Connect with Us

“E kam trashëguar nga babai…/ Kryemadhi flet për pasurinë miliona euroshe

Politikë

“E kam trashëguar nga babai…/ Kryemadhi flet për pasurinë miliona euroshe

Publikuar

-

Kryetarja e LSI, Monika Kryemadhi, ka qenë e ftuar në emisionin radiofonik “Nova Media Albania”, në SHBA.

Teksa u pyet nëse familja Meta ka ndonjë pasuri të vendosur në mënyrë të paligjshme, Kryemadhi u përgjigj me ironi se pasurinë e saj nuk e kanë hetuar vetëm shqiptarët me thashetheme, por edhe ambasadat e huaja me radhë.

“Unë kam trashëguar një shtëpi nga babai im, i cili punonte në ndërmarrjen “Gjergj Dimitrov”. Dhe siç është shpërndarë e gjithë toka e asaj kohe me 7501, babai im mori një tokë ranore, si agronom që ishte, si gjithë punëtorët e fermës. Dhe aty ndërtuam një shtëpi, ku unë kam jetuar aty. Dhe atë tokë ne e kemi zhvilluar në një pallat, i cili fatmirësisht nga njëra anë, por edhe fatkeqësisht, sepse fatmirësisht është që leja është me firmën e Edi Ramës dhe zbardhja është me firmën e Lulzim Bashës, me vendim qeverie. Sepse zoti Rama atëherë nuk donte të ma zbardhte lejen, ose kërkonte 20%, siç ishte traditë që paguanin të gjithë ndërtuesit, ose donte të ma bënte presion politik që unë të merresha me angazhime të tjera. Dhe nëpërmjet atij pallati, i cili është 16 mijë metra katrorë sipërfaqe ndërtime, unë sot shkolloj fëmijët e mi, që paguaj dhe që i kam të deklaruara.

Edhe një shtëpi që kam, që është shtëpi pushimi në Lalëz, e kam bashkë me mamanë time dhe kjo ka ardhur si rezultat i shkëmbimeve të dyqaneve të katit të parë të pallatit, i kam shkëmbyer me një shtëpi pushimi në Gjirin e Lalëzit, siç kanë edhe të gjithë të tjerët, siç kanë edhe shumë ministra socialistë e shumë deputetë socialistë e demokratë. Dhe shumë mirë që kanë, sepse nuk ka asgjë të gabuar, por është shumë e rëndësishme për t’i deklaruar. Këto janë pronat e mia, prona property. Por pasuria ime më e madhe nuk janë këto, sepse ra tërmeti para disa kohësh dhe mund t’i shkatërronte të gjitha dhe nuk kishe çfarë t’i bëje, sepse nuk ka kompani sigurimesh që të merr përsipër, e jo më qeveria, sepse edhe qeveria 0 e kishte buxhetin për solidaritetin. Por pasuria ime më e madhe është familja. Unë mendoj që nuk e blen dot familjen as me para, nuk blen dot as miqësinë, as shoqërinë dhe as emrin. Dhe kjo ka qenë një nga anët më të mira që unë kam mbijetuar. Ka dhe një anë tjetër, të jeni të bindur që për pasurinë e familjes Meta-Kryemadhi nuk kanë hetuar vetëm shqiptarët me thashetheme, kanë hetuar edhe ambasadat e huaja, madje kanë hetuar në mënyrë intensive, për shkak të shumë fjalëve që përhapen, duke filluar nga Ambasada amerikane, Ambasada angleze, greke, italiane e të tjera me radhë.

