Connect with Us

Afganët guxojnë të votojnë

Bota

Afganët guxojnë të votojnë

Publikuar

-

Për të katërtën herë që nga viti 2001, në Afganistan votohet për zgjedhjen e presidentit të vendit. Sërish talibanët duan t’i pengojnë votimet me dhunë brutale.

Në Afghanistan kanë filluar zgjedhjet për presidentin e vendit. Ky është votimi i katërt në vendin me 35 milionë banorë, që nga rrëzimi i talibanëve në vitin 2001, dhe i dyti që organizohet e sigurohet tërësisht nga afganët.

Dy të vdekur, të paktën 17 të plagosur

Pamjet në mediat sociale tregojnë njerëz që presin para lokaleve apo votojnë në disa provinca. Më shumë se 72.000 ushtarë, policë dhe punonjës të shërbimit sekret sigurojnë votimet. Për shkak të gjendjes së vështirë të sigurisë, afër një e treta e qendrave zgjedhore nuk janë hapur. Talibanët radikalë islamistë kanë bërë të ditur, se do ta pengojnë votimin me sulme. Ndërkohë është kryer një sulm në një lokal zgjedhor në Surhrod në lindje të provincës Nangarhar, ku si pasojë ka vdekur të paktën një person dhe janë plagosur tre të tjerë.  Ndërsa në një atentat në Kundus u vra një vëzhgues zgjedhor nga një raketë në afërsi të një lokali zgjedhor dhe të paktën 13 vetë janë plagosur. Një polic në Kandahar pësoi lëndime, kur shpërtheu një bombë e fshehur në një megafon në xhami, që shërbente si lokal zgjedhor.

Rrezik i lartë sigurie për votuesit

Në zgjedhjet presidenciale garojnë 18 kandidatë, katër prej tyre e kanë tërhequr ndërkohë kandidaturën. Shanset për fitore i ka presidenti aktual, Ashraf Ghani dhe kreu i qeverisë së tij, Abdullah Abdullah. Ghani falënderoi të shtunën qytetarët afganë që shkojnë të votojnë. Sipas analistëve në Afganistan ka 13,5 milionë votues, më shumë se 9,6 milionë janë të regjistruar në zgjedhje, por për shkak të gjendjes së rrezikshme të sigurisë në votime pritet të dalin vetëm 1,5 milionë vetë, thonë ekspertët./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Mbytja e varkës me 50 refugjatë klandestinë/ Arrestohen tre persona

Publikuar

-

Nga

Policia greke tha se arrestoi tre persona të cilët dyshohet se janë organizatorët e trafikut të disa dhjetëra emigrantëve që synonin të kalonin nga Greqia drejt Italisë.

Varka me të cilën ata udhëtonin u mbyt të shtunën 13 milje detare në jug-perëndim të ishullit të Paksos, afër Korfuzit. Sipas rojës bregdetare greke, 12 persona humbën jetën, 21 u shpëtuan, ndërsa 14-20 persona të tjerë rezultojnë të humbur në det.

Roja bregdetare greke, raporton korespondenti i radios amerikane VOA, tha të martën se operacionet e kërkim shpetimit nuk kishin dhënë rezultate, për gjetjen e migrantëve të tjerë të humbur në det. Sipas autoritetit portual në Prevezë, nga hetimet paraprake rezulton se tre të arrestuarit, si të dyshuar për trafikun, janë shtetas afganë dhe ndodheshin mes personave që i mbijetuan incidentit.

Dhjetëra emigrantë të huaj pasi hyjnë nga kufiri turk në Greqi synojnë të kalojnë drejt vendeve europiane përmes hapësirës detare me Italinë dhe “rrugës ballkanike” që kalon tranzit nga Shqipëria.

LEXO EDHE:  Vijon votimi në 8 Qendra Votimi të bllokuara në Devoll

LEXO EDHE:  Shqipëria një gjysëm Afganistan me "Khanët" ministra

Autoritetet kufitare shqiptare ndeshin pothuajse çdo ditë raste në zonën e Korçës dhe të Gjirokastrës, ku emigrantë të parregullt që hyjnë nga Greqia synojnë të udhëtojnë kryesiht drejt Malit të Zi me destinacion final vendet europiane.

