Connect with Us

Vendimi ekstrem/ “Capital Crew” gjithë sezonin jashtë, 8 tifozë përjashtohen përjetë, dënime për Tiranën dhe Partizanin 

Lajme

Vendimi ekstrem/ “Capital Crew” gjithë sezonin jashtë, 8 tifozë përjashtohen përjetë, dënime për Tiranën dhe Partizanin 

Publikuar

-

Komisioni i Disiplinës ka marrë vendime ekstreme ndaj tetë tifozëve, pas dhunës në stadiumin “Selman Stërmasi”, gjatë ndeshjes Tirana-Partizani.

Tetë tifozë të Tiranës, të cilët u identifikuan me emra janë përjashtuar përjetë nga çdo ndeshje në të gjitha stadiumet e Shqipërisë.

Mësohet se Tirana është dënuar me 4 ndeshje pa tifozë e 500 mijë lekë gjobë, e ndërsa Partizanin 2 ndeshje pa tifozë e 100 mijë lekë gjobë.

Ndryshe nga herët e tjera, kur ka pasur raste dhune në stadium, dënimi prekte të gjithë tifozerinë, por kësaj here Komiisoni i Disiplinës është i fokusuar në tifozë të veçantë, shkaktar të incidenteve që u regjistruan në fillim të derbit dhe jo dënim të përgjithshëm të klubit.

Po ashtu FSHF bën të ditur se do të mbyllet pjesërisht sektori G3 në stadiumin Selman Stërmasi”, ku dhe qëndronte tifo-grupi “Capital Creë”, i cili njihet si grupim më i dhunshëm i tifozëve bardheblu, si dhe autorët e asaj banderole të frikshme, ku bardheblutë “varin” tifozerinë e kuqe.

 Njoftimi i FSHF-së: 

1.KF “Tirana”, për dështim në përmbushjen e përgjegjësive në organzimin e ndeshjes kundër FK “Partizani”, datë 29.09.2019, duke mos vlerësuar nivelin e riskut, duke mos garantuar zbatimin e ligjit, mbarëvajtjen e rregullit dhe qetësisës në stadium, si dhe për sjelljen e gabuar të spektatorëve duke shfaqur materiale propoganduese me të cilat kryehen provokime me karakter politik dhe shoqëror, në bazë të Nenit 63/1/a,Nenit 63/1/b, Nenit 64/5, Nenit 65/3/a/b/c/d/e/f/h/j/k, dhe Nenit 65/4/b/ të KDS, dënohet me zhvillimin e 4 (katër) ndeshje pa spektator në stadiumin përkatës si dhe gjobë në masën 500.000 (pesëqindmijë) lek.

Në zbatim të Nenit 32/3 të KDS, pezullimin e pjesëshëm të zbatimit të këtij dënimi duke urdhëruar shlyerjen e gjysmës e tij.

Urdhërimin e KF “Tirana”, të mbyll pjesërisht stadiumin”Selman Stërmasi” në sektorin G3, për sezonin futbollistik 2019/2020, duke ndaluar hyrjen në stadium të grupimit të tifozëve “Capital Creë”.
Në bazë të Nenit 11/1/g të KDS, ndalimin e hyrjes përgjithmonë në çdo stadium ku organizohen aktivitete të FSHF të personave të mëposhtëm:
– Elton Bande
– Alban Rexha
– Getard Celiku
– Mateos Majani
– Aksel Manxhari
– Thanas Bendo
– Bledar Luga
– Gentian Qosja

2.FK “Partizani”, për sjellje të gabuar të spektatorëve të tij, në bazë të Nenit 65/2 të KDS, dënohet me zhvillimin e 2(dy) ndeshjeve vijuese pa spektator dhe gjobë në masën 100.000 (njëqindmijë) lek.

3.Lojtari i KF “Teuta”, Todorovski Blagoja, në bazë të Nenit 12 të KDS, paralajmërohet se në rast përsëritje të sjellje jo sportive, do të jetë subjekt i masave që parashikon Kodi i Disiplinës Sportive dhe Rregulloret e tjera.

