Connect with Us

Vodafone financon rehabilitimin e shkollave të prekura nga tërmeti në Durrës

Sociale

Vodafone financon rehabilitimin e shkollave të prekura nga tërmeti në Durrës

Publikuar

-

Vodafone Albania i përgjigjet emergjencës humanitare të shkaktuar nga tërmeti, që goditi Shqipërinë qëndrore, dy javë më parë. Pas vlerësimit të dëmeve, Vodafone Albania dhe Fondacioni i saj vendosën të dhurojnë 50.000 Euro për rehabilititimit e 3 shkollave në Durrës, projekt i cili do të realizohet nga World Vision Albania.

Shkolla 9 vjeçare “Neim Babameto” në Spitallë, Shkolla 9 vjeçare “Hasan Koçi” në Shkozet, dhe Shkolla 9-vjeçare “Shkolla e Re”, në zonën e Kënetës, u dëmtuan ndjeshëm nga lëkundjet që tronditën Tiranën dhe Durrësin, gjatë muajit të kaluar. Drejtori i Përgjithshëm i Vodafone Albania, z. Achilleas Kanaris, Drejtoresha e World Vision Albania znj. Eljona Elmazi, vizituan shkollat të hënën, ku verifikuan nga afër dëmet dhe domosdoshmërinë e ndërhyrjes.

Pas vizitave në terren, përfaqësuesit e Vodafone dhe World Vision u pritën në një takim edhe nga Kryetarja e Bashkisë Durrës, znj. Valbona Sako e cila shprehu mirënjohje për mbështetjen.

“Ne e vlerësojmë sinqerisht angazhimin e Vodafone dhe World Vision për të vepruar në një moment të vështirë për qytetin tonë. Tërmetet janë ndodhi natyrore që nuk i zgjedhim por ndodhin, dhe njerëzit që u prekën prej tërmetit të ditëve më parë, kanë nevoja, dhe sëbashku mund t’i ndihmojmë” – tha Znj. Sako, Kryetarja e Bashkise Durrës.

LEXO EDHE:  Lajmi i rremë për tërmetin/ Jehonë në mediat ndërkombëtare

Drejtori i Përgjithshëm i Vodafone, z. Achilleas Kanaris deklaroi, “Në momente të tilla, nevoja për të ndërhyrë dhe për të dhënë një kontribut të çdo lloji, ka qënë dhe mbetet prioritet për kompaninë tonë. E vërtetë që fatkeqësitë natyrore janë jashtë mundësive tona për t’i parandaluar, por ne mund të mundësojmë që pasojat që ato lënë pas, të korigjohen sa më shpejt dhe fëmijët të mos humbin asnjë ditë larg bankave të shkollës. Të mësuarit është e vetmja gjë për të cilën duhet të mendojnë fëmijët, të tjerat na takojnë ne”.

“Partneriteti mes institucioneve shtetërore, bizneseve dhe organizatave të shoqërisë civile është thelbësor për të përmirësuar jetën e femijëve dhe ofrimit të shërbimeve të nevojshme dhe cilësore për ta,”- u shpreh znj. Eljona Boçe Elmazi, drejtoresha e World Vision për Shqipërinë dhe Kosovën.

Vodafone Albania dhe fondacioni i saj kanë një histori të gjatë kontributi shoqëror në vend. Përgjatë viteve, përveç investimeve në sektorin e telekomunikacionit, Vodafone gjithmonë i ka kushtuar një vëmendje të veçantë emergjencave civile, duke u përpjekur të ofrojë ndihmën e saj në komunikim, financim dhe madje edhe burime njerëzore.

KLIKO PER TE KOMENTUAR

Komentoni

Your email address will not be published. Required fields are marked *

Sociale

5 fëmijë nga Pogradeci, në Siri/ Gjyshja 70 vjeçare: Ndihmë, mi ktheni në shtëpi

Publikuar

-

Nga

Asije Shuli, nëna 70 vjeçare prej më shumë se dy vitesh vajton humbjen e djalit të saj, Krenarit në luftën krah grupit militant të shtetit islamik . E 6 vite që pret kthimin e nipërve dhe mbesave nga Siria në vendlindje, fshatin Gurras të Pogradecit.

Mbrëmjen e 24 tetorit të 2013, Krenari u largua drejt Sirisë me gruan e tij, Adelinën dhe 3 vajzat, Elonën, Ermën dhe Jusrën e vogël.

