Connect with Us

“Ikja e trurit”/ Banka Botërore jep alarmin

Ekonomi

“Ikja e trurit”/ Banka Botërore jep alarmin

Publikuar

-

Emigrimi i intelektualëve shqiptar është në fokus të një studimi të Bankës Botërore, shifrat e të cilit janë alarmante. Kështu referuar të dhënave rezulton se rreth 40 % e shtetasve shqiptarë që largohen nga vendi për të emigruar në kërkim të kushteve më të mira të jetesës, rezulton të kenë kryer studimet universitare. Kjo e dhënë shqetësuese që tregon për avancimin e ikjes së “trurit”, është publikuar në raportin e fundit të Bankës Botërore (BB).

Kjo dukuri është në fakt e përbashkët kryesisht për vendet e Ballkanit Perëndimor dhe të një pjese të Evropës Lindore, ku të ardhurat për frymë janë shumë të ulëta. Kështu, personat me arsim të lartë përbëjnë 55% të numrit total të emigrantëve nga Bosnja dhe Hercegovina, më shumë se 40% të emigrantëve nga Armenia dhe Letonia dhe afro 40% të emigrantëve nga Shqipëria, Moldavia, Maqedonia e Veriut, Republika Kirkize, Kazakistani, Rumania dhe Taxhikistani.

Arsyet për të emigruar janë të shumëfishta dhe përfshijnë motivimin për të  fituar paga më të larta, mundësi për avancim profesional, kushte të mira të punës dhe potenciali për një të ardhme më të mirë për anëtarët e familjes.
Nga ana tjetër, sipas raportit punësimi në Shqipëri është paradoksalisht në rritje, edhe pse varfëria mbetet e lartë pasi 34.6% e shqiptarëve jetojnë me më pak se 5.5dollarë në ditë.

Megjithatë, ritmet e punësimit kanë qenë të ngadalta, duke bër që treguesit e varfërisë të mbeten në vend-numëro. Ndërkohë, papunësiau ul me 11.5 për qind në çerekun e dytë të 2019. Pagat reale u rritën me 3.3 për qind mesatarisht, kryesisht në shërbime (tregti dhe transport, dhe sektorë të turizmit).

LEXO EDHE:  Kriminelët shqiptarë në Belgjikë në vend të dytë

Raporti i Bankës Botërore mbi zhvillimet më të fundit në rajonin e Evropës dhe Azisë Qendrore pohon se përqindja e emigrantëve është rritur vrullshëm gjatë katër dekadave të fundit, ku një në çdo tre emigrantë në botë tashmë largohet në një vend pritës evropian.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Ekonomi

Vrojtimi me klientët e bankave/ Mosha e vjetër me llogari kursimi, të rinjtë me karta krediti

Publikuar

-

Nga

Shqipëria ka një numër të konsiderueshëm bankash në raport me popullsinë, por shërbimet financiare bazë ende mbulojnë vetëm një pjesë të vogël të popullsisë as 40 për qind, teksa ata që përdorin bankën e kanë kryesisht e kanë për pagesa.
Shoqata e Bankave në bashkëpunim me shërbimet e hulumtimit në IDRA realizoi një vrojtim tek klientët e bankave në lidhje me perceptimet që ata kishin për shërbimet bankare.

Rezultatet e vrojtimit gjetën se, karta e debitit është produkti bankar më i përdorur nga klientët (44%).
Kartat e kreditit përdoren më pak, pasi vetëm 20% e të anketuarve kanë një të tillë. Ekziston një pjesë e konsiderueshme e përdoruesve të bankave që përdorin një kredi personale (11%), ndërsa një pjesë shumë e vogël kanë një kredi hipotekare (4%).
Së fundmi, letrat me vlerë të qeverisë dhe mbitërheqjet përdoren vetëm nga më pak se 4% e përdoruesve të bankës.

