Connect with Us

Andi Përmeti rendit arsyet/ Pse duhet ndryshuar sistemi zgjedhor, ja çfarë ofron Bindja Demokratike

Politikë

Andi Përmeti rendit arsyet/ Pse duhet ndryshuar sistemi zgjedhor, ja çfarë ofron Bindja Demokratike

Publikuar

-

Deputeti i Bindjes Demokratike, Andi Përmeti është shprehur se sistemi zgjedhor që ka sot Shqipëria është më i keqi i mundshëm, dhe ndryshimi i tij është domosdoshmëri.

I ftuar në emsionin “7 pa pesë”, në Vizion Plus, Andi Përmeti tha se si mazhoranca edhe opozita jashtë parlamentare nuk duan ndryshimin e sistemit dhe për këtë arsye luajnë “ping-pong” duke i hedhur topin njëri tjetrit.

“Unë nuk isha në tryezën për Reformën Zgjedhore sepse isha në një takim pune jashtë vendit. Nuk kam asnjë ndjesi apo përshtypje sesi reagon opozita e rrugës. Ata i hedhin  topin njëri-tjetrit, për të mos ndryshuar sistemin.”-tha Përmeti.

Më tej, ai theksoi se ndryshimi duhet të jetë prioritet, pasi sipas duhet të hiqet gjithëpushteti i kryetarëve të partive dhe ti kalojë elektoratit.

“Prioritet duhet të jetë ndryshimi i sistemit. Edi Rama dhe opozita e rrugës nuk duan të ndryshojë sisitemi. Ai thotë e ka opozita, ata thonë e ka Rama.

Por, të gjitha palët duhet të bëjnë Reformën Zgjedhore. Ky është sistemi më i  keq i mundshëm. Kosova është shembulli më i mirë. Sistemi që kemi ne i jep fuqi të pakufizuar kryetarit. Sistemi i Kosovës është më i miri i mundshëm sepse kryetarët e partive do të duhet të vendosin në garën për deputet kandidatët më të mirë.

LEXO EDHE:  Sot pretenca e prokurorisë/ Ish-grupi parlamentar i PD-së braktis Salianjin

Ne kërkojmë një sistem ku secilin nga ne ta votojë populli. Ky sistem ka arritur fundin në Shqipëri”-tha Andi Përmeti.

Po ashtu ai tha se zgjedhjet e parakohshme parlamentare janë domosdoshmëri, por sipas tij nëse nuk bëhet Reforma Zgjedhore, nuk mund të shkohet në zgjedhje.

“Zgjedhjet e parakohshme janë domosdoshmëri. Por, PD kërkon tryezë me PS dhe ndërkombëtarët, këta të fundit nuk pranojnë, pasi thonë se duhet të tregoni maturinë dhe pjekurinë për t’i zgjidhur vetë gjërat.

Tani, kush ia ka fajin Bashës? Opozita e re?

Nëse nuk bëhet Reforma Zgjedhore nuk shkohet në zgjedhje. Por, Basha kërkon ekskluzivitetin e opozitës, nuk i intereson kjo.”-deklaroi Andi Përmeti.

I pyetur se çfarë ofron Bindja Demokratike, Andi Përmeti tha se “Ne kemi në plan një platformë që do ia prezantojmë elektoratit. Së pari do jetë ndryshimi i sistemit, ku fuqia nuk është në dorën e një personi, por të elektoratit.

Do kemi platformë edhe për ekonominë dhe fusha të tjera. Do të kemi alternativa të reja në secilën garë elektorale dhe do kemi njerëz të papërlyer, jo njerëz që dalin nga pazaret e një takimi natën”./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Çështja Ylli Ndroqi/ Yuri Kim: Të ndëshkohen kriminelët, asgjë më shumë e asgjë më pak

Publikuar

-

Nga

Çështja Ylli Ndroqi/ Yuri Kim: Jemi me SPAK

Pak pasi Ambasada e SHBA në Tiranë bëri një reagim të fortë lidhur me hetimin e shtetasit Ylli Ndroqi nga SPAK, ka ardhur edhe reagimi i Yuri Kim.

