Connect with Us

VKM-ja për Kopshtin Botanik/ Luçiano Boçi masakron Veliajn: Po grabit 15 hektarë për pastrim parash

Politikë

VKM-ja për Kopshtin Botanik/ Luçiano Boçi masakron Veliajn: Po grabit 15 hektarë për pastrim parash

Publikuar

-

Ish deputeti Luciano Boçi, i ftuar në Fax News, ka folur për çështjen e kalimit të Kopshtit Botanik në pronësi të Bashkisë së Tiranës.

Boçi theksoi kryeministra dhe bashkia duhet të paraqiteshin në Gjykatë sot, pasi janë dy persona juridik të paditur, por mungesa e tyre në këtë rast tregon edhe një herë kompleksin e fajit të mbartura dhe shpalos pjesën e intrigës për rrëmbimin e kësaj prone.

“Në fakt në seancë duhet të paraqitesh si kryeministria ashtu edhe si bashkia e Tiranës, pasi janë dy persona juridik të paditur, në lidhje me VKM-në e famshme, ku kryeministria kërkon ti kalojë truallin e Kopshtit Botanik, Bashkisë së Tiranës.

Mungesa e te dy të akuzuarve në këtë rast tregon edhe një herë kompleksin e fajit të mbartura nga ata dhe shpalos pjesën e intrigës të ndërtuar për rrëmbimin e kësaj prone.

Nëse bashkia Tiranë ka të drejtë ligjore duhet të ishte në Gjykatë dhe të përballej me rektoratin, studentët, përfqësuesit e fakultetit, duhet të ishin në seancë edhe përfaqësuesit e kryeministrisë. E drejta dhe ligji anon nga ana e senatit, pedagogëve dhe studentëve. Ai truall i kalon përmasat e pronës universitare.

LEXO EDHE:  Dhënie me qira të pronës tek Irfani, Veliaj i rrit faturën financiare Ramës minimalisht 7 milionë euro

VKM-ja u miratua në korrik në fshehtësi të plotë dhe synon të rrëmbejë 15 hektarë, brenda të cilëve fshihen pastrim parash, dhe interesa të tjera. Ka pasur kontradiksione. Nuk munë të kalojë në pronësi sepse nuk e lejon ligji. Është e caktuar brenda mënyrës sesi funksionon Universiteti.

Bashkia është mbrojtur se ka bërë konsulenca por nuk ka pasur asnjë konsulencë siç e ka deklaruar senati.”, u shpreh Boçi./CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Rrëfimi i Bamir Topit/ Takimi me Ramën për 21 Janarin: Si u zbeh dhe djersit kur i thashë se kërcënohej

Publikuar

-

Nga

21 Janari i vitit 2011, ku u vranë 4 protestues para kryeministrisë, vazhdon të kujtohet me trishtim dhe të mbetet një njollë për organet e drejtësisë.

Presidenti i asaj kohe Bamir Topi, rrëfen në librin e tij “Nocturn Kur arsyeja errësohet nga pushteti”, për situatën e krijuar pas vrasjes së katërfishtë, e cila u transmetua nga mediat në mbarë botën.

Topi zbardh takimet dhe bisedat që ka zhvilluar me shumë persona, mes të cilëve edhe me kryeministrin Edi Rama, i cili më 21 janar udhëhiqte opozitën.

Ish-Kreu i shtetit rrëfen me detaje pretendimet e Ramës për vrasjen e Aleks Nikës, Ziver Veizit, Hekuran Dedës dhe Faik Myrtajt.

Mes të tjerash, Topi thotë se në fund të atij takimi i kishte dhënë Ramës infomacionin se i rrezikohej jeta dhe kreu i PS-së ishte zbehur në fytyrë e ishte djersitur.

