Connect with Us

Luçiano Boçi tregon 5 MASHTRIMET E MAZNIKUT PËR KOPSHTIN BOTANIK

Politikë

Luçiano Boçi tregon 5 MASHTRIMET E MAZNIKUT PËR KOPSHTIN BOTANIK

Publikuar

-

Nënkryetari Bashkisë Mazniku mashtroi dje në emisionin Real Story për grabitjen e Kopshtit Botanik nga Qeveria e Bashkia Tiranë dhe iu shmang pyetjeve të bëra nga paneli.

1. Mashtroi kur u përpoq të argumentonte se Kopshti Botanik nuk është pronë e Universitetit të Tiranës por vetëm në administrim.

-Kopshti Botanik është pjesë e pronësisë së paluajtshme në administrim të Universitetit të Tiranës. Ai është regjistruar në inventarin e pronave të Universitetit, me VKM nr. 430 të datës 02/07/2014 dhe është përllogaritur nga Agjencia Britanike e Akreditimit si pronë e tij. Juridikisht ajo pronë i takon Universitetit dhe spekulimi i Maznikut me termin administrim nuk ka vlerë. Vetë Ligji i Arsimit të lartë në nenin 117, të emërtuar “Pronat e institucioneve publike të Arsimit të lartë”, pika 1, e thotë qartë pajtimin midis këtyre termave:
1.Pronat e paluajtshme, në të cilat ushtrojnë veprimtarinë e tyre institucionet publike të arsimit të lartë, që i shërbejnë institucionit për të garantuar përmbushjen e misionit të tij, kalojnë në administrim të institucioneve, me vendim të Këshillit të Ministrave, pas propozimit të ministrit përgjegjës për arsimin.

2. Mashtroi kur deklaroi se për të investuar në këtë hapësirë ajo duhet të bëhet medoemos pronë e Bashkisë.

-Bashkia mund dhe duhet të financojë Universitetin dhe nuk është fare e domosdoshme t’i grabisë atij pronën për të bërë një gjë të tillë. Kjo është krejt e qartë ligjërisht. Këtë ia njeh si detyrim dhe si të drejtë Ligji i Arsimit të lartë në nenin 48 të tij, “Përbërja dhe krijimi i Bordit të Administrimit”. Në pikat 2 dhe 3 të këtij neni, Ligji kundrejt pasjes së një përfaqësuesi në Bordin e Administrimit i njeh Bashkisë qartazi detyrën që ajo ka për të investuar në Universitet:
2. Përbërja e Bordit të Administrimit përcaktohet në varësi të planit buxhetor afatmesëm të institucionit publik të arsimit të lartë, të miratuar nga Bordi i Administrimit…… Në rastet kur njësia e qeverisjes vendore, në territorin e së cilës zhvillon veprimtarinë institucioni i arsimit të lartë, kontribuon financiarisht, së paku në masën prej dhjetë për qind të buxhetit afatmesëm të IAL-së, atëherë një prej përfaqësuesve, që i takon ministrisë përgjegjëse për arsimin, përcaktohet nga njësia e qeverisjes vendore.
3. Niveli i kontributit financiar të ministrisë, të qeverisjes vendore dhe të vetë institucionit bazohet në planin buxhetor afatmesëm të institucionit, me marrëveshje midis tyre. Ky plan përditësohet çdo vit dhe në fund të vitit të tretë financiar bëhet rivlerësimi i financimit dhe përcaktimi i pjesëmarrjes së kontribuesve në Bordin e Administrimit.

3. Mashtroi kur tha se VKM-ja 510 për grabitjen e Kopshtit Botanik nuk cenon autonominë universitare, megjithëse pranoi që e njeh ligjin dhe madje ka qenë një nga promovuesit e mbrojtësit kryesorë të tij.

-Vetë ligji që Mazniku e mbronte me aq zjarr dikur, e përcakton në nenin 3, të tij se autonomia midis të tjerash është sipas pikës a, e drejtë për të krijuar të ardhura nëpërmjet veprimtarisë shkencore (dhe në Kopshtin Botanik) dhe jo që këto t’i marrë bashkia. Dhe e drejtë për të administruar pronat e luajtshme dhe të paluajtshme sipas pikës d. Çdo rrëmbim pronësie pra, shumë thjesht cenon rëndë, drejtpërdrejtë autonominë universitare:
3. Autonomia financiare garantohet nëpërmjet së drejtës:
a) për të krijuar të ardhura të ligjshme nga veprimtaritë e mësimdhënies, nga veprimtaritë kërkimore- shkencore……….
d) për të administruar pasuritë e luajtshme dhe të paluajtshme që institucionet zotërojnë ligjërisht, në përputhje me misionin e tyre.

