Connect with Us

Video-“Tirana që nuk duam”/ Veliajt i dështon propaganda   

Politikë

Video-“Tirana që nuk duam”/ Veliajt i dështon propaganda   

Publikuar

-

Ka kaluar pak më shumë se një vit, që kryebashkiaku i Tiranës Erion Veliaj doli në media e propagandoi me të madhe, inaugurimin e rrugës Faik Konica, e cila lidh stadiumin “Qemal Stafa” me Fakultetin e Gjeologjisë.

Në gusht të vitit 2018, “djali punëtor”, i Tiranës, sikurse i pëlqen ta quajë veten Veliaj, u shpreh se ndërtimi i kësaj rruge tregon edhe një herë se sa herë që bashkia ndërhyn për të investuar, sjell ndryshim për të gjithë komunitetin.

Por, në fakt ajo që ka ndodhur, është një tjetër dështim i propagandës së Erion Veliajt.

Në redaksinë e CNA.al ka mbërritur sot një video, ku shikohet se rruga e inauguruar nga Veliaj rreth një vit më parë, sot është “pushtuar” nga balta.

LEXO EDHE:  Nga Kastriot Myftaraj/ Erion Veliaj do ta emërtojë bulevardin e ri të Tiranës “George Soros”

Pork a edhe një tjetër detaj. Kjo rrugë është në një ndër zonat me të frekuentuara të Tiranës dhe në një zonë ku banon edhe vetë zv.kryeministri Erion Braçe, por edhe figura të tjera të politikës.

Kur kjo ndodh në një zonë të tillë, imagjinojë çfarë ndodh në periferi të Tiranës. Gjithçka që trumbetohet me kasetat e shpërndara nga Veliaj nëpër redaksitë e televizioneve, në fakt duket të jetë veçse fasadë dhe asgjë më shumë sesa kaq. Dhe kjo rrugë duket të jetë pasqyrim i “Tiranës që nuk duam”./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Zbulohen prapaskenat e ndalimeve në Durrës/ Si Rama po tenton të shpëtojë Dakon

Publikuar

-

Nga

Nënkryetari i PD-së, Edi Paloka ka reaguar pas ndalimeve të disa personave në Durrës, të cilët akuzohet si përgjegjës për tragjedinë e 28 nëntorit.

Në një postim në rrjetet sociale, Paloka shkruan se ajo çfarë po tenton të bëjë kryeministri Rama është të shpëtojë nga përgjegjësia ish-kryebashkiakun e Durrësit, Vangjush Dako.

“Rama e nxorri Gjushin prape “akullore”…!!!

Sipas drejtuesve te policise dhe prokurorise ne Durres ; pas “nje pune intensive, dy javore” u gjenden dhe “fajtoret” e katastrofes. Plot 17 urdher ndalime…
“Fajtoret” rezultokan disa inspektore lagjesh, ndonje “ndertues informal” e me siguri do dalin dhe bojaxhinjte e pallateve!
Gjushit nuk i del emri kurrekund!!!
Ne Durres e di dhe qytetari me i fundit se Vangjush Dako eshte kryepergjegjes per kete situate, jo vetem se ka mbi dhjete vjet qe drejton si kryetar bashkie, por edhe sepse privatisht ka qene i implikuar direkt, me firmen e tij “3D” , ne ndertimin e shumices se pallateve te demtuara.”-shkruan Paloka.

Më tej, Paloka thekson se e gjithë përgjegjësia bie mbi Vangjush Dakon, por sipas tij prokuroria nuk e heton sepse Dako ka mbështetjen direkte të Ramës.

LEXO EDHE:  VIDEO/ Është vetëm 5 vjeç por ka një zë të adhurueshëm

LEXO EDHE:  Veliaj: Do clirojme kinostudion

“Kete fakt e kane denoncuar dhe keto dite me dhjetra qytetare durrsak. Gjushi jepte lejet, Gjushi supervizonte, Gjushi jepte betonin e firmes se tij, Gjushi edhe ndertonte me firmen e tij !
Po pse atehere emri i Gjushit nuk del ne listen e polico-prokurorise se Durresit?!
Shume e thjeshte dhe e qarte per kedo; Gjushi ka mbrojtjen direkte te Rames i cili gjate gjithe kesaj kohe po kujdeset personalisht qe mos preken pergjegjesit e vertete, po si ne gjithe rastet e tjera, te mbyllen skandalet me ca “koka turku” nga rradhet e ushtareve.”-shkruan Paloka.

Sipas Palokës, Rama po kerkon ta nxjerre dhe nje here Gjushin “akullore” dhe kjo ben sens.