Duke analizuar të dhënat e ndara sipas moshës, shihet se gjenerata e vjetër ka më shumë gjasa të përdorë një llogari kursimi sesa ato më të rinjtë. Sidomos të anketuarit që i përkasin grupmoshës më shumë se 55 vjeç janë më të prirurit për të kursyer (46%).
Brezat e rinj nga ana tjetër i përdorin më shpesh kartat e kreditit (është produkti i dytë më i përmendur për këto grupmoshë).
Vetëm një e treta e 35-44 vjeç e të anketuarve përdorin një kartë krediti. Kjo grupmoshë gjithashtu dallohet paksa në lidhje me përdorimin e kredisë konsumatore / personale (24%), ndërsa grupmoshat e tjera i përdorin ato produkte dukshëm më rrallë.

Duke zbërthyer rezultatet nga punësimi, del se vetë-punësuarit dhe papunët / pensionistët përdorin më shumë llogari të kursimeve sesa cilido prej grupeve të tjera (përkatësisht 47% dhe 44%).
Kategoria e të vetpunësuarve tregon gjithashtu një përqindje të lartë të përdoruesve të kartave të kreditit.
Për më tepër, mund të vërehet se të anketuarit e papunë / pension, si dhe studentët, kanë më pak të ngjarë të përdorin produkte dhe shërbime bankare, siç janë kartat e kreditit dhe kreditë konsumatorë ose personale.
Duke marrë parasysh kategoritë e tjera, ka pak dallime midis të punësuarve në sektorin publik ose privat, ndërsa ato janë përdorues të moderuar të produkteve bankare.

LEXO EDHE:  Shifra që habisin/ Zbulohet rekordi i Shqipërisë, e dyta në botë për …!

LEXO EDHE:  Paralajmëron eksperti i sigurisë/ Shqipëria i ka hedhur dorashkën në fytyrë Iranit, duhet kujdes

Gjetjet e sondazhit tregojnë se sistemi bankar është industria më e besueshme në krahasim me të tjerët, me 30% të të anketuarve që besojnë plotësisht ose disi i besojnë asaj.
Industria e dytë më e lartë e vlerësuar është banka e Shqipërisë me një përqindje prej 24% të atyre që i besojnë plotësisht ose diku.
Qeveria, shoqatat e kursimeve dhe kredive (institucionet e kreditit jo-bankare), partitë politike dhe sistemi gjyqësor janë industri më pak të besuara. Sidomos, sistemi gjyqësor qëndron me një të tretën që thotë se nuk i beson aspak./Monior

LEXO TE PLOTE

Ekonomi

Pastrimi i parave/ Moneyval lë Shqipërinë në “monitorim të zgjeruar”

Publikuar

-

Nga

Shqipëria do të mbetet edhe gjatë vitit 2020 në një monitorim të zgjeruar sa i takon riksut të pastrimit të parave dhe financimit të terrorizmit. Qeveria shqiptare ka raportuar në Moneyval (një mekanizëm i Komisionit Europian që bën vlerësimin e riskut të pastrimit të parave) lidhur me masat që ka marrë gjatë vitit 2019 në kuadër të forcimit të luftës ndaj këtij fenomeni ka marrë vlerësime pozitive por është lënë sërish në mbikëqyrje. Në përgjigje masave që janë marrë sipas rekomandimeve që kishte lënë më herët Moneyval, në raportin e vitit 2018 thuhet se vendi ynë do të mbetet nën mbikëqyrje të zgjeruar edhe për 2020 dhe se do të pritet që të raportohet për zbatimin.

“Shqipëria do të mbetet në ndjekje apo monitorim të zgjeruar dhe do të vijojë të raportojë tek Moneyval në vazhdimësi për të forcuar zbatimin e masave kundër pastrimit të parave apo financimit të terrorizmit. Shqipëria pritet që të raportojë sërish në seancë brenda një viti” thuhet në raport.

Në total sipas këtij të fundit Shqipëria ka bërë progres sa i takon adresimit të çështjeve delikate të identifikuara në raportin e fundit të Moneyval. Pothuajse të gjithë rekomandimet janë parë dhe ka pasur masa në kuadrin ligjor duke ndryshuar edhe vlerësimet në shkallët e riskut ndërkohë që do të duhet të shihet zbatimi i tyre dhe efektet për ta nxjerrë ndoshta Shqipërinë nga ndjekja e zgjeruar.

