Connect with Us

“STOP”/ Qytetari denoncon korrupsionin në Vlorë, të përfshirë sekser-avokat-prokuror

Denoncim

“STOP”/ Qytetari denoncon korrupsionin në Vlorë, të përfshirë sekser-avokat-prokuror

Publikuar

-

Një qytetar nga Vlora ka denoncuar në emisionin “Stop” në Tv Klan se si vëllai i tij ra pre e një skeme mashtrimi ku janë të përfshirë sekser, avokat e prokuror. Fatjon Imamaj tregon historinë e vëllait. Ky i fundit, për shkak se ka marrë espuls, e ka të pamundur kalimin e kufirit. Meqënëse bashkëshorten dhe fëmijët i ka në Francë, ai ishte i detyruar të kalonte ilegalisht kufirin për të shkuar tek familja. Kështu, përmes një sekseri të quajtur Detjon Qerivani, pagoi 250 Euro të kalonte nga Porti i Vlorës. Sekseri Qerivani i tha se do të përdorte pasaportën e një kushëriri të tij që ka mbiemër të njëjtë me të, por fotografi të ndryshme?! Sigurisht që kjo skemë nuk funksionoi. Qytetari u arrestua menjëherë në Portin e Vlorës për kalim të paligjshëm të kufirit.

Vëllai i tij, Fatjon Imami thotë se e gjitha ishte një skemë mashtrimi nga sekseri Detjon Qerivani.

Fatjon Imamaj: Me pak fjalë doja të denoncoja problemin e vëllait tim, sepse ai nuk është në gjendje psikologjike sepse ka kaluar shumë. Edhe e fundit, që donte të ikte jashtë shtetit në Francë tek gruaja dhe fëmijët, por është me problem me espulsin, nuk mund të kalojë legalisht dhe ra pre e një mashtrimi të një mashtruesi këtej nga Vlora, Detjon Qerivani. I premtoi se do ta kalonte nga Porti i Vlorës duke i kërkuar 250 Euro me pretendimin se do t’ia jepte policit në port. Gjë që nuk ishte e vërtetë. Vete vëllai në port, e arrestojnë e fusin në burg.

Mirëpo, pjesë e zinxhirit mashtrues janë edhe avokati e prokurori. Pas arrestimit të qytetarit, avokat i tij bëhet Arjan Zyka, të cilin e kishte zgjedhur vetë sekseri Qerivani. Avokati Zyka kërkoi 500 Euro me pretendimin se do ta nxirrte qytetarin nga burgu. Më pas kërkoi edhe 500 Euro të tjera për prokurorin, që ky i fundit të mos ngrinte akuzat. Vëllai i Fatjon Imamajt doli nga burgu dhe u dënua me gjobë. Tani duhet që të paguajë edhe 1 milionë Lekë të tjera, përpos ryshfetit që ka dhënë për sekserin, avokatin dhe prokurorin.

Fatjon Imamaj: U arrestua, unë isha i detyruar të zija një avokat sepse kështu e do ligji. Avokatin në fakt e kishte zgjedhur Detjon Qerivani. Kam folur me të, sa të bën puna jote. Më ka thënë dua 500 Euro që ta nxjerr nga burgu pa asnjë lloj dënimi, pa asnjë masë sigurie. Dakord, u detyrova ja dhashë. Më pas tha dua dhe 500 Euro për prokurorin e çështjes, avokati Arjan Zyka. U detyrova dhe ato i morëm borxh që ja dhamë. Vëllai doli nga burgu sepse ishte i pafajshëm, thjesht kalim i paligjshëm i kufirit shtetëror, vetëm me gjobë. Tani i ka ardhur dhe një gjobë tjetër që duhet të paguajë 1 milion Lekë, plus këtyre që i mori vëllai, më mori mua, unë pagesën e avokatit, të prokurorit, plus kësaj edhe një gjobë 1 milion Lekë që tani nuk di më nga të kërkojmë borxh. Unë kërkoj vetëm demaskimin e këtyre personave të pafytyrë që na sollën një mijë e një të zeza.

