Politikë
Edi Rama, kokoshi majë plehut që shkatërroi integrimin
Sot në parlament, kryeministri ynë në një fjalim të gjatë, në rolin e “gjyshja të lexon përralla”, na tha se qeveria i kishte plotësuar kushtet, se kishte bërë reformat, se problemi nuk ishte qeveria, nuk ishin institucionet e shtetit shqiptar, por problemet e brendshme të BE-së, skeptikët, e 101 arsye të tjera.
Në fakt BE sot është në një tjetër pozicion. Vërtetë ka më shumë skeptikë. Vërtetë ka më shumë përfaqësi të ekstremistëve. Por, pse jemi këtu dhe sot në këtë situatë, askush tjetër në kastën politike shqiptare, nuk është përgjegjës sa Edi Rama.
Gjithçka flet kryeministri është thjeshtë retorikë politike. Përgjegjësi i vetëm është ai dhe vetëm ai. Në vitin 2011, i cili nuk është larg, por vetëm 8 vite më parë, Shqipëria nuk kishte kushte. Por, vetëm tre ligje. Votimi i të cilave do t’i hapte Shqipërisë një kapitull tjetër me Bashkimin Europian, por ishte Rama dhe vetëm Edi Rama që u kap si “miza pas bishtit të kalit”, dhe nuk e lëshoi rrugën që i bllokoi Shqipërisë për në BE. Nuk i votoi kurrë ato tre ligje, të cilat në fakt nuk ishin kushte.
Kapej pas një kryetari qarku në Fier që nuk i duhej askujt dhe bllokoi rrugën e integrimit të Shqipërisë.
Sot jemi tetë vite më vonë. BE-ja është më skeptike. Edi Ramën e kemi kryeministër, por rrugën drejt Europës e kemi edhe më të vështirë, dhe ato çka thotë Rana sot, ndoshta shumë prej tyre janë të vërteta. Por, para se të këndojë si kokoshi në majtë të plehut duhet të na thotë pse e bllokoi integrimin e Shqipërisë tetë vite më parë dhe pse ka gjashtë vite që vendin e ka kthyer pas në rrugën e integrimit europian.
Fjalët i merr era, veprat ngelen. Fakti është një dhe vetëm një, tetë vite më parë, rruga europiane e shqiptarëve ishte më e lehtë dhe e bllokoi Edi Rama. Sot është kaq i paaftë sa thjeshtë dhe vetëm i shtohen kushtet për bllokimin që bëri tetë vite më parë./ CNA.al
Politikë
Një nga studentet e universitetit më të mirë në Itali/ Kush është kandidatja e Lëvizjes për Ndryshim
Drejtuesja e Lëvizjes për Ndryshim Jozefina Topalli prezantoi ditën e sotme kandidatët për deputetë në katër qarqe, Lezhë, Kukës, Dibër dhe Berat.
Në qarkun e Lezhës, Lëvizja për Ndryshim do të kandidojë Matilda Gjinin, një eknonomiste në profesion, e cila ka studiuar në Universitetin e Bocconi-t dhe ka dalë studentja më e mirë.
Ajo ka një eksperiencë mbi katër vite pune në sektorin e financës në Europë dhe Azi.
Ja kush është kandidatja e qarkut të Lezhës:
Matilda Gjini
Ka mbaruar studimet ne Bocconi.
Eshte kandidate e Levizjes per Ndryshim ne Qarkun e Lezhes.
Per shkak te situates nuk ishte sot prezente.
Ka studiar Ekonomi ne Milano dhe Madrid dhe ka perfunduar dy Master ne degen Finance Kontabilitet ne Bocconi University dhe Drejtesi Biznesi ne 24ORE Business School.
Ka mbi 4 vite eksperience pune ne sektorin e finances ne Europe dhe Azi. Ka punuar ne Itali per kompani nderkombetare si PëC dhe Epyon Consulting. Nga viti 2019 punon ne Singapor si Account Manager ne Hawskford, nje kompani konsulence qe ndihmon investitoret e huaj ne Azi./CNA.al
Politikë
“Revolucioni dixhital”/ Rama: Imagjinoni ç’do ndodhte nëse s’i shërbenim qytetarëve në karantinë
Kryeministri Edi Rama ka dalë sot para mediave ku ka folur për revolucionin dixhital.