Rrëfimi i Topit:

Situata politike ishte e nderë, pasi një ditë më parë Sali Berisha kishte hedhur akuza të rënda ndaj meje dhe kishte ngritur një komision hetimor parlamentar për të hetuar institucionet e pavarura, ku nënkuptohej dhe Presidenti i Republikës. Po jap pak fraza për të kuptuar atmosferën. Kur u fut në zyrën time, Edi Rama u shfaq me një shqetësim që i lexohej në fytyrë. Pesha e ngjarjeve, ku ai ishte një nga protagonistët kryesorë, si edhe netët pa gjumë gati-gati e kishin transformuar në fizionomi, gjë që e shprehu edhe vetë duke thënë:

E. Rama: Shqetësimi im është i madh pasi, së pari, shikoj një përshkallëzim të një lloj grushti shteti nga brenda shtetit pas vrasjes së katër njerëzve, gjatë demonstrimit të tyre politik; së dyti, frenimin e punës së organeve si prokuroria, për shkak të presionit të madh antikushtetues e fashist.

Më tej vazhdoi:

E. Rama: Nga ana tjetër, doja të ndanim bashkëkuptimin që kam unë lidhur me përkujtimin në formën e një proteste të heshtur në bulevard. Sigurisht e premtja është delikate, sepse ka shumë ngarkesë e emocion.

Ndërsa unë po dëgjoja me vëmendje çdo fjalë të tij, kishin filluar të dilnin deklaratat e para të ambasadorëve, që nuk e shikonin të përshtatshme zhvillimin e protestës përkujtimore të datës 28 janar. Për të dëshmuar se Drejtoria e Policisë së Shtetit mbante anën e qeverisë filloi të tregojë një episod të pakëndshëm gjatë një telefonate me drejtorin e përgjithshëm të Policisë.

E. Rama: Dikush i tha Hysni Burgajt se Edi të kërkon në telefon, duke menduar për Edi Palokën, pastaj e mori vesh që isha unë.

Duke menduar se ishte mbyllur linja, vazhdova të dëgjoj rreth 15 – 20 sekonda bisedën që bënte me njerëzit që ndodheshin aty duke më sharë me fjalë të ndyra e të gjitha banalitetet.
S’kishte kuptim ta merrja më dhe i çova një sms: “Pa dashur të ndërpres gallatën, mos harroni se bota rrotullohet. Aty ku të duket se s’mbaron nata, vjen dita. Të lutem liroje nënën me fëmijë në gji, që ishte kapur në demonstratë”.

Hysni Burgaj i ishte përgjigjur: Ka ditë që s’ka natë të mirë dhe arsyeja jeni ju politikanët.

Më tej Rama vazhdoi të thotë:

E. Rama: Një person nga brenda Gardës së Republikës më informoi se kryeministri ka thirrur gjashtë drejtuesit e Gardës, për të cilët prokuroria kishte nxjerrë urdhërarrestet, duke thënë: “Ju jeni heronj! Sa të jem unë, s’ka Zot që ju prek me dorë dhe t’ju detyrojë të paraqiteni në prokurori!”.
Më pas Rama më tha se kishte thirrur në një takim informues ambasadorët e akredituar në Tiranë dhe dha versionin e tij të zhvillimeve të datës 21 janar, që tashmë e kisha shumë të qartë se ç’kishte ndodhur, deri në detajet më të imta.

Pasi hodhi akuza për mjekët anatomo-patologë, që e cilësuan vrasjen nga afër, vlerësoi mrekullinë e gazetarit Artan Hoxha që kishte filmuar dhe denoncuar i pari që plumbat erdhën nga gardistët, brenda territorit të Kryeministrisë.

Me pak fjalë i them:

B. Topi: Ngjarjet e datës 21 janar ishin vërtet dramatike. Në fakt kjo histori e kishte preludin te përplasjet e forta në Kuvend, ngjarje që duhej të evitoheshin me çdo kusht. Se si, sigurisht nuk jam unë që mund t’ju jap skemën. Përveç krijimit të një psikoze të rëndë në popull, ndjeshmëria është rritur te ndërkombëtarët. Edhe RAIUNO fillonte lajmet me ngjarjet në Tiranë.

