Kosova & Rajoni
Analisti zbulon sfidat e Albin Kurtit si kryeministër
I ftuar në studion e emisionit “Opinion” për të folur për përplasjen midis Presidentit serb, Aleksandër Vuçiç me Albin Kurtin, analisti Armand Shullaku ka treguar sfidat me të cilat do të përballet Kurti si kryeministër.
“Sfida kryesore e Albin Kurtit nuk është dialogu me Serbinë, por të qenit kryeministër i Kosovës, për ato premtime që u ka bërë qytetarëve të Kosovës. Kurti nuk është votuar specifikisht për dialogun me Serbinë pavarësisht se kjo është sfida e tij e parë ndërkombëtare.
Nëse njerëzit largohen nga Kosova, shkak është problemet ekonomike, krimi i organizuar dhe shkëputja e politikës nga krimi. Të gjitha këto janë pika të programit të tij politik të cilat duan zgjidhje.
Dialogu ka të paktën 8-9 vjet që ka nisur nën ombrellën e BE-së, por që u pengua për shkak të taksës. Arritja e zgjidhjes, them se Albin Kurti nuk arrin dot të zgjidhi problemin 100 vjeçar serbo-shqiptar brenda ditës.”/ CNA.al
Kosova & Rajoni
Kosova regjistron 461 raste me koronavirus/ Ja sa kanë humbur jetën sot
Autoritetet shëndetësore në Kosovë kanë regjistruar të mërkurën 461 persona të infektuar me koronavirus, pas testimit të 3,138 mostrave.
Instituti Kombëtar i Shëndetësisë Publike ka njoftuar se në 24 orët e fundit janë regjistruar tri viktima me këtë virus.
“Rastet e vdekjes janë nga komunat: Fushë-Kosovë 1 rast (80 vjeç), Gjakovë 1 rast (85 vjeç), Pejë 1 rast (83 vjeç”, është thënë në njoftim.
Sipas IKSHPK-së, nga sëmundja COVID-19, që shkakton koronavirusi, të mërkurën janë shëruar 319 persona, derisa raste aktive janë 6,968.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore në këtë shtet kanë regjistruar 67,469 persona të infektuar me këtë virus.
Prej tyre, 1,582 pacientë kanë vdekur./REL
Kosova & Rajoni
E rëndë/ Shpërthen zjarri në kampin e refugjateve në Greqi, humb jetën 6-vjeçari
Një ngjarje e rëndë është regjistruar në kampin e refugjatëve Thiva në Greqi.
Një ndërtesë e një fabrike të vjetër është përfshirë nga flakët dhe për pasojë ka ndërruar jetë një djalë 6-vjeçar.
Sipas mediave greke, vogëlushi ishte me origjinë iraniane dhe anëtar i një familjeje me 7 persona.
Fëmijën e kanë nxjerrë pa ndjenja refugjatet para se të paktën 6 zjarrfikës dhe policia të mbërrinte në vendngjarje.
Ngjarja tragjike po hetohet nga policia.
Kosova & Rajoni
Aksion në Ministri/ Arrestohet kreu i Agjencisë për Zhvillimin e Bujqësisë
Policia e Kosovës është duke zhvilluar një aksion në Ministrinë e Bujqësisë, Pylltarisë dhe Zhvillimit Rural.
Sipas mediave kosovare, në këtë aksion është arrestuar kreu i Agjencisë për Zhvillimin e Bujqësisë, Agim Nuha. Nuha është emëruar në këtë pozicion në shkurt të vitit 2020.
Lajmin për bastisjen në MBPZHR e ka konfirmuar zëdhënësi i Policisë së Kosovës, Baki Kelani. Kelani ka thënë se informacione shtesë rreth këtij aksioni do të jepen pas përfundimit të operacionit./CNA.al
Lajme të Rekomanduara:
Aksion në Ministri/ Arrestohet kreu i Agjencisë për Zhvillimin e Bujqësisë
Policia e Kosovës është duke zhvilluar një aksion në Ministrinë e Bujqësisë, Pylltarisë dhe Zhvillimit Rural. Sipas mediave kosovare, në këtë aksion është arrestuar kreu...
Arratiset ish-drejtori i Shërbimit Sekret i Maqedonisë
Autoritetet maqedonase thonë se janë në kërkim të ish-drejtorit të Drejtorisë për Siguri Kombëtare, Sasho Mijallkov, pasi i njëjti nuk është gjetur në asnjë nga...
