Connect with Us

Halli më i madh i Lulzim Bashës

Politikë

Halli më i madh i Lulzim Bashës

Publikuar

-

Ditët e fundit, Lulzim Basha harroi lëvizjen “Rama ik”, e harroi kryeministrin. E harroi atë që dukej se ishte problemi më i madh për Bashën, sipas reagimeve të tij dhe mediave pro tij.

Tani, gjithçka ka ndryshuar. Problemi dhe halli më i madh i Lulzim Bashës nuk është Rama. Nuk kemi më “Rama ik”, por halli më i madh i tij në këto momente është diçka tjetër. Duket se është opozita parlamentare dhe partitë e tjera opozitare, si Bindja Demokratike.

Lulzim Basha, që në propozimin e tij në tryezën e mbledhur nga OSBE-ja, në bashkëpunim më Komisionin e reformës Zgjedhore, kushtin e parë kishte që bisedat të bëhen për pazar. Një pazar i garantuar nga ndërkombëtarët, ku palët të ishin Luli me të tijët dhe Rama nga ana tjetër.

Basha nuk pranonte bisedë me faktorë të tjerë politikë në Shqipëri. Nuk pranonte me deputetët që ishin në parlament apo me parti të tjera si Partia e Ballit, Balli Kombëtar Demokrat, e parti të tjera, që kanë qënë dikur aleate të PD-së, ashtu sikundër nuk pranonte të diskutonte me deputetë të vënë në lista prej tij, apo me prani në tryezë të Astrit Patozit dhe opozitës së re.

Lulzim Basha prej muajsh ka një hall. Ai sulmon pambarimisht opozitën e re. Ai ka harruar Edi Ramën, megjithëse tha se do ta rrëzonte dhe nuk do të ulej kurrë në tryezë me të, pa dhënë dorëheqjen si kryeministër.

Tani, thotë se nuk ulet në tryezë me Edi Ramën, nëse së bashku me ta është edhe opozita e re, ajo parlamentare, dhe Bindja Demokratike.

Prandaj, Luli ka një hall dhe halli i tij është të mbajë me tapi Opozitën.

LEXO EDHE:  Basha shpalos programin në Dibër/Çfarë do i ofrojmë shqiptarëve

Por, a ka vend në Europën e qytetëruar, që Opozita të mbahet peng nga një individ i vetëm. Që opozitën e përcakton një forcë e vetme. Jam unë Opozita dhe s’është askush tjetër.

Kjo është vërtetë halli i një qaramani. Ky është vërtetë halli i një të paafti, i cili nuk performon dot, nuk bën dot opozitë dhe nuk qan dot hallet e vërteta të shqiptarëve. Dhe duke e parë se po i dridhën këmbët dhe se shqiptarë, aktorë dhe faktorë të ndryshëm politik mund të marrin në dorë fatet e vendit, duke lënë mënjeanë Bashën, ashtu siç bënë kur dogjën mandatet dhe morën rrugët, tani ai nuk ka më hall Edi Ramën.

Halli më i madh i Lulit, janë ata, opozita parlamentare e cila nuk është në duart e Edi Ramës dhe nuk kontrollohet nga pazaret e Lulzim Bashës, lekët e vjehrrit, të kunatit dhe të pazareve që i vijnë atij vërdallë.

Tani, Luli ka hallin e tij më të madh, opozitën e re, sepse vetë e ka humbur çdo atribut për të qënë një lidër i vërtetë për shqiptarët. Tani është kthyer në pazarxhiun e Edi Ramës dhe duke e ditur se të dy janë në një marrëveshje të vjetër, duhet të rikthehen në ato kushte, por çdo pazar duhet ta bëjë Luli me Ramën dhe asgjë nuk duhet të jetë e hapur në sytë e shqiptarëve dhe nuk duhet të ketë një marrëveshje politike dhe një Kod Zgjedhor në favor të shqiptarëve, por një Pazar të ri Rama-Basha, që mesa duket e pengon “halli i madh”, opozita e re parlamentare dhe Bindja Demokratike./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Jam 77 vjeç dhe e di që nëse virusi më kapë, do vdes. Por ndërkohë shoh sa shumë kam dhe them: Zot, përse më duhen më tepër se dy pjata?”

