Connect with Us

“Fiks Fare” në Universitetin e Shkodrës/ Prokurorët pedagogë, pa kontrata pune

Denoncim

“Fiks Fare” në Universitetin e Shkodrës/ Prokurorët pedagogë, pa kontrata pune

Publikuar

-

Në Fakultetin Juridik të Universitetit të Shkodrës disa prokurorë japin mësim në auditore, edhe pse nuk kanë një kontratë për të ushtruar mësimdhënie.

Rektorati është institucioni i cili në bazë të ligjit për Arsimin e Lartë duhet të lidhë kontratat, e ky i fundit nuk ka asnjë të tillw me prokurorët, ndërkohë nga ana tjetër dekanati është në dijeni të situatës dhe mësimdhënia është bërë lirisht.

Fiks Fare investigoi në auditorët e Fakultetit Juridik në Shkodër pas ankesave se Blerta Hamza, Xhevahir Lita, Esmeralda Ndoci dhe Oltion Vathaj me detyrë prokurorë pranë Prokurorisë Shkodër, jepnin mësim pa pasur një kontratë.

Bashkëpunëtorët e Fiksit vërtetuan pranë sekretarisë së fakultetit dhe nga studentë se prokurorët jepnim mësim në Fakultetin Juridik. Në biseda me bashkëpunëtorët e Fiksit, studentët pohuan se kishin bërë mësim me këta pedagogë, madje treguan dhe çfarë note kishin marrë.

Përveç kësaj Fiksi solli edhe tezën e provimit që këto pedagogë kishin hartuar. Në fund të tezës shënohej emri i Blerta Hamzës dhe Oltion Vathajt.
Fiksi ju drejtua Dekanit të Fakultetit Juridik , z. Roland Dodani ,për të marrë një përgjigje,nëse këta pedagogë kanë dhënë mësim me dijenin e tij apo jo? Dhe se a është në dijeni të mungesës së kontratave me Rektorin?

Z.Dodani tha për Fiksin se Oltin Vathaj dhe Blerta Hamza kishin kontratë me dekanin ndërsa Xhevahir Lita dhe Esmeralda Ndoci jo.

Ai pohoi se patjetër duhet që edhe rektori të firmosë, ndaj ai e ka përcjell kontratën për në rektorat, por që deri në ato momentet nuk e dinte që nuk ishin firmosur. I pyetur nga gazetarët e Fiksit se a është dodmosdoshmëri firmosja nga rektori, ai pohoi se është domosdoshëri, por është formale. ” Po ligji e përcakton se i firmos rektori , por që është formale, megjithatë unë nuk e kam ditur që nuk i ka firmosur, nëse rektori jua ka kthyer ju këtë përgjigje duhet të na e dërgonte dhe ne” ka thënë z. Dodani.

LEXO EDHE:  “Aman se sa shpenzime kemi”/ Drejtoresha jep me qira zyrat e shtetit, lekët i fut në xhep

Ndërkohë për znj.Lita , dekani thotë se nuk ka dijeni të ketë dhënë mësim. “Për znj.Lita nuk kam informacion që ka dhënë mësim, sigurisht ajo nuk duhet të japë mësim pa dijenin tonë dhe pa kontratë, ndaj këtë do ta hetojmë dhe verifikojmë, por që nuk duhet të ndodhë” shprehet Dekani i Fakultetit Juidik.

Por përveç deklaratave para kamerave , në bisedë me gazetarët Dekani tha se ishte përgjegjësi e tij dhe e Rektorit që prokurorët jepnin mësim pa kontrata. Ai justifikohet se nuk është orë zvicerane që të mos gabojë.

Fiksi solli përgjigjen me shkrim të Rektorit të Universitetit Shkodër i cili sqaron se asnjë nga pedagogët e përmendur më lart nuk kishin kontratë, gjithashtu ai përmend edhe ligjin për Arsimin e Lartë në bazë të të cilit, punëson stafin akademik dhe ndihmës akademik, rektori i universitetit./Top Channel/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Skandali në STOP-“Është mik i babait, s’më ka kërkuar seks…” / Avokati tenton të ndryshojë dëshminë

Publikuar

-

Nga

Një ditë më parë “Stop”transmetoi dy dëshmi të reja, që implikojnë profesorin e kantos në shkollën e mesme artistike “Jakov Xoxa” në Fier, Agron Bego.