4.KF “Luftëtari”, për sjellje të gabuar të spektatorëve, duke hedhur sende në terrenin sportiv, në bazë të Nenit 65/1, 65/3/c dhe Nenit 65/4/a të KDS, dënohet me gjobë në masën 50.000 (pesëdhjetëmijë) lek.

LEXO EDHE:  U dhunua nga FNSH-ja/ Sahit Dollapi dërgohet në spital

5.Lojtari i KF “Kastrioti”, Abaz Karakaci, për lojë të rëndë ndaj kundërshtarit, në bazë të Nenit 47/1/b të KDS, dënohet me 4 (katër) ndeshje pezullim nga aktivitetet.

6.Lojtari i KF “Veleçikut”, Brajan Shekaj, për goditje ndaj kundërshtarit, në bazë të Nenit 47/1/e të KDS, dënohet me 5 (pesë) ndeshje pezullim nga aktivitetet.

7.KF “Veleçiku”, për sjellje të gabuar të spektatorëve, duke shkaktuar ndërprejen e përkohëshme të lojës, në bazë të Nenit 65/4/a të KDS, dënohet me 4 (katër) ndeshje pa spektator në stadiumin përkatës.

8.KF “Lushnja”, për sjellje të gabuar të spektatorëve, duke hedhur sende në terrenin sportiv, në bazë të Nenit 65/1, 65/3/c dhe Nenit 65/4/a të KDS, dënohet me gjobë në masën 50.000 (pesëdhjetëmijë) lek. Në aplikim të Nenit 116 të KDS, gjoba paguhet në masën 50%.

9.KF “Turbina”, për sjellje të gabuar të spektatorëve, duke hedhur sende në terrenin sportiv, në bazë të Nenit 65/1, 65/3/c dhe Nenit 65/4/a të KDS, dënohet me gjobë në masën 50.000 (pesëdhjetëmijë) lek. Në aplikim të Nenit 116 të KDS, gjoba paguhet në masën 50%.

10.Lojtari i KF “Vllaznia B”,Markeljano Pali, për sjellje jo sportive ndaj kundërshtarit, në bazë të Nenit 47/1/d të KDS, dënohet me 3 (tre) ndeshje pezullim nga aktivitetet.

11.Lojtari i KF “Klosi”, Pavlo Gjonaj, për sjellje jo sportive ndaj kundërshtarit, në bazë të Nenit 47/1/d të KDS, dënohet me 3 (tre) ndeshje pezullim nga aktivitetet.

12.Lojtari i KF “Skrapari”,Antonio Dosti, për sjellje jo sportive ndaj kundërshtarit, në bazë të Nenit 47/1/d të KDS, dënohet me 3 (tre) ndeshje pezullim nga aktivitetet.

13.Lojtari i KF “Naftëtari”,Xhuljano Serdari, për sjellje jo sportive ndaj kundërshtarit, në bazë të Nenit 47/1/d të KDS, dënohet me 3 (tre) ndeshje pezullim nga aktivitetet.

14.Lojtari i SSH “Pepa” U-17, Amadeo Krraba, për sjellje jo sportive ndaj lojtarit kundërshtar, në bazë të Nenit 47/1/d të KDS, dënohet me 2 (dy) deshje pezullim nga aktivitetet.

15.Lojtari i KF “Përmeti”,Forald Hoxha, për sjellje jo sportive ndaj zyrtarit të ndeshjes, në bazë të Nenit 48/1/a të KDS, dënohet me 4 (katër) ndeshje pezullim nga aktivitetet.

16.Pas përfundimit të hetimit disiplinor për ndeshjen e kampionatit të Kategorisë së Parë, midis “Kastrioti – Egnatia” datë 14.09.2019, në bazë të pamjeve filmike, zyrtari i KF “Kastroti”, Gazmend Vogli, për akte të mbetura ne tentataive ndaj zyrtarit të ndeshjes, në bazë të Nenit 8/1,Nenit 8/2 dhe Nenit 11/h të KDS, dënohet me ndalimin e qëndrimit në dhomat e zhveshjes dhe stolin e rezervave pëe sezonin futbollistik 2019/2020.