LEXO EDHE:  Helmimi i nxënësve në Shkodër/ Reagon Inspektoriati Shëndetësor

LEXO EDHE:  Helmimi i nxënësve në Shkodër/ Reagon Inspektoriati Shëndetësor

Në kamp një tjetër fëmije u erdhi në jetë, Ibrahimi. E më e madhja e vajzave, Elona vetëm 14 vjeç u bë me djalë Suhejdin, që sot është 3 vjeç.

Por tani 5 të miturit kanë mbetur vetëm në terrorin e luftës, pasi e a u vra së fundmi.

Gjyshja 70 vjeçare gati në përgjërim është munduar të tërheq vëmendjen e shtetit, por nuk ka marrë asnjë përgjigje./TCH

LEXO TE PLOTE

Sociale

Shtypi i ditës, 19 tetor 2019

Publikuar

-

Nga

Këto janë disa prej titujve kryesorë të shtypit të shkruar për ditën e sotme, datë 19 tetor 2019:

“Gazeta Shqiptare” hapet me titullin “BE thotë “jo”, vendimi për negociatat në 2020”, ndërsa një tjetër titull vijon “Rrëfehet shqiptarja që befasoi ‘X faktor”, në Greqi”.

“Panorama” hapet me titullin “Legalizimet, lista me 3500 familjet që marrin tapitë”, ndërsa një tjetër titull vijon “Zbulohet përplasja fizike mes tri modeleve VIP, Oriola dhe Kejvina pritë në shtëpi Einxhell Shkirës”.

LEXO EDHE:  Shënim/ Lironi gazetarët, fajtori është në Presidencë

LEXO EDHE:  Vodafone dhe Telecom gjobiten për shkelje të konkurrencës

“Shekulli” ka si titull kryesor “Dështon qeveria Rama, nuk hapen negociatat”, ndërsa një tjetër titull vijon “Vajza e artë e Universitetit të Shkodrës”.

“Telegraf” hapet me titullin “Eurodeputetë të joshur me çanta me euro përcilen nga eskorta qeveritare”, ndërsa një tjetër titull vijon “Gjermania lehtëson dhënien e vizave të punës për shqiptarët”.

LEXO TE PLOTE

Sociale

Artan Fuga denoncon skandalin/ Çfarë ndodhi dje në Akademinë e Shkencave

Publikuar

-

Nga

Akademiku i njohur Artan Fuga vijon të ngrejë zërin kundër asaj çfarë po ndodh në Akademinë e Shkencave, të cilën ai e cilëson si uzurpim dhe puç institucional.

Në një deklaratë për mediar, si anëtar në Akademinë e Shkencave të Shqipërisë, Fuga thekson se shqiptarët dje morën pas qafe edhe uzurpimin e Akademisë së Shkencave nga ana e Skënder Gjinushit dhe bashkëpuntorëve të tij.

“Dje në Akademinë e Shkencave ndodhi ajo që pritej: në mënyrë të paligjshme kryesia e akademisë së shkencave manipuloi asamblenë duke emëruar Skënder Gjinushin në mënyrë të jashtëligjshme kryetar.

Pa miratimin e Presidentit të Republikës sikurse e kërkon ligji, por edhe pa proces votimi, pa zgjedhje, thjesht me vendim të kryesisë!

Zgjedhjet e 24 qershorit u mbyllën me dështim sepse Presidentit e refuzoi emërimin e Skënder Gjinushit, kurse dje u emërua po ky i fundit pa proces të dytë votimi!!!

Pa hyrë në hollësitë e relacionit mbajtur nga Vasil Tole, krejtësisht i pabazë dhe me një kulturë juridike për të qarë hallin, Akademia e Shkencave bëri një veprim pa logjikë ligjore.”-shkruan ndër të tjera Fuga.

Sipas profesor Fugës, “Në këtë mënyrë dje në akademinë e shkencave ndodhi uzurpimi i paligjshëm i një posti publik, krim penal, akademia e shkencave rrezikon që të dali jashtë kuadrit ligjor për çdo shkresë që nënshkruhet nga kryetari i paligjshëm, dhe çdo gjykatë kushtetuese, sapo të krijohet, do ta hedhi në kosh këtë veprim të paligjshëm.”

Deklarata e plotë:

Puç institucional në Akademinë e Shkencave të Shqipërisë. Kryetari emërohet pa zgjedhje!!!

Bashkë me dështimin e negociatave për hyrjen në BE, shqiptarët dje morën pas qafe edhe uzurpimin e Akademisë së Shkencave nga ana e Skënder Gjinushit dhe bashkëpuntorëve të tij!