Në vitin 2019 u morën masa për ndryshimin e kuadrit ligjor duke e përafruar atë me direktivat si dhe duke parashikuar riskun e pastrimit të parave në të gjitha hallkat. Në këtë kontekst ndërhyrje pati në kuadrin rregullator të Bankës së Shqipërisë, Autoritetit të Mbikëqyrjes Financiare, Drejtorisë së Parandalimit të Pastrimit të Parave. U ndryshuan aspekte që kishin të bënin me aksionerët e kompanive në parajsat fiskale, aktivitetet e organizatave jofitimprurëse apo mënyrat e raportimit.

Historiku i Shqipërisë më Moneyval, çfarë ndodhi në 2018

Në vitin 2011, Shqipëria u fut nga Moneyval, mekanizimi i Komisionit Europian, që bën vlerësimin e Shqipërisë për masat kundër pastrimit të parave dhe financimit të terrorizmit, në listën gri të vendeve me rrezik të lartë të pastrimit të parave (raporti i klasifikon vendet me potencial të lartë të pastrimit të parave në listë të zezë dhe gri). Më pas, në 2015-n, Shqipëria do të dilte nga lista gri, një vlerësim ky që në atë kohë ishte mjaft pozitiv. Vendi kishte pesë vjet kohë që të adresonte problemet për të dalë përfundimisht nga zona e rrezikut.

Por, në raportin e 2018-s, Shqipëria hyri në listën e vendeve që do t’i nënshtroheshin një ndjekjeje apo monitorimi të zgjeruar nga ana e Moneyval për shkak të dobësive që u konstatuan në raportin e fundit të lidhur me masat ndaj parandalimit të pastrimit të parave dhe luftës kundër terrorizmit. Një fjali e kaluar pa shumë vëmendje duket se përçoi pikërisht këtë mesazh kur thekson se “bazuar në rezultatet e vlerësimit të tij Moneyval vendosi që të aplikojë procedurën e ndjekjes së zgjeruar në Shqipëri”.

LEXO EDHE:  Raporti/ Pas Sirisë, Shqipëria me kërkesat më të larta për azil në Gjermani më 2015

LEXO EDHE:  Shqipëria e kërcënuar nga sulme kibernetike nga Irani

Sipas konkluzioneve të raportit, “korrupsioni paraqet rreziqe të mëdha të pastrimit të parave në Shqipëri. I lidhur shpesh me aktivitetet e krimit të organizuar, ai gjeneron sasi të konsiderueshme të të ardhurave kriminale dhe seriozisht dëmton funksionimin efektiv të sistemit të drejtësisë penale. Autoritetet janë të vetëdijshëm për rreziqet nga korrupsioni, por zbatimi i ligjit deri më tani ka pasur një vëmendje të kufizuar për të shënjestruar korrupsionin e lidhura me pastrimin e parave. Një reformë e rëndësishme gjyqësore është duke u zbatuar për të adresuar më mirë rrezikun e korrupsionit që mbizotëron në vend”. Raporti thekson se të ardhurat nga krimi po qarkullojnë dhe investohen në disa forma në Shqipëri, për shembull përmes investimeve në pasuritë e paluajtshme dhe kompanive tregtare. Niveli i lartë i ekonomisë informale, e kombinuar me përhapjen e lartë të cash, përbën një rrezik për pastrim parash. Ndërtimi ishte sektori më me risk për pastrimin e parave, sipas raportit që u publikua në dhjetor 2018.

Shqipëria kishte një vit kohë që të adresonte problemet, ose në një hap pas rrezikonte të hynte sërish në listën gri të vendeve që kanë rrezik të lartë të pastrimit të parave. Por duket se masat e marra kanë qenë të mjaftueshme për të mos e kaluar në këtë listë por sërish e kanë lënë atë nën monitorim.