LEXO EDHE:  Akuzat për grushtin e shtetit/ SHBA paralajmëron Turqinë

Sepse mos harroni që veprimet e familjes Meta- Kryemadhi, pra qoftë veprimet e zotit Meta, qoftë veprimet e mia kanë qenë veprime që unë me koshiencën më të plotë, dhe jam krenare për çka kemi bërë, kemi vendosur sovranitetin e vendit përpara interesave personale të grupeve të caktuara të interesit që mund të kenë qenë edhe antishqiptare. Ne nuk duam të jemi peng i asnjë njeriu, ne mund të jemi peng vetëm i Shqipërisë. Nuk duam të jemi peng as i serbëve, as i grupeve që mund të jenë nën emrin e Shteteve të Bashkuara të Amerikës që bëjnë lojën e serbëve dhe grupeve ruse nëpërmjet lobimit të parave. Për Ilir Metën, edhe pse nuk jam e autorizuar të flas për të, por flas si familje dhe në edukimin ndaj fëmijëve tanë, ne mund të jemi peng vetëm ndaj flamurit tonë. Ne duam të jetojmë në Shqipëri. Ne mund të vinim të jetonim në Amerikë. Unë kam shumë familjarë të mitë që jetojnë në Amerikë, të cilët nuk kanë ardhur pas viteve ’90, por kanë që në vitet 1960. Unë mamanë time e kam shqiptare të Maqedonisë, nga Dibra e Madhe, shumë kushërinj të mamasë sime jetojnë në SHBA, të cilët kanë krijuar lidhjet dhe familjet e tyre, lindur e rritur atje. Po të ishte për të jetuar do vija e do jetoja në Amerikë. Por fati më zgjodhi në kohën dhe në vendin e duhur. Por kjo nuk do të thotë që ka shumë vajza dhe djem të tjerë që jetojnë sot në Amerikë dhe duhet të kthehen dhe punojnë për Shqipërinë”, tha Kryemadhi./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Paralajmërimi i fundit për këtë bandë”/ Meta nuk ndalet, thellohen përplasjet me mazhorancën

Publikuar

-

Nga

Përplasjet në distancë mes presidentit Ilir Meta dhe mazhorancës socialiste, duket se vijojnë të thellohen.

Ndërsa një ditë më parë, presidenti Meta paralajmëroi për mbajtjen e një proteste në datën 2 mars, kundër asaj që ai e cilëson si “grusht shtetit”, sot kreu i shtetit ka bërë një tjetër deklaratë të fortë.

Në një postim në rrjetet sociale, Meta shkruan se agresioni pushtues i Rilindjes tashmë është një realitet i hidhur, Prandaj, Meta bën sërish thirrje që qytetarët t’i bashkohen në Bulevardin “Dëshmorët e Kombit”, në datën 2 mars.

Meta thekson se ky është paralajmërimi i fundit, për këtë “bandë”, siç e cilëson ai Rilindjen.

“Të dashur qytetarë të Republikës së Shqipërisë!

Agresioni pushtues i Rilindjes ndaj të gjithë institucioneve të pavarura në vend është një realitet i hidhur që secili prej jush e ndjen çdo ditë. Por kokëfortësia e saj për të pushtuar me çdo çmim dhe në mënyrë jo vetëm antikushtetuese por edhe mafioze Gjykatën Kushtetuese përbën qartë një grusht shteti, me qëllim instalimin e një diktature të pakicës që ka tmerr nga liria e popullit shqiptar dhe kërkon të zhdukë çdo mundësi demokratike për ndryshim dhe llogaridhënie.

Ndaj ju ftoj të gjithëve në 2 Mars, në Bulevardin “Dëshmorët e Kombit” t’i japim paralajmërimin e fundit kësaj bande që nuk ka ditë që nuk përdhunon Kushtetutën dhe ligjet e vendit.

LEXO EDHE:  Video/Presidenti Trump urdhëron sulmin me raketa mbi Siri

LEXO EDHE:  Tarifat e reja të importeve/ Kina kërcënon Shtetet  Bashkuara të Amerikës

Nuk ka forcë në botë t’i kthejë shqiptarët 30 vite pas për të zbrazur Shqipërinë nga rinia jonë e mrekullueshme dhe për t’ia dorëzuar mafies ndërkombëtare të ardhmen e Atdheut tonë.

Ndaj në 2 Mars të bëjmë një Besëlidhje të Re për t’ia kthyer sovranitetin e humbur popullit shqiptar dhe rivendosur demokracinë, llogaridhënien dhe sundimin e Kushtetutës.

Shqipëria e para!

Shqiptaria e shqiptarëve!”-përfundon postimin e tij kreu i shtetit.

