Connect with Us

Skandali në “Fiks Fare”/Abuzime seksuale në shtëpinë e fëmijës, reagojnë më në fund institucionet

Denoncim

Skandali në “Fiks Fare”/Abuzime seksuale në shtëpinë e fëmijës, reagojnë më në fund institucionet

Publikuar

-

Për dy netë rrjesht, emisioni “Fiks Fare” solli në vëmendje të publikut historinë e dhimbshme të një 12 vjeçareje e cila, gjithë jetën e saj e kishte kaluar në institucione të kujdesit rezidencial.

Gjatë dëshmisë ajo rrëfen për abuzime seksuale dhe lojëra seksi mes bashkëmoshatarët qysh në moshën 8 vjeçare e deri në Janar të 2019. Kohë kur ka dal nga Insistucioni. Ngjarje këto, të ndodhura brenda mureve të shtëpisë së fëmijës “Zyber Hallulli”.

Pas publikimit të kësaj historie tronditëse i pari që reagoi ishte Shërbimi Social Shtetëror. Në deklaratën e tyre ata bëjnë me dije se kanë angazhuar një grup pune për të bërë vlerësimin e rastit të paraqitur në emision për periudhën kur vajza ka qenë banore e shtëpisë.

Shërbimi Social Shtetëror është i gatshëm të bashkëpunojë me Prokurorinë për të hetuar mbi rastin e vajzës deri në zbardhjen e plotë të rastit duke mbajtur përherë në konsideratë interesin më të lartë të fëmijës.

Ndër të tjera ata theksojnë se janë maksimalisht të interesuar për zbardhjen deri në fund të kësaj ngjarjeje, dhe se rasti do të ndiqet me prioritet deri në zbardhjen e tij, për të marrë më pas të gjitha masat e nevojshme për personat përgjegjës.

Një tjetër reagim ka mbërritur edhe nga Ministria e Shëndetësisë dhe e Mbrojtjes Sociale. Në reagimin e tyre ata theksojnë se kamerat në institucion janë vendosur në vitin 2018, siç ka pohuar edhe vajza gjatë rrëfimit të saj. Ndër të tjera ata pranojnë se kjo çështje, bashkë me akuzat e ngritura janë objekt i një hetimi të nisur tashmë nga organi i Prokurorisë, duke inkurajuar këtë institucion që të marrë të gjitha masat dhe të kryejë të gjithë procedurat e domosdoshme, për t’i shkuar deri në fund zbardhjes së të vërtetës.

“Për sa na takon, do të vëmë në dispozicion të organit të Prokurorisë, gjithçka që do të nevojitet për të hedhur dritë, duke filluar që nga kamerat monitoruese në mjediset e Institucionit të Përkujdesit Shoqëror “Zyber Hallulli”, të cilat janë funksionale në këtë institucion prej vitit 2018” thuhet në reagimin e ministrisë.

Ndërkohë, me Urdhër të Ministres së Shëndetësisë dhe Mbrojtjes Sociale, është ngritur tashmë një grup kontrolli, i cili ka në përbërje të tij ekspertë psikiatër zhvillimi dhe psikologë, të cilët do të kryejnë vlerësimin rast pas rasti të çdo fëmije, banor në Shtëpinë e Fëmijës “Zyber Hallulli”, si edhe vlerësimin e stafit kujdestar dhe edukator, me qëllim verifikimin deri në fund, të zbatimit të standardeve të mirërritjes së fëmijëve.

LEXO EDHE:  Denoncimi në Fiks Fare/ Gjobitet se kështu do shefi!

Një tjetër reagim erdhi edhe nga CRCA, organizatë në mbrojtje të të drejtave të fëmijëve. Sipas drejtuesit të saj Altin Hazizaj, puna që po bën Fiksi në këtë rast, dhe media në përgjithësi është për t’u admiruar.

Prej 5 vitesh ata i kanë kërkuar Ministrisë mbylljen e këtyre institucioneve, të cilat sipas tij janë burime abuzime seksuale dhe dhune.

Këtë e dëshmojnë vendet Evrpiane të cilat pasi kanë vendosur sistemin e kujdesit në familje, edhe sot vazhdojnë të hetojnë dhunën seskuale, të ndodhura në këto institucione në vitet kur kanë qenë ende të hapura. Shteti shqiptar duhet të angazhohet në mbylljen e këtyre qendrave rezidenciale, krijimin e qendrave të hapura dhe investimin serioz në kujdesin në familja.

