Connect with Us

Sistemi apo njerëzit/ Kush i shkatërron zgjedhjet në Shqipëri

Politikë

Sistemi apo njerëzit/ Kush i shkatërron zgjedhjet në Shqipëri

Publikuar

-

Të dielën në Kosovë u mbajtën zgjedhjet e parakohshme, me një proçes të shkëlqyer dhe të lavdëruar nga të gjithë.

Një shtet 12-vjeçar, i cili për të disatën herë jep një leksion demokracie, jep një leksion qytetarie europiane me standarte të padiskutueshme, të cilat u treguan me një pjekuri të pashembullt për Ballkanin Perëndimor.

I gjithë debati i hapur së fundi në Shqipëri, dhe kriza e pretenduar politike ka vetëm një përfundim, zgjedhjet dhe votën e lirë. Pretendohet se në Shqipëri s’ka zgjedhje, nuk ka votë të lirë, vidhet, blihet grabitet nga kriminelë e banditë, të cilët vendosen në parlament, e kështu me radhë.

Palët akuzojnë njëra-tjetrën dhe kjo histori vazhdon prej vitesh.

Janë të pakta rastet kur rezultati i zgjedhjeve është i gjithëpranuar dhe s’ka pasur kontestime.

I pari është ai i vitit 1992 kur u shemb sistemi komunist.

Rezultati i dytë është ai i vitit 2005, ku socialistët në pushtet, dorëzuar pushtetin tek Sali Berisha.

Rezultati i tretë i njohur është ai i 2013-ës, kur PD dorëzoi pushtetin tek Rilindja dhe Ilir Meta, megjithëse Berisha në atë kohë hodhi një akuzë “aleanca e qelbësirave”, që u bashkuan kundër tij.

rama dergon meten ne kushtetuese

Gjithësesi, përtej këtyre detajeve, në Shqipëri vetëm tre herë janë njohur zgjedhjet, megjithëse kemi pasur çdo katër vite procese zgjedhore, kemi pasur zgjedhje të parakohshme si në ’97, armë të rrëmbyera, zgjedhje të pjesshme lokale, deri së fundi në 30 qershor, kur patëm zgjedhjet administrative me më shumë se gjysmën e njësive, me vetëm një kandidat.

Por, pas asaj që ka ndodhur në Kosovë dhe një analizë të shkurtër që bëmë në retrospektivën e zgjedhjeve tona, pyetja e thjeshtë është: Problemi në Shqipëri vjen nga njerëzit apo nga sistemi?

Sistemi fillimisht mazhoritar, i përzier me proporcional, që ishte më i drejtpërdrejtë, dhe tashmë një sistem proporcional rajonal me lista të mbyllura, në dorën e kryetarëve të partive.

Po të analizojmë sistemin del se ka dështuar në dy apo më shumë raste. Ka dështuar në vendosjen e emrave nga kryetarët, të cilët janë thuajse “mbretër” të partive të tyre. Emrat vendosen personalisht, për pazare dhe interesa klienteliste apo kontrolli në zona të caktuara. Vendosen vetëm besnikët e kryetarit, kritikët largohen, ata që kanë një këndvështrim tjetër, nuk janë pjesë e listës së deputetëve.

Kështu ka ndodhur në 2009 kur Edi Rama bëri spastrimet e para brenda PS-së, por edhe Berisha pati jo pak probleme me listën e vitit 2009, kur largoi disa emra të spikatur, duke i mënjanuar ata.

E njëjta situatë ndodhi në vitin 2013, kur Rama i hapi rrugë të plotë spastrimit të partisë dhe vendosi në krye të listave, dhe fitues futi një pjesë të sektit të Mjaft-it dhe Soros në Shqipëri. Gjithashtu edhe Berisha vazhdoi me spastrime, por shumë pak goditje, sepse në atë moment i duhej mbështetja në parti.

avokati zbulon marreveshjen

Në 2017 për herë të parë listat e PD-së i përgatiti Lulzim Basha, i cili përdori një operacion “fshesa” ndaj senatorëve, e cila prej tij dhe shumë analistëve shikohet si shkaku kryesor i humbjes së Lulzim Bashës dy vite më parë, pas një marrëveshje me Edi Ramën. Ku Basha mori gati 250 mijë vota më pak sesa Berisha, vitin e një katastrofe elektorale.