Fatjon Imamaj thotë se për të gjithë këtë histori kanë bërë kallëzim dhe kërkojnë të zbardhet skema e mashtrimit. Por, në polici nuk i japin asnjë informacion në cilën fazë është hetimi, dhe më e rëndësishmja, nuk i tregojnë kush është prokurori.

Fatjon Imamaj: Kemi bërë dhe kallëzim tek krimi ekonomik. Nuk na japin as shpjegim që kush është prokurori i kësaj çështje, kush e ka marrë këtë dosje në dorë. Shkojmë interesohemi dhe nuk na pranon njeri.

Fatjon Imamaj-Vëlla jam Fatjon Imamaj, kemi bërë kallzim në polici para 3 muajsh dhe nuk dimë akoma, se kush është prokurori i cështjes.

Punonjësja Prokuroria Vlorë-Ndaj kujt e keni bërë ?

Fatjon Imamaj- Ndaj një mashtruesi, Detjon Qerivani nga Babica. Është në hetim? Po mirë! A mund ta di, kush është prokurori, se unë kam prova të reja për të dorëzuar.

Punonjësja Prokuroria Vlorë- Këtë informacion, që kërkon, nuk e kam…

Fatjon Imamaj u takua edhe me avokatin Arjan Zyka, por kësaj radhe gjithçka është filmuar nga kamera e fshehtë.

Fatjon Imamaj– O Arjan! Po dy minuta o vëlla? E, se u bëra dhe unë bajat fare! Çfarë ke bërë? Fole me atë?

Avokati Arjan Zyka-Po fola! E ke njëcikë të vështirë, për të ndryshuar atë…

Fatjon Imamaj– Po ti fol me prokurorin, t’i ndajmë gjysëm për gjysëm?

Avokati Arjan Zyka– Me kë prokuror?

Fatjon Imamaj– Ai, që mori lekët.

Avokati Arjan Zyka– Çfarë thua ti? Kush të ka marrë lekë? Je në vete? Shshsh…, kush mori lekë nga ata?

LEXO EDHE:  Studentët akuza për vjedhje dhe abuzime/ Hije skandali në Universitetin e Korçës

Fatjon Imamaj– Pse mo, burrë? S’ja ke dhënë prokurorit ti? Prandaj i ka bërë t’gjitha këto ai? O Arjan! Të më thoje atje, hajde t’i paguaj gjysëm për gjysëm dhe të mbaroj edhe unë punën time…

Avokati Arjan Zyka– Ore! Je në vete ti?

Fatjon Imamaj– Ore, ta kam thënë 1000 herë: mua ajo më duhet me se s’bën! Më duhet ore, se do hapet gjyq me atë, e dua atje në gjykatë.

Avokati Arjan Zyka- Do vete unë në gjykatë…

Fatjon Imamaj- Po e duan me fakte! Më kupton…?

Avokati Arjan Zyka– Do vete unë. Le të më thërrasë mua!Le të më thërrasë mua në gjyq! Do ta pranoj unë. Mos më zer mua emra pa lidhje, ik se flasim tutje.

Në kurthin e kamerës së fshehtë të Stop ra dhe sekseri Fatjon Imamaj, i cili gjatë bisedës me denoncuesin Fatjon Imamaj pranon që oficeri i policisë gjyqësore ka marrë 500 Euro.

Fatjon Imamaj – Tani atë muhabetin tonë, si do e zgjidhim?

Sekseri Detjon Qerivani– Unë prandaj ju thashë atë ditë: hajde ulemi atje!

Fatjon Imamaj – Atë ditë, ishte atë ditë … ishte i nervozuar…

Sekseri Detjon Qerivani– Gjithsesi! Tani më dëgjo mua! Mirë bëri! I thashë gjë unë? Erdhi edhe njëherë tjetër me një njeriun e tij, filloi gër- gër dhe iku. Nesër në mëngjes hajdeni të dy do ulemi tek 6-katëshi dhe do flasim!

Fatjon Imamaj – Dëgjo, dëgjo! Se unë prandaj erdha kastile, që të llafosemi dy minuta. Tani ato lekët, kujt ia ke dhënë? Drejt muhabeti, që të shkojmë t’ia marrim atij. Nuk po t’i kërkon njeri ty. Thjesht t’ia marrim atij!