Pagesa prej 9000 lekësh të reja, për kujdesin e një fëmijë në familje kujdestare është qesharake, dhe minimalisht duhet të dyfishohet apo trefishohet që të merret seriozisht nga kujdestarët.-shtoi Hazizaj.

Ai gjithashtu këmbëngul që Urdhri i Psikologëve duhet urgjentisht të marrë masa për ata psikologë të cilët nuk raportojnë raste të tilla të ngjashme. Ata duhet të respektojnë ligjin dhe të raportojnë, çka është në interesin më të lartë të fëmijës. Gjithashtu për rastin konkret i bënë thirrje Urdhrit të Psikologut të ndërgjegjësoj këtë të fundit dhe të marrë masa për psikologen që nuk ka raportuar rastin e 12 vjeçares siç e kërkon edhe ligji./Top Channel/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Avokati “korrupton” qytetarin, i kthen gjysmat e lekëve që mori për prokurorin

Publikuar

-

Nga

“Fiks Fare” denoncoi veprimet e një avokati në Peshkopi, i cili ka arritur që të “korruptojë” një qytetar duke i kthyer gjysmat e lekëve që i mori për t’ia dhënë prokurorit.

Megjithatë, ai i ka mbajtur gjysmat e tjera me pretendimin se “të kam mbaruar punë me prokurorin”. Në redaksinë e emisionit investigativ “Fiks Fare” u ankua një qytetar nga Peshkopia, i cili tha se disa javë më parë kishte pasur një konflikt me disa persona, ku pas sherrit përfundoi në prangat e policisë. Madje, ai u shpall në kërkim policor.

“Para se të më arrestonin, takova avokatin Ismail Uka që më kërkoi 1 milionë lekë që të më mbyllej dosja. Lekët i donte për prokurorin që mos të shkoja në gjykatë për masë sigurie” tha qytetari. Më tej shtoi se para avokatit nuk ka dhënë ndonjë prokurë, por vetëm i ka dhënë lekët dhe asgjë tjetër.

“Ky më tha mua thjesht do kap prokurorin që t’i jap lekët të të mbaroj punë. Të më hiqte akuzën, akuza s’më është hequr. Unë me ata miqtë e mi jam pajtu, s’kam pasur as një gjë. Ky avokati mori lekët dhe thotë kam paguajt. Ai s’më erdhi as në polici. Në komisariat qëndrova 1 natë, nga ora 10 deri në mëngjes. Të nesërmen u mbyll çështja. Nuk shkova në gjykatë, as për masë sigurie. S’ishte për tu vajt atje” pohon qytetari, i cili ka një kërkesë që persona të tjerë të mos bien në grackën e këtij avokati.

Pas ankesës, qytetari i shkon në zyrë avokatit. Pa u sqaruar mirë, avokati nxjerr 500 mijë lekë të vjetra dhe ia kthen qytetarit. “Këto që po mbaj s’janë kot. Unë ti ktheva për mirë. Unë e di nëse të kam bërë apo s’të kam bërë punë, se tani je i lirë se ishe në kërkim policor” i thotë avokati. Më tej vijon se “mos të isha marrë me çështjen, ti nuk dilshe prej aty (burgut). Po shko tani se s’mund ti dëftoj krejt llafet ty se s’janë për dëftu. Nuk janë për të tregu krejt llafet, shko tani”.

Ndërkohë, qytetari që nuk ishte i bindur nga fjalët e avokatit, i shkon sërish në zyrë. Kësaj herë, avokati i thotë se “je liruar me urdhër të prokurorit Rifat Kojku. Ai të ka liruar, jo unë”.

***

TAKIMI I PARË ME AVOKATIN

Avokati – Ça bone ti (e takon te dera e zyrës)?

Qytetari – Unë ç’ashtu. Ça bone ti?

Avokati – Gjysmën e lekëve do ti kthej, gjysmën janë puna. Dakord?

Qytetari – Gjysmat e lekëve janë…?!

Avokati – Puna që ashtu…

Qytetari – Këtu janë… pa ba asnjë gja

Avokati – Tani asnjë gja unë nuk…

Qytetari – E mirë a ok!

Avokati – Dakord? Erdhën porositë, erdhi …, erdhe ti. U mora me atë punë, shkova bisedova. Gjërat i mora për mirë. Tani ti s’do, mos don, bëj çfarë të duash. Këtu ke 500 mijë lekë (i kthen lekët).

Qytetari – 500 mijë?

Avokati – Numëroji. Gjysmën. 1, 2, 3, 4, 5, 6, 7, 8, 9, 10.