Një proces zgjedhor i shkëlqyer në 2017-ën. Pa asnjë incident, pa asnjë përplasje, një diferencë shumë e madhe votash, e cila sado që të ketë ndikim të krimit dhe bandave brenda saj, më shumë tregon sesa është e pamundur të bësh një përmbysje të një force politike pa pasur një frymë besueshmërie në opinionin publik. Sepse këtë e tregoi 2013-ta. Në kët vit Berisha me gjithë pushtetshmërinë e tij dhe makinën elektorale të shtetit humbi dhe u dorëzua me gati 330 mijë vota më pak se koalicioni i LSI-së me socialistët e Rilindjes.

Ç’ka tregon se sistemi mund të sjellë përmbysje. Mund të sjellë barazim si në vitin 2009, mund të sjellë edhe katastrofa si në 2017-ën për opozitën. Por, mund të ringjallë edhe shpresë. Problemi në vetvete nuk është sistemi.

Problemi në vetvete janë vetë partitë, janë kryetarët e partive. Kosova na e tregoi shumë mirë.

Në rast se në Shqipëri do të kishte ndodhur ajo që ka ndodhur në Kosovë, që kaloi LDK para me disa mijëra vota, më pas rezultati i përmbys dhe udhëhoqi Vetëvendosja sërish me disa mijëra vota, në një situatë të tillë, gjysmat e qendrave të votimit do të ishin bllokuar. Grupet e numërimit të votave do të kishin pushuar numërimin, duke parë se rezultati do të kalonte sa në një krah në një krah, do të bëheshin kalkulimet se cilat kuti duhet të dilnin të vlefshme, cilat të pavlefshme. Do të tentohej të prisheshinm vula, të hiqeshin vula, të hiqeshin materiale, fletë, dokumenta të ndryshme, për të krijuar një kaos dhe një konfuzion, për të mos i dhënë mundësi palës tjetër të fitojë. Pra, për ta sabotuar kundërshtarin, e kështu me radhë.

LEXO EDHE:  Foto-Sloganët e protestuesve/ Ramës i “presin biletën”  

Ndërsa në Kosovë kjo nuk ndodhi. Votimi vazhdoi i qetë, procesi i numërimit po ashtu, për më tepër në atë vend voton edhe diaspora. Gjithçka duket e qartë dhe e pastër në dritën e diellit, palët pranojnë rezultatin. Një shembull Kadri Veseli, i cili pas dy orësh del dhe pranon humbjen.

Ndërsa në Shqipëri, ende sot nuk është pranuar humbja në shumë e shumë zgjedhje.

Kujtojmë këtu 2009-ën, Edi Rama nuk e pranoi kurrë por tha “hap kutitë, ose largohu”.

Shkojmë në 2011, e cila është edhe një preçeden i pashembullt në llojin e vet, ku Rama nuk e pranoi humbjen, por krahasuar me zgjedhjet në Kosovë do të ishte e llahtarshme. Që të bllokohej, të dilte njëra palë përpara. Më pas të mblidhej KQZ-ja, të rinumëronte kutitë, e kështu me radhë.

basha

Në 2017, Lulzim Basha bëri një marrëveshje me Edi Ramën. Dhe sot pas dy vitesh u kujtua dhe thotë “ky i bleu votat, ky mi vjedhi votat”, megjithëse ishin të dy në një marrëveshje, ishin të dy për të blerë vota, ishin të dy për të vjedhur vota dhe “viktima” e tyre ishte LSI-ja. Kjo e fundit në fakt nuk është se ra, por u shtua në vota sepse gjithmonë shikohet si një pol i tretë, proqeverisës, që do të ishte në pushtet me cilëndo parti që do të vinte.

Prandaj, në vetvete nuk është problem sistemi, por menaxhimi i sistemit nga njerëzit. Janë vetë njerëzit, kryetarët e partive dhe mentaliteti i tyre që çon në shkatërrim të zgjedhjeve në Shqipëri.

Nuk shkojnë vetë komisionerët të tërhiqen dhe të thonë nuk i numërojmë më votat. Nuk i prishin procesverbalet vetë, nuk i bllokojnë qendrat e votimit vetë. Ato janë të gjitha me urdhërat e kryetarëve të degëve, nga qendra, kandidatëve për deputetë apo kandidatëve për kryebashkiakë.

Pra, skenarët që funksionojnë janë mosbesueshmëri dhe qëllimi në vetvete është dëmtimi dhe vjedhja. Ti marrim ç’ti marrim kundërshtarit, ta dëmtojmë sa më shumë, jo duke respektuar një parim, që secili të marrë votat e tij dhe askusht të mos trazojë pjesën e tjetrit, por kundërshtari të shihet dhe të vlerësohet, jo të anatemohet dhe grabitet, siç ndodh në Shqipëri.