Por çfarë është në fakt një ndjekje apo monitorim i zgjeruar? Në sistemin e Moneyval “enhanced follow up – ndjekje e zgjeruar” shpjegohet si një nga tre procedurat  që vlerësojnë masat e marra nga autoritetet sipas standardeve dhe rekomandimeve të Task Forcës për Vlerësim Financiar(FAFT)  kundër pastrimit të parave dhe financimit të terrorizimit.

“Territoret apo shtetet mund të vihen nën ndjekje të zgjeruar në rast se identifikohet papajtueshmëri serioze me standardet apo ku shtete apo territore nuk kanë marrë masa të kënaqshme për të dalë jashtë sistemit 5 vjeçar të vlerësimit të rregullt pas miratimit të raportit. Hapa të ndryshëm mund të aplikohen nën monitorimin e zgjeruar siç mund të jetë aplikimi i një prej hapave të “Procedurës së Pajtueshmërisë”, një plan veprimi që mund të zhvillohet dhe nxjerr në pah dobësitë mund të vijojë vlerësimi për raundin në vijim ose masa të tjera pajtueshmëria mund të aplikohen nëse e gjykon me vend Komisioni Europian./ Monitor

LEXO TE PLOTE

Ekonomi

Financimi i “Tërmetit”/ Nis presioni mbi interesat e borxhit të brendshëm

Publikuar

-

Nga

Qeveria emetoi së fundmi një obligacion dy vjeçar me vlerë 3.9 miliardë lekë kundrejt një interesi 2.25%. Interesi shënoi rritje të lehtë me 0.09 për qind në raport me ankandin e fundit që ishte në 16 nëntor të vitit 2019.

Qeveria kërkoi një financim 4 miliardë lekësh, ndërsa bankat ofruan 4.4 miliardë lekë, por për shkak të tendencës rritëse të interesit qeveria mori 3.9 miliardë borxh.

Vitin e kaluar interesat e letrave të borxhit të qeverisë ishin përgjithësisht të ulëta në gjysmën e parë të vitit, për shkak se nevojat për financimin e borxhit të ri u plotësuan nga eurobondi. Ndërsa këtë vit pritet që interesat të jenë disi më të larta edhe për shkak të rritjes së kërkesës së qeverisë për borxh përtej pritshmërive të bankave si pasojë e ndryshimit të madhësisë së deficitit buxhetor me financim të brendshëm prej pasojave të tërmetit.

Qeveria ka programuar që faza e para e rindërtimit të financohet në pjesën më të madhe të saj më borxh, duke rritur madhësinë e deficitit buxhetor të programuar për këtë vit me një të tretën.

Deficiti buxhetor këtë vit shkon në 2.2 % nga 1.6 % e PBB-së, që ishte parashikuar duke e çuar masën e borxhit të ri, nga rreth 29 miliardë lekë, që ishte programi fillestar në rreth 39 miliardë lekë. Deficiti i ri pritet të financohet nga tregu i brendshëm nëpërmjet obligacioneve dhe bonove të thesarit.

LEXO EDHE:  Shqiptarët “vdesin” për çokollatë/ Ja si renditemi në botë

LEXO EDHE:  Shifra që habisin/ Zbulohet rekordi i Shqipërisë, e dyta në botë për ...!

Rritja e deficitit buxhetor dhe financimi i tij nga burime të brendshme pritet të ushtrojë presion mbi normat e interesit të letrave me vlerë.

Normat e interesit të titujve shtetërorë, gjatë viteve të fundit kanë pësuar rënie të vazhdueshme duke u stabilizuar në periudhën 2017-2018. Megjithatë, gjatë vitit 2019 normat e interesit kanë vijuar sërish të shfaqin tendenca rënëse, duke reflektuar vazhdimin e politikave lehtësuese të ndërmarra nga Banka e Shqipërisë, si edhe reduktimin e nevojave për hua të qeverisë në gjysmën e parë të vitit, për shkak të likuiditetit të mjaftueshëm të siguruar nga emetimi i Eurobondit në fund të vitit 2018./Monitor

LEXO TE PLOTE