Qytetari – Tani ato lekët kujt ja janë, të tujat apo i ka marrë prokurori?

Avokati – Mos u merr me atë punë.

Qytetari – Duhet të merrem unë.

Avokati – Nuk tregohen ato gjëra.

Qytetari – Si s’tregohen?

Avokati – Ato ti ke zënë një avokat, avokati di vetë ça bën.

Qytetari – 500 mijë lekë kot mas koti.

Avokati – Kot s’janë ato. Unë ti ktheva për mirë. Se unë as po prish kontratë pune, lekët s’ti kam vjedh, ke ardh i ke sjell vetë.

Qytetari – Po s’ke bërë punë o Ismail.

Avokati – Një sekondë njëherë. Atë kam bërë s’kam bërë punë, atë s’ma thua ti kam bë s’kam bërë punë. Se je i lirë, ishe në kërkim policor. Tani je i lirë. Dakort?

Qytetari – Po.

Avokati – Shko në punën tënde mik, ta bëra për mik. Se nuk ti kthej më çato lekë, se unë të mora për mik. Se unë nuk po heq dorë nga mbrojtja, po heq ti dorë. Megjithatë unë të kam mik, shko njëherë.

Qytetari – O mik, në rast se ti do me ndejt mik me mua në rregull, në rast se nuk dojshe, unë ta thashë edhe njëherë. Tani, a mund ta di unë…

Avokati – Shko…

LEXO EDHE:  Basha shkatërron institucionet e PD

LEXO EDHE:  Fiks-Fare paralajmëron skandalin/ Si e kërcënojnë tatimorët, biznesmenin

Qytetari – Unë du me e dit, këto lekë se unë kam 500 mijë lekë o Ismail.

Avokati – Më ke zënë mu.

Qytetari – 500 mijë lekë pa u ba asnjë gja.

Avokati – Më ke zënë avokat dhe unë u mora me atë çështje.

Qytetari – O zotëri, s’je marrë me çështjen.

Avokati – Edhe njëherë, jam marrë me çështjen o … se mos të isha marrë me çështjen, ti nuk dilshe prej aty (burgut). Po shko tani se s’mund ti dëftoj krejt llafet ty se s’janë për dëftu. Shko tani se kaq po të them. Nuk janë për të tregu krejt llafet, shko tani. E ndahemi me aq.

Qytetari – Unë për ti marrë lekët do ti marr Ismail, këtë ta dish mirë.

Avokati – O mik shko tani se për mik ti dhashë ato lekë, shko tani. E mbaruam atë pjesë, shko tani. Shko…

Qytetari – A i do edhe këto or ti (i drejton 500 mijë lekshin që i ktheu avokati)?

Avokati – Jo nuk i du! Ti thashë vetë për mik.

Qytetari – Mi dhe vetë ëëë?

Avokati – Po, për mik!

Qytetari – Ok. Hajt!

***
TAKIMI I DYTË ME AVOKATIN

Qytetari – Po mirë mo se më ngeli pak hatri mo burrë, si shkoi kjo puna mund të ma sqarosh pak.

Avokati – Ça mund të sqaroj!

Qytetari – Po ma sqaro Ismail.

Avokati – Ça sqarimi do?

Qytetari – Si shkoi se janë 500 mijë lekë or ti.

Avokati – 500 mijë lekë janë që mua më ke zënë avokat deri në momentin e sotshëm.

Qytetari – Or ti zotni, se unë tani po të them edhe një gja. A të mora unë në telefon, a më the ti mos jep detaje. Unë tani po të pyes si njeri. Unë po të them çfarë është ky, se je tu më marrë 500 mijë lekë, edhe ti mua do të më sqarosh.

Avokati – Ja do të sqaroj, mbi bazën e kallëzimit.

Qytetari – Si e kishte (emrin prokurori)?

Avokati – Rifat Kojku.

Qytetari – Ma shkruaj pak me letër.

Avokati – (I shkruan në letër emrin e prokurorit). Këtij i ka ra për ta hetuar çështjen tënde.

Qytetari – Me një fjalë…

Avokati – Ai është prokurori çështjes që ke aty (në letër).

Qytetari – Tani këtë 500 mijë lekëshin e ke mbajt ti këtë?

Avokati – Po, është puna ime.

Qytetari – Që ti s’ke bërë asnjë lloj pune.

Avokati – Kam ba, s’kam ba, je i lirë sot. S’je në kërkim.