Pra, kjo ka të bëjë shumë me mentalitetin dhe sjelljen politike të këtyre 30 viteve në Shqipëri. Ç’ka çon shpesh ujë tek ideja se problemi nuk është sistemi zgjedhor në Shqipëri.

Ndoshta ky vertëtë mund të ketë ndonjë kleçkë tek tuk, por nuk është sërish ai problemi. Nuk është ai që përmbys dhe rregullon. Është mentaliteti në të dy faktet që përmendem më sipër. Pra, administrimi i zgjedhjeve nga vetë partitë, në piramidën nga poshtë deri lart dhe administrimi i partisë nga kryetarët, nga lart deri poshtë.

Pra, janë kryetarët e partive që bëjnë listat. Janë kryetarët e partive që vendosin emrat dhe japin urdhërat për shkatërrimin e zgjedhjeve. Janë po këta kryetarë, të cilët nuk besojnë tek kundërshtarët. Krijojnë incidente, krijojnë përplasje, blejnë vota. Çka do të thotë se në finale problemi ynë nuk është sistemi. Problemi i Shqipërisë me zgjedhjet janë njerëzit dhe vetëm njerëzit. Ata që menaxhojnë dhe drejtojnë politikën shqiptare. Problemi është Edi Rama, është Ilir Meta, është Lulzim Basha dhe kastat rreth tyre. Asgjë më tepër sesa kaq.

Në rast se duan që në Shqipëri të ketë zgjedhje duhet që këto palë të ulen dhe të ndajnë një herë e mirë shapin nga sheqeri. Duke vendosur që të ketë zgjedhje me parime dhe me vlerësime, jo me luftë vjedhje dhe abuzime./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

Nga Luan Rama/ Presidenti Macron, “armiku i jashtëm” i Edi Ramës!

Publikuar

-

Nga

Eshtë e ligë dhe fyese përpjekja e Edi Ramës për ta transferuar përgjegjësinë për mosçeljen e negociatave me BE-në nga vetja dhe qeveria e tij, tek Presidenti i Francës, a thua se punët e Shqipërisë shkojnë për mrekulli e nuk ka se për çfarë të reflektojmë e të ndjejmë përgjegjësi.

Presidenti Macron e ka shfaqur edhe më herët qëndrimin e tij ndaj zgjerimit të BE-së dhe standardeve që aplikohen në terësinë e këtij procesi, gjë që edhe Kryeministri Rama, edhe drejtuesit në ikje të BE-së e kanë ditur edhe kur rrekeshin të bindnin shqiptarët që të besonin gënjeshtrën e tyre se Shqipëria i kishte çelur negociatat; një herë në nëntor 2016 e më pas edhe në qershor 2018, ndaj nuk ka se përse të bëjnë të habiturin me konseguencën e qëndrimit të Presidentit të Francës.

Nëse zoti Macron nuk ka besim në raportet e burokratëve të Komisionit Europian, veçmas në vlerësimin e tyre për Shqipërinë, kjo nuk mund të shërbejë si alibi që Kryeministri i Shqipërisë t’i fshehë dështimet e tij dhe të qeverisë që kryeson, me atë që ai e quajti në mënyrë spekulative “përplasja e madhe mes Francës dhe Gjermanisë”.

Ndërkaq, nëse Kancelarja Merkel, referuar vendimit të parlamentit gjerman ishte për çeljen e negociatave me Shqipërinë, po për çelje jo dje e sot, dhe as nesër apo pasnesër, po për çelje pasi të plotësohen më parë nëntë kushtet e vendosura nga Gjermania, dhe Presidenti Macron ishte për të mos i çelur, ketu nuk kemi të bëjmë as me përplasje dhe aq më pak me përplasje të madhe franko-gjermane.

Nuk kemi të bëjmë as me ndonjë komplot padrejtësie siç proklamojnë jo prej naivitetit shërbëtorët e përherehëm të pushtetit, por kemi të bëjmë në fakt me të njejtin qëndrim ndaj Shqipërisë, pavarësisht “PO-së” gjermane me kushte dhe “JO-së” francaze pa kushte, që në përmbajtjen e vlerësimit nuk kanë diferenca thelbësore.

