Connect with Us

Denoncimi në “Fiks Fare”/ 4 javë nga fillimi i shkollës, nxënësit ende pa mësuese

Denoncim

Denoncimi në “Fiks Fare”/ 4 javë nga fillimi i shkollës, nxënësit ende pa mësuese

Publikuar

-

Viti i ri shkollor ka katër javë që ka nisur, por nxënësit e klasës së tretë në shkollën e mesme të bashkuar ” Jani Vreto” nuk kanë mundur të zhvillojnë një proces mësimor normal.

Mësuesja është larguar dhe ende nuk është zëvendësuar.

Fiks Fare udhëtoi drejt Leskovkut pas shqetësime të prindërve adresuar pranë redaksisë.

Bashkëpunëtorët e Fiksit vërtetuan në ambientet e shkollës se nxënësit nuk kishin një mësuese stabël për të bërë mësim. Ata i zhvillojnë lëndët kryesore me një mësuese tjetër. Kjo e fundit pohoi se ishte e vështirë dhe e lodhshme mësimi me dy klasa së bashku.

Drejtoresha e shkollës pranoi situatën, duke shpjeguar se numri i pakët i nxënësve në ciklin fillor u ka krijuar vështirësi. Në bazë të udhëzimit Nr.30 të Ministrisë së Arsimit, i cili nënvizon se për  numrin e nxënësve të klasave fillore me më pak se 50, duhet të krijohen klasa kolektive. Shkolla po pret vendimin e Drejtorisë Vendore  Arsimore në Kolonjë për situatën e krijuar.

LEXO EDHE:  Nxënësit e asfiksuar/ Ja si paraqitet sot gjendja e tyre

Nga ana tjetër edhe drejtori i Zyrës Arsimore Kolonjë citoi udhëzimin  e Ministrisë së Arsimit, si arsye se pse nuk është zëvendësuar mësuesja e larguar. “Do shkojmë drejt krijimit të klasave kolektive, po tkurremi e po tkurremi në numër nxënësish ” pohoi Vrion Çaushi.”Kolonja  është një rreth i cili ka hedhur hapat e para në arsim, por ky është realiteti ”  përfundoi drejtori i Zyrës Arsimore./Top Channel/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Fëmijet nuk kanë kopësht në Tiranë/ Veliaj hedh valle

Publikuar

-

Nga

Ish-kryeministri Sali Berisha ka denoncuar rastin e kopështit 41 në Tiranë, i cili nuk hapet që prej datës 26 nëntor, dhe ndërkohë nga Bashkia nuk ka asnjë përgjigje se çfarë do të bëhet me qindra fëmijë që frekuentonin këtë kopësht.

Në një postim në rrjetet sociale, publikon denoncimin e një qytetari, sipas të cilit për kopështin në fjalë një herë thuhet se është në rregull, një herë thuhet se ka dëmtime, dhe asnjë përgjigje nuk jepet nëse do hapet apo çfarë do bëhet me fëmijët.

Berisha akuzon kryebashkiakun Veliaj se hedh “valle” në media, ndërsa që fëmijët në Tiranë nuk kanë kopësht.

“Duke parë që po na bien ne vesh të shurdhët kerkesat tona si banore , qe me daten 26 nentor 2019 femijet na kane ngelur pa kopesht sepse kopshti numer 41 ne Tirane njehere e bejne te rregullt nje here e bejne te prishur nga termeti askush nuk na jep pergjigje se cfare do te behet me fatin e 360- 400 femijeve.Ju lutem publikoje pasi vetem nese reagon ti mos behet ndonje gje sepse askush nuk na jep informacion se ca do behet. Kopeshti eshte i mbyllur”-shkruan denoncuesi.

Skandal-Veliaj hedh fëmijët në rrugë/ Zbardhen gënjeshtrat e kryebashkiakut

Erion Veliaj përfshihet sërish në skandal/ Pazare dhe afera korruptive në Bashkinë e Tiranës?

LEXO TE PLOTE

Denoncim

Sjellja arrogante e sekretares së shkollës/ Gris dëftesën para gazetares së “Stop”

Publikuar

-

Nga

Sorollatja për një diplomë dhe arroganca e sekretares së institucionit arsimor, për pak i kushtoi shkollën një të riu në Tiranë. Kjo është problematika që ka trajtuar sonte emisioni “Stop” në Tv Klan. Bëhet fjalë për shkollën jopublike “Ekonomisti”. Nxënësi i kësaj shkolle, Richard Zvonicek ka përfunduar vitin e parë dhe dëshiron të largohet nga kjo shkollë për shkak të pamundësisë ekonomike, dhe të vazhdojë arsimimin në një shkollë shtetërore.

