Connect with Us

Vetëvendosje reagon pas kërkesave për rinumërim të votave

Kosova & Rajoni

Vetëvendosje reagon pas kërkesave për rinumërim të votave

Publikuar

-

Koalicioni NISMA-AKR që drejtohet nga Fatmir Limaj ka kërkuar rinumërim të votave duke qenë se për një numër të vogël votash nuk po arrin të kalojë pragun prej 5 për qind. Deri tani ky koalicion ka marrë 39 mijë 173 vota apo 4,93%, shkruan Gazeta Express.

Rinumërim të votave në nivel vendi ka kërkuar edhe Lidhja Demokratike e Kosovës, duke qenë se pas numërimit të mbi 99 për qind të votave ka marrë vetëm 197 mijë e 53 vota apo 24,82%.

NISMA kërkon kalimin e pragut, ndërsa LDK-ja ende shpreson në përmbysje e fitore duke qenë se diferenca në vota me vendin e parë ( VV-në) është shumë e vogël.

Ndaj këtyre kërkesave për rinumërim ka reaguar zyrtarja e Lëvizjes Vetëvendosje, Albulena Haxhiu, e cila thotë se rinumërim po kërkojnë subjektet të cilat nuk kanë marrë mbështetje nga qytetarët, dhe po kërkojnë që të gjejnë shpëtim.

Haxhiu thotë se përkrahësit e Vetëvendosjes nuk duhet të shqetësohen pasi në qendrat e numërimit kanë personat përgjegjës që do të ruajnë vullnetin e qytetarëve.

“Që nga mëngjesi, kam pasur shumë mesazhe dhe telefonata nga qytetarë, miq e familjarë. Janë të shqetësuar lidhur me ndonjë tendencë për manipulim votash pas kërkesës për rinumrim.Qëndroni të qetë, mos u shqetësoni. Ne kemi personat përgjegjës që janë gardianët e vullnetit të qytetarëve. Padyshim subjektet që nuk kanë marrë mbështetjen nga qytetarët, tentojnë të gjejnë shpëtim nga rinumrimi.Qytetarët kanë folur me 6 tetor.Vullneti i tyre do të jetësohet”, ka shkruar Haxhiu në profilin e saj zyrtar.

Lëvizja Vetëvendosje në zgjedhjet e 6 tetorit ka dalë e para me 202 mijë 532 vota apo 25,51%. Me këtë numër të votave, LVV-së patjetër do t’i duhet që të gjejë një partner për krijimin e një koalicioni.

Nga LDK kanë thënë se po presin që të numërohet edhe vota e fundit, dhe më pas do të flasin për një koalicion të mundshëm me Lëvizjen Vetëvendosje./GazetaExpress

Zgjedhjet në Kosovë/ LDK, PDK dhe NISMA kërkojnë rinumërim të votave në nivel vendi

KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Zgjedhje të parakohshme në Maqedoninë e Veriut/ Athina hesht

Publikuar

-

Nga

Qeveria greke qendron e tërhequr lidhur me zgjedhjet e parakohshme në Maqedoninë Veriut – edhe sepse emri i këtij vendi për shumë njerëz në Greqi është një temë delikate.

Ata s’kanë çfarë kërkojnë në BE,” gjëmonte të shtunën në mbrëmje zëri i një gruaje nga Veriu i Greqisë në një radio lokale. Me këtë ajo mbështeste parafolësin, që lidhur me këtë çështje vërente: „Ata e kanë gjetur varrin e motrës së Aleksandrit të Madh tek ne”; duke iu referuar zbulimeve të artifakteve gjatë gërmimeve për metronë e Selanikut. Edhe më shumë se një vit pas marrëveshjes së Prespës, tek shumë grekë ndizen emocionet e romantikës së lashtë. Ndërkohë që zhvillimet politike në Maqedoninë e Veriut nuk kanë të bëjnë aspak me antikitetin.

Pasi Franca dhe Holanda refuzuan hapjen e negociatave të antarësimit mes BE-së dhe Shqipërisë e Maqedonisë së Veriut, është e pasigurtë edhe e ardhmja e kryeministrit Zoran Zaev. Më 2018 ai përmes referendumit kërkoi që maqedonasit të votojnë për ndryshimin e emrit të vendit, për të mbyllur grindjen prej dekadash me Greqinë. Për këtë ai i joshi qytetarët me premtimin e pasaportave europiane dhe fundit të shumëpritur të izolimit politik dhe ekonomik. Pas Jo-së nga Brukseli tani u shpallën zgjedhje të reja në prill.