Nëse duam ta lexojmë me realizëm qëndrimin gjerman, pra nëse duam t’i kuptojmë kushtet e vëna paraprakisht prej Bundestagut, do të gjejmë në e ndër to se cili është në fakt realiteti politik në Shqipëri, që bëri të kishim kundër jo vetëm Francën, por edhe vende si Holanda, Danimarka, Spanja etj. që bëhen edhe më shumë nëse do ti shkojmë më tej pastaj perqasjes së qëndrimit të tyre mes Shqipërisë dhe Maqedonisë së Veriut.

“Nuk është e vërtetë që ka patur konsensus të gjerë gati unanim për Shqipërinë dhe Maqedoninë e Veriut”. – tha pa asnje ekuivok Presidenti Macron. E me tej ai nënvizoi se: “Ndërkohë që për Maqedoninë pjesa më e madhe e vendeve ishte mbështetëse, për çeljen e negociatave për Shqipërinë ishte e kundërta. Shumica nuk mbështetën hapjen e negociatave me Shqipërinë. Duhen plotësuar kushtet”. Kështu tha në konferencën për shtyp Presidenti Macron.

Mjafton pra që dikush me sado pak aftësi intelekti për të kuptuar, ta lexojë qendrimin e sipërcituar, e do të vërejë se nuk është Franca, por qeveria shqiptare e me drejtpërdrejt kryeministri i saj që bllokoi çeljen e negociatave të Shqipërisë me BE-në.

Realiteti shqiptar i dominuar nga konflikti politik dhe kriza e qeverisjes, nga kriza parlamentare dhe ajo e besimit ndaj institucioneve, nga korrupsioni e krimi qeverisës, e mbi të gjitha, nga krimi elektoral i vjedhjes së votave që deformon vullnetin e qytetarëve dhe imponon në konfigurimin parlamentar vullnetin e grupeve kriminale, janë në fakt arsyet se përse për të mbrojtur qëndrimin e tij kundër zgjerimit të BE-së pa bërë më parë reformimin e saj, e bënë Shqipërinë argumentin e parë e të pakundërshtueshëm të Presidentit Macron.

Por, meqë kryeministri i pari e pas tij edhe disa të tjerë si ai apo në shërbim të tij e kanë drejtuar gishtin për të na treguar se fajtor që Shqipëria dështoi në çeljen e negociatave me BE-në është Presidenti Macron ( sipas kutit të tyre të vlerësimit përse nuk janë fajtorë edhe kryeministrat e
Holandës dhe Danimarkës që gjithashtu mbajtën të njejtin qendrim me presidentin francez), po risjell në vëmendjen e lexuesit disa nga kushtet e parlamentit gjerman, që të gjithë të kuptojmë se jo fshehja pas apo justifikimi me “JO-në” franceze, por realizmi e përgjegjshmëria, refletimi e marrja përsipër e përgjegjësive është ajo që duhet të bëjë e gjithë klasa politike shqiptare, padyshim kryeministri i pari, si personi kryesor përgjegjës në krye të qeverisë.

Në rezolutën e votuar nga parlamenti gjerman theksohet:

Bundestagu i kërkon Qeverisë Federale që:

Në Këshillin e Evropës më datë 17/18 Tetor 2019 të miratohen negociatat e anëtarësimit me Shqipërinë parimisht vetëm me kushtin, që:

a) Konferenca e parë e anëtarësimit të zhvillohet atëherë kur Qeveria Federale të konstatojë plotësimin e kushteve të mëposhtme nga Shqipëria:

– Sigurimi i vënies në punë dhe funksionimit të Gjykatës Kushtetuese si dhe të Gjykatës së Lartë duke angazhuar një numër të arsyeshëm gjyqtarësh dhe prokurorësh të verifikuar.

– Të merret vendim për reformën zgjedhore, e cila të jetë në përputhje të plotë me rekomandimet e OSBE/ODIHR dhe siguron një financim transparent të partive dhe fushatave zgjedhore si dhe të bazohet në rezultatet e komisionit ad hoc të reformës zgjedhore. Rishikimi i draftit të përgatitur atje duhet të bëhet në një dialog të hapur dhe gjithëpërfshirës të të gjitha forcave politike, siç rekomandohet edhe në raportin e ODIHR të datës 5 shtator 2019.