Mamaja e tij, znj.Aida Lubonja tregon peripecitë për të marrë një diplomë nga kjo shkollë jopublike, në mënyrë që djalin ta regjistrojë në një shkollë tjetër. Pas shumë sorollatjeve, i japin një diplomë me disa mangësi, që nga mbiemri i djalit dhe pa firmën e drejtoreshës. Në shkollën pritëse i thanë të merrte një diplomë të dytë, por edhe e dyta pa datë dhe pa atësi. E njëjta gjë edhe herën e tretë. Shkelja më e madhe ishte një vërtetim fals nga Shtatori deri më 13 Nëntor, sikur djali ishte paraqitur në shkollë. Vetë 19-vjeçari Richard Zvonicek kërkon të shkojë në shkollë e të arsimohet si bashkëmoshatarët.

Aida Lubonja: Jam mamaja e djalit Richard. Fëmija është autik. Ka ndjekur vitin e parë shkollor, pra klasën e 10 të shkolla jopublike Ekonomisti dhe ka mbaruar me rezultate mesatarisht të mira. Kemi paguar gjithë vitin shkollor 1.8 milionë Lekë të vjetra. Duam të zhvendosemi për një shkollë tjetër 3-vjeçare të përgjithshme shtetërore sepse nuk kemi mundësi të përballjmë financiarisht shkollën private. Për këtë i jam lutur shkollës që të më japin dëftesën në mënyrë që të regjistrohesha tek shkolla tjetër. Më thonë nuk është drejtoresha, është jashtë shtetit, hajde më vonë. Pastaj më thonë do flasim dhe njëherë. Pas një jave i them aman dëftesën sepse është afati i fundit. Më japin dëftesën, kur shikoj dëftesa është me korrigjime, me gabime, pa firmën e drejtoreshës. Menjëherë shokohem. Shkoj sërish të më japin një dëftesë tjetër. Dhe kjo prapë është pa atësi. Prapë dhe kjo jo korrekte, dëftesë e pavlefshme që nuk mund të regjistrohem në asnjë shkollë. Shkoj sërish. Prapë më japin një document tjetër, edhe ky është pa firmën e drejtorit. Një marrje peng administrative nga shkolla jopublike Ekonomisti. Shkelja më e rëndë është që pas 1 muaj e gjysmë sorollatje, më japin një dokument në të cilin tregohet sikur djali im paska ndjekur dy muaj shkollë dhe më thonë s’të duhet dëftesa, ke këtë komentin këtu. Unë kam 1 muaj e gjysmë më ngeli djali pa arsim.

Richard Zvonicek: Unë kërkoj një dëftesë të saktë që i plotëson të gjitha kushtet dhe normat sipas rregullave për pranimin, sepse dëshira ime është të arsimohem si gjithë të tjerët pa asnjë pengesë.

Për të vërtetuar me prova sorollatjet në shkollën jopublike “Ekonomisti”, znj.Aida Lubonja shkoi sërish dhe u përball me sekretaren e shkollës. Kjo e fundit nuk pranonte të lëshonte asnjë diplomë tjetër dhe i kërkoi Aida Lubonjës të dilte jashtë.

Biseda e qytetares me Sekretaren:

Qytetarja:Të lutem! Aman të keqen, atë dëftesën moj! Është e pavlefshme.

Sekretarja: Kush është me korrigjime moj?

Qytetarja: Njëra është me 10 gabime e korrigjime.

Sekretarja: Nxirri ku i ke? Nxirri ku i ke?

Qytetarja: T’i kam treguar 100 herë.Pse mos marr dot dëftesën, të iki në një shkollë tjetër?

