Connect with Us

Samir Mane: Në Tiranë ka tejngopje të qendrave tregtare

Ekonomi

Samir Mane: Në Tiranë ka tejngopje të qendrave tregtare

Publikuar

-

Flet z. Samir Mane, presidenti i Grupit “Balfin”

Grupi Balfin, pas një ecurie pozitive në 2018-n, pret që të rrisë qarkullimin vjetor me 40% në 2019-n. Presidenti i grupit, z.Samir Mane pohon se në Shqipëri grupi synon konsolidimin e bizneseve aktuale dhe forcimin e mëtejshëm të pozitave në treg, por nuk ka plane për investime të reja në Shqipëri. “Nga ana tjetër, ne synojmë që të shtrihemi më tej në rajon me investimet në real estate në Maqedoni, me shtrirjen tonë të mëtejshme me “Jumbo” në Kosovë, Bosnjë, Mal të Zi dhe në shtete të tjera”, thotë z.Mane.

Ai shton që tashmë në Tiranë ka një tejngopje të qendrave tregtare, numri i blerësve për metër katror është ulur shumë krahasuar me disa vite më parë, në raport me proceset e ndryshme të blerjeve. Ndërsa ndërtimi nuk është një fushë prioritare për Grupin dhe “nuk është në planet e investimeve tona, pasi mendojmë që tregu është i mbingopur me ndërtime të shtrenjta”, pohon z.Mane.

Si ka qenë ecuria e grupit në vitin 2018 dhe në pjesën e parë të 2019-s?

Grupi “Balfin”, çdo vit, është në përmirësim të performancës së portofolit të investimeve, kjo falë ekspansionit dhe optimizimit të shpenzimeve operacionale. Edhe viti 2018 ka qenë një nga vitet me performancën më të mirë, me një rritje prej 24% krahasuar me një vit më parë, sidomos në sektorin e tregtisë me pakicë në të gjithë kategoritë, në sektorin minerar etj. Xhiroja vjetore e Grupit për vitin 2018 ka qenë 580 milionë euro. Më shumë për performancën e Grupit “Balfin” do të keni informacion të publikuar si në website, edhe në Qendrën Kombëtare të Biznesit, brenda muajit tetor, ku për herë të parë do të publikojmë pasqyrat financiare të konsoliduara të audituara nga BIG 4, për të gjithë aktivitetin që Grupi realizon në të gjitha vendet e rajonit.

Si e prisni ecurinë për periudhën në vijim?

Viti 2019 do të jetë gjithashtu një vit pozitiv në shumicën e sektorëve ku ne investojmë, ku planifikojmë një rritje të xhiros me 40%. Tregtia me pakicë vijon me rritje si në xhiro dhe në fitim, si në Shqipëri edhe në Austri, Kosovë, Maqedoni, Bosnjë dhe Mal të Zi. Në sektorin minerar, ne jemi përpunuesit më të mëdhenj në rajon dhe çdo gjë varet nga ecuria e tregjeve globale. Besojmë se do të ketë rritje në muajt në vijim si për ferrokromin, edhe për ferronikelin.

Qendrat Tregtare janë në performancë shumë të mirë, si në frekuentim edhe në miksimin e duhur të qiramarrësve. “Tirana Bank” ka pasur një performancë shumë pozitive krahasuar me një vit më parë, në rritjen e depozitave dhe rritjen e biznesit. Në sektorin e real estate, në projektet që ne ndërmarrim, shitjet kanë ecur shumë mirë, falë koncepteve që ne zhvillojmë dhe ofrojmë.

Cilat janë planet tuaja për investime në të ardhmen?

Grupi “Balfin” në Shqipëri synon konsolidimin e bizneseve aktuale dhe forcimin e mëtejshëm të pozitave në treg, duke investuar në rritjen e gamës së produkteve dhe përmirësimin e shërbimeve në retail, ndërkohë që nuk ka plane për investime të reja në Shqipëri. Nga ana tjetër, ne synojmë që të shtrihemi më tej në rajon me investimet në real estate në Maqedoni, me shtrirjen tonë të mëtejshme me “Jumbo” në Kosovë, Bosnjë, Mal të Zi dhe në shtete të tjera; synojmë gjithashtu vijimin e investimeve në real estate në Austri. Gjithashtu në Kosovë tek Ferronikeli, ku së fundmi nëpërmjet bashkëfinancimit me Bankën Europiane për Zhvillim do të mundësojmë përmirësimin e eficencës së energjisë dhe efikasitetit operacional të fabrikës.