17.Pranimin e kërkesës së lojtarit të KF “Turbina”, Ermal Vathi dhe pezullimin e pjesës së mbetur të dënimit. Në bazë të Nenit 33/5 të KDS, lojtari Ermal Vathi vendoset në provë për një periudhë 6 mujore.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Pse Kisha Orthodhokse i nderon ata që ranë për mbrojtjen e Atdheut?

Publikuar

-

Nga

Pse Kisha Orthodhokse i nderon ata që ranë për mbrojtjen e Atdheut?

Nga Miron Çako – Përgjegjësi i Zyrës së Katekizmit të Kryepeshkopatës

Dita e pavarësisë, 28 nëntor dhe e çlirimit 29 nëntor, na nxisin të gjithëve, si shtetas të përgjegjshëm, në kujtim dhe nderim të atyre njerëzve që sakrifikuan edhe jetën për pavarësinë e çlirimin e vëndit tonë.

Veçanërisht Kisha Orthodhokse ka një shërbesë të veçantë në nderim të flamurit tonë kombëtar në ditën e pavarësisë. Flamuri kombëtar vendoset brenda kishës dhe pas një dhoksologjie drejtuar Perëndisë Tiradik, Atit, Birit dhe Shpirtit të shenjtë, kleri së bashku me besimtarët luten : “O Zot, që bekon dhe shenjtëron, ti bekoje flamurin tonë dhe shpëtoje shtetin tonë nga çdo rrezik e  shtrëngicë dhe drejtoje në udhën e dritës, lirisë të përparimit, në hijen tënde dhe vlerësona ne të pavyerit ta kremtojmë këtë ditë të lavdëruar me nder, shëndet dhe ditë të gjata këtu e kudo. Se ti je Perëndi mëshirëplotë dhe njeridashës dhe ty ta drejtojmë lavdinë e Atit dhe Birit dhe Shpirtit të Shenjtë, tani e përherë e në jetë të jetëve. Amin!”

Kisha Katholike Apostolike Orthodhokse, duke qënë një kishë e shpërndarë në të gjithë botën, i shërben mirëqënjes së vendit ku ajo ndodhet. Kisha, si trupi i Krishtit dhe Ai kreu i saj, ka si mesazh dhe punon ndershëm për paqen në çdo vend, sepse Shpëtimtari, Zoti Jisu Krisht,  është: “Perëndia i paqës”(Romakëve 16-20) dhe Ai lumëron paqëberësit: “Lum ata që përpiqen për paqen, sepse ata do të quhen bij të Perëndisë”. (Mateu 5-9)

Kur kjo paqe rrezikohet nga armiqtë e jashtëm dhe të brendshëm të atij vendi, Kisha Orthodhokse nxit besimtarët e saj që të bëjnë detyrën sublime ndaj mbrojtjes së atheut, si përmbushje urdhëresës: “Duaje Zotin, Perëndinë tënd, me gjithë zemrën tënde, me gjithë shpirtin tënd, me gjithë mendjen tënde e me gjithë forcën tënde!”. Ky është i pari urdhërim. Dhe i dyti i ngjan këtij: “Duaje të afërmin tënd porsi vetveten”. Nuk ka urdhërim tjetër më të madh se këta”.

Ky binom i pandashëm energjizon dashuritë e ndërsjellta duke marrë e duke dhënë, sepse dashuria për Zotin mbi veten, të drejton në dashuri ndaj tjetrit si veten, dmth ndaj atdheut vëndit ku punojmë e jetojmë së bashku dhe kjo dashuri njëri – tjetrit na drejton përsëri drejt dashuris së Zotit: “Sepse po ta duam njëri –tjetrin, Perëndia qëndron në ne dhe dashuria e tij është e përsosur ndër ne.“ ( 1 Joanit 4-12)

Kisha Orthodhokse nuk ka ngurruar të nxisë besimtarët ta duan atdheun e tyre, sepse ai që do Zotin duhet të doje edhe atdheun. Flamuri i çdo kombi mishëron këtë flijim dashurie ndaj atdheut, prandaj Kisha bekon flamurin e çdo kombi, jo si nacionalizëm dhe filitizëm, por si një nderim ndaj dëshmorëve, që ranë për atdhe dhe si nxitje dashurie të popujve për vëndin e tyre ku kisha i shërben Zotit dhe njeriut.