Sipas meje, institucionet e zbatimit të ligjit, duke nënkuptuar prokurorinë, janë duke bërë detyrën dhe do të kenë inkurajimin nga unë për të shkuar tek e vërteta. Ju z. Rama sot vini te presidenti me një shqetësim të natyrshëm, por duhet të dini që si kryetar shteti jam në vështirësi serioze, pasi jam në pamundësi të ftoj tryezën e partive, sepse në realitet kemi dy parti, madje dy individë. Boll një nga këta dy individë të konfliktit të mos dojë të ulet në tavolinë, nuk ka takim. Kjo është situata reale ku e futët ju me Sali Berishën më 21 prill 2008 dhe presidenti, i vetmi instrument që ka, është t’i bëjë apel politikës për vetëpërmbajtje, t’u çojë mesazhe institucioneve për t’i inkurajuar dhe këtë po e bëj.

LEXO EDHE:  Skandali seksual i mësuesit të matematikës/ Deputeti kërkon dorëheqjen e ministres së Arsimit

LEXO EDHE:  Foto/Veliaj i "vjedh" meritat Lulzim Bashës

E. Rama: Zanafillën e historisë e krijoi videoja e Ilir Metës dhe qëndrimi absurd i kryeministrit që e mohoi.

B. Topi: Ajo solli tensionin në Kuvend.

E. Rama: Videoja dhe akuza që kam bërë unë e nxiti situatën. Kuvendi ishte një maskaradë e Berishës, i cili mori mikrofonin dhe shau sa deshi. Jam dakord me mendimin tuaj se edhe sjellja e demonstruesve e ka një kufi. Absolutisht nuk i ka nxitur njeri.
Unë një gjë u kam thënë: Maksimumi i tolerancës për të goditur institucionet është një këpucë e vjetër, çizme, vezë, domate, por jo gurë. Pasi folëm gjerë e gjatë për ndjeshmërinë e njerëzve për ngjarjet, sjelljen e ambasadorëve dhe sulmet politike ndaj prokurorisë, ai vazhdoi.

E. Rama: Në këto kushte shteti ka rënë, kur policia nuk zbaton urdhrat e prokurorisë.

B. Topi: Shteti nuk ka rënë, me gjithë presionin e tmerrshëm. Është shumë e rëndë ta thuash këtu tek unë atë konstatim. Shteti ka problemet e veta, por nuk është rrëzuar. A nuk je këtu duke biseduar me shqetësim me kreun e shtetit.

E. Rama: Ka rënë shteti në kuptimin se ai nuk garanton më zinxhirin e gjithë procesit.

B. Topi: Procesi ka kaluar në gjykatë. Ne tentojmë t’i përmbahemi kuadrit ligjor, ndonëse ka probleme të funksionimit.

E. Rama: Si ka kaluar në gjykatë?

B. Topi: Ajo që nuk arriti ta bëjë prokuroria sot ka kaluar në gjykatë.

E. Rama: E ka kaluar prokuroria në gjykatë?

B. Topi: Po. Aty kuptoja që ishte i painformuar mirë. Edhe një herë i thashë me ton të fortë:

B. Topi: Nuk mund ta thuash më “Ka rënë shteti!”. Nuk mund ta gëlltis këtë shprehje, sepse unë jam këtu, në çdo rrethanë. Nuk jam si pjesëtar i ndonjë partie politike, por si kryetar shteti.

E. Rama: Nuk e kisha te ju, madje te Babaramo dje thashë se Presidenti i Republikës është i mirinformuar dhe tërësisht i shqetësuar, por të kërkosh nga presidenti që të japë mesazhe të një natyre që nuk lidhen me natyrën e tij kushtetuese, do të thotë të kuptosh se këtu nuk ka mbetur realisht asgjë tjetër.

B. Topi: Sigurisht që do të thotë të bëhesh palë. Duke vazhduar dialogun, pa dashur kishte kuptuar që ishte bashkarkitekt i ndryshimit të Kushtetutës.

E. Rama: Këtu nuk ka arbitër, sepse faktikisht në këtë Republikë Parlamentare, nuk lejohet Presidenti i Republikës të futet midis palëve, por mund të japë vetëm mesazhe.