Diplomatja amerikane në Shqipëri deklaron se shpeshherë bëhen fushata për të mohuar të vërtetën dhe për t’i shpëtuar drejtësisë.

Ambasadorja e SHBA thotë se kjo ka të bëjë me dënimin e kriminelëve të njohur, ndërsa thekson se mbështet SPAK-un.



“Rastet e rëndësishme shpesh shoqërohen me fushata të shtrenjta për të ngritur dyshime dhe konfuzion, për të blerë ndikim, për të mohuar të vërtetën, për t’i shpëtuar drejtësisë. Le të jemi të qartë: kjo ka të bëjë me dënimin e kriminelëve të njohur – asgjë më shumë, asgjë më pak. Ne mbështesim fuqimisht SPAK & Policinë”, shkruan ajo në rrjetet sociale.

LEXO EDHE:  Zgjedhjet lokale/ PD zyrtarizon kandidatin për bashkinë e Devollit

LEXO EDHE:  Zëri Amerikës për kongresin e PS/ Rama gjuhë të ashpër dhe ftesë për opozitën

Reagimi i saj dhe Ambasadës së SHBA vjen pas sekuestrimit të pasurisë së pronarit të Ora News Ylli Ndroqi me kërkesë të SPAK./ CNA.al

LEXO TE PLOTE

Politikë

“Besa Shahini shkel sërish ligjin”/ Këlliçi “kap mat” ministren

Publikuar

-

Nga

Kreu i Forumit Rinor të Partisë Demokratike, Belind Këlliçi ka denoncuar një shkelje tjetër të ligjit nga ana e Ministres së Arsimit, Besa Shahini.

Sipas Këlliçit, Shahini ka shkelur ligjin duke mbajtur anëtare të Bordit të Akreditimit brenda Ministrisë, zv. Guvernatoren e Bankës së Shqipërisë, pozicion i papajtueshëm me asnjë funksion tjetër në varësi të qeverisë.

Kreu i Formuit Rinor sqaron se Znj. Luljeta Minxhozi është votuar nga parlamenti si anëtare e Këshillit Mbikqyrës të Bankës së Shqipërisë, është ndërkohë zv. Guvernatore e Bankës, por njëkohësisht është edhe nëpunëse e Besa Shahinit, në shkelje flagrante të ligjit.

Përmes një postimi në rrjetet sociale, Këllici i bën thirrje ministrës që sa më shpejt të jetë e mundur, të rikthejë Ministrinë e Arsimit në shinat e ligjshmërisë, të mbrojë interesin e studentëve e rinisë dhe të zbatojë ligjin.



“Minstrja në ikje e Arsimit, Besa Shahini kapet sërish në paligjshmëri!
Pasi ia doli të organizojë zgjedhje moniste edhe në universitete, pasi goditi mijëra maturantë me tezën e gjuhës dhe letërsisë me idiote që ka parë vendi, Ministrja në ikje e Arsimit, Besa Shahini shkel sërish ligjin duke mbajtur anëtare të Bordit të Akreditimit brenda Ministrisë, zv. Guvernatoren e Bankës së Shqipërisë, pozicion i papajtueshëm me asnjë funksion tjetër në varësi të qeverisë.
Sipas ligjit, anëtarët e Bordit të Akreditimit të universiteteve propozohen nga Ministri i Arsimit për emërim ose shkarkim dhe emërohen ose shkarkohen me miratimin e Kryeministrit.