Rama ka bërë me dije se nëse nuk do të bëhej dixhitalizimi i shërbimeve, tërmeti dhe pandemia nuk do ishte përballuar siç ka ndodhur deri më tani. Ai ka bërë një pasqyrim të shifrave, ku tha se nëpërmjet shërbimeve online shqiptarët kanë kursyer 4 mln euro dhe 472 vjet pritje në radhë.
“Nuk do kishim përballuar nëse nuk do ishim në fazën e këtij revolucioni, përfytyroni vetëm për një cast se çfarë do mund të bënim nëse në momentin kur duhet të garantonim mbylljen e përgjithshme të një viti më parë, nuk do kishim mundësi t’u shërbenim qytetarëve në nevojë për të dalë nga shtëpia. Parafytyroni nëse sikur kjo ngjarje shumë e rëndë, do të na kishte gjetur në kohën kur, ky shtet kishte vetëm 1% të shërbimeve online, dhe vetëm 50 mijë përdorues të këtyre shërbimeve. Ndërkohë që sot, nga 14 shërbime që ishin kur ne e nisëm këtë revolucion kemi 1207 shërbime dhe nga 50 mijë përdorues kemi 1.87 mln përdorues. Nga 51 mijë aplikime, për shërbimin online për 2013 sot në 2021 kemi 7.7 mln. Nëse në 2013 kishte vetëm 6 regjistra elektronikë, me total 680 mijë transaksione sot ka 55 data bazë me 145 transaksione, ndërveprime, 211 herë më shumë. Nga ana tjetër, kemi bërë një llogari dhe pa këtë revolucion deri në këtë fazë ku ka ardhur ne do të kishim konsumuar 472 vjet pritje në radha, janë shkurtuar 472 vjet kohë pritje në radha, si kohë e harxhuar. Vetëm gjatë pandemisë janë shërbyer 1.2 mln biznese, janë kursyer 293 vite pritje dhe në total qytetarëve u janë kursyer 4 mln euro që do kishin shkuar për tarifat minimale për dokumente në radhë pa llogaritur kursimet e bakshisheve dhe ryshfet që ky sistem i asgjëson komplet. 95% e shërbimeve janë online”, tha Rama./CNA.al
Politikë
Shembet ura që lidh Tiranën me veriun/ Balluku jep afatet
Ura 50-vjeçare e Tapizës, një pikë lidhëse e qarkut të Tiranës me Krujën dhe qytetet e veriut, është shembur ditën e sotme duke i lënë rrugë nisjes së punimeve për një urë të re. Ministrja e Infrastrukturës dhe Energjisë Belinda Balluku deklaroi se gjatë kohës së punimeve, devijimi i trafikut do të bëhet me anë të një Bypassi i cili është konceptuar për të shmangur trafikun që krijohej në këtë zonë.
“Jemi në urën e Tapizës. Më 11 shkurt ishim këtu për të treguar si kishte përfunduar krijimi i Bypassit që është në programin e rindërtimit. Duhet pasur parasysh se para këtij tërmeti kemi nisur një skanim të gjithë urave në Republikën e Shqipërisë që kanë një kohë përdorimi mbi 50 vite. Kemi nxjerrë pasaportat për çdo urë duke krijuar një arkivë të mirëfilltë për çdo urë. Ura e Tapizës ka pësuar edhe një goditje nga tërmeti I 26 nëntorit”, tha Balluku.
Ministrja deklaroi se ura e re do të jetë gati brenda 10 muajsh, para datës 1 shtator të këtij viti.
“Bypassi i shërben të gjithë trafikut pa krijuar problem. Kjo ishte një pikë ku kishim një ngecje të trafikut ndërkohë që sot rrjedha është normale. Bypassi do të jetë funksional në 10 muajt e ardhshëm pasi ne synojmë që ura të ndërtohet deri në 1 shtator”, theksoi ajo./CNA.al