B. Topi: Ekzakt! Kjo është bërë edhe me ndihmën tënde. Mbasi e kaloi këtë moment vazhdoi:

E. Rama: Ne nuk kërkojmë të vijmë në pushtet me demonstratë, por të rivendosim rregullat e lojës; këta i prishën rregullat, është marrë topi, është nxjerrë nga stadiumi fare e lëvizin të gjithë pa top dhe ai e nxjerr rezultatin në tabelë; kjo është qesharake.

Në këtë kohë në prag të botimit të librit, historia tregoi që këtë gjë po e aplikon fort vetë Edi Rama, pasi është çështje e sistemit të ndërtuar me “armikun” e tij politik. Në fund të bisedës, duke bërë shenjën e përfundimit të takimit, në këmbë i ritheksova:

B. Topi: Unë i qëndroj mesazhit se partitë politike duhet të respektojnë shtetin dhe ata që punojnë për shtetin të respektojnë fort ligjin.

E. Rama: Absolutisht po!

Në këtë çast i dhashë shenjë znj. Pavlina të largohej, pasi doja të ndaja në mënyrë konfidenciale një informacion serioz, që shefi i shërbimit të SHISH-it më kishte sjellë me urgjencë.

B. Topi: Tani duhet të ndaj diçka serioze që ka të bëjë me ty. Bahri Shaqiri, në zarfin e urgjencës së lartë më kishte informuar se jeta e Edi Ramës rrezikohej seriozisht dhe ndërkohë që po e informoja, fytyra e tij mori një pamje të zbardhur, ku dalloja lehtësisht bulëzat e djersës që i mbulonin ballin.

LEXO TE PLOTE

Politikë

Berisha shthur gjuhën/ Merr në mbrojtje Lulin për financimet ruse

Publikuar

-

Nga

Ish kryeministri Sali Berisha, ka shpërthyer në akuza ndaj mediave, ndërsa ka marrë në mbrojte pasardhësin e tij në PD, Lulzim Basha, për financimet ruse.

Ndërsa fshirja e artikullit nga prestigjozja gjermane “Bild”, ishte temë diskutimi mbrënë në shumë studio televizive, Berisha shkruan se Rama, urdhëroi mercenarët e tij në media, ta kthenin këtë çeshtje në debat kryesor televiziv.

“Si ua la Bild ne goje Arben Malavites dhe Sugar Fuges halen e bosit te tyre!

Miq! Fenomenale! Gazeta me e madhe e Europes “Bild”, qe para disa muajve me regjistrime autentike iu faktoi botes se Edvin Kristaq Mafia ishte bosi i nje qeverie te mafies se droges dhe vjedhjes se votave, vendosi ne faqen e saj pardje nje shpifje, trillim te mirefillte te Edvin Kristaq Mafise per Lulzim Bashen.

Çdo njeri mbi toke qe lexonte ate pamflet rrene qeshte dhe tallej me te!

Bazuar ne ate shkrim, sipas te cilit Basha paska paguar para ruse ne ShBA per te bllokuar hapjen e negociatave te Shqiperise me BE, ne nje mobilizim te papare Arben Malavita, Sugar Fuga urdheruan mercenaret ne mediat e tyre Karlo Malavita, Ymer Çorapja, tualetin Masturbiv te Kol Balles ta shnderronin ne çeshtje debati kryesor shkrimin e Bild.

LEXO EDHE:  Mashtrimi i Erion Veliajt/Detaji që ju shpëtoi nga dëgjesa e djeshme

LEXO EDHE:  Kryeprokurorja sulmon 'lali Erin'

Mirepo keta mjerane dhe ndonje tjeter tejet i vrerosur me Bild mbllaçisnin ne debatet e tyre televizive me pasion te zjarrte dhe pergjerime dhe perjargezime halen e gatuar nga bosi i tyre sepse vazhdoni me zjarr betimet dhe sterbetimet edhe shume e shume ore pasi Bild kishte fshire nga faqja trillimin e gatuar nga Bosi i tyre.