“Gjushin deri dje ne Durres e quanin “Bankomati i Rames” ! Ne fakt tanime eshte me prova se Gjushi e ka PAGUAR ( me kuptimin me te pare te fjales) imunitetin e tij, prandaj ne vend qe te ishte ne qeli, eshte rikthyer me urdher te Rames ne zyren e bashkise per te rregulluar “ATO LETRAT”-përfundon postimin e tij, Edi Paloka./ CNA.al

LEXO TE PLOTE

Politikë

Skandali- Bashkia e Durrësit, 42 mijë euro per festa/ Tetova dhuron 25 mijë eurot e dekorit të saj festiv për qytetarët  

Publikuar

-

Nga

Zëdhënësja e Partisë Demokratike, Ina Zhupa deklaron se Bashkia e Durrësit ka vendosur të përdorë 42 mijë euro për zbukurime për festat e fundvitit, ndërkohë që Tetova na dhuroj 25 mije eurot e dekorit te saj festiv per qytetaret e Durresit.

“Standardi rilindas: zbukurojne qytetin e Durresit 42 mije euro per festa, kur njerezit jane akoma rrugeve pa siguri, pa strehim! Nderkohe Tetova na dhuroj 25 mije eurot e dekorit te saj festiv per qytetaret e Durresit!

Mitrovica dhe Tetova vendosen te mos kishin dekor festash kete vit sepse parate e parashikuara per zbukurimin e qyteteve ja kane kaluar Shqiperise per ndihma per te prekurit nga termeti. Tetova dhuroj 25 mije eurot e dedikuara per dekorin festiv.”-shkruan Zhupa, në një postim në rrjetet sociale.

Më tej, Zhupa shkruan se edhe Tirana ka shpenzuar miliona lek për dekor dhe zbukurime.

“Ndersa Tirana qe ka edhe fondin me te madh te shpenzimeve per zbukurimet e festave, por edhe Durresi e Lezha kane shpenzuar milion lek per dekor. Nderkohe qe banoret jane jashte pa strehe, pa ushqime, edhe te pasigurt se cfare do ndodhi me ta. Durresi qyteti edhe me i prekur nga termeti, me humbje tragjike jetesh njerezish harxhon 42 mije euro per dekor zbukurimesh ne qytet.”-thekson Zhupa.

LEXO EDHE:  VIDEO/ Është vetëm 5 vjeç por ka një zë të adhurueshëm

LEXO EDHE:  Demokratët ia thonë në sy Bashës/ Ik ti bashkë me Ramën

Po ashtu, ajo akuzon qeverinë se ka vendosur të lere pa shperblim pensionistet, por nuk heq dorë nga dritat dhe yjet e qyteteve.

“Qeveria eshte e gatshem qe te lere pa shperblim pensionistet qe mezi shtyjne muajin por jo dritat edhe yjet e qyteteve! Sepse per rilindasit e emeruar ne krye te bashkive edhe per qeverine dukja se gjithcka eshte ne rregull eshte me e rendesishme se realiteti i mjerueshem qe po perjetojne shqiptaret!”-shkruan Ina Zhupa.

LEXO TE PLOTE

Politikë

Çuçi informon për procesin e vlerësimit të dëmeve nga tërmeti

Publikuar

-

Nga

Në vijim të punës për adresimin e dëmeve të shkaktuara nga tërmeti i 26 nëntorit, Ministri Bledi Çuçi ka informuar sot në lidhje me ecurinë e deritanishme të procesit të verifikimit dhe vlerësimit të dëmeve në ndërtesat dhe banesat brenda perimetrit të zonës së prekur nga kjo fatkeqësi e natyrës.

Çuçi tha se, ashtu sikurse është bërë e ditur edhe më herët, procesi i vlerësimit të dëmeve është organizuar në dy faza, në përputhje me praktikat standarte ndërkombëtare:

Sipas ministrit, faza e parë është vlerësimi fillestar, ndërsa faza e dytë është vlerësimi i raportit përfundimtar.

Çuçi theksoi se, në fazën e parë, menjëherë pas goditjes fatkeqe të 26 nëntorit, në periudhën 27 nëntor – 7 dhjetor bëmë vlerësimin urgjent dhe fillestar të dëmeve në ndërtesa, ndërsa faza e dytë ka synim kryesor përcaktimin e saktë të dëmeve në banesa dhe përllogaritjen e kostos së këtyre dëmeve.

Deklarata e plotë:

Në vijim të punës për adresimin e dëmeve të shkaktuara nga tërmeti i 26 nëntorit, më lejoni t’ju informoj për ecurinë e deritanishme të procesit të verifikimit dhe vlerësimit të dëmeve në ndërtesat dhe banesat brenda perimetrit të zonës së prekur nga kjo fatkeqësi e natyrës.

