidenti po mbron  Kushtetutën. Unë do shkoj si qytetar. Nuk ka një vendimarrje politike nga ana e opozitës për këtë. Jemi në kuadër të një grushti shteti. Duhet frenuar mazhoranca. Ai po tenton të kapë Gjykatën Kushtetuese. Presidenti i Republikës nuk po bën protestë, por ka thirrur një tubim për besëlidhje”, u shpreh ai në “Repolitix”./ CNA.al

LEXO TE PLOTE

Politikë

“S’kanë bukë të hanë”/ Dashamir Shehi tregon pse ikin të rinjtë nga Shqipëria

Publikuar

-

Nga

kreu i lzhk dashamir shehi ne emision

Kryetari i LZHK-së Dashamir Shehi deklaron se largimi i të rinjve nga Shqipëria nuk është një proces normal, por një fenomen struktural.

Shehi tha se shqiptarët largohen pasi nuk kanë bukë të hanë.

“Tani në fazën e fundit, përveç emigracionit klasik kemi dhe azilkërkuesit. Situatë jo normale në Shqipëri, s’ke bukë, s’ke gjë dhe ikin. Që me liberalizimin e vizave dhe kjo i ka shtyrë më tepër ikjet. Shqipëria po vuan një sërë fenomene negative. Tani në ditët e sotme këtu nuk ka siguri, nëse me vë gjobë një tek biznesi im si mund të rri unë. Mungesa e meritokracisë. Korrupsioni, edhe kjo është një fenomen. Dua të çojnë fëmijët në shkollë, sot 12 përqind mendojnë për këtë që fëmijët të kenë sistem më të mirë. Shërbimi shëndetësor etj”., u shpreh ai në emisionin Opinion.

Lreu i LZHK-së theksoi se punëdhënësit më të mëdhenj vijnë nga shtetet e huaja dhe i paguajnë shqiptarët më pak se në vendin e tyre, duke marrë këtu si shembull call centerat.

LEXO EDHE:  Basha: Rama urdheron manipulimin e provave per te mbrojtur deputetin kriminel

LEXO EDHE:  PD pranon manipulimin/ Shpërndan mandate edhe gjatë votimit

“Call Centeri spostohet nga Italia se në Romë i kërkojnë 850 euro mesatarisht rrogën dhe nuk u leverdis, prandaj kanë ardhur në Shqipëri. Mirë kanë bërë që kanë ardhur. Këtu rroga mesatare rrotullohet 300-400 euro dhe mbijetojnë ata. Skllavëri është edhe ajo. Fasoneria janë në limit e fundit, atëherë kjo ekonomi duhet të azhurnohet dhe do të mbajë punëtorët e kualifikuar, pjesa tjetër do mbyllen do i nënshtrohet rregullave normale të kapitalizmit. Pastaj këto do të spostohen në vende të tjera në Pakistane”/ CNA.al

LEXO TE PLOTE

Politikë

“Meta synon ti bëjë puç shteti Bashës”/ Spiropali zbulon “qëllimin” e presidentit

Publikuar

-

Nga

Ministrja e Shtetit për Marrëdhëniet me Parlamentin, Elisa Spiropali, nuk është kursyer aspak ndaj presidentit, Ilir Meta, dhe zëdhënësit të këtij të fundit, Tedi Blushit, lidhur me sulmet e tyre.

Spiropali deklaroi se ato nuk mund t’i bëjë asnjë njeri me ndërgjegje dhe që respekton traditën, ndërsa i quajti halabakë Metën dhe Blushin.

“Replikat janë për të qeshur. Patjetër ndaj meje, ndaj ministrit të brendshëm, ndaj kryetarit të Komisionit të Ligjeve. Saga e reagimeve vijon. Unë jam në një moment shumë të lumtur të jetës sime, edhe personalisht, edhe duke parë zhvillimet e fundit për Shqipërinë, për atë Konferencën e Donatorëve, nga fakti që ne kemi marrë jo vetëm një shumë parash por edhe imazhi i Shqipërisë në sy të ndërkombëtarëve, në prag të çeljes së negociatave, në prag të vendimit të KE është fakt që Meta do të goditasë në themel këtë moment të mirë. Janë një tufë halabakësh që kanë marrë peng institucionin e Presidencës. Dhe në të gjitha deklaratat e mia nuk ka asgjë personale, s’kam asgjë me Presidentin Meta, as më ka lidhur as do më lidhë shpresoj. Nuk mund të rri pa reaguar kur Meta zgjedh në kohë të tillë të sulmojë. Për t’u a hequr shqiptarëve për t’u hequr atë pak gëzim. Për të nxjerrë sërish njerëzit në rrugë dhe për të goditur në zemër të saj procesin e çeljes së negociatave”, u shpreh ajo në emisionin “Real Story”.

LEXO EDHE:  Video/ Zbulohet gënjeshtra e Ramës për integrimin

LEXO EDHE:  Patozi thumbon Bashën/ I mungon autoriteti brenda partisë

Socialistja tha se nuk habitet nga reagimet e Kreut të Shtetit, për të cilin tha se ka dalë nga binarët tani që po ngrihet SPAK dhe BKH.

“Nuk e dimë arsyen se pse Presidenti përdor këtë gjuhë. Kushtetuta e thotë qartë që ne jemi republikë parlamentare. Republikën parlamentare ne do e mbrojmë me çdo mënyrë. Nuk mund të rri pa reaguar kur Meta zgjedh në kohë të tillë të sulmojë. Për t’u a hequr shqiptarëve për t’u hequr atë pak gëzim. Për të nxjerrë sërish njerëzit në rrugë dhe për të goditur në zemër të saj procesin e çeljes së negociatave. Ka zgjedhur pikërisht 2 marsin për të zgjedhur njerëzit në një protestë të dhunshme”, vijoi më tej ministrja.

Sipas Spiropalit, protesta që Meta ka paralajmëruar në 2 mars, po zhvillohet për t’i bërë puç shteti kreut të opozitës Lulzim Bashës.

“Kjo protestë vjen në një moment kur po goditet krimi. Protesta bëhet në kohën që Shqipëria ka marrë paratë për rindërtim, Meta synon ti bëjë puç shteti Lulzim Bashës, që të jetë kreu opozitar. Ai po merr peng Lulzim Bashën. Këta duan që të anashkalojnë votën. Këta po duan që të vijnë në pushtet me dhunë sic thoshte sot Kreu i Shtetit”, u shpreh Spiropali./ CNA.al

LEXO TE PLOTE