Sekseri Detjon Qerivani- Dëgjo! Unë prandaj ju thashë atë ditë…

Fatjon Imamaj – Lekë kam paguar unë nga xhepi. Avokat e prokurorëëë…

Sekseri Detjon Qerivani– Unë s’i kam dhënë avokatit, se ju shqetësoheni, që i kam dhënë avokatit lekë.

Fatjon Imamaj – Po kujt ia dhe mo vëlla 500 euro? I q…..nënën, se është turpi i botës!

Sekseri Detjon Qerivani- Nesër në mëngjes, kur të ulemi të pimë kafe, do e gjej unë atë, që i ka marrë lekët, do të t’i japë ty në vënd atje. Po ju nuk më latë mua, që të sqaroheshim…

Fatjon Imamaj – O vëlla! E ke idenë, se sa janë paguar, për të dalë ai nga burgu?

Sekseri Detjon Qerivani– Unë e di, sa janë paguar. 1500 euro, aq sa të thashë unë janë paguar. Po ju erdhët pa lidhje. Më futët mua atje. A e kupton, që mua, sot për sot, nuk ka çfarë më bën asnjeri?!

Fatjon Imamaj – S’kanë çfarë të bëjnë ty, sepse s’kanë fakte. Me të drejtë, nuk punove. Se tani, 500 Euro m’i more mua në makinë. The, që do t’ia jap oficerit të policisë gjyqësore.

Sekseri Detjon Qerivani– Shshshs…, po n.q.s, ai i ka marrë dhe të thotë ty…

Fatjon Imamaj – Ka marrë oficeri i policisë gjyqësore 500 euro?

Sekseri Detjon Qerivani- Po ore, po, po… edhe Arjani e dinte këtë muhabet, sepse unë i thashë është filani fistëku dhe mos e lëviz më tutje! Dakord foli dhe me oficerin atje!

Fatjon Imamaj – Ai nuk po më lëshon kupon tatimor, që ka marrë 1000. Duhet kuponi!

Sekseri Detjon Qerivani– Po nuk e jep ai kuponin, se ju vajtët, i bëtë denoncim atij. Si do e japi ai? Ti e ha atë patate? Unë s’e ha, as ai s’e ha.

Fatjon Imamaj – S’i kemi bërë denoncim ne atij. S’i kemi bërë asnjëherë denoncim ne atij…

Sekseri Detjon Qerivani– I keni bërë, qysh jo…?!

Fatjon Imamaj– Kujt mo?

Sekseri Detjon Qerivani– Arjanit tonë…?

Fatjon Imamaj– Arjanit?

Sekseri Detjon Qerivani-Po jam takuar unë me oficerin e policisë, që kishit vajtur yt vëlla, që e kishte takuar.

Fatjon Imamaj– Jo, o shoku! Dha deklaratë Arjani në polici, që nga ne ka marrë 1000 euro.

Sekseri Detjon Qerivani-Dëgjo njëcikë këtë burrin këtu! Çimin,(OPGJ) që keni takuar juve, unë e kam në Tiranë. Kam punuar 5 vite tek Presidenti unë dhe unë e kam shok Çimin. Sa kishit ik juve, më mori mua më tha: këtu- këtu muhabeti. Nuk ke, cfarë bën! Nuk është kështu muhabeti, i thashë unë. As unë nuk e nxjerr atë botin tjetër! Ti s’duhet ta njohësh fare atë!

Fatjoni Imamaj tregon se u detyrua që skemën e korrupsionit ta zbardhë përmes emisionit “Stop”, pasi policia dhe prokuroria e Vlorës nuk po bëjnë asgjë lidhur me denoncimin e tij. /tvklan.al/

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Avokati “korrupton” qytetarin, i kthen gjysmat e lekëve që mori për prokurorin

Publikuar

-

Nga

“Fiks Fare” denoncoi veprimet e një avokati në Peshkopi, i cili ka arritur që të “korruptojë” një qytetar duke i kthyer gjysmat e lekëve që i mori për t’ia dhënë prokurorit.