Publikuar

-

Nga

“Jam 77 vjeç dhe e di që nëse virusi më kapë, do vdes. Por ndërkohë shoh sa shumë kam dhe them: Zot, përse më duhen më tepër se dy pjata?”

Mbi pandeminë dhe frikën/ Nga Isabel Allende

Meqenëse Paula (vajza ime) vdiq 27 vjet më parë, unë kam humbur frikën e vdekjes. Para së gjithash, sepse e pashë të vdiste në krahët e mi dhe e kuptova që vdekja është si lindja, është një tranzicion, një prag dhe kam humbur frikën e saj personalisht.

Tani, nëse virusi më kap, unë i përkas popullatës më të rrezikuar, të moshuarve, unë jam 77 vjeç dhe e di që nëse e marr, do të vdes. Kështu që mundësia e vdekjes është shumë e qartë për mua tani, e shoh atë me kuriozitet dhe pa frikë.

Ajo që më ka mësuar pandemia është të kuptoj se sa pak më duhen. Nuk kam nevojë për të blerë, nuk kam nevojë për më shumë rroba, nuk kam nevojë të shkoj diku apo të udhëtoj. Unë mendoj se kam shumë. Shikoj përreth në shtëpi dhe pyes veten përse.më duhen të gjitha këto. Pse më duhen më shumë se dy pjata?

Po zbuloj se kush janë miqtë e vërtetë dhe njerëzit me të cilët dua të jem.
Virusi po na mëson përparësitë dhe na tregon një realitet. Realiteti i pabarazisë. Si disa njerëz e kalojnë pandeminë në një jaht në Karaibe dhe njerëz të tjerë vdesin nga uria deri në vdekje.

Ai gjithashtu na mësoi që ne jemi një familje. Dmth ajo që ndodh me një qenie njerëzore në Wuhan, ndodh me planetin, ndodh për të gjithë ne.



LEXO EDHE:  Deklarata tronditëse/ Shqipëria, parajsë për kriminelët

Nuk ka më asnjë ide të tillë fisnore që ne jemi të ndarë dhe se ne mund të mbrojmë grupin ku bëjmë pjesë ndërsa pjesa tjetër e njerëzve nuk na intereson. Nuk ka mure, nuk ka mure që mund të veçojnë njerëzit.

LEXO EDHE:  Patozi: Analiza në degët e PD, një farsë

Krijuesit, artistët, shkencëtarët, të gjithë të rinjtë, shumë gra, po e konsiderojnë një normë të re. Ata nuk duan të kthehen në atë që ishte normale.
Ata pyesin veten se çfarë botë duam.

Kjo është pyetja më e rëndësishme tani.
Kjo ëndërr e një bote tjetër: ne duhet të shkojmë atje.

Dhe unë reflektoj: në një moment të caktuar kuptova se njeriu hyn në botë për të humbur gjithçka. Sa më gjatë të jetoni, aq më shumë humbni. Në radhë të parë, ju po humbni prindërit tuaj, ndonjëherë njerëz shumë të dashur përreth jush, kafshët shtëpiake, vendet dhe madje edhe fakultetet tuaja.

Ju nuk mund të jetoni në frikë, sepse kjo ju bën të imagjinoni gjëra që nuk ndodhin dhe vuani dy herë më shumë.
Ne duhet të pushojmë pak, të përpiqemi të shijojmë atë që kemi dhe të jetojmë të tashmen”.

LEXO TE PLOTE

Politikë

Denoncon ish-deputeti/ Bizneset në qarkun e Korçës mbyllin qepenat

Publikuar

-

Nga

Denoncon ish-deputeti/ Bizneset në qarkun e Korçës mbyllin qepenat

“Bizneset në qarkun e Korçës mbyllin qepenat”. Kështu deklaron ish-deputeti Endrit Braimllari, teksa denoncon se të rinjtë po mbesin të pa shpresë dhe pa punë.

Sipas tij, qindra dhe mijëra biznese në qarkun e Korçës janë mbyllur për shkak të keqqeverisjes dhe mungesës së menaxhimit të pandemisë.



“Sot qytetarët në qarkun e Korçës janë më të varfër se kurrë, të zhytur në varfëri ekstreme, të papunë dhe të pa shpresë. Të rinjtë dhe të rejat e kanë lënë vendin si kurrë më parë. Shpresa e tyre e vetme është puna sezonale në Maqedoninë e Veriut dhe Greqi edhe pse vendi ynë ka resurse të jashtëzakonshme.