Që në kohët apostolike, Kisha e ka respektuar shtetin dhe ka kërkuar që besimtarët të luten dhe të kontribojnë në mbarëvajtjen e Tij, sepse paqja në një vend është në të mirën e vetë kishës. Apostull Pavli thotë:” Të bëj thirrje, pra, para së gjithash, që të bëhen përgjërime, lutje, ndërhyrje dhe falënderime për të gjithë njerëzit, për mbretërit e për të gjithë ata që janë në pushtet, që të mund të shkojmë një jetë të qetë dhe të paqtë me çdo perëndishmëri dhe nder. Sepse kjo është e mirë dhe e pëlqyer përpara Perëndisë, Shpëtimtarit tonë, i Cili dëshiron që gjithë njerëzit të shpëtohen dhe t’ia arrijnë njohjes të së vërtetës.” ( I Timotheut 1-2)

Pasuesit e doktrinës së Krishterë, që në shekujt e parë, kanë marrë pjesë në detyra ushtarake. Sipas Tertulianit shkrimtar i krishter i shekullit II, numri i tyre ishte aq i madh sa mbushnin ushtrinë Romake. Edhe pse krishtërimi përndiqej nga perandorët romak, Kisha Apostolike i këshilloi ushtarët e krishterë të ruheshin në ushtri nga rreziku i ndikimeve fetare pagane dhe imorale që bien ndesh me besimin dhe moralin e krishterë, por asnjëherë nuk ka dënuarë ose ka penguar detyrën ushtarake.

LEXO EDHE:  “Kam qënë viktimë e dhunës”/ Rudina Hajdari zbulon pse vendosi të tregojë historinë e saj

LEXO EDHE:  Video-Berisha publikon emrin/ Kush është polici që dhunoi gruan te Bregu i Lumit

Këtë e tregon edhe numri i madh i shenjtorëve martirë, që bënin pjesë në ushtëri. Në sinaksarët e shenjtorëve të Kishës Orthodhokse ka shumë shenjtorë dëshmorë, që ishin ushtarë edhe në ushtritë pagane, të cilët luftuan me trimëri në detyrat ushtarake, por kundërshtuan autoritet, vetëm kur urdhrat e tyre ishin kundër besimit dhe moralit të krishterë edhe pse ju rrezikohej jeta.

Në pagëzimin e ushtarëve, Kisha Apostolike, sipas kanoneve të apostujve  nuk ndaloi shërbimin e tyre ushtarak, por caktoi po atë rregull që kishte caktuar edhe Joan Pagëzori, kur ushtarët i kërkuan çfarë ata duhet të bënin që të shpëtoheshin: “Edhe ushtarët e pyetën duke thënë: ”Dhe ne, ç’duhet të bëjmë?”. Dhe ai u tha atyre: ”Mos i bëni shantazh asnjeriu, mos i bëni akuza të rreme kurrkujt dhe jini të kënaqur me pagën tuaj!”. (Luka 3-14)

Po ashtu Shën Athanasi i madh shekulli i IV, i mbiquajtur edhe “Atë i Orthodhoksisë”,  mëson në lidhje me detyrën ushtarke të mbrojtjes së vendit: “Të vrasësh nuk është e lejueshme, por të zhdukësh armiq në kohë lufte, është edhe e ligjëshme edhe e denjë për lëvdatë. Kështu, vlerësohen për nderime të mëdha, ata që  janë  shquar në luftë. Atyre u ngrihen përkujtimore, që të dëshmojnë veprat e tyre. Kështu që një punë, e cila në një mënyrë e një kohë  të caktuar nuk është e lejuar, por në një mënyrë tjetër edhe lejohet edhe ndjehet”