Sikurse e kemi bërë më dije edhe më herët, procesin e vlerësimit të dëmeve e kemi organizuar në dy faza, në përputhje me praktikat standarte ndërkombëtare:

FAZA I. – VLERËSIMI FILLESTAR

Në fazën e parë, menjëherë pas goditjes fatkeqe të 26 nëntorit, në periudhën 27 nëntor – 7 dhjetor bëmë vlerësimin urgjent dhe fillestar të dëmeve në ndërtesa.

Ky vlerësim kishte për qëllim përcaktimin e ndërtesave dhe banesave që paraqesin rrezikshmëri, dhe të cilat duhen shembur ose duhen shpallur të pabanueshme përkohësisht, me synim parësor, garantimin e sigurisë së jetës së banorëve.

FAZA II. – VLERËSIMI I RAPORTIT PËRFUNDIMTAR

Ndërkohë, në 8 dhjetor, filluam procesin e vlerësimit të ndërtesave që janë dëmtuar nga tërmeti, për hartimin e Raportit Përfundimtar për Dëmet.

Kjo fazë ka synim kryesor përcaktimin e saktë të dëmeve në banesa dhe përllogaritjen e kostos së këtyre dëmeve.

Për këtë qëllim, të dhënat për vlerësimin e dëmtimeve në ndërtesa, në këtë fazë, janë duke u administruar nëpërmjet një formulari të standardizuar, të përgatitur mbi modelet e Bashkimit Europian, Bankës Botërore dhe Kombeve të Bashkuara, ku mbledhja e përpunimi i të dhënave bëhet në kohë reale në mënyrë eletronike.

LEXO EDHE:  Ja video-ja që tregon mënyrën si u rrëzua avioni gjerman

LEXO EDHE:  VIDEO-Kryebashkiakja e Gjirokastrës sherr me drejtorin e Ujësjellësit/ Ja si e shkarkon nga detyra

Ky formular i unifikuar shërben si instrumenti bazë për mbledhjen e të dhënave të vlerësimit në Aktin e Konstatimit nga Grupi përkatës i Verifikimit.

Sikurse e kemi njoftuar edhe më herët mbi 100 grupe inspektimi kanë verifikuar banesat e dëmtuara nga tërmeti në të gjithë qarket Durrës, Tiranë e Lezhë.

Dhe në përbërje të këtyre grupeve kemi angazhuar rreth 300 inxhinierë, përfshirë edhe ekspertë e konstruktorë të huaj.

Ndërkohë, këtu përkrah meje kemi një Grup Verifikimi të FSHZH-së (Fondit Shqiptar të Zhvillimit), i cili ka 9 grupe në terren dhe ka marrë si detyrë të verifikojë dëmet e tërmetit në Njësinë 5 në Durrës, në të cilën janë 7580 objekte, prej të cilave deri tani, janë verifikuar rreth 2000 ndërtesa.

Çdo grup verifikimi, ashtu sikurse edhe grupi ynë, përbëhet nga minimumi 2 inxhinierë.

Më herët gjatë ditës së sotshme, ky grup ka kryer verifikimin dhe vlerësimin e dëmtimeve të ndërtesës së Ministrisë së Bujqësisë dhe Zhvillimit Rural, ku të dhënat dhe informacioni janë administruar nëpërmjët këtij formulari të standartizuar (Akt Konstatimi: Mbi verifikimin në terren të subjekteve të dëmtuara nga tërmeti i datës 26/11/2019).

Të dhënat e mbledhura në formatin e printuar të formularit janë gati të hidhen në sistemin online të administrimit informacionit për vlerësimin e dëmeve të tërmetit të 26 nëntorit.

Atëherë, ju ftoj të ndjekim në kohë reale hedhjen e të dhënave nëpërmjet pajisjeve tablet në sistemin online.

Atëherë, ky ishte një demonstrim në kohë reale se si funksionon në mënyrë të integruar, të centralizuar dhe sistematike procesi i elektronik i mbledhjes së të dhënave të verifikimit dhe vlerësimit të dëmeve të tërmetit nga grupet e verifikimit në terren dhe qendrës së përpunimit të të dhënave online.

Ngritja e një sistemi të tillë në kohë rekord, vetëm brenda katër ditëve, është një ndihmesë e madhe për ecurinë e procesit të vlerësimit të saktë të dëmeve në banesa dhe përllogaritjen e kostos së këtyre dëmeve.

Këto të dhëna do janë edhe baza e informacionit për hartimin e Raportit Përfundimtar për Dëmet, si një dokument themelor për organizimin e konferencës së donatorëve dhe sigurimin e mbështetjes së partnerëve tanë ndërkombëtarë në procesin e rindërtimit.

 Duke ju faënderuar për vëmendjen, jam i hapur për pyetjet tuaja lidhur më procesin e vlerësimit të dëmeve!

LEXO TE PLOTE