4. Mashtroi për iniciativën e saj për bashkadministrimin me Fakultetin.

-Bashkia nuk ka një marrëveshje me Universitetin, madje janë në gjyq, pavarësisht se tërthorazi. Nuk ka organizuar dëgjesa dhe nuk ka paraqitur asnjë plan zhvillimor. Mashtron, sepse bashkia sipas ligjit për pushtetin lokal, por dhe VKM-së 510, pronat i merr për funksione lokale dhe jo për funksione të enteve të tjera publike. Dhe pasi i merr ajo nuk asnjë detyrim ligjor të respektojë ndonjë marrëveshje sepse i pronëson për funksionet e veta, duke përjashtuar sipas dëshirës Fakultetin e Shkencave të Natyrës. VKM 510 në nenin 1, ia jep këtë të drejtë:
1. Kalimin në pronësi të Bashkisë Tiranë të disa pasurive të paluajtshme me vendndodhje në zonën
kadastrale 3292 (Kopshti Botanik), Tiranë, për t’i përdorur për ushtrimin e funksioneve të veta, sipas
shtojcës nr. 1 dhe kartelave të pasurive që i bashkëlidhen këtij vendimi dhe janë pjesë përbërëse
e tij.

5. Mashtroi kur tha se VKM 510 i vendos kushte për marrëveshje detyruese apo mosndryshim destinacioni dhe ajo, Bashkia nuk mund ta bëjë një gjë të tillë kurrsesi. Pra sipas Maznikut VKM-ja nuk ia lejon ndryshimin e destinacionit këtyre puritanëve ta bëjnë këtë mëkat.

-Këtu qëndron dhe shpjegimi i vërtetë i insistimit diabolik për të rrëmbyer 15 ha të Kopshtit Botanik, duke u fshehur pas iniciativave kalorsiake për dëshira investuese. Këto nëse janë, mund të realizohen pa qenë fare nevoja për ta marrë Kopshtin Botanik në pronësi.
Por Mazniku nuk tha të vërtetën tronditëse. Të vërtetën se pas disa viteve (3) Bashkia mund të bëjë ç’të dojë me këtë pronë. Vërtet në VKM ka pika që e detyrojnë një gjë të tillë por kjo është krejt e përkohshme. Ligji Nr.8744, datë 22.2.2001, PËR TRANSFERIMIN E PRONAVE TË PALUAJTSHME PUBLIKE TË SHTETIT NË NJËSITË E QEVERISJES VENDORE, në nenin 11, pika 1, i njeh të drejtën Bashkisë që pas tre vitesh të kërkojë heqjen e kushteve dhe pastaj nga shesh me lule ta bëjë përshesh me ndërtime hapësirën prej 15 ha:
Neni 11. Heqja e kushteve ose kufizimeve për pronën 1. Njësitë e qeverisjes vendore mund t’i kërkojnë Këshillit të Ministrave heqjen e një kushti ose të një kufizimi të vendosur sipas këtij ligji për çdo pronë, që ato e kanë në pronësi, vetëm 3 vjet pas hyrjes në fuqi të këtij ligji. Këshilli i Ministrave, brenda 90 ditëve pas marrjes së kërkesës, shprehet për praniminose mospranimin e saj. Në rast se brenda këtij afati Këshilli i Ministrave nuk shprehet, kërkesa vlerësohet e pranuar.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Qytetarët “kryqëzojnë” Ramën/ “Ka hyrë vrasja në modë, kemi frikë të nxjerrim fëmijët të luajnë”

Publikuar

-

Nga

Kryeministri Edi Rama e ka nisur ditën sot duke propaganduar një tjetër projekt që sipas tij do të realizohet.

Në një postim në rrjetet sociale, Rama shkruan se “Ky vit shënon zgjerimin e hartës së burimeve energjitike të shqipërisë me investimin në energjinë diellore për Parkun e Parë Fotovoltaik, që do të ndërtohet në zonën e Karavastasë, me një kapacitet prodhues 140 megavat”.

Por, qytetarët mesa duket nuk i besojnë më propagandës së kryeministrit dhe kanë shpërthyer në kritika ndaj Ramës.

Një qytetar shkruan se gjendja e kriminalitetit është alarmante, ndërsa thekson se rinia po braktis vendin.

“Po iken rinia. Ky është realiteti, populli i thjeshtë nuk mban dot biznes se s’të lënë ujqërit e pushtetit dhe kriminelat qe bëhën palë me çdo qeveri. Ata që ke punësuar në zyra apo kudo janë bërë shushunja”-shkruan një qytetar.

Ndërsa një tjetër qytetar shkruan se “E para pune është të bëhet sistemi nëntoksore i energjisë eletrike sepse ka shtylla të pa siguruara e tela tensioni që rrezikojnë me qindra familje”.

Ndërsa një tjetër qytetar jep alarmin për sigurinë në vend, ndërsa shkruan se kanë frikë nga vrasjet.

“Ore leri zgjerimet ti, po hajde shif këtë nga Shqipëria, se ka hy vrasja në modë. Kemi frikë me nxjerr fëmijët të luajnë jashtë.”-shkruan qytetari./ CNA.al

LEXO TE PLOTE

Politikë

Ish-anëtari i Këshillit Kombëtar të PD zbulon burimin e krizës/ Na drejtojnë ca “endacakë”

Publikuar

-

Nga

arben ndoka

Ish-anëtari i Këshillit Kombëtar të PD-së, Edvin Kulluri ndërsa kujton shpalljen e Pavarësisë në vitin 1912 dhe Kongresin e Lushnjes në 1920, thekson se kuptohet qartë se pse sot Shqipëria është në krizë.