Megjithatë, ai i ka mbajtur gjysmat e tjera me pretendimin se “të kam mbaruar punë me prokurorin”. Në redaksinë e emisionit investigativ “Fiks Fare” u ankua një qytetar nga Peshkopia, i cili tha se disa javë më parë kishte pasur një konflikt me disa persona, ku pas sherrit përfundoi në prangat e policisë. Madje, ai u shpall në kërkim policor.

“Para se të më arrestonin, takova avokatin Ismail Uka që më kërkoi 1 milionë lekë që të më mbyllej dosja. Lekët i donte për prokurorin që mos të shkoja në gjykatë për masë sigurie” tha qytetari. Më tej shtoi se para avokatit nuk ka dhënë ndonjë prokurë, por vetëm i ka dhënë lekët dhe asgjë tjetër.

“Ky më tha mua thjesht do kap prokurorin që t’i jap lekët të të mbaroj punë. Të më hiqte akuzën, akuza s’më është hequr. Unë me ata miqtë e mi jam pajtu, s’kam pasur as një gjë. Ky avokati mori lekët dhe thotë kam paguajt. Ai s’më erdhi as në polici. Në komisariat qëndrova 1 natë, nga ora 10 deri në mëngjes. Të nesërmen u mbyll çështja. Nuk shkova në gjykatë, as për masë sigurie. S’ishte për tu vajt atje” pohon qytetari, i cili ka një kërkesë që persona të tjerë të mos bien në grackën e këtij avokati.

Pas ankesës, qytetari i shkon në zyrë avokatit. Pa u sqaruar mirë, avokati nxjerr 500 mijë lekë të vjetra dhe ia kthen qytetarit. “Këto që po mbaj s’janë kot. Unë ti ktheva për mirë. Unë e di nëse të kam bërë apo s’të kam bërë punë, se tani je i lirë se ishe në kërkim policor” i thotë avokati. Më tej vijon se “mos të isha marrë me çështjen, ti nuk dilshe prej aty (burgut). Po shko tani se s’mund ti dëftoj krejt llafet ty se s’janë për dëftu. Nuk janë për të tregu krejt llafet, shko tani”.

Ndërkohë, qytetari që nuk ishte i bindur nga fjalët e avokatit, i shkon sërish në zyrë. Kësaj herë, avokati i thotë se “je liruar me urdhër të prokurorit Rifat Kojku. Ai të ka liruar, jo unë”.

***

TAKIMI I PARË ME AVOKATIN

Avokati – Ça bone ti (e takon te dera e zyrës)?

Qytetari – Unë ç’ashtu. Ça bone ti?

Avokati – Gjysmën e lekëve do ti kthej, gjysmën janë puna. Dakord?

Qytetari – Gjysmat e lekëve janë…?!

Avokati – Puna që ashtu…

Qytetari – Këtu janë… pa ba asnjë gja

Avokati – Tani asnjë gja unë nuk…

Qytetari – E mirë a ok!

Avokati – Dakord? Erdhën porositë, erdhi …, erdhe ti. U mora me atë punë, shkova bisedova. Gjërat i mora për mirë. Tani ti s’do, mos don, bëj çfarë të duash. Këtu ke 500 mijë lekë (i kthen lekët).

Qytetari – 500 mijë?

Avokati – Numëroji. Gjysmën. 1, 2, 3, 4, 5, 6, 7, 8, 9, 10.

Qytetari – Tani ato lekët kujt ja janë, të tujat apo i ka marrë prokurori?

Avokati – Mos u merr me atë punë.

Qytetari – Duhet të merrem unë.

Avokati – Nuk tregohen ato gjëra.

Qytetari – Si s’tregohen?

Avokati – Ato ti ke zënë një avokat, avokati di vetë ça bën.

Qytetari – 500 mijë lekë kot mas koti.

Avokati – Kot s’janë ato. Unë ti ktheva për mirë. Se unë as po prish kontratë pune, lekët s’ti kam vjedh, ke ardh i ke sjell vetë.

Qytetari – Po s’ke bërë punë o Ismail.

Avokati – Një sekondë njëherë. Atë kam bërë s’kam bërë punë, atë s’ma thua ti kam bë s’kam bërë punë. Se je i lirë, ishe në kërkim policor. Tani je i lirë. Dakort?