Qytetari – Unë s’jam prej teje.

Avokati – Edhe njëherë, unë do të jap urdhrin e kërkimit, edhe urdhrin që ke qenë në kërkim.

Qytetari – Po atë s’ke lidhje ti me këtë gja. Ti pse s’erdhe në polici kur të mora unë? Këtë gja ma shpjegon ti mu.

Avokati – Unë isha në gjyq, të thash mos jep deklarime pa qenë unë aty.

Qytetari – Unë prej teje isha në burg.

Avokati – Edhe njëherë, të kam thënë mos jep deklarime.

Qytetari – Unë prej teje isha në burg.

Avokati – Mos fol more se ishe në kërkim policie. Për policinë ishe në burg.

Qytetari – A të kam avokat personal more?

Avokati – Për policinë ishe në burg. Të shpalli në kërkim, të erdhi te shtëpia të I…, të kapi, të futi brenda. Kur erdhi pastaj puna më të mbajt brenda, kur mori në telefon prokurorin e çështjes i tha jo, do ta ndjekësh në gjendje të lirë.

Qytetari – Edhe më qite ti?

Avokati – Prokurori të ka qit, jo unë. Prokurori!

Qytetari – Cili prokuror?

Avokati – Rifat Kojku.

Qytetari – Rifat Kojku, je i sigurt?

Avokati – Po, 100 %.

Qytetari – 100 %?

Avokati – 200.

Qytetari – S’ka me dal kështu.

Avokati – Unë po të them 100…

Qytetari – S’ka me dal kështu.

Avokati – Ka me dal.

Qytetari – Mos me dal mendohu mirë.

Avokati – Nëse s’del atëherë mbaj unë përgjegjësi.

Qytetari – A do e mbash ti?

Avokati – E mbaj unë. Nëse s’është kshu prokurori i çështjes, do të vish te unë.

Qytetari – Ok.

Avokati – Do të jap unë llogari.

Qytetari – Ja kalofsh mirë.

LEXO TE PLOTE

Denoncim

“Stop” denoncim për avokaten mashtruese të Otrantos/ Si grabiti Natasha Shehu pronën e familjes

Publikuar

-

Nga

Pak ditë më parë emisioni “Stop” transmetoi skandalin e avokates së tragjedisë së Otrantos, Natasha Shehu, duke treguar, sesi kjo e fundit grabiti paratë e të afërmve të viktimave.

Sot motra e saj, Vasilika Shehu, denoncon Natashën dhe thotë se ajo ka grabitur edhe pronën e familjarëve në Sarandë, duke falsifikuar dokumentin e privatizimit të nënës së saj Dede Shehu, e duke e regjistruar në emrin e saj.

Një tjetër denoncim për Natasha Shehun vjen nga Genci Nako, i cili në 2001-shin i ka blerë Natasha Shehut taracën e katit të katërt me perspektivë për katin e 5-të. Genci e investoi katin e 5-të dhe e gëzoi apartamentin deri në 2017-ën.

Pas 16 vjetësh u rishfaq Natasha Shehu dhe me format e saj, arriti të hapte procese gjyqësore për të marrë truallin, por jo apartamentin e shitur. Megjithatë Natasha ka shkallmuar derën e Genci Nakos bashkë me partnerin e saj italian, duke marrë me forcë apartamentin, ndërsa për 3 vjet as prokuroria, as policia e Sarandës, nuk ka ndërhyrë.

LEXO EDHE:  Fiks Fare/ Zbulohet zona dhe partia e kryetarit të njësisë administrative që është i dënuar

LEXO EDHE:  Fiks-Fare paralajmëron skandalin/ Si e kërcënojnë tatimorët, biznesmenin

LEXO TE PLOTE

Denoncim

Skandali në STOP-“Është mik i babait, s’më ka kërkuar seks…” / Avokati tenton të ndryshojë dëshminë

Publikuar

-

Nga

Një ditë më parë “Stop”transmetoi dy dëshmi të reja, që implikojnë profesorin e kantos në shkollën e mesme artistike “Jakov Xoxa” në Fier, Agron Bego.

Një djalë tregoi, sesi dy profesorë të shkollës kishin marrëdhënie intime me të njëjtën nxënëse të mitur. Ndërsa një vajzë dëshmoi, sesi e prekte profesor Agroni në mënyrë të papërshtatshme.

Madje ajo tha, se profesor Agroni i kishte rregulluar një nxënëse një kolegut të tij, që quhej Vasil.