Po ashtu Shën Vasili e interpreton, shekulli i IV, rregullin e Shën Athanasit: “Vrasjet në luftë, etërit tanë s’i kanë numërur si vrasje; më duket se ata u japin ndjesë atyre që luftojnë për mbrojtjen e urtësisë dhë të shpresës”

Rregulli kanoik dhe praktik i Kishës orthodhokse, na thotë se lufta mbrojtëse është luftë e arsyetuar e lejuar dhe luftëtarët që luftojnë dhe bien dëshmor meritojnë të nderohen. Thirrja e atdheut, kur është në rrezik, hyn me shpejtësi në ndërgjegjen e besimtarëve, sepse është  mbështetje e doktrinës ungjillore të dashurisë ndaj  Zotit dhe dashurisë ndaj të afërmit.

Për këtë arsye, Kisha orthodhokse, lutet dhe i nderon si ata që ranë për fe po ashtu edhe ata që ranë për atdhe, sipas mësimit dhe shembullit të Krishtit, që tha tek nxënësit e tij: “sepse  ska dashuri më të madhe se të japësh jetën për miqtë” (Joani 15-13).

LEXO TE PLOTE

Lajme

Shqipëria e fundit për besueshmërinë në zgjedhje/ SHBA renditet vetëm një shkallë më lart

Publikuar

-

Nga

Nga Astrit Patozi/ Ata që po guxojnë të përflasin Amerikën nga Tirana...

Në të gjitha studimet, Shqipëria renditet si një vend me korrupsion shumë të madh.

Këtë gjë e ka vërtetuar edhe një studim i bërë së fundmi, duke marrë shkas nga zgjedhjet në Shtetet e Bashkuara të Amerikës.

Presidenti aktual i SHBA, Donald Trump, ka ngritur akuzat se zgjedhjet e 13 nëntorit janë manipuluar në disa shtete dhe kjo ka bërë që amerikanët të humbasin besimin te integriteti i zgjedhjeve.

Mediat amerikane kanë raportuar se SHBA është vendi i 37-të përsa i përket integritetit te zgjedhjeve, ndërsa shteti i fundit për besueshmëri në zgjedhje është Shqipëria.

Kronikën ku rapotohet ky informacion e ka publikuar në rrjetet sociale Marko Kepi, shqiptari i parë Republikan që garoi për Asamblenë e New York-ut.

LEXO EDHE:  Dhuna ndaj Enver Doçit/ Reagon Unioni i Gazetarëve

LEXO EDHE:  Berisha: Krim shtetëror, qytetarët po dhunohen nga bandat me uniformë

Ai thotë se fakti që SHBA renditet pranë Shqipërisë, është vërtet shqetësuese.

Meqenëse kam lindur në Shqipëri, mund t’ju them se ata kanë sistemin e votimit më të korruptuar në botë. Për SHBA të jesh pranë Shqipërisë është jashtëzakonisht shqetësuese!!!”, shkruan Kepi në rrjetet sociale./ CNA.al

LEXO TE PLOTE

Lajme

KLP e shkarkoi/ Kuvendi emëron Ilirjana Nano, kryetare të Komisionit Rregullator në KQZ

Publikuar

-

Nga

KQZ/ Kryetarja e Komisionit Rregullator ish shefe kabineti e Komisionerit

Bazuar në indicet mbi disa problematika të funksionimit të pjesës Administrative të Këshillit, Këshilli i Lartë i Prokurorisë ka iniciuar në korrik 2020 një verifikim të situatës.

Me urdhër të Kryetarit të Këshillit, zoti Gent Ibrahimi është ngritur Komisionin Disiplinor i cili duhej të hetonte problematikat e situatës së krijuar bazuar në konstatimet dhe gjetjet e pasqyruara në dy memo të mbajtura nga këshilltarët e Kabinetit të Kryetarit të Këshillit dhe nga stafi administrativ i Këshillit Me datë 10. 07. 2020, Komisioni Disiplinor ka filluar ecurinë disiplinore për punonjësen znj. Ilirjana Nano, në cilësinë e Sekretarit të Përgjithshëm dhe me datë 10/07/2020, është njoftuar pezullimi i përkohshëm nga detyra.