Vitet e fundit, Balfin është diversifikuar dukshëm, duke u futur edhe në tregjet financiare. Pse kjo zgjedhje dhe si po e menaxhoni rritjen dhe diversifikimin e aktivitetit të grupit?

Grupi “Balfin”, në fillim të vitit 2019 përfundoi procesin e investimit te “Tirana Bank”. Ky është gjykuar nga ana jonë si një investim mjaft i mirë, nisur edhe nga fakti që “Tirana Bank” është banka e parë private në vend dhe më duhet të them me kënaqësi, që deri tani kjo bankë, që kur e kemi marrë ne në zotërim, ka performuar mjaft mirë krahasuar me një vit më parë, si në rritjen e depozitave, edhe të biznesit.

LEXO EDHE:  Tirana e parafundit në Europë për fuqinë blerëse në 2018/ Blejnë 26% më pak të mira dhe shërbime se shqiptarët e Kosovës

Së fundmi, konkurrenca po shtohet në biznesin e qendrave tregtare (hapja e qendrës te Stadiumi), ndërkohë që të tjera qendra janë në projekt në qendër të Tiranës. Sa e vlerësoni se ka treg në Shqipëri për kaq shumë qendra?

Personalisht, mendoj dhe e kam thënë disa herë, që tashmë në Tiranë ka një tejngopje të qendrave tregtare, pasi në bazë të studimeve dhe raporteve që ju si media keni nxjerrë tashmë, numri i blerësve për metër katror është ulur shumë krahasuar me disa vite më parë, në raport me proceset e ndryshme të blerjeve.

Megjithatë, pavarësisht rritjes së konkurrencës, ne jemi përpjekur që qendrat tona të kthehen në destinacionet e blerjeve më të vizituara në Shqipëri, me mundësi të mëdha për të zhvilluar një aktivitet apo promovim. Avantazhi ynë kryesor në raport me të gjithë qendrat e tjera është miksi unik i brandeve. Avantazh do të thosha se përbëjnë edhe faktorë si pozicionimet e favorshme dhe lehtësisht të arritshme për të gjithë, përgjigjja e kërkesave të konsumatorëve, duke u ofruar një përvojë të gjithanshme, mjediset komode për çdo grupmoshë, zhvillimi i aktiviteteve të reja, përqendrimi i vazhdueshëm te shërbimi i ofruar.

Sa ka ndikuar plakja e popullsisë dhe emigracioni në konsumin në vend. Si e parashikoni trendin e konsumit në vitet në vijim dhe si pritet të ndikojë aktivitetin tuaj, duke qenë se ju jeni grupi më i madh i retail në vend.

Plakja e popullsisë dhe emigracioni janë çështje jo vetëm të Shqipërisë por dhe të gjithë rajonit që ne i përkasim, madje është një çështje globale. Lëvizja e njerëzve është një proces që vijon prej qindra vjetësh dhe do të vijojë dhe më tej. Çdokush synon që të ketë një jetë sa më të mirë dhe sa më dinjitoze për veten dhe familjen, ndaj dhe kërkon mundësi jo vetëm në vendin e tij, por dhe gjithkund tjetër. Sigurisht që ne si një biznes me fokus në retail ndikohemi nga këta faktorë, por kemi marrë të gjitha masat për t’iu përshtatur nevojave të tregut.

Cilët vlerësoni se janë sektorët me potencial për të investuar në të ardhmen në vend?

Sektori me potencialin më të madh për të investuar mendojmë që është turizmi, pasi kjo është një fushë në hapat e parë të zhvillimit në vendin tonë dhe krijimi i standardeve më të mira ndërkombëtare për pushuesit që vijnë në Shqipëri dhe që kërkojnë hotele me kushtet dhe komfortin maksimal apo për ata që duan të gëzojnë një shtëpi të dytë pushimi është sfida që kemi përpara.

Sipas jush, pse bizneset vijojnë të rendin pas ndërtimit dhe ka pak interes në sektorë të tjerë, si industria përpunuese, agro-industria, bujqësia etj.?

Për Grupin “Balfin”, ndërtimi nuk është një fushë prioritare dhe nuk është në planet e investimeve tona, pasi mendojmë që tregu është i mbingopur me ndërtime të shtrenjta. Ajo për të cilën ka nevojë është ndërtimi i banesave të lira, për të krijuar mundësi akomodimi për të gjithë.

Si do ta vlerësoni mjedisin për të bërë biznes në Shqipëri?