Aspak mbështetje për marrëveshjen e Prespës

Për njerëzit në pjesën greke të Maqedonisë nuk ndryshon gjë prej bllokadës së BE-së. Marrëveshja e Prespës mbetet e padëshiruar prej tyre. Nëse i pyet njerëzit se çfarë mendojnë për refuzimin BE-së për hapjen e negociatave të antarësimit, shumica tkurrin fytyrën dhe nuk duan të përgjigjen. Shumë pak janë të gatshëm të japin një përgjigje: „E gjitha çfarë mund të ndodhë tani, mund të jetë vetëm e gabuar”, thotë një shtëpiake 46 vjeçare. Ka vetëm një Maqedoni e ajo është greke. Sa i përket grindjes për emrin kryekëput gjithçka është e gabuar. Vendimi nga Brukseli nuk është gjë tjetër veçse një reagim zinxhir prej kësaj.

Të rinjtë nën dyzet vjeç janë më të shpenguar për këtë çështje. „Ndoshta është më mirë, që të qetësohen një herë gjërat, përpara se të pranohen në BE.” , thotë një studente 26 vjeçare. Një kuzhinier 37 vjeç e konsideron të gabuar vendimin e Brukselit: „Ata e vunë të gjithë këtë proces në lëvizje, për t’u antarësuar në BE. Kjo duhet të vlerësohet.”

Heshtje nga ana e qeverisë

Ndërkohë Athina është e tërhequr duke heshtur pa reaguar. Përpara samitit të BE-së kryeministri Kyriakos Mitsotakis deklaroi, se është për fillimin e bisedimeve të antarësimit me Shqipërinë dhe Maqedoninë e Veriut. Në një konferencë shtypi pas vendimit në Bruksel ai u përgjigj tërthorazi dhe iu shmang sikurse bën në shumicën e daljeve publike përmendjes së emrit Maqedonia e Veriut. Ai përdori vetën e parë të shumësit, sikur t’i duhej atij që të kujtonte Tiranën dhe Shkupin, që Greqia në kuadrin e konflikteve rajonale, ka epërsinë europiane: „Ne (shën. Red.: kryeministrat e vendeve anëtare të BE-së) ndërkohë nuk mund të hapim bisedimet me dy vendet fqinjë.” Në këtë kontekst ai theksoi, se Greqia e mbështet antarësimin e vendeve të Ballkanit Perëndimor në BE.

LEXO EDHE:  “Një votë 50-100 euro”/ Pandeli Majko e thotë hapur: “Zgjedhjet janë blerë”

Lidhur me zgjedhjet e reja që u shpallën në fundjavë, ndërkohë ende nuk ka reagime në Athinë. Stavros Tzimas, gazetar dhe ekspert i Ballkanit në gazetën prestigjoze „Kathimerini”, thotë, se ky reagim nuk të habit: „Qeveria e Mitsotakis nuk është e gatshme të përzihet në mënyrë aktive në këto zhvillime. Ai ka bërë të qartë, se nuk do të dalë kundër marrëveshjes së Prespës. Por sigurisht që nuk është i interesuar, që të nisë nëj debat i mëtejshëm për këtë marrëveshje, ndaj së cilës ai vet ka votuar kundër.”

Kritikë nga ish-kryeministri Tsipras

Alexis Tsipras, udhëheqësi i opozitës dhe ish-kryeministri që më 2018 ishte përgjegjës për kompromisin për kontestin e emrit, e kritikon heshtjen e Mitsotakisit. Në një kohë, kur BE konfrontohet me pasojat e vendimit të saj, për mosdhënien e dritëss ë gjelbër negociatave me Maqedoninë e Veritu dhe Shqipërinë, Greqia duket inekzistente. „Kryeministri grek, që nuk guxon ta përmendë emrin e vendit fqinjë, e ka pranuar fatin e vendit fqinj dhe të Shqiëprisë lidhur me antarësimin në BE, pa kërkuar një herë që të reformohet atje situata ligjore e pakicës greke.”