Sekretarja: Po ik, moj goce…

Sekretarja: Futu në zyrë! Dëftesën e more nga e para. Të firmosur, të vulosur, vërtetim notash nga shtatori edhe deri në nëntor…

Qytetarja: Vërtetimi është fallco, sepse ne s’kemi qenë në shkollë! Është budallallëk tani.Tjetër gjë se…

LEXO EDHE:  Denoncimi i Fiks-Fare/ Pëson dy herë trompozë në kokë, mjekja e familjes nuk i rimburson ilaçin

LEXO EDHE:  Denoncimi i Fiks-Fare/ Pëson dy herë trompozë në kokë, mjekja e familjes nuk i rimburson ilaçin

Sekretarja: Mirë.Ka mundësi të dalësh? Ka mundësi të dalësh? Ka mundësi?

Qytetarja: Po pse? Për një firmë?

Sekretarja: Ka mundësi? Dil përjashta! Ka mundësi të dalësh përjashta?

Qytetarja: Pse nuk ishte dëftesa gati, më 10 tetor? Pse më 30 tetor, më jep dëftesë me korrigjime?

Sekretarja: Sepse nuk ka vetëm një Richard kjo Republikë. Ka shumë të tjerë, dhe unë merrem me shumë të tjerë. Ka mundësi të largohesh?

Qytetarja: Më 10 tetor, duhen të jenë dëftesat gati.

Sekretarja: Ka mundësi të dalësh?

Qytetarja: Ku të shkoj unë?

Sekretarja: Ku të duash, ku të duash, ku të duash, ku të duash shko! Ku të duash!

Qytetarja: Pse më mbani “peng”, ju lutem! Pse më mbani “peng”, fëmijën?

Sekretarja:Shiko! Unë dëftesën tjetër nuk ta bëj dot më, se e kam lëshuar një dëftesë me firmë dhe me vulë. Nuk ta bëj dot më, hidhu përpjetë! Nuk të bëj dot më! Nuk të jap më shpjegime! Nuk të jap më shpjegime! Fol me veten!

Qytetarja: Pse më jep dëftesë me 10 korrigjime? Pse më jep dëftesë tjetër prapë, me gabime dhe pa atësi? Pse nuk më jep dëftesën e plotë?

Sekretarja: Vazhdo!

Qytetarja: Të vitit, që mbaron?

Richardi: Na shkatërruat! Ngela pa arsimuar!

Qytetarja: Të lutem moj Entela, po është fëmijë me autizëm moj! Nuk të vjen keq? Nuk të vjen keq, që po vuan?

Sekretarja: Ka mundësi, dil përjashta!

Richardi: Çfarë kemi shkaktuar?

Qytetarja: Të lutemi përditë e përditë, por është gjynah moj! Po pse më jep 3 dëftesa mua javë për javë?

Sekretarja: Një, një, njëzet dëftesa do të jap!

Më pas, shkoi në takim me sekretaren vetë gazetarja e emisionit “Stop”. Aty hasi në arrogancën e Sekretares së shkollës jopublike “Ekonomisti”. Sekretarja i rrëmbeu nga dora dëftesën gazetares dhe e grisi.

Biseda e gazetares me sekretaren:

Sekretarja: Po!

Sekretarja: Ka mundësi të…?

Sekretarja: Urdhëro brenda!

Sekretarja: Më fal, më fal!

Gazetarja: Sergei(operatori), më prit aty! Kjo dëftesa është me korrigjime këtu,tek mbiemri dhe nuk pranohet nga Ministria.

Sekretarja: Kjo, kjo nuk është dëftesë e kësaj shkolle!

Gazetarja: Si nuk është dëftesë e kësaj shkolle?

SekretarjaKjo është fotokopje.

Gazetarja: Të lutem mos e prek! Po për cfarë po e gris? Uaaa, Sergei, Sergei….

Pas incidentit me sekretaren, gazetarja e “Stop” bisedoi në telefon me drejtoreshën e shkollës jopublike, znj.Ilirjana Sykja. Kjo e fundit kërkoi të pinte një kafe me gazetaren pa praninë e kamerave, kërkesë që u refuzua.

Drejtoresha Ilirjana Sykja: Unë jam këtu tek Qendra “Turdiu’, këtu tek kati i II-të është një kafeteri. Po të pres këtu…Unë do ballafaqohem me ty, që të të sqaroj ty! Po jo të lutem me kamera!

Për këtë problematikë, emisioni “Stop” vuri në dijeni Drejtorinë Arsimore Rajonale Tiranë dhe specialistja e këtij institcioni i kërkoi zyrtarisht shkollës jopublike “Ekonomisti” që t’i dorëzojë zonjës diplomën e saktë.