Ashtu si çdo treg tjetër, edhe Shqipëria ka të mirat dhe problemet e veta në të bërit biznes. Ndër faktorët më problematikë do të rendisja praninë shumë të madhe të informalitetit, mungesën e transparencës financiare, problemet me infrastrukturën, problemet me titujt e pronësisë etj.

Duke qenë se ju jeni shtrirë së fundmi me projekte dhe në Maqedoni, si do t’i vlerësonit politikat lehtësuese të shtetit maqedonas për tërheqjen e investitorëve të huaj? A duhet ta ndjekë dhe Shqipëria këtë shembull?

Maqedonia ofron shumë mundësi për bizneset e huaja, qoftë dhe ato me prejardhje shqiptare. Shqipëria ka shumë gjëra që mund të mësojë nga ky vend fqinj, veçanërisht në praktika për mbështetjen e investimeve strategjike./ Monitor

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Ekonomi

Buxhetit i mungojnë 180 milionë euro nga taksat në 2019-n/ Mosrealizim historik i planit

Publikuar

-

Nga

2019-a u mbyll me të ardhura totale prej 460.3 miliardë lekësh, ose 3.7 miliardë eurosh. Në krahasim me një vit më parë, të ardhurat u rritën me 2.4%. Nëse marrim në konsideratë inflacionin (1.4% mesatarja e 2019-s) dhe rritjen ekonomike (2.7% e pritshme), atëhere rritja reale e të ardhurave është negative, prej -1.7%.

Në krahasim me planin, buxheti është minus me 26.3 miliardë lekë,  nga të cilat 6.3 miliardë lekë nga ndihmat dhe 22 miliardë lekë, ose rreth 180 milionë euro nga të ardhurat e planifikuara tatimore. Sipas të dhënave historike, të përpunuara nga Monitor, ky është niveli më i lartë i mosrealizimit të planit të të ardhurave tatimore, të paktën që nga viti 2009, kur raportohen të dhënat faktike dhe të planit. (shih grafikun).  Mosrealizimi vjen si rrjedhojë e rritjes së ulët të të ardhurave, por dhe planifikimit optimist që bëhet gjithnjë në fillim të vitit. Të dhënat historike tregojnë se vetëm në 2013-n plani është tejkaluar (ndonëse ai ishte caktuar shumë i ulët pasi të ardhurat reale ishin me rënie), në vitet e tjera, të ardhurat tatimore kanë qenë gjithnjë më të ulëta se plani.

TVSH-ja, zëri që sjell më shumë të ardhura në buxhet, kishte dhe mosrealizimin më të madh të planit, me -19 miliardë lekë. Të ardhurta nga TVSH shënuan dhe një rënie vjetore me 7.7% në raport me faktin e një viti më parë. Financat kanë sqaruar se kjo tendencë ka ardhur për shkak të përjashtimit nga TVSH të nënkontraktorëve të TAP, uljes së çmimeve të disa produkteve të importit, mbylljes së lojërave të fatit, zerimi i TVSH-së për produktet bujqësore. Në total, TVSH solli 144 miliardë lekë në buxhet, ose rreth 32% të totalit të buxhetit.

Të ardhurat nga tatim fitimi dhe ato personale ishin me tejkalim plani dhe rritje përkatësish 6.2% dhe 26% në raport me faktin e 2018-s. Rritja e lartë e tatimit të të ardhurave personale u ndikua dhe nga ulja e tatimit për dividendin nga 15 në 8% me efekt prapaveprues që nxiti bizneset të shpërndanin fitimet e mbartura.

LEXO EDHE:  Kush do të sfidojë Veliajn/ Ja 5 kandidaturat e Bashës për Tiranën

LEXO EDHE:  Tirana pret Vitin e Ri në sheshin 'Skënderbej'

Të ardhurat nga akciz u rritën me 3.6%, ato nga pushteti vendor me 5.7%. Taksa mbi pasurinë ishte në të njëjtat nivele të një viti më parë dhe 1.7 miliardë lekë më pak se plani, teksa zbatimi i formulës së re të taksimit të pronës nuk u vu në zbatim për shkak të vështirësive me identifikimin e vlerës së pasurive.

Sigurimet shoqërore u rritën me 6%, në linjë me planin e fillim vitit.

Të ardhurat jo tatimore u rritën me 15% të ndikuara nga performanca e mirë e institucioneve buxhetore.