Partia e Tsiprasit SYRIZA e akuzon qeverinë, se nuk është angazhuar sa duhet për antarësimin e Maqedonisë së Veriut dhe Shqipërisë, thotë Stavros Tzimas. Ai tërheq vëmendjen, se „do të kishte qenë më mirë për të gjithë që ky kapitull të sqarohej një herë e përgjithmonë përmes antarësimit në BE.” Tani duhet pritur, se si do të zhvillohen gjërat. Shansi, që Zoran Zaev t’i humbasë zgjedhjet është i madh. Dështimi i premtimit për BE-në është vetëm një arsye: „dhe pavarësisht disa hapave për reforma dhe politikës së jashtme, qeveria e tij në sytë e shumë njerëzve thuajse nuk dallon nga politika nacional-konservatore e parardhësit të tij Gruevski. Skandale, korrupsion dhe manipulime në drejtësi janë të përditshme, vetëm se kësaj herë nën mantelin e socialdemokracisë.”
Tani është i madh rreziku, që njerëzit në Maqedoninë e Veriut dhe në Shqipëri të distancohen nga Europa dhe të gjejnë mbështetës të tjerë, vëren Tzimas. Me këtë ai ka parasysh Moskën, që konkurron me Perëndimin për influencë në rajon. Kjo nuk është aspak në interes të BE-së dhe në këtë mënyrë edhe të Greqisë që humasin pushtet në rajon në favor të Rusisë./DW

LEXO TE PLOTE

Kosova & Rajoni

Albin Kurti flet me emra/ Ja kush janë oligarkët që po rrjepin qytetarët

Publikuar

-

Nga

Lideri i Lëvizjes Vetëvendosje, Albin Kurti mbrëmjen e djeshme ka folur për të ashtuquajturit oligarkët e Kosovës, të cilët kanë të gjithë pushtetin ekonomik.

I ftuar në ‘Çim Peka Live’ në Syri TV, Kurti ka folur edhe me emra, duke përmendur koorporatën Devolli, e cila sipas tij kontrollon edhe doganat e Kosovës dhe që do të goditet së shpejti në paligjshmërinë e saj.

Po ashtu ai tha se për pjesën pajustifikueshme do të ketë dhe duhet të ketë konfiskim.

“Në Gjermani ekziston një ligj prej më shumë se një dekade i cili obligon të gjitha bizneset që të zbulojnë origjinën e kapitalit të tyre përballë çdo investimi dhe prokurorimi. Ne në Kosovë nuk e kemi këtë gjë. Evazioni fiskal merr fund me ne. 1/3 e biznesit në Kosovë është jashtë ligjit.

LEXO EDHE:  “Një votë 50-100 euro”/ Pandeli Majko e thotë hapur: “Zgjedhjet janë blerë”

Për pjesën pajustifikueshme do të ketë dhe duhet të ketë konfiskim. Tashmë kemi një koorporatë në Kosovë, kjo është Devolli.

Kjo koorporatë thuhet se është e rëndë gjysmë milardi euro. Ata kanë edhe doganat e Kosovës.

Ku midis depove të tyre të tyre dhe doganave të Kosovës nuk ekziston asnjë depo. A e dini që kur një bashkëatdhetari tonë i vjen një Mercedes Benz, kontrolli i këtij duhet të kalojë fillimisht te këta këta.

Pra gjermanët dështojnë por Devolli nuk dështon. Kjo do marrë fund njëherë e mirë”-tha Kurti.

LEXO TE PLOTE

Kosova & Rajoni

U helmuan nga zarfat e ardhur nga Serbia/ Lënë spitalin 12 komisionerët në Kosovë

Publikuar

-

Nga

12 numëruesit e votave dhe komisionerët e KQZ së Kosovës të cilët u helmuan nga zarfat me vota të ardhura nga serbia, kanë lanë sot Qendrën e Klinikës Infektive të Prishtinës.

Testat laboratorike konfirmuan se ata nuk vuan nga infeksion ngjitës dhe për rrjedhojë mund të vazhdojnë punën normalisht.

Në 13 tetor, 12 komisionerë të zgjedhjeve u helmuan nga disa zarfa me vota të ardhura nga Serbia. Ata shfaqen skuqje të lëkurës, djegie, enjtje të syve etj. Serbia akuzoi Kosovën se po e inskenon këtë rast për shkak të marrëdhënieve të tendosura midis dy vendeve./CNA.al

LEXO TE PLOTE