LEXO EDHE:  PD sulmon gazetën Shqip/ Shtrembëron deklaratat e Bashës

LEXO EDHE:  Eduart Ndocaj për Metën dhe Bashën/ Prapë këta???

Ne po vuajmë pasojat e një qeverisje klienteliste dhe korruptive të Edi Ramës. Kjo qeveri nuk i krijoi kushte të rinjve për tu punësuar dhe jetuar në vend. Shkatërroi bujqësinë dhe falimentoi biznesin e mesëm dhe të vogël. Lëvizja Socialiste për Integrim ka një plan të qartë për të krijuar mundësi punësimi. Duke hapur vende të reja pune, duke investuar në bujqësi dhe duke krijuar një klimë pozitive për biznesin e mesëm dhe të vogël për t’i dhënë frymëmarrje ekonomisë”, shkruan Braimllari në rrjetet sociale krahas disa fotove të bizneseve të mbyllura./ CNA.al

LEXO TE PLOTE

Politikë

“Gjysma e shqiptarëve në pamundësi për pushime”/ Basha: Të merren masa për daljen nga kriza

Publikuar

-

Nga

“Gjysma e shqiptarëve s’mund të shkojnë me pushime”/ Basha: Të merren masa për daljen nga kriza

Kryetari i Republikës së Re Lulzim Basha, ka ngritur sërish akuza ndaj qeverisë, për situatën ekonomike në vend.

Ndërkohë që ndodhemi në sezon veror, Basha deklaron se më shumë se gjysma e shqiptarëve e kanë të pamundur të pushojnë me fëmijët e tyre pas disa muajsh shumë të vështirë.

Ai thotë se turizmi është goditur rëndë nga pandemia dhe tërmeti i 26 nëntorit, ndërsa thekson se duhen marrë masa konkrete për daljen nga kriza.

“Ndonëse përbën 22% të ekonomisë shqiptare, turizmi është sot dega më e goditur nga kriza dhe pandemia. 100 mijë punonjës në këtë sektor dhe mbi 200 mijë të tjerë të lidhur me të, rrezikojnë punën dhe mbijetesën e tyre dhe të familjeve. Si pasojë e dritëshkurtësisë së qeverisë Rama dhe premtimeve të pambajtura për t’i ardhur në ndihmë, këtë verë turizmi shqiptar gjendet në ditën e tij më të keqe.



Propozimet tona për daljen nga kriza, e kanë turizmin prioritet që duhet mbështetur me likuiditete të mjaftueshme për të qenë në funksion të plotë. Një qeveri e përgjegjshme duhet të subvenciononte konsumin e qytetarëve dhe të injektonte para përmes masave konkrete mbështetëse.

LEXO EDHE:  Patozi: Analiza në degët e PD, një farsë

LEXO EDHE:  “Boll më poshtërimit tuaj”/ Vasili mesazh të fortë gazetarëve

Shqiptarët, por edhe bizneset turistike kanë nevojë për masa dhe ndihmë konkrete që të kenë mundësi të çojnë fëmijët në plazhe apo male, dhe që biznesi i turizmit të funksionojë. Industria turistike nuk mund të ecë përpara me video propagande të plazheve që sot janë thuajse të boshatisur. Premtimet boshe mbeten vetëm fjalë dhe propagandë nga e cila nuk përfiton askush.

PD po punon me ekspertët më të mirë për një plan ekonomik që do t’i vijë në ndihmë turizmit dhe gjithë ekonomisë. Ne do t’i japim fund favorizimeve fiskale për 5 individë, ndërkohë që mbi 95% e operatorëve të tregut rrezikojnë falimentimin. Të gjithë qytetarët kanë të drejtë të shijojnë bukuritë natyrore, plazhet dhe pasuritë e tjera të Shqipërisë. Me resurset e saj turistike, Shqipëria ka nevojë dhe do të ketë një qeveri të përgjegjshme dhe serioze, me plan konkret zhvillimi që do të rrisë numrin e të punësuarve dhe do t’i kthejë frymëmarrjen ekonomisë dhe gjithë vendit”, shkruan kreu i opozitës./ CNA.al

LEXO TE PLOTE