Dhjetori, ndikimi nga tërmeti dhe parashikimi jo realist për 2020

Në dhjetor u mblodhën 39 miliardë lekë në total, pak a shumë në të njëjtin nivel me mesataren vjetore, por ecuri u nxit nga ndihmat dhe mbështetja buxhetore pas tërmetit që arritën në rreth 4 miliardë lekë.

Të ardhurat tatimore në dhjetor ishin 31 miliardë lekë, duke qenë shumë poshtë mesatares prej gati 36 miliardë lekësh të 11 muajve të mëparshëm dhe planit prej 42 miliardë lekësh të parashikuar në fillim të vitit.

Për vitin 2020, parashikimi në buxhet mbetet për një nivel të ardhurash tatimore prej gati 500 miliardë lekësh, ose rreth 40 miliardë lekë më shumë se fakti i 2019-s, që praktikisht duket i paarritshëm, duke pasur parasysh që në 2019-n, një vit normal pa goditjen e tërmetit, të ardhurat ishin vetëm 11 miliardë lekë më pak se një vit më parë.

Në vlerë absolute të ardhurat tatimore u rritën me vetëm 7 miliardë lekë në 2019-n, më e ulëta që nga 2015-a (shih grafikun). Për 2020-n parashikohet që të ardhurat tatimore të rriten me 39 miliardë lekë në raport me 2019-n, një parashikim jo realist duke pasur parasysh ekonominë e dobësuar nga tërmeti. Një rritje e tillë është konstatuar vetëm në 2014-n, periudhë që u shoqërua me një rritje të ndjeshme taksash për biznesin e madh!

Në momentin që të ardhurat nuk realizohen, qeveria është e detyruar të shkurtojë shpenzimet e planifikuara, në mënyrë që të ruajë parametrat e deficitit,  ku ato që preken janë investimet kapitale./ Monitor

 

 

LEXO TE PLOTE

Ekonomi

Bizneseve të Tiranës u rriten me 15-64% tarifat e pastrimit/ U ndikuan dhe nga koncesioni i inceneratorit

Publikuar

-

Nga

Bizneseve të mëdha e të vogla të Tiranës u kanë dalë në sistem tarifat e reja të pastrimit, të cilat kanë qenë në rritje në raport me vitet e mëparshme. Sipas faturave, që disa subjekte kanë dërguar pranë redaksisë së Monitor, për disa kategori biznesi, tarifa vjetore e pastrimit është 85,100 lekë, nga 74 mijë lekë që ishte në vitet e mëparshme (shiko faturën në fund), me një rritje prej 15%, për disa kategori të tjera (biznesi i vogël me xhiro nga 2-8 mln lekë) rritja është nga 10 mijë në 11,500 lekë, po me rritje 15%.

Rritja është më e lartë në përqindje për bizneset e vogla, me xhiro nga 0-2 mln lekë në vit. Për këtë kategori, tarifa është rritur me rreth 64%, nga 3,500 lekë në 5,750 lekë. Vetëm për disa kategori si shërbimet e fotokopjimit, sallonet e bukurisë, agjencitë valutore, transport etj, tarifa e pastrimit është 4 mijë lekë.

Burime zyrtare nga Drejtoria e Taksave Bashkiake në Tiranë thanë se paketa e re ka pasur ulje për bizneset e vogla në lidhje me taksën e përkohshme të infrastrukturës Arsimore dhe rritje në disa raste në tarifën e pastrimit.

Për subjektet e vogla, është ulur taksa e infrastrukturës arsimore, nga 3,500 në 2,500 lekë, por rritja e tarifës së pastrimit është më e lartë, duke bërë që në total për këto dy taksa, bizneset të paguajnë 1,250 lekë më shumë.

Këto tarifa të reja bazohen në vendimin 158 të Këshillit Bashkiak, të marrë në datën 26.12.2019 (shiko në fund tabelën e plotë të tarifave).

Rritja, ndonëse më e lehtë është dhe për familjarët, nga 5,000 lekë në vit që paguanin më parë në 5,750 lekë, ose 15% më shumë.

Për zonat administrative Dajt, Farkë, Kashar, rritja është me 300 lekë (nga 2,000 në 2,300 lekë), ose 15% dhe për njësitë e Berzhitë, Baldushk,  Petrelë, Vaqarr, Pezë, Ndroq, Krabë, Shëngjergj, Zall-Herr, Zall-Bastar, tarifa e pastrimit nga 1,000 lekë bëhet 1,150 lekë.