Specialistja e Drejtorisë Arsimore Rajonale Tiranë: Është dërguar urgjent shkresa dhe i kemi bërë të qartë që ka një detyrim të japë dokumentacion të rregullt. Çdo institucion që bën një veprim të tillë, mban përgjegjësi vetë.

Pas këtij momenti, për shkollën jopublike “Ekonomisti” u ngrit një grup inspektimi, që po verifikon situatën për shkeljet e raportuara.

Me ndërhyrjen e emisionit “Stop” u bë e mundur edhe zgjidhja e këtij rasti. Edhe pse kaluan disa muaj nga afati për regjistrimin në shkollë, nxënësit Richard Zvonicek iu mundësua regjistrimi në një shkollë tjetër ekuivalte profesionale shtetërore. /tvklan.al

LEXO TE PLOTE

Denoncim

Media në dorë të satrapëve politik/Zëri Amerikës: Zyrat e shtypit distributor lajmesh të fabrikuara

Publikuar

-

Nga

Media në Shqipëri pritet të ndeshet gjatë këtij viti me një terren në vështirë përballë propagandës në rritje të zyrtarëve dhe ngushtimit të hapësirave të lirisë për informim dhe raportim. Konstatimi vjen nga grupimet e gazetarëve dhe të shoqërisë civile, që thonë se media po funksionon përmes një sistemi të deformuar, për shkak të ndërthurjes se interesave financiare të disa pronarëve me pushtetin politik.

Kështu e nis raportimin nga Tirana korespondentja e radios  “Zeri i Amerikës”, që duke ju referuar përfaqësuesve të shoqatave të gazetarëve dhe shoqërisë civile thotë se drafti anti-shpifje i qeverisë, që kritikohet njëzëri nga komuniteti i gazetarëve dhe institucionet ndërkombëtare, me argumentin se ngushton hapësirat e informimit dhe raportimit në mediat on-line, erdhi në një moment kur këto media po sfidonin lajmet që prodhohen dhe shpërndahen nga zyrat e shtypit.

Spektri mediatik shqiptar, vijon VOA, vlerësohet nga analistë, gazetarë dhe pjestarë të shoqërisë civile, i qenë nën trysninë e vazhdueshme të zyrtarëve të veshur me pushtet. Informaliteti në media, propaganda qeveritare dhe ngushtimi i hapësirës së informacionit dhe raportimit janë sot problemet më shqetësuese.

Analisti Fatos Lubonja argumenton se ka një vetëdorëzim të medias, pasi ato nuk janë produkt i tregut të lirë, por i binzeseve të pronarëve.

Vetëdorëzimi është i qartë, ka të bëjë me konfliktin e interesit që kanë pronarët e mediave, të cilët duhet të mbrojnë interesat e bizneseve të tyre. Mirëpo këtu ka një konflikt, sepse nga një anë rritja dhe mbajtja në këmbë e biznesit në Shqipëri është bërë gjithë e më e pamundur pa mbështetjen e qeverisë, pa tenderat që jep qeveria, pa lejet e ndërtimit, lejet e ndryshme, konçensionet. Dhe pa dyshim që qeveria pastaj përmes kësaj kapje, që i ka bërë ekonomisë, ushtron presion mbi produktin tjetër, që duhet të prodhojnë mediat që është informacioni”, argumenton Lubonja.

Gazetari i BIRN Gjergj Erebara thotë se numri i gazetarëve aktivë është në rënie dhe se redaksitë në media të ndryshme janë në tkurrje, për shkak të zvogëlimit të buxhetit të reklamave dhe ndërthurjes se interesave financiare të disa pronarëve të medias me pushtetin politik.

“Tregu shqiptar është i dominuar nga shumë pak reklamues të mëdhenj, përsa i përket televizioneve. Gazetat, që janë kontribut i qytetarit drejtpërdrejt, në financat e një media, është në rënie drastike, drejt asgjë​simit total. Gjatë vitit të kaluar u mbyll dhe gazeta Shekulli print, që ishte një nga gazetat më të vjetra në vend”, – thotë Gjergj Erbara, gazetar i BIRN.

Dhe kjo gjendje ka sjellë përparimin e propagandës së zyrtarëve, thonë gazetarët. Informacioni dhe raportimi është zëvendësuar me prodhimin e lajmeve të realizuara nga zyrat e shtypit, pohojnë ata.

