LEXO PA REKLAMA!

SHKARKO APP

Negociatat me BE/ Ambasadori gjerman sqaron qëndrimin e Bundestagut

1 Tetor 2019, 10:36, Politikë CNA
Negociatat me BE/ Ambasadori gjerman sqaron qëndrimin e Bundestagut

Ambasadori gjerman në Shqipëri Peter Zingraf, gjatë prezantimit të kalendarit të Tetorit gjerman, ka komentuar edhe qëndrimin e Bundestagut sa i takon negociatave me Shqipërinë.

Ambasadori Zingraf e quajti vendimin e Bundestagut gjerman një shenjë që aprovon se Shqipëria duhet të pranohet në BE, ndërsa theksoi se nuk ka asnjë kusht të ri.

Zingraf u shpreh më tej se kushtet ishin të artikuluara edhe më parë dhe disa prej tyre mund të plotësohen edhe pas hapjes së negociatave.

?”Mund të themi se proceset e ndryshimit nga reformat e ndërmarra duhet të shkojnë edhe më thellë në aspektet sociale edhe kulturore, duke depërtuar më thellë në shoqëritë tona.

Mund të them se fjala qendrore i të gjitha reformave të ndërmarra në kontekstin e Shqipërisë në BE është termi shoqëri civile, pasi nuk do të kishin sukses pa këtë. Nëse nëntë pikat janë kushte apo detyra që duhet t?i plotësojë pas hapjes së negociatave, nëse do të hapen gjithmonë: Po, në fakt Bundestagu gjerman dha një Po edhe qeveria federale do të shkojë në Bruksel. Bundestagu luan një rol të fuqishëm edhe qeverisë federale i nevojitet ky konfirmim i Bundestagut gjerman.

Mund të themi se debati në Bundestag ishte i thellë, me njohje të angazhuara. Kjo siç tha edhe një gazetar ishte një shenjë, një dëshmi Shqipëria do të pranohet në BE.

Bundestagu ka kërkuar disa kushte që duhet të përmbushen në një fazë ta parë edhe pastaj do të përmbushen në fazën e dytë edhe kushte të tjera. Është e rëndësishme që të theksojmë siç tha edhe Soreca, se po pritet edhe së çfarë vendimi do marrin vendet e tjera të BE

Përshkallëzimin apo fazat që ishin të parashikuara në rezolutën e Bundestagut gjerman, duhet të them se kushtet që u artikuluan, ishin përpara këtij vendimi.?-tha ambasadori gjerman.

Gjithashtu ai vuri theksin edhe tek domosdoshmëria e zgjidhjes së krizës politike.

Ai e quajti pjesëmarrjen e PD në tryezën e Reformës Zgjedhore një sinjal për vazhdimësinë e Reformës Zgjedhore.

?Për reformën zgjedhore edhe thyerjen e mureve mes partive politike, por edhe për kërkesën e PD që të jenë ndërkombëtarët që të kenë ndikim tek reforma elektorale: Unë jam i bindur plotësisht për këtë që zgjidhja për këto konflikte politike duhet të vijnë nga vet partitë edhe nga institucionet kombëtare. Ne kemi dhënë mbështetjen teknike, por dua që të them se kjo pjesëmarrje në tryezën mbi reformën zgjedhore, e shumë partive ishte një sinjal që mund të vazhdohet në procesin dhe debatin mbi reformën zgjedhore”, u shpreh ambasadori.

Lajmet e fundit nga