LEXO TE PLOTE

Politikë

Ndoka zbulon çfarë diskutoi Meta me Bashën/ Porosia për aleatët

Publikuar

-

Nga

Kryetari i PDK-së, Nard Ndoka ka nxjerrë detaje rreth takimit të presidentit Ilir Meta dhe kryetarit të opozitës Lulzim Basha.

Sipas tij, në takimin e Bashës me Metën nuk është diskutuar fare për protestën, por i kishte lënë porosi t’i përcillte informacionet e grushtit të shtetit aleatëve.

Ndoka theksoi se në 2 mars do të dalë në shesh të protestojë si qytetar, pasi mbështet kazën e Presidentit.

“Ka qenë një bisedë konstruktive. Presidenti e ka informuar Bashën me të gjitha etapat për grusht shteti dhe i ka kërkuar që këto informacione të na i përcjellë edhe ne. Basha na ka informuar ne dhe nuk është diksutuar fare për protesta. Unë nuk jam habitur. Ndoshta për datën, por axhendën e tij ai e kishte bërë publike. Tërmeti e zhvendosi në kohë. Pati një ndryshim kursi nga ana e mazhorancës, por provat që ka presidenti i Republikës sollën këtë lëvizje. Presidenti po mbron  Kushtetutën. Unë do shkoj si qytetar. Nuk ka një vendimarrje politike nga ana e opozitës për këtë. Jemi në kuadër të një grushti shteti. Duhet frenuar mazhoranca. Ai po tenton të kapë Gjykatën Kushtetuese. Presidenti i Republikës nuk po bën protestë, por ka thirrur një tubim për besëlidhje”, u shpreh ai në “Repolitix”./ CNA.al

LEXO TE PLOTE

Politikë

“S’kanë bukë të hanë”/ Dashamir Shehi tregon pse ikin të rinjtë nga Shqipëria

Publikuar

-

Nga

kreu i lzhk dashamir shehi ne emision

Kryetari i LZHK-së Dashamir Shehi deklaron se largimi i të rinjve nga Shqipëria nuk është një proces normal, por një fenomen struktural.

Shehi tha se shqiptarët largohen pasi nuk kanë bukë të hanë.

“Tani në fazën e fundit, përveç emigracionit klasik kemi dhe azilkërkuesit. Situatë jo normale në Shqipëri, s’ke bukë, s’ke gjë dhe ikin. Që me liberalizimin e vizave dhe kjo i ka shtyrë më tepër ikjet. Shqipëria po vuan një sërë fenomene negative. Tani në ditët e sotme këtu nuk ka siguri, nëse me vë gjobë një tek biznesi im si mund të rri unë. Mungesa e meritokracisë. Korrupsioni, edhe kjo është një fenomen. Dua të çojnë fëmijët në shkollë, sot 12 përqind mendojnë për këtë që fëmijët të kenë sistem më të mirë. Shërbimi shëndetësor etj”., u shpreh ai në emisionin Opinion.

Lreu i LZHK-së theksoi se punëdhënësit më të mëdhenj vijnë nga shtetet e huaja dhe i paguajnë shqiptarët më pak se në vendin e tyre, duke marrë këtu si shembull call centerat.

LEXO EDHE:  “Rama kërcënon deputetët”/ LSI drejt shkërmoqjes?

LEXO EDHE:  Tarifat e reja të importeve/ Kina kërcënon Shtetet  Bashkuara të Amerikës

“Call Centeri spostohet nga Italia se në Romë i kërkojnë 850 euro mesatarisht rrogën dhe nuk u leverdis, prandaj kanë ardhur në Shqipëri. Mirë kanë bërë që kanë ardhur. Këtu rroga mesatare rrotullohet 300-400 euro dhe mbijetojnë ata. Skllavëri është edhe ajo. Fasoneria janë në limit e fundit, atëherë kjo ekonomi duhet të azhurnohet dhe do të mbajë punëtorët e kualifikuar, pjesa tjetër do mbyllen do i nënshtrohet rregullave normale të kapitalizmit. Pastaj këto do të spostohen në vende të tjera në Pakistane”/ CNA.al

LEXO TE PLOTE