Qytetari – Po.

Avokati – Shko në punën tënde mik, ta bëra për mik. Se nuk ti kthej më çato lekë, se unë të mora për mik. Se unë nuk po heq dorë nga mbrojtja, po heq ti dorë. Megjithatë unë të kam mik, shko njëherë.

Qytetari – O mik, në rast se ti do me ndejt mik me mua në rregull, në rast se nuk dojshe, unë ta thashë edhe njëherë. Tani, a mund ta di unë…

Avokati – Shko…

LEXO EDHE:  Denoncimi/ 5 mijë euro për një vend pune

LEXO EDHE:  Denoncimi/ 5 mijë euro për një vend pune

Qytetari – Unë du me e dit, këto lekë se unë kam 500 mijë lekë o Ismail.

Avokati – Më ke zënë mu.

Qytetari – 500 mijë lekë pa u ba asnjë gja.

Avokati – Më ke zënë avokat dhe unë u mora me atë çështje.

Qytetari – O zotëri, s’je marrë me çështjen.

Avokati – Edhe njëherë, jam marrë me çështjen o … se mos të isha marrë me çështjen, ti nuk dilshe prej aty (burgut). Po shko tani se s’mund ti dëftoj krejt llafet ty se s’janë për dëftu. Shko tani se kaq po të them. Nuk janë për të tregu krejt llafet, shko tani. E ndahemi me aq.

Qytetari – Unë për ti marrë lekët do ti marr Ismail, këtë ta dish mirë.

Avokati – O mik shko tani se për mik ti dhashë ato lekë, shko tani. E mbaruam atë pjesë, shko tani. Shko…

Qytetari – A i do edhe këto or ti (i drejton 500 mijë lekshin që i ktheu avokati)?

Avokati – Jo nuk i du! Ti thashë vetë për mik.

Qytetari – Mi dhe vetë ëëë?

Avokati – Po, për mik!

Qytetari – Ok. Hajt!

***
TAKIMI I DYTË ME AVOKATIN

Qytetari – Po mirë mo se më ngeli pak hatri mo burrë, si shkoi kjo puna mund të ma sqarosh pak.

Avokati – Ça mund të sqaroj!

Qytetari – Po ma sqaro Ismail.

Avokati – Ça sqarimi do?

Qytetari – Si shkoi se janë 500 mijë lekë or ti.

Avokati – 500 mijë lekë janë që mua më ke zënë avokat deri në momentin e sotshëm.

Qytetari – Or ti zotni, se unë tani po të them edhe një gja. A të mora unë në telefon, a më the ti mos jep detaje. Unë tani po të pyes si njeri. Unë po të them çfarë është ky, se je tu më marrë 500 mijë lekë, edhe ti mua do të më sqarosh.

Avokati – Ja do të sqaroj, mbi bazën e kallëzimit.

Qytetari – Si e kishte (emrin prokurori)?

Avokati – Rifat Kojku.

Qytetari – Ma shkruaj pak me letër.

Avokati – (I shkruan në letër emrin e prokurorit). Këtij i ka ra për ta hetuar çështjen tënde.

Qytetari – Me një fjalë…

Avokati – Ai është prokurori çështjes që ke aty (në letër).

Qytetari – Tani këtë 500 mijë lekëshin e ke mbajt ti këtë?

Avokati – Po, është puna ime.

Qytetari – Që ti s’ke bërë asnjë lloj pune.

Avokati – Kam ba, s’kam ba, je i lirë sot. S’je në kërkim.

Qytetari – Unë s’jam prej teje.

Avokati – Edhe njëherë, unë do të jap urdhrin e kërkimit, edhe urdhrin që ke qenë në kërkim.

Qytetari – Po atë s’ke lidhje ti me këtë gja. Ti pse s’erdhe në polici kur të mora unë? Këtë gja ma shpjegon ti mu.

Avokati – Unë isha në gjyq, të thash mos jep deklarime pa qenë unë aty.

Qytetari – Unë prej teje isha në burg.

Avokati – Edhe njëherë, të kam thënë mos jep deklarime.