Znj. Luljeta Minxhozi është votuar nga parlamenti si anëtare e Këshillit Mbikqyrës të Bankës së Shqipërisë, është ndërkohë zv. Guvernatore e Bankës, por njëkohësisht është edhe nëpunëse e Besa Shahinit, në shkelje flagrante të ligjit.
E kuptojmë që për një ministre që ka një rekord absolut dështimesh, që ka guxuar të organizojë zgjedhje pa 75% të studentëve në universitete, që nuk garantoi asnjë masë mbrojtjeje në auditore gjatë pandemisë shkaktuar nga Covid-19, ky standard është plotësisht i pranueshëm, por i bëjmë thirrje që sa më shpejt të jetë e mundur, të rikthejë Ministrinë e Arsimit në shinat e ligjshmërisë, të mbrojë interesin e studentëve e rinisë dhe të zbatojë ligjin hera-herës…!

LEXO EDHE:  Foto/ Të rinjtë e PD-së “prangosin” kryeministrin Rama

LEXO EDHE:  Protesta e opozitës/ Zbulohet çfarë do të bëjë atë ditë kryeministri Rama

Sa për sqarim të opinionit publik, Bordi i Akreditimit është një organ kolegjial vendimmarrës dhe i pavarur në veprimtarinë e tij, i cili funksionon pranë ASCAL. Veprimtaria dhe funksionimi i BA është e përcaktuar në ligjin e “Arsimit të lartë” nr 80/2015, ligjit nr. 8480, datë 27.05.1999, për “Funksionimin e organeve kolegjiale”, në vendimin e Këshillit të Ministrave nr. 109, datë 15.02.2017 si dhe rregulloren e funksionimit të tij.
BA është i përbërë nga 11 anëtarë nga të cilët minimalisht 3 dhe maksimalisht 5 duhet të jenë të huaj. Të gjithë anëtarët janë personalitete të botës akademike me nje eksperiencë të gjatë në mësimdhënie dhe kërkim shkencor brenda dhe jashtë territorit të RSH.
*Anëtarët dhe kryetari i Bordit emërohen dhe shkarkohen nga kryeministri me propozimin e ministrit përgjegjës për arsimin.
*Mandati i anëtarëve të BA është 4 vjet. Bordi i Akredimit u emërua me urdhër të Kryeministrit nr. 32, datë 17.03.2017 dhe organizoi mbledhjen e tij të parë në datën 07.04.2017
*BA është vazhdues i punës së Këshillit të Akreditimit i krijuar në bazë të ligjit të “Arsimit të lartë” nr. 9741, datë 21.05.2007. Ligji i ri i arsimit të lartë dhe kërkimit shkencor, nr. 80/2015, i jep fuqinë BA për të marr vendimin përfundimtar mbi akreditimin e institucioneve të arsimit të lartë dhe programeve që ato ofrojnë”, shkruan Këlliçi./CNA.al

LEXO TE PLOTE

Politikë

Patozi: PD e humbi shansin të ishte lokomotivë e ndryshimit, ne mund të ishim vagon

Publikuar

-

Nga

Patozi: PD e humbi shansin të ishte lokomotivë e ndryshimit, ne mund të ishim vagon

Koordinatori i Bindjes Demokratike, Astrit Patozi mendon se marrëveshja e 5 qershorit nuk ishte ajo që pritej prej politikës shqiptare, të paktën partisë së cilës dikur i përkiste, asaj Demokratike.

“PD, e humbi këtë shans. Ajo kishte shansin historik që të ishte lokomotiva e ndryshimit të madh në Shqipëri dhe ne sigurisht do të ishim një nga vagonët, nëse do të na pranonin. Gjithsesi e kemi ndërtuar rrugëtimin tonë jo të kushtëzuar me rrugëtimin e të tjerëve”, tha koordinatori i Bindjes Demokratike, i ftuar në Ditarin e A2.