Një djalë tregoi, sesi dy profesorë të shkollës kishin marrëdhënie intime me të njëjtën nxënëse të mitur. Ndërsa një vajzë dëshmoi, sesi e prekte profesor Agroni në mënyrë të papërshtatshme.

Madje ajo tha, se profesor Agroni i kishte rregulluar një nxënëse një kolegut të tij, që quhej Vasil.

Në të njëjtën ditë, që “Stop” transmetonte dy dëshmitë e reja, avokati i profesorit Agron Bego, Niko Bega, është filmuar duke i kërkuar një shokut të vajzës së parë të ngacmuar seksualisht, që ajo të ndryshojë dëshminë.

Ai i thotë se do t’i tregojë vetë se çfarë të dëshmojë, ndërsa shton se duhet të pohojë se po bisedonte në konfidencë, pasi profesori interesohej për mungesat e saj sepse e kishte porosi nga prindërit.

Për këtë skandal kanë reaguar sërish organizatat e shoqërisë civile. CRCA/ECPAT  i kërkon kryeministrit të shkarkojë ministren e arsimit, duke dëgjuar këmbanat e alarmit, që “Stop” transmeton prej ditësh.

Shoku i vajzës-Ça po bën? Si kalove?

Avokati i Agron Begos –Si je?Avokat Niko Bega!

Avokati i Agron Begos-Tani për të hyrë në temë!

Shoku i vajzës-Më thuaj!

Avokati i Agron Begos-Unë jam Avokati i Agron Begos.

Shoku i vajzës-Ëëë… po!

Avokati i Agron Begos-Tani..i vajza, që ka bërë filmimin, ka nxjerrë emrin tënd.

Shoku i vajzës-E kam mikeshë, e kam shoqe.

Avokati i Agron Begos-Ke ndonjë ide, se si mund ta ndihmojmë? Se kam informacion, që ti ke ide kështu… kee…

Shoku i vajzës-Po ç’ide mor burrë?!

Avokati i Agron Begos – Ke fantazi… Atëherë po ta them unë, çfarë mund të përmirësojmë… Nëse XXX … vetëm XXX, jo ti… XXX do vij të deklarojë para oficerit të policisë gjyqësore, ose para një noteri, që shiko unë me Agronin kam marrëdhënie shumë të mira, sepse kanë një, dy, ja them unë, se ca duhet të thotë, një, dy, tre, katër… Dhe këto që ka thënë Agroni, realisht nuk janë kështu siç… Nuk janë kështu kështu siç është interpretuar… Por Agroni m’i ka thënë në këtë kontekst… babai im e ka mik dhe ky ka bërë çmos për mua… Nuk më ka kërkuar afera seksuale… kaq mo kaq… nuk më ka kërkuar afera seksuale dhe këto, që i ka përmendur, i ka përmendur në konfidencë… Kaq mo! Mbyllet historia… Tani ne kemi mundësi t’i zvogëlojmë gjërat. Mua një deklaratë e kësaj dreqit… eeee XXX më mbyll shumë kyçe për Agronin… Kupton? Gjërat zvogëlohen dhe ne kërkojmë pushimin e çështjes. Kupton? Dhe nuk bëhet gjyq fare, nuk vjen asnjeri nga ju më në gjyq… Shiko! Synimi im, qëllimi im është të dali Agroni i pafajshëm. Nuk më interesojnë të tjerat fare… fare o absolutisht! Fol me Avokatin e Agron Begos thuaj, të Agronit, që gjërat mos të zmadhohen, se Avokati i Agron Begos ka në dorë, që t’i grumbullojë gjërat tak në një dorë dhe pap- pap-pap… e kupton? Që mos të përhapen, se po qe se do përhapen gjërat, s’di se ku merr ajo… se kyçi kryesor është XXX.