Qytetari – Unë prej teje isha në burg.

Avokati – Mos fol more se ishe në kërkim policie. Për policinë ishe në burg.

Qytetari – A të kam avokat personal more?

Avokati – Për policinë ishe në burg. Të shpalli në kërkim, të erdhi te shtëpia të I…, të kapi, të futi brenda. Kur erdhi pastaj puna më të mbajt brenda, kur mori në telefon prokurorin e çështjes i tha jo, do ta ndjekësh në gjendje të lirë.

Qytetari – Edhe më qite ti?

Avokati – Prokurori të ka qit, jo unë. Prokurori!

Qytetari – Cili prokuror?

Avokati – Rifat Kojku.

Qytetari – Rifat Kojku, je i sigurt?

Avokati – Po, 100 %.

Qytetari – 100 %?

Avokati – 200.

Qytetari – S’ka me dal kështu.

Avokati – Unë po të them 100…

Qytetari – S’ka me dal kështu.

Avokati – Ka me dal.

Qytetari – Mos me dal mendohu mirë.

Avokati – Nëse s’del atëherë mbaj unë përgjegjësi.

Qytetari – A do e mbash ti?

Avokati – E mbaj unë. Nëse s’është kshu prokurori i çështjes, do të vish te unë.

Qytetari – Ok.

Avokati – Do të jap unë llogari.

Qytetari – Ja kalofsh mirë.

LEXO TE PLOTE

Denoncim

“Stop” denoncim për avokaten mashtruese të Otrantos/ Si grabiti Natasha Shehu pronën e familjes

Publikuar

-

Nga

Pak ditë më parë emisioni “Stop” transmetoi skandalin e avokates së tragjedisë së Otrantos, Natasha Shehu, duke treguar, sesi kjo e fundit grabiti paratë e të afërmve të viktimave.

Sot motra e saj, Vasilika Shehu, denoncon Natashën dhe thotë se ajo ka grabitur edhe pronën e familjarëve në Sarandë, duke falsifikuar dokumentin e privatizimit të nënës së saj Dede Shehu, e duke e regjistruar në emrin e saj.

Një tjetër denoncim për Natasha Shehun vjen nga Genci Nako, i cili në 2001-shin i ka blerë Natasha Shehut taracën e katit të katërt me perspektivë për katin e 5-të. Genci e investoi katin e 5-të dhe e gëzoi apartamentin deri në 2017-ën.

Pas 16 vjetësh u rishfaq Natasha Shehu dhe me format e saj, arriti të hapte procese gjyqësore për të marrë truallin, por jo apartamentin e shitur. Megjithatë Natasha ka shkallmuar derën e Genci Nakos bashkë me partnerin e saj italian, duke marrë me forcë apartamentin, ndërsa për 3 vjet as prokuroria, as policia e Sarandës, nuk ka ndërhyrë.

LEXO EDHE:  Aksion antiduhan në Vlorë, merren masa administrative

LEXO EDHE:  Luftë mes bandave në Vlorë/ Dy në pranga dhe dy në kërkim

LEXO TE PLOTE

Denoncim

Skandali në STOP-“Është mik i babait, s’më ka kërkuar seks…” / Avokati tenton të ndryshojë dëshminë

Publikuar

-

Nga

Një ditë më parë “Stop”transmetoi dy dëshmi të reja, që implikojnë profesorin e kantos në shkollën e mesme artistike “Jakov Xoxa” në Fier, Agron Bego.

Një djalë tregoi, sesi dy profesorë të shkollës kishin marrëdhënie intime me të njëjtën nxënëse të mitur. Ndërsa një vajzë dëshmoi, sesi e prekte profesor Agroni në mënyrë të papërshtatshme.

Madje ajo tha, se profesor Agroni i kishte rregulluar një nxënëse një kolegut të tij, që quhej Vasil.

Në të njëjtën ditë, që “Stop” transmetonte dy dëshmitë e reja, avokati i profesorit Agron Bego, Niko Bega, është filmuar duke i kërkuar një shokut të vajzës së parë të ngacmuar seksualisht, që ajo të ndryshojë dëshminë.