LEXO TE PLOTE

Kosova & Rajoni

Arrestohen dy shtetas rusë për kalim të paligjshëm të kufirit të Kosovës

Publikuar

-

Nga

Prokuroria Themelore në Mitrovicë ngriti të martën aktakuzë ndaj dy shtetasve rus, të cilët u kapën nga policia e Kosovës gjatë një përpjekjeje për të hyrë nga Serbia në Kosovë, në rrugë të paligjshme.

Sipas policisë, raporton korespondenti i radios amerikane VOA në Kosovë, dy shtetasit rus kishin provuar të hyjnë në Kosovë nëpërmjet vendkalimit kufitare në Jarinjë në veriun e vendit, por ishin kthyer prapa në mungesë të vizës.

Më pas, Igor Krasikov dhe Marina Krasikova, ishin futur në Kosovë nëpërmjet një rruge anësore me një makinë që mbante targa regjistrimi të qytetit të Cetinës në Malin e Zi. Ata janë arrestuar nga një patrullë e policisë e cila ka konfiskuar makinën e marrë me qira në Mal të Zi

Valon Preteni nga Prokuroria Themelore në Mitrovicë i tha Zërit të Amerikës se “të dyshuarit E.K dhe M.K., gjenden në paraburgim që nga dita e hënë me datën 13 janar”.

LEXO EDHE:  Shqipëria një gjysëm Afganistan me “Khanët” ministra

LEXO EDHE:  Ministrja e Mbrojtjes: FA do të angazhohen në mision paqeruajtës në Afganistan

“Aktakuza është ngritur për veprën penale kalimi i paautorizuar i vendkalimeve kufitare ose i vijës kufitare “, tha zoti Preteni.

LEXO TE PLOTE

Bota

Plan për sulm të fuqishëm në Gjermani/ Kapen islamikët e dyshuar

Publikuar

-

Nga

Policia gjermane ka arrestuar disa të dyshuar islamikë mëngjesin e kësaj të marte.
Prokurorët e Berlinit thanë se ata ishin të dyshuar për komplotin e një sulmi në Gjermani.

“Me dyshimin për planifikimin e një akti të dhunshëm serioz që rrezikon shtetin, urdhër-arreste janë duke u ekzekutuar në Berlin, Brandenburg, North Rhine-Ëestphalia dhe Thuringia,” shkruan zyra e Prokurorit të Përgjithshëm në Tëitter.

Pak më vonë, ata shtuan se sulmet ishin në shënjestër të të dyshuarve me origjinë çeçene për skenën islamiste.

Policia e Berlinit konfirmoi se militantët e dyshuar ishin me origjinë çeçene të moshës 23 dhe 28 vjeç.
Ata akuzohen se kanë krijuar vende për një sulm të mundshëm të motivuar nga Islami.
Hetuesit theksuan se ende nuk kishte “ndonjë rrezik konkret të një sulmi”, bazuar në informacionin aktual. Gjatë bastisjes në të katër shtetet e ndryshme, u konfiskuan para, disqe të fortë dhe thika.
Autoritetet kanë qenë në gatishmëri të lartë në Gjermani, e cila vitet e fundit ka pësuar një numër të madh sulmesh.

Më i rëndi nga këto ka qenë ai i në dhjetor 2016, kur një kamion u zhyt në turmat në një treg Krishtlindjesh në Berlin, duke lënë 12 të vdekur.

LEXO EDHE:  Votime në Itali/ Disa rajone kërkojnë autonomi nga Roma

LEXO EDHE:  Vritet kreu i ISIS ne Afganistan nga sulmi ajror

Që atëherë, autoritetet gjermane thuhet se kanë ndaluar nëntë sulme të tjera që besohet se kishin motive radikale islamiste.

Kohët e fundit, tre burra u arrestuan në qytetin perëndimor të Offenbach në nëntor të vitit të kaluar me dyshimin se kishin planifikuar një sulm me bomba./CNA.al

LEXO TE PLOTE