Në përfundim të procesit, Komisioni Disiplinor ka konstatuar se veprimet dhe mos veprimet e saj si Nëpunësi më i Lartë i Shërbimit Civil në institucion, kanë sjellë pasoja të rënda për funksionimin normal të KLP, duke pasur dëme materiale dhe financiare. Këto veprime janë konsideruar si shkelje shumë të rënda, të parashikuara në Ligjin e 152/2013 për “Nëpunësin Civil”, neni 57, pika 1, germa “a”, dhe komisioni në përfundim të procesit pasi ka evidentuar shkeljet në Vendimin e tij Përfundimtar ka vendosur marrjen e masës disiplinore “Largimin nga shërbimi civil” për znj. Ilirjana Nano me detyrë Sekretar i Përgjithshëm i Këshillit të Lartë të Prokurorisë.

Në 11.09.2020, Këshilli i Lartë i Prokurorisë është njohur me kërkesë padinë e ngritur ndaj tij nga znj, Ilirjana Nano, ku kërkohet shfuqizimin i urdhrit për largim nga detyra dhe detyrimin e palës së paditur për ta sistemuar në të njëjtin pozicion si edhe të paguajë pagën deri në ekzekutimin e këtij vendimi.

Këshilli i Lartë i Prokurorisë ka marrë dijeni nga mediat se më datë 6 tetor 2020, znj. Nano është votuar nga Parlamenti si kryetare e Komisionit Rregullator.

Pasi eshte shkarkuar nga KLP per shkelje flgrante administrative, Parlamenti e ka votuar se fundi ne nje detyre tjeter te rendesishm, si kryetare e Komisionit Rregullator te KQZ.

LEXO EDHE:  Berisha: Krim shtetëror, qytetarët po dhunohen nga bandat me uniformë

LEXO EDHE:  Dhuna ndaj Enver Doçit/ Reagon Unioni i Gazetarëve

Po si kanë rrjedhur ngjarjet në të vërtetë?

Në ligjin për Kodin Zgjedhor të Republikës së Shqipërisë i ndryshuar, neni 13, pika 3, “Përzgjedhja e Komisionerit bëhet në bazë të eksperiencës së mëparshme të suksesshme në drejtim, të ligjshmërisë së demonstruar ose të provuar në ushtrimin e detyrave apo funksioneve dhe të reputacionit publik të kandidatit. Dokumentat apo referencat provuese të kandidatit lidhur me suksesin dhe ligjshmërinë në ushtrimin e detyrave duhet të shtrihen së paku për një periudhë vazhduese 3 vjeçare veprimtarie.”.

Në momentin e dorëzimit të dokumentacionit në Kuvend për kandidimim për një pozicion në Komisionin Regullator në KQZ, znj. Ilirjana Nano nuk plotësonte kriteret të cituara më lart; nuk ka një periudhë vazhduese 3 vjeçare veprimtarie dhe e cila, për më tepër, nuk mund të konsiderohet e suksesshme për deri sa largimi nga detyra e Sekretarit të Përgjithshëm të Këshillit të Lartë të Prokurorisë është bërë me masë disiplinore shkarkim nga detyra.

Ditën e premte, 13. 11. 2020, gjyqtarja e Gjykatës Administrative, znj. Elvana Çiçolli ka vendosur në mënyrë të shpejt ( që në seancën e parë, kur zakonisht caktimi i seancave gjyqësore zgjaten në kohë ) të mos marrë në konsideratë argumentet dhe provat të paraqitura nga juristët të Këshillit dhe të urdhërojë shfuqizimin e urdhrit të kryetarit të Këshillit për shkarkim nga detyra dhe për rrjedhojë, rikthimin të zonjës Nano në pozicionin e mëparshëm.
Në mënyrë paradoksale, më ketë vendim, zonja Ilirjana Nano do të jetë edhe kryetare e Komisionit Rregullator të KQZ edhe Sekretare e Përgjithshme në Këshillin e Lartë i Prokurorisë./CNA.al

LEXO TE PLOTE