Ai i thotë se do t’i tregojë vetë se çfarë të dëshmojë, ndërsa shton se duhet të pohojë se po bisedonte në konfidencë, pasi profesori interesohej për mungesat e saj sepse e kishte porosi nga prindërit.

Për këtë skandal kanë reaguar sërish organizatat e shoqërisë civile. CRCA/ECPAT  i kërkon kryeministrit të shkarkojë ministren e arsimit, duke dëgjuar këmbanat e alarmit, që “Stop” transmeton prej ditësh.

Shoku i vajzës-Ça po bën? Si kalove?

Avokati i Agron Begos –Si je?Avokat Niko Bega!

Avokati i Agron Begos-Tani për të hyrë në temë!

Shoku i vajzës-Më thuaj!

Avokati i Agron Begos-Unë jam Avokati i Agron Begos.

Shoku i vajzës-Ëëë… po!

Avokati i Agron Begos-Tani..i vajza, që ka bërë filmimin, ka nxjerrë emrin tënd.

Shoku i vajzës-E kam mikeshë, e kam shoqe.

Avokati i Agron Begos-Ke ndonjë ide, se si mund ta ndihmojmë? Se kam informacion, që ti ke ide kështu… kee…

Shoku i vajzës-Po ç’ide mor burrë?!

Avokati i Agron Begos – Ke fantazi… Atëherë po ta them unë, çfarë mund të përmirësojmë… Nëse XXX … vetëm XXX, jo ti… XXX do vij të deklarojë para oficerit të policisë gjyqësore, ose para një noteri, që shiko unë me Agronin kam marrëdhënie shumë të mira, sepse kanë një, dy, ja them unë, se ca duhet të thotë, një, dy, tre, katër… Dhe këto që ka thënë Agroni, realisht nuk janë kështu siç… Nuk janë kështu kështu siç është interpretuar… Por Agroni m’i ka thënë në këtë kontekst… babai im e ka mik dhe ky ka bërë çmos për mua… Nuk më ka kërkuar afera seksuale… kaq mo kaq… nuk më ka kërkuar afera seksuale dhe këto, që i ka përmendur, i ka përmendur në konfidencë… Kaq mo! Mbyllet historia… Tani ne kemi mundësi t’i zvogëlojmë gjërat. Mua një deklaratë e kësaj dreqit… eeee XXX më mbyll shumë kyçe për Agronin… Kupton? Gjërat zvogëlohen dhe ne kërkojmë pushimin e çështjes. Kupton? Dhe nuk bëhet gjyq fare, nuk vjen asnjeri nga ju më në gjyq… Shiko! Synimi im, qëllimi im është të dali Agroni i pafajshëm. Nuk më interesojnë të tjerat fare… fare o absolutisht! Fol me Avokatin e Agron Begos thuaj, të Agronit, që gjërat mos të zmadhohen, se Avokati i Agron Begos ka në dorë, që t’i grumbullojë gjërat tak në një dorë dhe pap- pap-pap… e kupton? Që mos të përhapen, se po qe se do përhapen gjërat, s’di se ku merr ajo… se kyçi kryesor është XXX.

LEXO EDHE:  Makina përplaset me motoçikletën/ Plagosen rëndë dy persona

LEXO EDHE:  Makina përplaset me motoçikletën/ Plagosen rëndë dy persona

Shoku i vajzës- Po ajo është!

Avokati i Agron Begos-Ajo është autori kryesor. Atëherë, në qoftë se unë i marr një dëshmi XXX, thjesht XXX të thotë, që: Shiko, unë nuk jam në gjendje të mirë psikologjike dhe ashtu e kështu, kaq mbaroi filmi për të gjithë.

Shoku i vajzës – Ça thua, mo burrë?!

Avokati i Agron Begos- Dhe në aspektin… aspektin e etikës, që ka përdorur ato fjalë Agroni, pastaj le të marrë masë shkolla, siç mori në fakt.

Shoku i vajzës- Ça i bënë, ore?

Avokati i Agron Begos –Po e hoqën nga puna.

Shoku i vajzës– E përjashtuan, e hoqën?

Avokati i Agron Begos –Po pra! /tvklan.al

LEXO TE PLOTE