Në të njëjtën ditë, që “Stop” transmetonte dy dëshmitë e reja, avokati i profesorit Agron Bego, Niko Bega, është filmuar duke i kërkuar një shokut të vajzës së parë të ngacmuar seksualisht, që ajo të ndryshojë dëshminë.

Ai i thotë se do t’i tregojë vetë se çfarë të dëshmojë, ndërsa shton se duhet të pohojë se po bisedonte në konfidencë, pasi profesori interesohej për mungesat e saj sepse e kishte porosi nga prindërit.

Për këtë skandal kanë reaguar sërish organizatat e shoqërisë civile. CRCA/ECPAT  i kërkon kryeministrit të shkarkojë ministren e arsimit, duke dëgjuar këmbanat e alarmit, që “Stop” transmeton prej ditësh.

Shoku i vajzës-Ça po bën? Si kalove?

Avokati i Agron Begos –Si je?Avokat Niko Bega!

Avokati i Agron Begos-Tani për të hyrë në temë!

Shoku i vajzës-Më thuaj!

Avokati i Agron Begos-Unë jam Avokati i Agron Begos.

Shoku i vajzës-Ëëë… po!

Avokati i Agron Begos-Tani..i vajza, që ka bërë filmimin, ka nxjerrë emrin tënd.

Shoku i vajzës-E kam mikeshë, e kam shoqe.

Avokati i Agron Begos-Ke ndonjë ide, se si mund ta ndihmojmë? Se kam informacion, që ti ke ide kështu… kee…

Shoku i vajzës-Po ç’ide mor burrë?!

Avokati i Agron Begos – Ke fantazi… Atëherë po ta them unë, çfarë mund të përmirësojmë… Nëse XXX … vetëm XXX, jo ti… XXX do vij të deklarojë para oficerit të policisë gjyqësore, ose para një noteri, që shiko unë me Agronin kam marrëdhënie shumë të mira, sepse kanë një, dy, ja them unë, se ca duhet të thotë, një, dy, tre, katër… Dhe këto që ka thënë Agroni, realisht nuk janë kështu siç… Nuk janë kështu kështu siç është interpretuar… Por Agroni m’i ka thënë në këtë kontekst… babai im e ka mik dhe ky ka bërë çmos për mua… Nuk më ka kërkuar afera seksuale… kaq mo kaq… nuk më ka kërkuar afera seksuale dhe këto, që i ka përmendur, i ka përmendur në konfidencë… Kaq mo! Mbyllet historia… Tani ne kemi mundësi t’i zvogëlojmë gjërat. Mua një deklaratë e kësaj dreqit… eeee XXX më mbyll shumë kyçe për Agronin… Kupton? Gjërat zvogëlohen dhe ne kërkojmë pushimin e çështjes. Kupton? Dhe nuk bëhet gjyq fare, nuk vjen asnjeri nga ju më në gjyq… Shiko! Synimi im, qëllimi im është të dali Agroni i pafajshëm. Nuk më interesojnë të tjerat fare… fare o absolutisht! Fol me Avokatin e Agron Begos thuaj, të Agronit, që gjërat mos të zmadhohen, se Avokati i Agron Begos ka në dorë, që t’i grumbullojë gjërat tak në një dorë dhe pap- pap-pap… e kupton? Që mos të përhapen, se po qe se do përhapen gjërat, s’di se ku merr ajo… se kyçi kryesor është XXX.

LEXO EDHE:  Fiks Fare/ Zbulohet zona dhe partia e kryetarit të njësisë administrative që është i dënuar

LEXO EDHE:  Mish pa vulë nga Maqedonia/ Zbulohet skema e kontrabandistëve

Shoku i vajzës- Po ajo është!

Avokati i Agron Begos-Ajo është autori kryesor. Atëherë, në qoftë se unë i marr një dëshmi XXX, thjesht XXX të thotë, që: Shiko, unë nuk jam në gjendje të mirë psikologjike dhe ashtu e kështu, kaq mbaroi filmi për të gjithë.

Shoku i vajzës – Ça thua, mo burrë?!

Avokati i Agron Begos- Dhe në aspektin… aspektin e etikës, që ka përdorur ato fjalë Agroni, pastaj le të marrë masë shkolla, siç mori në fakt.

Shoku i vajzës- Ça i bënë, ore?

Avokati i Agron Begos –Po e hoqën nga puna.

Shoku i vajzës– E përjashtuan, e hoqën?

Avokati i Agron Begos –Po pra! /tvklan.al

LEXO TE PLOTE