“Propaganda zyrtare determinon informacionin dhe raportimin në media. Më së shumti kjo është e ndikueshme si e tillë mbi median tradicionale, të cilat aktualisht kanë dhe pjesën më të madhe të tregut mediatik të Shqipërisë”, shprehet Aleksandër Çipa, kryetar i Unionit të Gazetarëve të Shqipërisë.

Analisti Fatos Lubonja kur flet për rritjen e propagandës së qeverisë ka parasysh televizionin e kryeministrit ERTV.

LEXO EDHE:  Apeli i fortë i gazetares së “Fiks Fare”

LEXO EDHE:  Denoncimi i Fiks-Fare/ Pëson dy herë trompozë në kokë, mjekja e familjes nuk i rimburson ilaçin

“Ky është një nga skandalet dhe turpet më të mëdha të Shqipërisë, ku kryeministri krijon në zyrat e tij televizionin e tij, që prodhon vazhdimisht lajmet siç do vetë, si edhe shpërndan lajmet në gjithë televzionet e tjera private dhe publike”, thotë Fatos Lubonja, analist.

Interesit të “Zërit të Amerikës” mbi shqetësimet e komunitetit të gazetarëve dhe shoqërisë civile për propagandën në rritje të zyrtarëve të qeverisë, për produktin e gatshëm që u ofrohet mediave nga televizioni i Kryeministrit ERTV, kostot e tij dhe faktin se kush i mbulon ato, zyra e shtypit pranë Kryeministrit nuk iu përgjigj.

Gazetarët mendojnë se zyrat e shtypit janë prodhuesit më të mëdhenj të lajmeve të rreme në Shqipëri. Drejtuesja e Open Data Albania, Aranita Brahaj thotë se gjatë punës së saj gjen gjithnjë e më pak hapësirë transparence në zyrat dhe faqet online të institucioneve, sidomos kur interesohet për menaxhimin e parave publike.

Do të sjell një shembull. Agjensisë së Prokurimeve Publike ne i dërgojmë vazhdimisht kërkesa për informacion për dokumenta që janë në faqen e tyre por që nuk klikohen, ose nuk janë të aksesueshme, ose mungojnë tabela të tëra të cilat afishohen si tabela të mundshme për publikim, apo për tenderat, të cilët i kanë vetëm në një periudhë dy-tre javore dokumentacionin on line. Dhe cila është përgjigja e tyre? Është që ku dokumentacion dhe gjithçka tjetër është e aksesueshme në buletin. Ne e dimë shumë mirë​ që buletinet janë formate krejt të shkurtuara dhe detyrimi për t’i publikuar në​ faqen elektronike është krejt i ndryshëm”, – shprehet Aranita Brahaj, drejtore e Open Data Albania.

Kryetar i Unionit të Gazetarëve Shqiptarë mendon se në momentin që qeveria u ndje e kërcënuar nga mediat e reja on-line, vendosi të miratojë ligjin antishpifje i cili detyron AMA të marrë rolin e gjykatës dhe mediat ta paguajnë gjobën pa shkuar në gjykatë, që praktikisht, sipas zotit Çipa, do të thotë mbyllje e tyre…

Analistët dhe gazetarët i shohin përpjekjet e qeverisë për miratimin e draftit anti-shpifje si vazhdimësi e vullnetit të mbrapshtë për të kontrolluar mediat.

Nuk jemi në kohën kur qeveria ndikon politikën editoriale, jemi në kohën kur qeveria kontrollon në mënyrë tërësore politikën editoriale”, – thotë Gjergj Erebara.

Presidenti Ilir Meta të dielën e ktheu draftin antishpfije të qeverisë në parlament për rishqyrtim, me argmumentin se bie ndesh me parimet kushtetuese, ndërkohë që Unioni i Gazetarëve paralajmëron që nëse shumica qeverisëse nuk tërhiqet, do ta ankimojë ligjin në Gjykatën Kushtetuese. Në këto kushte media pritet të ballafaqohet gjatë këtij viti me një terren të vështirë, në përpjekje për të ruajtur të pacunguar informacionin dhe raportimin, përballë propagangës dhe tentativave të pushtetit politik për ngushtimin e hapësirës së lirisë së medias në Shqipëri.

LEXO TE PLOTE