Dje në datë 18 tetor 2019, ora 11°°, në Akademinë e Shkencave ndodhi ajo që pritej: në mënyrë të paligjshme kryesia e akademisë së shkencave manipuloi asamblenë duke emëruar Skënder Gjinushin në mënyrë të jashtëligjshme kryetar.

Pa miratimin e Presidentit të Republikës sikurse e kërkon ligji, por edhe pa proces votimi, pa zgjedhje, thjesht me vendim të kryesisë!

Zgjedhjet e 24 qershorit u mbyllën me dështim sepse Presidentit e refuzoi emërimin e Skënder Gjinushit, kurse dje u emërua po ky i fundit pa proces të dytë votimi!!!

Pa hyrë në hollësitë e relacionit mbajtur nga Vasil Tole, krejtësisht i pabazë dhe me një kulturë juridike për të qarë hallin, Akademia e Shkencave bëri një veprim pa logjikë ligjore.

Zgjedhjet e 24 majit 2019 Kryesia e ASH konsideroi se i bëri me ligjin e vjetër për akademinë, poashtu detyrohet të pranojë edhe kthimin refuzues të Presidentit po me atë ligj për kandidaturën e Skënder Gjinushit, kurse emërimin e këtij të fundit, e bëri dje pa zgjedhje me ligjin e ri që ka nxjerrë jashtë fuqie ligjin e vjetër.

LEXO EDHE:  Shënim/ Lironi gazetarët, fajtori është në Presidencë

LEXO EDHE:  Plas në Durrës/ Socialistët i vërsulen Valbona Sakos

Gjysma e procesit zgjedhor me një ligj, dhe gjysma tjetër me një ligj tjetër që anullon të parin. Kryesia e akademisë së shkencave, duke më ndaluar dhe censuruar fjalën, por jo votën time kundër, dhe braktisjen e sallës në shenjë proteste, mbledh copa ligjesh dhe përdhos kushtetutën e Shqipërisë në veprim jashtëligjit!

Manipulimi i bërë nga kryesia e ASH është i paprecedent në historinë e Shqipërisë.

Për herë të parë në historinë e ligjeve në Shqipëri ndodh që një proces të legjitimohet me dy ligje kontradiktore ku njeri ka anulluar tjetrin. Gjysma e procesit me një ligj dhe gjysma me një ligj tjetër që ka anulluar të parin.

Kryesia e akademisë së shkencave e ka kthyer institucionin si gjysma gjeli.

Dje ndodhi absurdi. Kryesia e akademisë së shkencave i imponoi asamblesë së akademikëve që një ligj i dalë më vonë të ketë fuqi prapavepruese për të kaluarën e mbyllur. Zgjedhjet e 24 majit 2019 i interpreton me një ligj të tetorit 2019!!! Eshtë njësoj sikur sot të dali një ligj që asnjë veturë që nuk punon me elektrik të mos qarkullojë, dhe mbi bazën e këtij ligji të dënohen ata që përpara daljes së tij tij kanë qarkulluar me vetura me karburant!!!

Në këtë mënyrë dje në akademinë e shkencave ndodhi uzurpimi i paligjshëm i një posti publik, krim penal, akademia e shkencave rrezikon që të dali jashtë kuadrit ligjor për çdo shkresë që nënshkruhet nga kryetari i paligjshëm, dhe çdo gjykatë kushtetuese, sapo të krijohet, do ta hedhi në kosh këtë veprim të paligjshëm.

Një akademi e shkencash po përvijohet në të ardhmen!

Në atë që duhej të ishte shtëpia e së drejtës, e logjikës, e respektimit të ligjit, dje u profanua shteti i së drejtës, u shkel me këmbë ligji, me heshtjen vrastare të Kuvendit të Shqipërisë, të kryeministrit, si edhe të ministrisë së financave.

Që nga dje ne nuk kemi as negociata me BE, as pushtet lokal pluralist dhe demokratik, as Kuvend me deputetë të ligjshëm, as Gjykatë Kushtetuese, kemi një President që Kuvendi kërkon ta shkarkojë, nuk kemi zgjedhje të lira, por nuk kemi as drejtim të ligjshëm të akademisë së shkencave!

Historia, ligja, drejtësia në mos sot, nesër do të bjerë mbi të gjithë ata që e organizuan dhe e zbatuan këtë uzurpim, këtë puç institucional!

Ai fsheh të tjera marifete për të cilat unë kam kërkuar hetim nga Prokuroria, nga deputetët, nga ministria e financave, nga kryeministria!

Sot këta heshtin, por nesër petët e lakrorit do të hapen!

E drejta vonon, por nuk mbytet!/ CNA.al

LEXO TE PLOTE