LEXO EDHE:  Donald Trump zgjidhet presidenti i 45-te i SHBA-ve

LEXO EDHE:  Dy ditëlindjet surprizë të 12 qershorit

E më tej, në të njejtin dokument përcaktohet se:

b) Mbajtja e konferencës së dytë të anëtarësimit dhe hapja e negociatave përmes kapitujve të parë të ndodhë, kur qeveria Federale të konstatojë plotësimin e kushteve të mëposhtme nga Shqipëria:

– Zbatimi i ligjit për reformen zgjedhore të inicuar;

– Fillimi i procedimeve penale kundër gjyqtarëve dhe prokurorëve të cilët nuk u kualifikuan në procesin e vetingut për shkak të sjelljes së dënueshme;

– Fillimi i ndjekjes penale dhe eventualisht i proceseve gjyqësore kundër atyre që lidhen me blerjen e votave në zgjedhje, dhe ndjekjen serioze dhe të shpejtë të procedimeve;

– Angazhimi i strukturës speciale për të luftuar korrupsionin dhe krimin e organizuar dhe aftësia e saj për të punuar;

– Progres solid në krjimin e bilanci suksesi në luftën kundër korrupsionit dhe krimit të organizuar në të gjitha nivelet, përfshirë inicimin dhe proçedimet e para të përfunduara kundër nënpunësve civilë dhe politikanëve të nivelit të lartë. Këto përfshijnë hetime proaktive, eventualisht ndjekje penale dhe dënime në lidhje me korrupsionin dhe krimin e organizuar;

– Progres i prekshëm në reformën administrative, përfshirë rishikimin e qëndrimeve të zyrtarëve të lartë dhe drejtorëve, edhe nën këndvështrimin e parregullsive;

– Një vendim përfundimtar për ligjshmërinë e zgjedhjeve lokale të 30 qershorit 2019 nga Gjykata Kushtetuese; nëse urdhërohet përsëritja e zgjedhjeve, ato duhet të zhvillohen në bazë të ligjit të ri zgjedhor.

Pa cituar me tej rezolutën e parlamentit gjerman, cili është ai që ka sado pak mend në kokë që pasi ka lexuar kushtet e mësipërme mund të thotë se Gjermania ishte për çeljen e negociatave?!

Shqipëria është pa Gjykatë Kushtetuese, është edhe pa gjykatë të Lartë. Reforma zgjedhore është e bllokuar, e me qëndrimin arrogant që mban prej kohësh qeveria, nuk ka gjasë të nisë puna pa krijuar më parë kushtet për dialog politik transparent, të sinqertë e funksional.

Ndërsa për kushtin tjetër, atë që është artikuluar qartë e prerë si “Fillimi i ndjekjes penale dhe eventualisht i proceseve gjyqësore kundër atyre që lidhen me blerjen e votave në zgjedhje, dhe ndjekjen serioze dhe të shpejtë të procedimeve”, kush mund të thotë se është plotësuar?!

Apo edhe për këtë e ka fajin Presidenti i Francës?…

Po kushtin tjetër, atë që ka të bëjë me votimet farsë e të turpshme të 30 qershorit, përse e anashkalon kryeministri dhe maxhoranca e tij?!

Parlamenti gjerman kerkon hapjen e negociatava, përveç të tjerave, edhe pasi të ketë: “Një vendim përfundimtar për ligjshmërinë e zgjedhjeve lokale të 30 qershorit 2019 nga Gjykata Kushtetuese; nëse urdhërohet përsëritja e zgjedhjeve, ato duhet të zhvillohen në bazë të ligjit të ri zgjedhor”.

Pra, a ka ndonjë me sado pak mend në kokë që nuk e kupton se çfarë do të thotë “një vendim përfundimtar për ligjshmërinë e zgjedhjeve lokale të 30 qershorit 2019 nga Gjykata Kushtetuese?”. Apo edhe për këtë argument e ka sërish fajin Presidenti Macron?!

Kushtet janë në fakt denoncim i një realiteti skandaloz, që ngado ta kthesh e sido që ta shikosh, nuk bën fajtor Presidentin Macron, por drejtpërdrejt Edi Ramën të parin e më shumë se gjithë të tjerët.

Fatalisht Shqipëria e humbi mundësinë.

Rekomandimi i nëntorit 2016, ishte për çeljen pa kushte! Edhe në vitin 2018 rekomandimi ishte i njejtë, çelje pa kushte!

Por qeveria shqiptare abuzoi, e shpërdoroi besimin dhe vullnetin e mirë mbi të cilin u dhanë rekomandimet pa kushte.

Ndërsa sot realiteti është tjetër; kushtet janë shtuar, vështirësitë gjithashtu.