LEXO EDHE:  Skandali në ISSH Krujë/ Drejtori i merr 70-vjeçarit 900 mijë lekë ryshfet për pensionin!

LEXO EDHE:  Skandali/ Doktoresha nuk paraqitet në punë, regjistri plot me vizita fiktive

Shoku i vajzës- Po ajo është!

Avokati i Agron Begos-Ajo është autori kryesor. Atëherë, në qoftë se unë i marr një dëshmi XXX, thjesht XXX të thotë, që: Shiko, unë nuk jam në gjendje të mirë psikologjike dhe ashtu e kështu, kaq mbaroi filmi për të gjithë.

Shoku i vajzës – Ça thua, mo burrë?!

Avokati i Agron Begos- Dhe në aspektin… aspektin e etikës, që ka përdorur ato fjalë Agroni, pastaj le të marrë masë shkolla, siç mori në fakt.

Shoku i vajzës- Ça i bënë, ore?

Avokati i Agron Begos –Po e hoqën nga puna.

Shoku i vajzës– E përjashtuan, e hoqën?

Avokati i Agron Begos –Po pra! /tvklan.al

LEXO TE PLOTE

Denoncim

Denoncimi/ Rrogat e ushtarakëve dhe mjekëve në Kosovë, dy herë më të larta se në Shqipëri

Publikuar

-

Nga

Ish-kryeministri Sali Berisha denoncon rrogat e ulëta të ushtarakëve dhe mjekëve në Shqipëri.

Me anë të një postimi në rrjetet sociale, Berisha thotë se rrogat e ushtarakëve dhe të mjekëve në Kosovë janë dy herë më të larta sesa rrogat në vendin tonë.

Sipas tij, shtatë vite më parë rrogat në Shqipëri ishin më të larta se sa në 7 vende të rajonit konkretisht në Bullgari, Rumani, Serbi, Maqedoni të Veriut, Bosnje Hercegovinë, Mal të Zi dhe Kosovë.

Ish-lideri i demokratëve pretendon se me politikën e spastrimit etnik të shqiptarëve nga Shqipëria, kryeministri Edi Rama bllokoi për 7 vite rritjen e rrogave.

LEXO EDHE:  Fiks Fare publikon skandalin/ 7-vjeçari me nevoja të veçanta ngelet pa mësim

LEXO EDHE:  Skandali në Korçë/ 4 muaj e sorollasin pa KEMP, Fiks Fare i zgjidh problemin

Berisha deklaron se shqiptarët kanë rroga më të ulëta se të gjitha vendet e rajonit dhe marrin 15% më pak krahasuar me çmimet e 7 viteve më parë.

Ish-kryeministri ka publikuar mesazhin e një qytetari dixhital, i cili tregon se sa paguhen Forcat e Sigurisë së Kosovës./ CNA.al

LEXO TE PLOTE

Denoncim

Dëshmia shokuese e nxënëses në Fier/ “Bego ‘i bëri’ shoqen time Vasilit, mua më prekte në pjesët intime”

Publikuar

-

Nga

Të tjera dëshmi tronditëse kanë dalë në dritë për abuzimet e mësuesit “zhigolo” të shkollës së mesme artistike të shkollës në Fier.

Emisioni “Stop” transmeton me zë dhe figurë rrëfime ekskluzive të ish-nxënësve të kësaj shkolle, që implikojnë profesorin e kantos Agron Bego, por edhe disa kolegë të tij, të së njëjtës shkollë.

Dëshmia e dytë vjen nga vajzë e cila është ngacmuar nga pedagogu në fjalë. Po ashtu, ajo tregon edhe rastin e një tjetër nxënëseje në klasën e saj, që Bego është bërë “shkesë” për lidhjen intime të saj me një kolegun e tij.