Në një postim në rrjetet sociale, Kulluri shkruan se në atë kohë vendi drejtohej nga njerez të pasur që vinin nga familje të mëdha dhe me traditë, ndërsa sot drejtohemi nga disa “endacakë socialë” dhe “proletare politike” që, sipas tij, s’kanë çfarë humbin dhe mbrojnë përveç servilizmit.

“Kur kujton se kush ishin burrat qe shpallen Pavaresine ne 1912 dhe organizuan Kongresin e Lushnjes ne 1920, kupton pse ne jemi ne krize sot! Ne ato kohe drejtonin vendin njerez qe vinin nga familje te medha dhe me tradite. Te pasur, te ditur dhe me histori! Sot drejtojne njerez nga e shkuar anonime, tekniciene, “proletare politike” qe s’kane cfare humbin dhe mbrojne pervec servilizmit.

Me keq akoma “kacake malesh” apo individe pa familje, domethene “endacak sociale” qe nuk ka se si u dhimbset Shqiperia.

Nuk kane cfare te mbrojne e per cfare te luftojne pervecse per ate cfare kane vjedhur apo presin te vjedhin. Patriote pa shtepi, pa familje, pa prone qe pervec halleve te tyre nuk kane te tjera, nuk ka dhe s’mund te kete!

Kur nuk jane krenar per veten apo historine e tyre, mund vecse te shiten e blihen! Dhe kur krahasojne ata burra me veten eshte te marresh plackat e t’ia mbathesh ne Gjermani, ose te luftosh me shume qe ky vend te behet!”-shkruan Kulluri në postimin e tij.

LEXO TE PLOTE

Politikë

Meta pritet në takim nga Presidenti i Izraelit/ Populli shqiptar, një model unik për të gjithë botën

Publikuar

-

Nga

Në ditën e parë të vizitës së tij zyrtare në Izrael, Presidenti i Republikës, Ilir Meta u prit në një takim të veçantë nga Presidenti i Izraelit, Reuven Rivlin.

Presidenti Meta e falenderoi homologun izraelit për ftesën për të marrë pjesë në Forumin Ndërkombëtar të Liderëve për të përkujtuar Ditën e Kujtesës së Holokaustit dhe 75-vjetorin e Çlirimit të kampit të Aushvitz-Birkenau.

“Ndihem krenar që jam kreu i një shteti ku antisemitizmi jo vetëm nuk ka ekzistuar kurrë, por edhe i një vendi ku numri i hebrenjve jo vetëm u shumëfishua gjatë Luftës së Dytë Botërore, por asnjë prej tyre nuk iu dorëzua pushtuesve”, – vuri në dukje Kreu i Shtetit shqiptar.

Ndërsa Presidenti Rivlin nënvizoi se “shembulli i popullit shqiptar për shpëtimin e hebrenjve përbën një model unik për të gjithë botën”.

Gjithashtu, Presidenti Meta vuri në dukje faktin se Shqipëria dhe Izraeli gëzojnë marrëdhënie të shkëlqyera dhe se të dy vendet e popujt tanë ndajnë të njëjtat vlera të lirisë dhe demokracisë.

“Ne do të jemi bashkë, edhe në përpjekjet për t’i mbrojtur këto vlera nga kërcënimet e përbashkëta si terrorizmi, ekstremizmi i dhunshëm dhe fondamentalizmi fetar”, – nënvizoi Kreu i Shtetit.

Presidenti Meta inkurajoi rritjen e investimeve izraelite në vendin tonë.

“Shqipëria ka shumë për të mësuar nga Izraeli rreth përdorimit të teknologjisë, për të nxitur zhvillimin ekonomik. Në të njëjtën kohë, edhe ne kemi shumë për t’iu ofruar investitorëve, si dhe turistëve izraelitë që duan të vizitojnë vijën tonë të mrekullueshme të bregdetit, malet tona të larta dhe vendet tona historike,” – theksoi Presidenti Meta.

Kreu i Shtetit e falënderoi homologun izraelit për mesazhet e solidaritetit pas tërmetit të 26 nëntorit të vitit të kaluar në Shqipëri, vlerësoi operacionet e kërkim-shpëtimit izraelite që erdhën menjëherë pas tërmetit, si edhe punën e grupeve të specializuara për vlerësimin e ndërtesave të dëmtuara. “Ne jemi thellësisht mirënjohës për mbështetjen mbresëlënëse të Izraelit gjatë atyre ditëve”, – u  shpreh Kreu i Shtetit.

Po ashtu, Meta e ftoi Presidentin Rivlin për një vizitë në Shqipëri, ftesë që u mirëprit me kënaqësi.

“Do të jetë kënaqësia ime”, shtoi ai – “të jem Presidenti i parë i Izraelit që viziton vendin tuaj aq mikpritës për ne”./ CNA.al

LEXO TE PLOTE