Por, ndërsa kërkohet që kryeministri të mbajë përgjegjësi si shenjë e parë e reflektimit me seriozitet dhe në të mirë të të ardhmes europiane të vendit, ai na tregon se “armiku i jashtëm” është Presidenti i Francës! Kjo është një përpjekje e ligë dhe fyese. Eshtë paturpësi.

Me këtë qasje të papërgjegjshme dhe provokative, kryeministri shkon në kahje të kundërt me interesat e integrimit europian të Shqipërisë. Ndaj, për sa kohë Edi Rama do të jetë Kryeministër i Shqipërisë, çelja e negociatave do të mbetet përherë e largët!

Meqë Gjermania është sistemi ynë i referimit në aspiratën tonë kombëtare të integrimit europian, le të reflektojmë të gjithë mbi atë që na thotë Rezoluta e Bundestagut, votuar enkas për Shqipërinë me vullnetin e mirë për çeljen e negociatave:

“Shqipëria është në një krizë politike të brendëshme të rëndë. Bundestagu gjerman u bën thirrje me ngulm të gjitha forcave demokratike në Shqipëri që të ndërmarrin menjëherë të gjitha hapat për të kapërcyer këtë krizë sa më shpejt përmes dialogut politik, përndryshe rruga për negociatat e anëtarësimit do të vështirësohet në mënyrë të konsiderueshme”./ CNA.al

 

LEXO TE PLOTE

Politikë

“A ekziston në BE një rast si ky?”/ Pas dështimit të negociatave, Berisha i kujton Ramës audio-përgjimet

Publikuar

-

Nga

Ish kryeministri Sali Berisha përmes një statusi në rrjetet sociale ka reaguar edhe njëherë pas vendimit negative të Bashkimit Europian për çeljen e negociatave. “A ekziston ne BE apo Europe nje shembull, nje rast si ky?”, pyet Berisha ndjeksit e tij teksa postimin e tij e shoqëron me një meme, për t’iu rikthyer edhe njëherë historisë së audio-përgjimeve, ku eksponentë të lartë të PS, Policisë së Shtetit dhe krimit të organizuar përfshihen në shit-blerjen e votës./ CNA.al

LEXO TE PLOTE

Politikë

BE i tha “jo” hapjes së negociatave, Maqedonia shkon në zgjedhje të parakohshme/ Zbulohet data

Publikuar

-

Nga

Pas dështimit të marrjes negociatave me BE, për Shqipërinë dhe Maqedoninë e Veriut, një dorëheqje e mundshme e Zaev do ta çonte vendin në zgjedhje të parakohshme. Portali maqedonas TetovaSot transmeton se burime qeveritare bëjnë me dije që zgjedhjet e parakohshme parlamentare do të zhvillohen në muajin Mars të 2020.

Kujtojmë se, kryeministri Zoran Zaev duke njoftuar se do të propozoj që vendi të shkoj në zgjedhje të parakohshme parlamentare, ka theksuar se  reformat në vend duhet të vazhdojnë dhe se vendi duhet që të vazhdoj me implementimin e marrëveshjeve e sidomos me Greqinë.

“Para dy dite Brkuseli na bëri padrejtësi, ne kemi kryer të gjitha obligimet. Ata nuk e mbajtën fjalën dhe nuk dhanë datë. Kjo është një gabim historik i Evropës. Falënderojmë shumicën e liderëve të Evropës. Kjo është një vendim i Evropës dhe problemeve të tyre të brendshme. Ne jemi përgjegjës dhe kjo kërkon nga ne vendim serioz, secili politikan duhet të jetë përgjegjës, dal me përgjegjësi para qytetarëve. Ëndrra evropiane e Maqedonisë nuk do të shuhet. Për këtë marr përgjegjësi, organizojmë zgjedhje të parakohshme parlamentare, ky do të jetë edhe propozimi im në mbledhjen e liderëve”- tha mes tjerash Zaev.

LEXO EDHE:  Foto-Sloganët e protestuesve/ Ramës i “presin biletën”  

LEXO EDHE:  Foto-Sloganët e protestuesve/ Ramës i “presin biletën”  

Vendimi i Zaev është mbështetur edhe nga lideri i BDI-së, Ali Ahemti, i cili u shpreh se partia e tij është e gatshme për zgjedhje të parakohshme. Sipas Ahmetit, zgjedhjet janë një zgjidhje e mirë pas “jo-së” për negociatat./ CNA.al

LEXO TE PLOTE