Nje mik i imi ne kete gazete duke qeshur me tha se tragjikomikja e kesaj afere eshte se, edhe pasi u hoq si kryekeput trillim shkrimi nga gazeta, ne Tirane zelltaret e kryekreut vazhduan te sherbehen me halen e bosit te tyre!

Miq, le tju themi me gjithe zemer ju befte mire!

Ndjese miq per fjalen qe kam perdorur, por nuk e shmangia dot pasi pasioni i Edvin Mafise per halen tejkalon tek ai, siç dini, çdo shije tjeter! sb”/CNA.al

LEXO TE PLOTE

Opinione

Nga Sulejman Gjana/ Mungesa e shtetit

Publikuar

-

Nga

21 Janari është fiksuar tashmë në memorien kolektive të qytetarëve shqiptarë si referencë ndaj ngjarjeve tragjike të vitit 2011. Me të drejtë ajo ngjarje ishte tejet tragjike në tërësinë e saj.

Tragjike ishin motivet e organizimit të protestës, tragjike ishin përgatitjet dhe skenari që çuan në përfundime poaq tragjike, me pasojë humbje jetësh të pafajshme njerëzore dhe rrënim të imazhit të vendit. Ndërkohë shteti mori një goditje të rëndë nga pamundësia e vet për t’i parandaluar shkaqet dhe pasojat e asaj ngjarjeje.

Për fat të keq politika në Shqipëri, pozita dhe opozita, i konsiderojnë ende si legjitime aksionet që ndërmarrin, në çdo rast dhe në të gjitha rastet, pa marrë parasysh dëmet që i shkaktojnë shtetit. Dhe kjo ndodh pikërisht sepse gjatë 29 viteve të tranzicionit (derivate të klonuara këto të 45 viteve të diktaturës), shteti është përdorur thjesht si instrument i pushtetit dhe si folezë që të siguron rehatinë. Për legalistët dhe kombëtaristët, asnjëri prej akteve të dramës së 21 Janarit 2011 nuk duhet përsëritur, kurrnjëherë.

Pikërisht për këtë arsye, në memorien tonë kolektive mbisundon 21 janari i vitit 1920, kur në Kongresin e Lushnjes u mblodh elita atdhetare e vendit për të marrë vendime të rëndësishme për jetësimin e pavarësisë së shpallur pak vite më parë dhe për formimin e shtetit e institucioneve, në format dhe mënyrat më optimale për kushtet e kohës. Kur vlerësohen vendimet e marra në atë Kongres në raport me kushtet dhe rrethanat e brendshme e ndërkombëtare, kuptohet qartë se shumica e shtetarëve të asaj kohe kishte një format tjetër dhe ata ishin brumosur me ndjenja të forta kombëtare e me vetëdijen se prioritare e mbi gjithçka janë arsyet e shtetit dhe interesat e popullit dhe të kombit.

LEXO EDHE:  Denoncim/ Rama dhe Veliaj po tentojnë të blejnë studentët

LEXO EDHE:  Gjoba e bashkisë për PD-në/ Ish-ministri i Ramës i përvishet Veliajt

Nëse logjika e hekurt e shtetformimit, nëse logjika e ligjit të formuluar dhe të zbatuar mbi arsyen e shëndoshë, mbi të Drejtën e jetësuar në ligje dhe në interesat e të drejtat e qytetarëve do të zbatoheshin në kohërat tona, sikurse vepruan formuluesit dhe miratuesit e vendimeve shpëtimtare të Kongresit të Lushnjes të 21 Janarit 1920 – asnjë 21 Janar tjetër nuk do të përmendej sot. Madje do të ndodheshim në një situatë kur 21 Janari kalendarik i ngjarjeve më të mëdha historike do të kremtohej me ceremoni shtetërore, si datë e çmuar për kombin. Por që të nderohen me ceremoni shtetërore datat që vulosin shtetformimin, së pari duhet të ekzistojë shteti…

* Ish-kryetar i Partisë Lëvizja e Legalitetit

LEXO TE PLOTE