LEXO EDHE:  Sa shtrenjtë kushton argëtimi në Shqipëri/ Qytetet më qejflinjë

LEXO EDHE:  Sa shtrenjtë kushton argëtimi në Shqipëri/ Qytetet më qejflinjë

Rritja nga inceneratori

Në relacionin e Programit Buxhetor Afatmesëm, 2020-2022 të Bashkisë Tiranë argumentohet nevoja për rritjen e tarifave, me rritjen e kostos së shërbimit të lidhur edhe me zbatimin e kontratës koncesionare të inceneratorit. “Në bazë të analizës së kostos së shërbimit të pastrimit dhe përpunimit te mbetjeve është evidentuar një diferencë e theksuar mes kostos së shërbimit dhe të ardhurave të arkëtuara për mbulimin e tij. Ky ndryshim është ndikuar kryesisht për shkak të hyrjes në fuqi të kontratës së inceneratorit në vitin 2018 , në bazë të PPP të realizuar nga Qeveria Shqiptare dhe që po zbatohet nga Bashkitë e qarkut të Tiranës.

Gjithashtu një rritje e konsiderueshme vërehet edhe në koston operative vjetore të Bashkisë Tiranë për menaxhimin e këtij shërbimi. Për sa më sipër është vlerësuar e nevojshme rishikimi i nivelit të tarifës për të gjitha kategoritë, në mënyrë që të lehtësohet mbulimi i kostove të cilat janë në rritje cdo vit, pa arritur mbulimin total të saj, dhe në mënyrë të tillë që të mos ketë një rritje të theksuar në barrën fiskale të kategorive duke synuar një shpërndarje të drejtë të kësaj barre në përputhje me impaktin që secila prej këtyre kategorive mbart”, thuhet në relacionin e bashkisë.

Për vitin 2020, bashkia Tiranë pret që të mbledhë gati 2.2 miliardë lekë nga tarifa e pastrimit, me një rritje prej 17% në krahasim me një vit më parë, e argumentuar në relacion kryesisht me rritjen e tarifave./ Monitor

Link i tarifave të vjetra  https://www.tirana.al/uploads/2019/5/20190516094900_vendim-nr59-sistemi-i-taksave-dhe-tarifave-vendore.pdf

Link i tarifave të reja (VKB 158)  https://www.tirana.al/kategoria-e-publikimit/2019

Tarifat e reja të pastrimit

 

LEXO TE PLOTE

Ekonomi

1.15 miliard euro për rindërtim/ Malaj: Kreditë e buta janë borxh që i shtohen ekonomisë shqiptare

Publikuar

-

Nga

Gjatë konferencës së donatorëve të zhvilluar dje në Bruksel, Shqipëria arriti të grumbullojë 1 miliarde e 150 milionë euro për rindërtimin.

Ekspertët kanë kërkuar transparencë për fondet e përfituara në Konferencën e Donatorëve.
Ish ministri i FInancave, Arben Malaj, theksoi se kreditë e buta janë borxh që i shtohen ekonomisë shqiptare. Sipas tij, qeveria duhet që të bëjë publike të gjitha efektet e kredive dhe impaktin që ato mund të kenë në nivelin e borxhit.

“Kushtet e kredisë duhen specifikuar. Qeveria në një peruidhë sa më të afërt duhet të tregojë sa dha çdo vend, sa ishte grant nga secili vend, dhe sa ishte kredi, me çfarë termash është kredia. Qeverisë gjithashtu do i duhet punë e madhe për të bërë përputhjen se ku donatorët kanë preferuar ti japin donacionet e tyre, edhe kjo punë kërkon kohën e saj”, tha Malaj për Abc News.

Edhe eksperti i ekonomisë Adrian Civici shprehet se kreditë e buta nga institucionet financiare dhe nga vendet europiane do të shlyhen nga xhepat e qytetarëve shqiptarë.

LEXO EDHE:  Keni një ide gjeniale biznesi?/ Kompania më e madhe shqiptare ju financon që ta vini në jetë, ja ç’duhet të bëni!

LEXO EDHE:  “E sigurte!”, kompania amerikane certifikon kujdesin e AlbChrome për minatorët në Bulqizë

“Përfshirja e këtyre kredive të buta si pjesë e borxhit duhet të bëhet me vendim parlamenti për tavanin e borxhit. Direkt apo indirekt këto kredi janë borxh publik sepse pavarësisht kohëzgjatjes dhe normave të interesit të ulta pjesa tjetër e menaxhimit nga pikëpamja financiare është ngjashëm me borxhin e shtetit”, thotë Civici.

LEXO TE PLOTE