Connect with Us

Video-I dënuar me 15 vite burg për vrasje/ Arrestohet i “rrezikshmi” i Shijakut

Kronika

Video-I dënuar me 15 vite burg për vrasje/ Arrestohet i “rrezikshmi” i Shijakut

Publikuar

-

Policia ka bërë të mundur finalizimin e operacionit “Magnum 2”, në kuadër të së cilit është vënë në pranga një person me rrezikshmëri të lartë shoqërore, i dënuar më parë me 15 vite burg për vrasje.

Mësohet se i arrestuari është 40-vjeçari G. B., banues në Shijak, i cili qarkullonte me armë zjarri me vete.

Sipas informacioneve zyrtare, shtetasi G. B. është person me rrezikshmëri të lartë, me precedent kriminal në fushën e krimeve ndaj personit dhe ka qenë i dënuar më parë me 15 vite burg për veprën penale “Vrasja me dashje”, ngjarje e ndodhur në vitin 1997.

Njoftimi i policisë:

Finalizohet operacioni policor “Magnum 2”

Kapet një person me rrezikshmëri të lartë shoqërore, i dënuar më parë me 15 vite burg për vrasje.

Në pranga 40-vjeçari, i cili qarkullonte me armë zjarri me vete.

Sekuestrohet një armë zjarri pistoletë dhe municion luftarak.

Specialistët për Hetimin e Krimeve në Komisariatin e Policisë Shijak në bashkëpunim me Forcat Operacionale të DVP Durrës, në vijim të punës së tyre për rritjen e parametrave të sigurisë së komunitetit në bazë të informacioneve të siguruara në rrugë operative se një shtetas, i cili qarkullonte me një automjet mbante armë zjarri me vete kanë organizuar menjëherë punën duke finalizuar me sukses operacionin e koduar “Magnum 2”.

Në kuadër të operacionit, duke marrë parasysh rrezikshmërinë e personit, u ngritën pika kontrolli grackë dhe u bë i mundur identifikimi i automjetit me të cilin lëvizte personi i dyshuar.

Në momentin që Policia ka ndërhyrë për të ndaluar ndaluar automjetin, 40-vjeçari G. B., banues në Shijak ka braktisur mjetin dhe ka tentuar të largohet me vrap duke hedhur edhe armën e zjarrit në tokë, por është kapur dhe prangosur në flagrancë nga shërbimet e policisë, të cilat kishin ngritur perimetër sigurie për të mos lejuar largimin e tij.

Në përfundim të veprimeve u bë arrestimi në flagrancë për veprat penale “Mbajtja pa leje e armëve  dhe municioneve luftarake’’ dhe “Mosbindja ndaj urdhrit të punonjësit të policisë”, si dhe u sekuestrua në cilësinë e provës materiale arma e zjarrit pistoletë, me 13 fishekë luftarakë dhe automjeti tip Benz.

Shtetasi G. B. është person me rrezikshmëri të lartë, me precedent kriminal në fushën e krimeve ndaj personit dhe ka qenë i dënuar më parë me 15 vite burg për veprën penale “Vrasja me dashje”, ngjarje e ndodhur në vitin 1997.

Materialet i kaluan Prokurorisë së Rrethit Gjyqësor Durrës për veprime të mëtejshme./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Kronika

Sherr mes disa personave në Durrës/ Dhunohen 2 policë

Publikuar

-

Nga

Policia e Durrësit ka neutralizuar dhe prangosur dy personat që goditën punonjësit e Policisë për shkak të detyrës.
Në sallën operative ka ardhur një telefonatë se në Shkozet, në afërsi të një karburanti po ndodhte një konflikt mes disa personave.

Shërbimet e Policisë kanë shkuar menjëherë në drejtim të adresës së dhënë dhe kur kanë mbërritur, dy prej personave të përfshirë në konflikt kanë kundërshtuar me dhunë punonjësit e Policisë.

Shërbimet e Policisë pas ardhjes në ndihmë edhe të shërbimeve të tjera të Drejtorisë Vendore të Policisë Durrës kanë bërë të mundur neutralizimin dhe prangosjen e tyre.
Në përfundim të verimeve u bë arrestimi në flagrancë i shtetasve:
M. H., 44 vjeç dhe F. H., 35 vjeç, banues në lagjen Nr. 14, Durrës për veprën penale “Kundërshtimi me dhunë i punonjësve të policisë të rendit publik, kryer në bashkëpunim”.
Materialet i kaluan Prokurorisë së Rrethit Gjyqësor Durrës për veprime të mëtejshme./CNA.al

LEXO TE PLOTE

Kronika

Shpërthen bombola e gazit/ Zjarr në një apartament në Vlorë

Publikuar

-

Nga

Një banesë në Vlorë është përfshirë nga flakët, paraditen e sotme.

Banesa ndodhej në katin e tretë të një pallati, ndërsa shkak i zjarrit është bërë shpërthimi i një bombole gazi. Fatmirësisht, në momentet e zjarrit nuk ka patur njeri brenda banesës.

Raportohet se dëmet e shkaktuara në brendësi të banesës kanë qenë të lehta.
Ndërhyrja në kohë e zjarrfikëses evitoi dëme të mëdha./CNA.al

LEXO TE PLOTE

Kronika

Shtyhet seanca paraprake për “Toyota Yaris”/ Avokatët: Kushërinjtë Vladi janë jashtë Shqipërisë

Publikuar

-

Nga

Shtyhet seanca paraprake për dosjen “Toyota Yaris”.
Mësohet se shkak për shtyrjen e seancës janë bërë dy kushërinjtë Alfred dhe Elvis Vladi të shpallur në kërkim, të cilët nuk janë vënë në djeni të seancës.

Avokatët janë shprehur se dy kushërinjtë janë jashtë Shqipërisë.
Të arrestuar për këtë çështje janë babë e bir, Edi Lika dhe Klevi Cani, si dhe Alban Mollaymeri, të cilët akuzon për pastrim parash në kuadër të grupit të strukturuar kriminal, dhe shtetasi Agim Çeka, i akuzuar për armëmbajtje pa leje. Ndërkohë, seanca e radhës është shtyrë për datën 28 tetor 2019.

LEXO EDHE:  Kakavije, doganieret rrahin njeri tjetrin, sqarimi i policise

Kujtojmë se në muajin qershor të vitit 2018, janë sekuestruar në dy makina ‘Toyota Yaris’, 3 milionë e 470 mijë euro është shuma e parave që në Portin e Durrësit./CNA.al

LEXO TE PLOTE