Dëshmia e vajzës:

Nxënësja-Unë kam qenë studente e shkollës “Jakov Xoxa”. Kam bërë 9-vjeçaren dhe shkollën e mesme atje. Në 9-vjeçare kam qenë për xxxx dhe nuk kam patur asnjë lidhje me profesor Agronin. Ka qenë profesori i parë, në fakt, që kam takuar atje  ditën që jam regjistruar në klasë të 6-të dhe më ka thënë që ka qenë një privilegj për atë që të më kishte mua nxënësen e tij. Në vit të parë ishte dëshira ime të kaloja për Kanto dhe profesor Agron Bego ishte pedagogu i kësaj dege.

Saimiri-Kantos atje në lice?

Nxënësja-Po! Edhe që në ditët dhe në javët e para të shkollës, profesori na pyeste me pyetje të çuditshme, nëse kishim të dashur, nëse kishim kryer ndonjëherë marrëdhënie  seksuale.

Saimiri-Domethënë siç doli në rastin e transmetimit?

Nxënësja-Po! Nga mesi i vitit, arriti situata deri aty sa edhe na prekte, duke qenë se ne merreshim me Kanto, duhet të kishim të zhvilluar diafragmën, që ndodhet në bark. Mendonte se na kontrollonte diafragmën dhe na prekte në zonat intime.

Saimiri-Domethënë që të jemi të qartë… profesori ju prekte…

Nxënësja-Po! Po, edhe më sipër.

Saimiri-Me ju e ka bërë?

Nxënësja-Po!

LEXO EDHE:  Skandali në Korçë/ 4 muaj e sorollasin pa KEMP, Fiks Fare i zgjidh problemin

LEXO EDHE:  Skandali/ Doktoresha nuk paraqitet në punë, regjistri plot me vizita fiktive

Saimiri-Si reaguat?

Nxënësja-Nuk pata mundësi të bëja ndonjë reagim, sepse isha vetëm me profesorin në klasë dhe… kisha frikë. Por, që pas asaj dite dhe 2 vite të tjera të shkollës, nuk shkova në mësim. Vitin e parë dhe vitin e dytë bëra shumë mungesa në orën e Kantos. Kur shkoja, shkoja e shoqëruar, por profesori na thoshte gjithmonë të shkonim vetëm, se gjoja shoqet nuk na linin të përqendroheshim në orën e mësimit.

Saimiri-Ju merrte secilën vetëm me idenë që të mos shpërqendroheshit?

Nxënësja-Në vit të tretë pastaj vendosa që të vazhdoja shkollën e lartë në Akademinë e Arteve dhe u lidha me një profesore në Tiranë dhe shumë rrallë e takoja profesor Agronin. Por, edhe kur e takoja, ai përsëri na bënte pyetje të çuditshme nëse kishim gjetur ndonjë të dashur.

Saimiri-Ju e njihnit atë? Kishit, familja ose… njiheshit apo jo?

Nxënësja-Po, familja ime njihej me profesorin.

Saimiri-Këtë dëshmi që sapo dhe, je e gatshme ta japësh para organeve të tjera?

Nxënësja-Po! Jam e gatshme!

Saimiri-Ka qenë vetëm profesor Agroni?

Nxënësja-Ka edhe profesorë të tjerë.

Saimiri-Mendon që janë të lidhur? Rakordojnë veprimet me njëri-tjetrin, apo secili….?

Nxënësja– Po, sepse në fakt kam patur një shoqen time, që profesor Agroni e kishte lidhur me një profesor tjetër.

Saimiri-E kishte lidhur profesor Agroni me një tjetër?

Nxënësja-Po!

Saimiri-Pra ishte bërë “shkesi”?

Nxënësja-Po!

Saimiri-E vërtetë kjo?

Nxënësja-Po!

Saimiri-E kishe në klasë këtë vajzën?

Nxënësja-Po!

Saimiri-Kundrejt çfarë, domethënë çfarë i ofruan vajzës, apo e gjetën të dobët dhe…

Nxënësja-Nuk e di! Unë nuk  mendoj se ajo ishte e dobët, se ajo ishte shumë e mirë në degën e Kantos.

Saimiri-Mund të ma thuash emrin e pedagogut tjetër?

Nxënësja-Vasil! /Tv Klan

LEXO TE PLOTE