Duke komentuar skemën e re të përzgjedhjes së kandidatëve për deputet në PD, Patozi tha: “Ky komision do të shërbejë për ta shpëtuar Lulzim Bashën nga përgjegjësia. Që do të thotë, pakënaqësitë e atyre që nuk do ta gjejnë veten te listat e deputetëve do t’i shkarkohen komisionit, kurse meritën e gëzimit që do të mbeten në listë do ta marrë Basha. Është njëlloj si me tenderët. Askush nuk e di kush ishte në komisionin e caktimit të fituesit, por të gjithë merren me kush e dha dhe kush e fitoi tenderin”.

Patozi mendon se ka ardhur momenti që shqiptarët të kenë më shumë se dy mundësi në zgjedhje. “Tashmë i kanë provuar të gjitha llojet e aleancave të qelbësirave, një term i rëndë por që e kanë përdorur kundër njëri-tjetrit. Nëse do të kishim vetëm dy alternativa do të ishim në vendnumëro. Sot është koha që kjo shoqëri të prodhojë forca të reja politike, të ndryshme nga dy blloqet e vjetra dhe të zakonshme të politikës primitive në Shqipëri”, tha ai.



“Ftesa ime ishte për çdo aktor politik që do ndryshimin dhe jo thjesht rotacionin, çdo politikan që mendon që mund të ketë rol në zgjedhjet e ardhshme duhet të guxojë. Nëse kjo nuk ndodh, ajo që vjen pas zgjedhjeve do të jetë edhe më keq se sa jemi sot. Përveç markës së të fortit do të kenë edhe markën e demokratit, ndërkohë që nuk kanë qenë asnjëherë në këto dy dekada. Elektorati shqiptar ka qenë i dorëzuar dhe iu përshtatur me rrethanat ku dy aktorët kryesorë e kanë detyruar të zgjedhë të keqen më të vogël. Ky është rasti që diga ka një të çarë, një mundësi që nëse nuk shfrytëzohet, ne mund të kalojmë edhe 30 vite të tjera e të mos bëjmë asnjë hap përpara”.

LEXO EDHE:  Zgjedhjet lokale/ PD zyrtarizon kandidatin për bashkinë e Devollit

LEXO EDHE:  Financat i përgjigjen PD-së/ Nuk kemi bërë privatizim me Edmond Begon

Bindja Demokratike është në dispozicion të çdo fronti që është kundër dy blloqeve të politikës, shtoi Patozi, të cilët na e kanë dhënë sinjalin sesi e duan ata Shqipërinë. “Kjo është marrëveshja e 5 qershorit, që tregon se ata duan t’i lënë gjërat siç janë. Ne e dimë se çfarë na pret. Ne duhet t’i primë zemërimit popullor për këtë politikë primitive, e t’i japim publikut alternativë tjetër. Unë mendoj se ky është çast historik që publiku të prodhojë forca të reja dhe pse jo, një koalicion opozitar që të jetë një alternativë e re për Shqipërinë”, tha ai.

“Mendoj që në shtator, ata që kanë ndërmend të luajnë një rol në politikën e këtij vendi, mendoj që do ta nxjerrin kokën në shtator. Nuk ka arsye pse të presin më, madje do të thosha që janë të vonuar. Nëse nuk zbresim në fushë, do të thotë që ua kemi lënë vendin qeverisë së korruptuar të Edi Ramës dhe opozitës së lodhur të Lulzim Bashës. Nëse nuk ia japim publikut këtë mundësi do të thotë që jemi të pajtuar me dy blloqet e mëdha dhe do të themi që do të zgjedhim gjithmonë të keqen më të vogël. Ne do të japim kontribut në këtë lloj sipërmarrje. Me listat e hapura ne kemi vetëm 2 rrugë, ose çdo parti të futet me listë më vete, ose disa parti të kenë një listë të përbashkët. Hezitimi i PD është një taktikë hileqare që e bën për të mbajtur “me gajret” aleatët nga frika se mos i ikin. Bindja Demokratike është e prirur të hyjë në një listë me forca të ngjashme që kërkojnë ndryshimin jo thjeshtë rotacionin”.

LEXO TE PLOTE